هه‌لويستێ ئه‌مريكا ل سه‌ر مانا حه‌شه‌د شه‌عبى ل تله‌عفه‌ر
ئه‌ڤرۆ نيوز:
ل گۆڕ راپۆرتا رۆژناما واڵستریت یا ئەمریکی، ڕکەبەریەکا مەزن و دژوار ل دۆر دیارکرنا وێ ھێزا بکارێ رزگاکرنا قەزا تلعفەرێ رادبیت ھەیە، ھەڤدەم ئەو ھەڤڕکیا سیاسی شەرێ عیراقێ ل گەل چەکدارێن تیرۆری ئالۆزدکەت، نەخسام پشتی داعش تووشی شکەستنەکا مەزن بوو ل ناڤەندا باژێرێ مووسلێ، کو ھەر ئێک ژ لەشکرێ عیراقێ و دەزگەھێن دیتر یێن بەرھنگاربوونا تیرۆرێ و پۆلیسێن فێدرال و حەشدا شەعبی دخوازن سەرکێشیا وی شەری بکەن.
راپَورتا ناڤبری ھەروەسا خوەیاکر، پشتی حەشدا شەعبی ھەموو دەڤەرێن دەوروبەێن تلەعفەرێ دورپێچکرین ھەموو بەرھەڤی و خوزیان دکەت بۆ ژناڤبرنا داعشێ ل تلەعفەرێ، بەلێ حوکمەتا عیراقێ دخویانی داینە کو ئەو شەرێ رزگارکرنا تلەعفەرێ بتنێ بەرپرسیا لەشکرێ عیراقێ یە.
نوکە لەشکرێ عیراقێ مژوویلی رامالینا داعشێ یە ل ناڤەندا مووسلێ، باژێرێ تلەعفەرێ 75 میلان ل ئالیێ رۆژھەلاتێ ڤە ژ مووسلێ دوورە، چەکدارێن تیرۆرستێن ھاتینە دورپێچکرن چو دەلیڤێن رەڤێ بوو نەھێلاینە.
لێ مەترسیا ھەرە مەزن ژ ئالیێ ئەمریکی و تورکیا ڤە ئەوە کو تەھران دڤێت ب رێیا چەکدارێن میلیشیاتێن شیعی کونترۆلا تلەعفەرێ بکەت بۆ ھندێ دەرەرێیا نەخشێ ھاتنا ئیرانێ بەر وەلاتێ سووریا و دەریا سپی بۆ ھنارتنا لەشکر و چەکی مسۆگەر بکەت، دیسان بەر ب لوبانی ڤە بچیت کو بەنگەە و بارەگایێن حزبوللایا لوبنانی لوێرێ چاڤەرێنە.
فەرماندێ ھێزا پەیادەیا ئەمریکی ل عیراقێ جوزێف مارتن دبێژیت، ئەز پێشبینی دکەم لەشکرێ عیراقێ سەرکێشا شەرێ تلەعفەرێ بکەت، زێدەباری وێ گۆت:شیرەتکارێن وەلاتێن ئێکگرتی دێ لوێرێ ھەڤکاربن و ھەروەسا وەلاتێن ئێکگرتی ھاریکاریێ ل گەل رەوت و دەزگەھێن شیعان ناکەن.
ژ ئالیێ بەرپرسێن عیراقێ ڤە ھاتیە رونکرن ژمارا چەکدارێن تیرۆرستێن داعشێ یێن ل ناڤەندا باژێرێ تلەعفەرێ دگەھیتە 1000 ھەتا 1500 چەکداران، چەکدارێن داعشێ ناڤەندا قەزا تلەعفەر وەکی خالا ھەڤگرتنێ دناڤبەرا رەقە و موسلێ دا بکارئینایە.
ژمارەکا کێم ژوان چەکدارێن داعشێ خەلکێ تلەعفەرن و پڕانیا چەکدارێن دیتر بیانی نە و ژوەلاتێن بیانی ھاتینە وێ ناڤەندێ مەشق و راھێنانێن لەشکری کرینە.
ھەتا نوکە ب فەرمی چو ھێزەک نەھایتە راسپاردن بۆ ھێرشکرنا سەر قەزا تلەعفەر، ھەر چەندە بەرپرسێن عیراقێ وەسا رادگەھینن ئەو شەر نێزیک دێ ھێنە ئەنجامدان،ژئالیەکێ دیڤە ھێزێن ھەڤپەیمانان ب سەرکرداتیا ئەمریکی ئەڤە دەمی پتر ژ 8 ھەیڤایە بەردەوان ھێرشێن ئەسمانی چەکدارێن داعشێ ل وێ دەڤەرێ کرینە ئارمانج.
وەلاتێن ئێکگرتیا ئەمریکی دژی پشکداریا حەشدا شەعبی یە د رزگارکرنا تلەعفەرێ دا، ھەروەکی بەرپرسەکێ پلە بلندێ ئەمریکی ئاماژەدایە کونترۆلکرنا باژێرێ تلەعفەرێ پشتی رزگارکرنا وێ ژ دەستێن داعشێ و گۆت: مە نەڤێت چو رەوت و گرۆپێن چەکدارێن شیعی وێ ڤالاھیێ پڕ بکەن.
ھەروەسا عەلی ئەلحلی بێگ، کو ئێک ژوان کەسێن سونی یە یێن پشکدار د پرۆسا دانوستاندنێ ل دۆر کا کێش ھێز بۆ رزگاکرنا تلەعفەرێ دێ ھێتە راسپاردن دبێژیت، ژبەر جھێ ستراتیجیی و گرنگیا باژێرێ تلەعفەر، ھەموو ئالیەکێ سیاسی دڤێت کونترۆلا تلەعفەرێ بکەت.
