مورتکە بۆ ئەڤرو نیوز – نوچیێن درەو مە ژ خەباتێ سار ناکەن
ئەڤرو نیوز ، نەوزاد هلوری.
شڤێدی چەند دەزگە و مالپەر و پەیجێن سەر ب هندەک لایەنێن سیاسی ڤە وەسا ددەن دیارکرن کو شڤێدی ئاگر بەربویە مالا جەمال مورتکە بەرپرسێ هێزا پاراستنا هەولێر و تەقەکێ زۆر دهێتەکرن ، دڤی واریدا ناڤبری ئەو نوچە رەتکر و دیارکر کو ئەڤ یەک مە ژ کوردایەتیێ و خەباتێ ناراوەستینیت.
رەوەند شوانی بەرپرسێ راگەهاندنا هێزا پاراستنا هەولێر بو ئەڤرو نیوز گۆت: (نوچەیێ سوتنا مال و نڤیسینگەها سوتنا مالا بەرێز جەمال مورتکە و کرنا تەقەی دورە ژ راستیێ و چو راستی بو نینن ، شڤێدی وەکو هەموو شەڤەکا دن یا ئاسایی مورتکە ل مالا خوە پێشوازی ل مێهڤانان کریە ، ئەو ئاگرێ کو ل نێزیک مالا وی هاتیە هەلکرن، ئەو ئاگرێ هندەک پێشمەرگەیان بویە کو پوش و پەلەغێ دەردورێن مال و نڤیسینگەها جەمال مورتکەی د سووتن داکو یا پاڤژبیت)
ژلایەکێ دن ڤە جەمال مورتکە بەرپرسێ هێزا پاراستنا هەولێر بۆ ئەڤرو نیوز گۆت: (نوچەیێ سوتنا مال و نڤیسینگەها خوە رەت دکەم و دزانم ژی ئەڤ یەک ب فیتکا کێ هاتیەکرن و مەرەم ژی ژ بەلاڤکرنا ئەڤان نوچەیان ب تنێ ئاژەوەگێری یە و هندک لایەنێن سیاسی و راگەهاندنێن وان شولێ خوە کریە درە و فتنە ، بەلێ بو هەموان رادگەهینم کو نوچەیێن بڤی رەنگی مە ژ کردایەتی و خەبات و قوربانیدانێ ناراوستینن و باردەوام دێ کوردستان و هەولێر لژێر پاراستنا ئەمن و ئاسایشا پێشمەرگە و جهەتێن دن بیت)
زێدەتر گۆت: (نوکە هەر تشت روونە و خەلکێ کوردستانێ هوشیارە و ب ئەڤان نوچەیان سار نابیت ، بەلێ ئەنجامێ دلخوشکەر ئەوە کو ل داویێ هەر ئەو دێ شەمزار و رسواکەر بن)
دهێتە زانین کو ئەڤ نوچە پشتی راگەهاندنا ژڤانێ ئەنجامدانا ریفراندوم و هەلبژاردنێن سەروکایەتی و پەرلەمانی دهێت.
