خوه كوژه‌كێ داعش هاته ده‌سته‌سه‌كرن
ئه‌ڤرۆ نیوز ، نه‌وزاد هلۆرى:
مه‌غره‌بى یا ئه‌ڤرۆ ل گوندێ خه‌رائیج یا سه‌ر ب ناحیا عه‌یازیه ل قه‌زا ته‌له‌عفه‌ر چه‌كداره‌كێ داعش ڤیا خوه ب هێزێن پێشمه‌رگه‌ى ڤه بته‌قینیت ، به‌لێ ژلایێ هێزێن پێمه‌رگه‌ى ڤه هاته ده‌سته‌سه‌ركرن بێى كو بشێت خوه بته‌قینیت.
دڤى واریدا وه‌لید نوره‌دین ژ هێزا پێشمه‌رگێن كوردستانێ بۆ ئه‌ڤرۆ نیوز گۆت: ( ئه‌ڤرۆ ده‌ردورێن مه‌غره‌ب چه‌كداره‌كێ داعش ڤیا بگه‌هیت سه‌نگه‌رێن پێشمه‌رگه‌ى و خوه ب بته‌قینیت ، به‌لێ سوپاس بو خودێ به‌رى بگه‌هیت سه‌نگه‌رێن پێشمه‌رگه‌ى و خوه ب ته‌قینیت هاته ده‌سته‌سه‌ركرن)
زێده‌تر گۆت: ( هنده‌ك چه‌كدارێن داعش ل ده‌ردورێن ناحیا عه‌یازیه یێن مایى و ل ده‌ڤه‌رێن چیایى خوه ڤه‌شارتینه و ل ده‌لیڤه‌كێ دگه‌رن كو بگه‌هن سوریا به‌لێ دوپات دكه‌ین كو هێزێن پێشمه‌رگه ب چوو ره‌نگان رێكێ ب وان ناده‌ن بگه‌هن سوریا و چاره‌نڤیسێ وان یان كوشتنه یان ده‌سته‌سه‌ركرن)
ژلایه‌كێ دنڤه فه‌ریق جه‌وده‌ت ژ پولیسێن فیدرالیێن عیراقێ بو ئه‌ڤرۆ نیوز گۆت: ( كونترولكرنا ناحیا عه‌یازیه به‌رده‌وامه و ب ئانه‌هیا خودێ ده‌مه‌كێ كورت دێ هه‌موو هێته كونترولكرن)
وه‌لیدى دیاركر ژى كو سپێده‌هیا ئه‌ڤرۆ ژى خوه كوژه‌كێ ب هێزێن پێشمه‌رگه‌ى ڤه ته‌قاند به‌لێ هێزێن پێشمه‌رگه‌ى چوو زیان نه‌بوون ، و هه‌ر ئه‌ڤرۆ هێزێن پێشمه‌رگه‌ى شیان 30 ئافره‌ت و 50 زاروكێن داعش ژى ده‌سته‌سه‌ربكه‌ن