ترۆمبێله‌كا له‌شكرێ توركی ل سه‌رسنكێ كه‌فته بووسه‌كا په‌كه‌كێ
ئه‌ڤرۆ، مه‌حمود نهێلی:
ل ده‌مێ چوونا ترۆمبێله‌كا له‌شكری يا توركى ل سنۆرێ ناحیا سه‌رسنكی یا سه‌ر ب قه‌زا ئامێدیێ ڤه، گه‌ریلایێن په‌كه‌كی ته‌قه لێ كر.
زێده‌باری ژ كارخستنا ترۆمبێلێ، له‌شكه‌ره‌ك هاته كوشتن و دو یێن دی بریندار دبن. ل گۆره‌ى ژێده‌ره‌كێ ئێمناهیێ ل ده‌ڤه‌رێ، ئه‌و ترۆمبێلا له‌شكرێ توركی ژ جورێ كوسته‌ر بوویه و ل ده‌مێ لێكگوهه‌رتنا له‌شكران ژ ئێك ژ سه‌ربازگه‌هێن ده‌ڤه‌رێ و ده‌مێ ڤه‌گوهاستنا له‌شكران ل ناحیا سه‌رسنكی كه‌فتیه بووسه‌كا چه‌كدارێن په‌كه‌كێ و گۆت:( دڤێ هێرشێ دا له‌شكه‌ره‌كێ توركی هاتیه كوشتن و دو ژی بریندار بووینه و بو نه‌خوه‌شخانێ هاتینه ڤه‌گوهاستن). هه‌مان ژێده‌ر ئاشكرا كر پشتی ته‌قه‌كرنێ چه‌كدارێن په‌كه‌كێ ئێكسه‌ر خوه ڤه‌كێشایه و هێزێن ئێمناهیێ یێن ده‌ڤه‌رێ گه‌هشتینه جهێ روودانێ و ره‌وش كۆنترۆل كریه.