عيراق: ل گه‌ل توركيا د دانوستاندنان داينه بۆ دووباره ره‌وانه‌كرنا په‌ترۆلێ
ئه‌ڤرۆ نيوز:
وه‌زيرێ په‌ترۆلا عيراقێ راگه‌هاند كو نوكه ل گه‌ل حوكمه‌تا توركيا د دانوستاندنان دانه بۆ ده‌سپێكرنا هنارتنا په‌ترۆلا كه‌ركووكێ.
جه‌بار لوعێبى، د داخۆيانيه‌كا رۆژنامه‌ڤانى دا، د چارچۆڤێ ڤه‌كرنا عه‌مباره‌كا تايبه‌ت ب به‌رهه‌مێ په‌ترۆلێ ل كه‌ربه‌لا ئاماژه ب وێ چه‌ندێ كر كو ئه‌وان ل گه‌ل ئه‌نقه‌ره دانوستاندن ده‌سپێكرينه ده‌رباره‌ى هنارتنا په‌ترۆلا زه‌ڤيێن كه‌ركووك، د رێيا به‌نده‌رێ جيهان را، “به‌لێ هه‌تا نوكه نه‌گه‌هشتينه رێكه‌فتنا دووماهيێ”.
هه‌يڤا بۆرى، حوكمه‌تا عيراقێ، وه‌كو قه‌ره‌بوو بۆ په‌ترۆلا زه‌ڤيێن كه‌ركووك، رۆژانه 200 هزار به‌رميلێن په‌ترۆلێ زێده‌تر ژ زه‌ڤيێن په‌ترۆلێ ژ ناڤه‌راست و باشوورێ عيراقێ ره‌وانه كرينه.