10 ئەندام پەرلەمانتارێن مەهەپێ دێ ده‌ست ژ كار کێشن
ئەڤرۆ نیۆز ، زنار تۆڤی:
رۆژنامەکا تورکی دایە دیارکرن کو دهێتە چاڤەرێکرن کو 10 ئه‌ندام په‌رله‌مانتارێن مه‌هه‌پێ ده‌ست ژ‌كار بكێشن،ئەڤە ژی ژ وێ چەندێ هات پشتی کو وان زانی پارتیا وان نەشێت به‌ربه‌ستا هه‌لبژارتنا بشكێنیت.
رۆژناما (ئایدنلك) یا توركی،د نووچەکێ دا ئاشكرا كریه کو 10 ئه‌ندام په‌رله‌مانتارێن مه‌هه‌پێ خۆ ئاماده كرینه کو د ماوه‌یه‌كێ نێزیكدا ده‌ست ژ‌كار بكێشن و ب ته‌مامی دەستا ژ مه‌هه‌پێ بەردەن، چونكی دزانن ئێدی مه‌هه‌پێ هیچ ئایندەک نه‌مایه و یا به‌رەف نەمانێ ڤە دچیت.
ئه‌و 10 ئه‌ندامێن په‌رله‌مانی به‌شەکێ ژ وان دێ چنه ناڤ ئاكپارتی و به‌شەک ژی دێ چنە ناڤ پارتا باش و 2 ئه‌ندام په‌رله‌مان ژی دێ چنە ناڤ جه‌هه‌پێ.
ژ ده‌ست كاركێشانا وان ئه‌ندام په‌رله‌مانێن مه‌هه‌پێ، ئێدی مه‌هه‌په دێ ب ته‌مامی به‌ره‌ف نەمانێ ڤەچیت و هیچ ئومێدەک نامینیت تاکو بشێت د هه‌لبژارتنێن 2019 به‌ربه‌ستا هه‌لبژارتنا بشكێنیت.
