ژ بەر ئەڤینا خوە دھێتە زیندان کرن
ئه‌ڤرۆ نيوز:
پارێزەرەکێ دادگەھا سێمێلێ راگەھاند کو، پەیوەندیەکا ئەڤینداری بۆ ماوێ چەند سالا دناڤبەرا کورەکێ و کچەکێ دا ھەبوو، کو جیرانێن ئێک ژی بوون، کوری سێ جاران ئەڤیندارا خوە خواست لێ بابێ وێ رازی نەبوو، بەس چۆنکی ھەردویان پەیوەندیا ئەڤینی ل گەلێک ھەبوو، بابێ کچا خوە بێ دلێ وێ دا شوو دا ژ ئەڤیندارێ وێ دوور بکەت، بەلێ ھەر حەزژێکرنا وان یا بەردەوام بوو.
پارێزەرجومعە سلێڤانەیی ل دادگەھا سێمێلێ بۆ ئەڤرۆ دیار کر، پەیوەندیەکا ئەڤینداری بۆ ماوێ چەند سالا دناڤبەرا کورەکێ و کچەکێ دا ھەبوو، جیرانێن ئێک ژی بوون، کورکی کچک بۆ خوە خواست بەس بابێ وێ نەدایێ جارا دویێ چوو ھەر نەدایێ ھندی کەسێن بەرنیاس و روو سپی فرێ دکرنە مالا بابێ کچکێ ھەر نەدایێ، وەکو عینادەکێ بۆ بابێ کچکێ چێببوو چۆنکی زانی ئەو کور حەز ژ کچا وی دکەت لەوا نەدایێ و گۆت: رۆژ ھاتن و چوون ھەر بزاڤێن کچێ و کوری د بێ مفا بوون ھەر بابێ وێ رازی نەدبوو.
پارێزەری گۆتژی: بابێ وێ کچێ رابوو بۆ عیناد دا بەلا وی کوری ژ کچا وی ڤەبیت کچا خوە دا کەسەکێ مەزن و نەخوش ئانکو ب زۆری دا شوو ب دلێ کچکێ نەبوو و دەمێ پشکنینێن ھەڤژینیێ دروست کرین دەرکەفت ئەڤ کەسە یێ نەخوش و دبیت ل پاشەرۆژێ زارۆ نەبن ھەکە ھەبن ژی دێ د نە دروست بن، بەلێ بابێ کچکێ گۆتێ بلا و کچا خوە ھەر دا ڤی کەسێ نەخوش.
پارێزەری ئاشکرا کر کو، پشتی دو سال ب سەرڤە چووی ئەو کورێ حەز ژ وێ کچێ دکر عیناد بۆ چێبو رابوو چو بۆ خوە کچەک خواست و نە یا ب دلێ وی بو، لێ بۆ خوە ئینا بەس دا ئەڤیندارا خوە ژبیر بکەت، پشتی شووکرنا کچێ و ژن ئینانا کوری ھەر ھەردویان حەز ژ ئێکدو دکر، کچ رابوو ئاریشە بۆ زەلامی چێدکرن دا خوە بدەتە بەردان و ھاتە بەردان و ھاتە مالا بابێ خوەڤە، دەمێ کوری زانی کچێ یا خوە دایە بەردان وی ژی ژنا خوە بەردا و ئەس وەکو پارێزەرێ وی من داوایا وی ب رێڤە بر.
پارێزەری د بەردەوامیا ئاخفتنێن خوە دا گۆت: جارەکا دی ڤی کوری پەیوەندیا خوە یا ئەڤینی ل گەل وێ کچا جیرانا وان موکم کرنەڤە و مالا وان چوون جارەکا دی ڤێ کچێ بۆ کورێ خوە بخوازن، لێ مخابن ھەر بابێ وێ رازی نەبوو کچا خوە بدەتە ڤی کوری و رەوشا دەروونی یا کچێ تێکچوو و نەخوش بو، بابێ کچێ گەلەک جارا کورکێ قوتای و سکالایێن ل سەر تومار کرین ل دادگەھێ داکو ژ کچا وی ڤەبیت و دو جاران کریە د زیندانێ ڤە و ئاریشە بۆ پەیدا دکرن، لێ ھەر ڤی کوری ئەڤ کچە دخواست، بەلێ بابێ کچکێ د گۆت ب خودێ مرنا من ل سەر بیت ئەز کچا خوە نادەمە ڤی کوری.
سلێڤانەیی دا زانین ژی، ھەتا دووماھیێ ئەڤ رەوشا دەروونی وەل ڤێ کچێ کر ھەر کورەکێ ھات با ڤێ کچێ حەزژێ دکر چار جاران ل نەخۆشخانێ ھاتیە نڤاندن و گۆت: ڤێ کچێ ل گەل کورەکێ دیتر دئاخفت و ب کوژمێ پێنج ملیون دیناران دایە وی گەنجی و ل گەل ھندەک زێران و دگۆتێ مالێ بابێ منە دێ ھەموویان دەمەتە، بابێ وێ زانی سکالا ل سەر کورکی تومارکر و کرە دزیندانێ ڤە و کچک وەکو دینا یا لێ ھاتی کورک ھەر دبێژیت بەس بدەنە من بلا یا دین بیت من دڤێت، لێ ژبەرکو ھەر ل بنگەھێن پولیسان ھاتن و چوون دکر کەرامەتا وان نەباش بوو.
