دو كه‌س د روودانه‌كا ترافيكێ دا بوونه قوربانى
ئه‌ڤرۆ نيوز، نيوار محه‌مه‌د سه‌ليم:
كارمه‌نده‌كێ رێڤه‌به‌ريا هاتنوچوونێ راگه‌هاند د روودانه‌كا ترافيكێ دا ل سه‌ر جادا زاويته دو ترۆمبێلان لێكدا و د ئه‌نجامدا دو كه‌س بوونه قوربانى.
محه‌مه‌د شێخ په‌يامنێرێ راديۆيا ترافيك ل زاۆيته كو د هه‌مان ده‌م دا، كارمه‌ندێ هاتنوچوونێ يه ل زاويته بۆ ئه‌ڤرۆ نيوز ديار كر كو ژ ئه‌نجامێ لێكدانا ترۆمبێله‌كا كيا دو ته‌ن و ته‌كسيه‌كا كوردستان، دو كه‌س بريندار بوون و هاتنه ڤه‌گوهاستن بۆ نه‌خۆشخانێ.
په‌يامنێرێ راديۆيا ترافيك ل زاۆيته دا زانين ژى كو ترۆمبێلا كه‌يا دڤيا بزڤريت و بچيته لايێ دى دا كو بچيته د پانزينخانا زاويته ڤه و ترۆمبێلا ته‌كسى ژى يا هاتى لێداى.
ئاشكه‌را ژى كر كو ب گۆره‌يى نه‌خشه‌يێ ل جهێ روودانێ بۆ هاتيه كێشان دياربوويه كو خودانێ ترۆمبێلا كيا دو ته‌ن كو يا ئاواران بوويه، يا سه‌پێچكار بوويه.
