يانا خيتافى خزمه‌ته‌كا مه‌زن پێشكێشى به‌رشه‌لونا كر
ئه‌ڤرۆ نيۆز:
ئه‌ڤرۆ يانا خيتافى يا ئيسپانى ب سه‌ركه‌فتنێ ل سه‌ر يانا ڤالنسيا ب ئه‌نجامێ 1-0 خزمه‌ته‌كا مه‌زن پێشكێشى يانا به‌رشه‌لونا كر.
پشتى دوهى يانا به‌رشه‌لونا ل سه‌ر ياريگه‌ها خوه نوكه‌مپ ل گه‌ل يانا سيلتا فيغو وه‌كهه‌ڤ بووى ب ئه‌نجامێ 2-2، خاله‌ك تنێ ل سه‌ر خالێن خوه زێده‌كر وگه‌هاندنه 36 خالان كو ل سه‌رێ ليستا خۆلائيسپانى دهێت وجوداهيا خالان ل گه‌ل يانا ڤالنسيا بوونه تنێ پێنج خال.
به‌لێ يانا ڤالنسيا مفا ژ وه‌كهه‌ڤيا دوهى يا به‌رشه‌لونا نه‌ديت بۆ كێمكرنا جوداهيا خالان ده‌مێ ئه‌ڤرۆ تووشى دوراندنا ئێكێ بووى ل ڤى وه‌رزى ل سه‌ر ده‌ستێ يانا خيتافى ب ئه‌نجامێ 0-1 .
ب ڤى ئه‌نجامى يانا ڤالنسيا هه‌ر جهێ خوه ل رێزا دويێ پاراست ب 31 خالان ويانا خيتافى ژى گه‌هشته خالا 19 كو ل رێزا هه‌شتێ دهێت.
