فەستیڤالا چارێ یا هنار و هنگڤینی ل زاخۆ دێ هێتە ئەنجامدان
زاخۆ، دلۆڤان هالۆ:
سەلمان محەمەد، ڕێڤەبەرێ گشتی یێ چاندنێ ل ئیدارەیا سەربخوە یا زاخۆ دیاركر كو ل ژێر درووشمێ (بەرهەمێ ناڤخوە ڕەنج و ڤەڕێژا دەستێ جۆتیار و مێشڤانا یە) ب چاڤدێریا گوهدار شێخۆ، سەرپەرشتێ ئیدارەیا سەربخوە یا زاخۆ، فەستیڤالا چارێ یا هنار و هنگڤینی ل زاخۆ دێ هێتە ئەنجامدان.
ڕێڤەبەرێ گشتی یێ چاندنێ ل ئیدارەیا سەربخوە یا زاخۆ گۆت: «بڕیارە ئەڤ فەستیڤالە ل 26ی ڤێ مەهێ ل گۆڕەپانا پرا دەلال بهێتە ئەنجامدان، فەستیڤال بۆ دەمێ دو ڕۆژان دێ یا بەردەوام بیت، چەندین جۆتیار و مێشڤانێن دەڤەرێ ب بەرهەمێن خوە یێن هنار و هنگڤینی دێ پشكداریێ تێدا كەن».
گۆت ژی: «ئارمانج ژ ئەنجامدانا ڤێ فەستیڤالێ ساخكرن و نیشادانا بەرهەمێن خۆمالی یێن دەڤەرێ یە، ب تایبەت هنار و هنگڤینی، دیسا پشتەڤانیە ل جۆتیار و مێشڤانێن دەڤەرێ، كو ڕێژەیەكا باش یا بەرهەمێن خوە د ڤێ فەستیڤالێ دا بفرۆشن».
