جڤاتا وه‌زيرێن عیراقێ پرۆژه‌ قانونا بودجا سالا 2018 په‌سه‌ندكر وپشكا كوردستانێ كێمكر

ئه‌ڤرۆ نیوز، نه‌وزاد هلۆرى:

جڤاتا وه‌زیرێن عیراقێ پرۆژێ بودجا عیراقێ بۆ سالا 2018 په‌سه‌ندكر و پشكا هه‌رێما كوردستانێ ژى ژ 17% بو 12.67% كێمكریه‌.

ل گوره‌ى ئه‌وان پێزانينێن كو ئه‌ڤرۆ نیوز ب ده‌ستخوڤه‌ ئیناین ، جڤاتا وه‌زیرێن عیراقێ پرۆژه‌ قانونا بودجا گشتى یا سالا 2018 په‌سه‌ندكر ب هه‌موو ئه‌وان برگه‌یێن نه‌ ده‌ستوورى ڤه‌ كو دژى به‌رژه‌وه‌ندیێن هه‌رێما كوردستانێ بوون ، ژ وان راكرنا ناڤێ هه‌رێما كوردستان- عیراق و د به‌رامبه‌ر دا پارێزگه‌هێن باكوورێ كوردستانێ هاتیه‌ بكارئینان، كو ئه‌ڤ یه‌ك ژى سه‌رپێچیه‌ ل سه‌ر مادێن 117 و 121 ژده‌ستوورێ عیراقێ.

پشكا هه‌رێما كوردستانێ ژ بۆدجا گشتي يا عيراقێ ژ 17% بۆ 12.67% هاتیه‌ كێمكرن،هه‌ڤده‌م سه‌روك وه‌زیرێن عیراقێ (حه‌یده‌ر عه‌بادى) ژى هاتیه‌ سه‌رپشككرن بۆ بلندكر و كێمكرنا پشكا بودجا هه‌رێما كوردستانێ.

کۆمێنتا تە