ترامپ: ئه‌وا كه‌سێ نه‌شياى بكه‌ت من كر
ئه‌ڤرۆنيوز:
دونالد ترامپ سه‌رۆكێ ئه‌مريكا راگه‌هاند، ئه‌وا چ سه‌رۆكێن ئه‌مريكى نه‌شياى بكه‌ت، من كر.
سه‌رۆكێ ئه‌مريكى، ئه‌ڤرۆ ئه‌ينيێ ل به‌رپه‌رێ خوه ل سه‌ر تۆرا تويته‌رى ڤيديۆيه‌ك به‌لاڤكر ونڤيسى ئه‌و سۆزا من داى، من بجهئينا.
دونالد ترامپ، ڤێديۆيه‌ك به‌لاڤكر وتێدا سۆزێن سه‌رۆكێن ئه‌مريكى يێن به‌رى خوه نشان دده‌ت ل ده‌مێ هه‌وێن هه‌لبژارتنان دا كو سۆز ددان هه‌كه ببنه سه‌رۆك، دێ ب فه‌رمى باژێرێ قودسێ وه‌كو پايته‌ختێ ئيسرائيلێ هژمێرن، به‌لێ ده‌مێ ده‌ستهه‌لات وه‌ردگرت ودبوونه سه‌رۆك، چو كه‌س ژوان سه‌رۆكێن به‌رێ ئه‌و سۆز بجهنه‌دئينا.
ترامپ د به‌رپه‌رێ خوه ل سه‌ر تويته‌رى نڤيسى ژى” من ئه‌و سۆز بجهئينا كو دهه‌وا هه‌لبژارتنان دا من داى، به‌لێ ئه‌وێن دى بجهنه‌ئينا”.
