گۆتگۆتك و جڤاكێ مه
كیڤى عارف
پروپاگنده دهێته هژمارتن وهك دیاردهكا بهربهلاڤ د ناڤ كۆمهلگههان دا و بابهتهكێ گرنگه، ههمى مللهت گرنكیێ پێ ددهن، ژ بهر كارتێكرنا وێ یا نێگهتیڤ ل سهر, گۆتگوتك ئێشهكا كهڤن و ڤهگر و بهربهلاڤه د ناڤ جڤاكى ده و سالانه رێژهكا زۆر دبنه قوربانێ ڤێ دیاردێ، ئهڤێن پرۆپاگندا بهلاڤ دكهن چ لایهن یان كهس مهرهم ژێ ههنه ب دیتنا من كارتێكرنا وێ ل سهر جڤاكى، دێ مینیت ل سهر ئاستێ رهوشهنبیرى و جڤاكى، چونكى زۆر تشت ههنه دهێنه گۆتن دهربارهى كهسى یان جڤاكى، ههكو ئهو لایهنێ گۆتكوتك ل سهر دهێتهكرن یێ روشهنبیر بیت، دێ زانیت ههتا چ راده ئهڤێ گۆتگۆتكێ راستى بۆ ههیه، مهرهم ژ پرۆپاگندێ بۆ دو ئهگهران دزڤرینت مهرهما ئێكێ كهساتیهكا باش بوو وى لایهنێ ئهڤ دیارده ل سهر دهێتهكرن، ئانكو پهیداكرنا كهساتیهكا كارزماتیك لێ بهێت یان ژى روویهكێ گهش بۆ لاینهكێ سیاسی، ئاینى، جڤاكى پهیدا دكت مهبهستا دووێ شكاندنا كهسكى یان لایهنهكى یه ژبۆ روخاندن و وێرانكرنا دوست و كهسێن وى كهسى یان وى لایهنى، لهشكرێ هیتلهرى مهرهما دووێ د جهنگێ خوه دا دژى دهولهتێن ههڤدژ بكاردئینا كو ب چار تابۆران لهشكرى هێرش دكر و هنهك كهس دهنارتن وێ دهولهتا جهنگ دگهل دكر گۆتگۆتك و پرۆپاگنده بهلاڤدكرن كو ئهلمانیا دبلندترین هێز دایه و مهزنترین لهشكر ههیه و قورسترین چهكا بكاردئینت، فلانه باژێر داگیركریه، فلان دهولهتێ خوهدایه دهستان داكو خهلكێ وێ دهولهتێ ب ترسیت و لهشكرێ وێ بهێته شكاندن و ناڤ ل وان كهسان كربوو تابۆرێ پێنجێ، گۆتگۆتك رهنگه ببته ئهگهرێ ژناڤچوونا كهسهكێ بێ گونهه یان چهند كهسان و ئهگهرێ بهلاڤكرنا وێ جڤاكى، سیاسى، ئابوورى یه و ل دهمێ بهلاڤكرنێ گهلهك زێدههى ل سهر دهێنه زێدهكرن و دناڤ كۆمهلگههێ مهده ئهڤ دیارده یا بهربهلاڤه و ههر زوى جهێ خوه دگرت
كارتێكرنا ڤێ دیاردێ نه تهنها ژ لایێ سیاسى ڤهیه بهلكو گهلهك جاران ژلایێ ئابوورى و جڤاكى ژى ڤه كارتێكرنا خوه ههیه نهمازه د ڤى سهردهمى ده كو هویێن راگههاندنێ و پهیوهندییان پێشكهفتینه و ب چهند خولهكێن كێم تشت دهێته بهلاڤكرن و گهلهك جاران ژى تهختێ زۆردار و ستهمكارا دههژینت ههر ئاخفتنهكا ژ گوهى دهربازدبته مهژى دڤێت مرۆڤ باش شیتهل بكت و بزانت ئهڤ ئاخفتنه ژ چ كهسى هاتى یه و مهرهم ژێ چیه نهچاوا گوهلێبوویه، هۆسا بهلاڤ بكهت، ههروهسا چ كهس نهبت پاله یان (وهسیت) بوو كهسهكى و ب ساناهى تشتێ بڤێت بۆ بهلاڤبكت و چ گومان تێده نینه كو ل كومهلگههێن پێشكهفتى پرۆپاگنده كارتێكرنێ ل سهر ناكت، بهلكو ههر نابت هاریكار ژبۆ بهلاڤكرنێ بهروڤاژى یێن پاشكهفتى ل دووڤ دچن و پێ دهێنه خاپاندن.
