بارزانى: په‌شێمان نينم ژ ئه‌نجامدانا ريفراندۆمێ
ئه‌ڤرۆنيۆز:
سه‌رۆكێ پارتى ديموكراتى كوردستان، مه‌سعود بارزانى، دديداره‌كێ دا ل گه‌ل راديوا NPR يا ئه‌مريكى راگه‌هاند ئه‌ز يێ په‌شێمان نينم ژ ئه‌نجامدانا ريفراندۆمێ.
بارزانى گۆت ژى (مه پێشبينيا گرتنا سنۆرى ووه‌رگرتنا پێرابوونێن ئابوورى پشتى ئه‌نجامدانا ريفراندۆمێ دكر، به‌لێ ئه‌م چاڤه‌رێ ده‌ستپێكرنا هێرشه‌كا له‌شكرى ژلايێ عيراقێ ڤه دژى مه نه‌دكر).
ل دۆر پاشه‌رۆژا په‌يوه‌نديان ل گه‌ل ئه‌مريكا و هه‌لويستێ رۆسيا پشتى ريفراندۆمێ، بارزانى رۆهنكر، دێ لێزڤرينه‌ك دپه‌يوه‌نديان ل گه‌ل ئه‌مريكا هێته كرن، چونكى وێ پشته‌ڤانيا عيراقێ كر دژى كوردستانێ وهه‌لويستێ رۆسى يێ ئه‌رێنى تر بوو پشتى ريفراندۆمێ.
ئه‌ڤرۆ دوشه‌مبى ده‌قێ وێ ديدارێ دێ هێته به‌خشكرن كو ژلايێ په‌يامنێرا راديوا NPR يا ئه‌مريكى (جان عراف) هاتيه ئه‌نجامدان وپشكه‌ك ژ ديدارێ ل سه‌ر تويته‌رێ خوه به‌لاڤكريه