سركرنا ریفراندۆمێ رامانه كو بۆ دانوستاندنێن ل گه‌ل به‌غدا ناهێته بكارئینان
ئه‌ڤرۆ نیوز ، نه‌وزاد هلۆرى:
ئالوزیێن دناڤبه‌را هه‌رێما كوردستان و عیراقێ و گڤاشتنێن نیڤده‌وله‌تى ژ بو راگرتنا وان ئاریشه‌یان بویه سه‌ده‌م كو حكومه‌تا هه‌رێما كوردستانێ نه‌چاربیت ئه‌نجامێن ریفراندۆمێ سر بكه‌ت ، چاڤدێره‌كێ سیاسى دده‌تن دیاركر كو سركرنا ئه‌نجامێن ریفراندۆمێ رامانه كو چوو كار ب ریفراندۆمێ ناهێته‌كرن هه‌تا خوه ژ بو دانوستاندنێن دناڤبه‌را به‌غدا و هه‌ولێر ژى ناهێنه بكارئینان.
سامى ئه‌ترۆشى چاڤدێرێ سیاسى دیاركر كو سركرنا ریفراندۆمێ رامان ئه‌وه كو چوو كار پێ ناهێته‌كرن به‌لكو تنێ دێ ل دیروكێ هێته توماركرن كو گه‌لێ كوردستانێ ریفراندۆم ئه‌نجامدایه و بۆ ئه‌ڤرۆ نیوز گۆت: ( سه‌ره‌راى كو ریفراندۆم مافه‌كێ سرۆشتیێ گه‌لێ كوردستانێ بوویه ، به‌لێ ل گه‌ل هه‌موو كێماسیان ژى دبلوماسیه‌كا كوردستانێ یا سه‌ركه‌فتى نه‌بوویه كو ریفراندۆمێ بكاربینیت بو هه‌ڤسه‌نگیكرنا ده‌ڤه‌رێ و وه‌لاتێن هه‌ڤسو ، دڤیابا سه‌ركرداتیا سیاسیا كوردستانێ بزاڤ كربانه بو رازیكرنا هه‌موو لایه‌نێن هه‌ڤدژ و ده‌وله‌تێن هه‌ڤسو و رایا جیهانى كو ریفراندۆم تشته‌كێ فه‌رمى نینه به‌لكو بتنێ وه‌رگرتنا بوچوونا خه‌لكێ كوردستانێ یه)
زێده‌تر گۆت: ( سه‌ركرداتیا سیاسیا كوردستانێ زور بزاڤكرن كو ئه‌نجامێن ریفراندۆمێ ل گه‌ل به‌غدا بو دانوستاندنان بكاربینیت ، به‌لێ یا سه‌ركه‌فتى نه‌بوویه ، و ئه‌نجام ژى نه‌چاربوو كو سربكه‌ت ، و ئه‌ڤ یه‌ك ژى رامانه كو ریفراندۆم ئێدى بو دانوستاندنێن دناڤبه‌را به‌غدا و هه‌ولێر ناهێته بكارئینان ، و هه‌تاكو حكومه‌ت بكاریت دانوستاندنان بكه‌ت نه‌چاره كو ئه‌نجامێن ریفراندۆمێ سر بكه‌ت و دنهادا ئه‌ڤ یه‌ك پێشنیاره‌ك باشه ب تایبه‌تى ئه‌گه‌ر شه‌ر و ئالوزیێن دناڤبه‌را هێزێن پێشمه‌رگه‌ى و حه‌شد شه‌عبى و ده‌ڤه‌رێن كوردستانیێن ده‌رڤه‌یێن هه‌رێما كوردستانێ بهێنه راگرتن )
ئه‌ترۆشى دیاركر ژى كو ریفراندۆم دێ هه‌ر مینیت كارته‌كا دیرۆكى بو گه‌لێ كوردستانێ و ئه‌گه‌ر دابه‌شكرنه‌ك ل عیراقێ روویدا ل وى ده‌مى دێ هێته بكارئینان و گۆت ژى: ( چوو ده‌م نینن كو داویێ ب سركرنێ بینن و كو جاره‌ك دن كار پێ بهێته‌ڤكرن هه‌تاكو دابه‌شبوون ل ده‌ڤه‌رێ درۆست نه‌بیت ، سركرن دێ بیته سه‌ده‌م كو شه‌ر و ئالوزى بهێنه راگرتن ، به‌لێ پێشمه‌رگه دێ هه‌ر مینیت ل رێكه‌فتا 2014 ، و بابه‌تێن گرێدایى ڤه‌گه‌راندنا خالێن سنوورى و داهاتیێ هه‌رێمێ بو عیراقێ دێ هه‌ر مینیت )