ئيرانێ ژ به‌ر ڤى ئه‌گه‌رێ ڤه‌كرنا ده‌رگه‌هێ په‌روێزخان پاشخست
ئه‌ڤرۆ نيوز:
هه‌ر چه‌نده بڕيار بوو ئه‌ڤرۆ رۆژا دوشه‌مبى 6ى چريا دويێ 2017 ده‌رگه‌هێ سنورى يێ په‌روێزخانێ نێڤده‌وله‌تى د ناڤبه‌را هه‌رێما كوردستانێ و كۆمارا ئيرانێ دا ب ره‌نگه‌كێ فه‌رمى بهێته ڤه‌كرن، به‌لێ ژ ئه‌گه‌رێ چلينيا ئيمام حسێن، ڤه‌كرنا ده‌رگه‌هى بۆ حه‌فتيا بهێت هاته پاشخستن.
به‌رپرسه‌كێ ده‌رگه‌هى ل رۆيێ كۆمانشانا رۆژهه‌لاتێ كوردستانێ ڤه راگه‌هاند كو حوكمه‌تا ئيرانێ بڕيار دابوو ده‌رگه‌هى ڤه‌كه‌ت، به‌لێ ژ ئه‌گه‌رێ ئه‌وێ قه‌ره‌بالغا زۆرا سه‌ره‌دانكه‌ران بۆ كه‌ربه‌لا و پشكداريكرن د چليا ئيمام حوسێن دا، ڤه‌كرنا ده‌گه‌هى بۆ حه‌فتيا بهێت هاته پاشخستن و رۆژا شه‌مبى يا بهێت ده‌رگه‌هـ دێ ب ره‌نگه‌كێ فه‌رمى هێته ڤه‌كرن.
ماوێ زێده‌تر ژ سێ حه‌فتيانه كۆمارا ئيسلامى يا ئيرانێ ده‌رگه‌هێن خوه يێن سنورى ل گه‌ل هه‌رێما كوردستانێ داخستينه و د هه‌لكه‌فت بۆ هه‌لكه‌فتێ دا دبێژيت دێ ڤه‌كه‌ن و هێشتا ژى نه‌هاتينه ڤه‌كرن.