هاتنا (عمار الحكیم) بۆ هه‌رێمێ جهێ رێز گرتنێ و دلخۆشیێ یه‌، چونكو ئه‌ڤـ بنه‌ماله‌ نێزیكترین (شیعه‌ و عه‌ره‌ب) بوو دۆزا كوردى نه‌، به‌لێ ده‌مێ به‌رنامێ خوه‌ دارێژتى هه‌چكو ئه‌م ل هیڤیا فه‌رماناینه‌ و فه‌رمانێن بن بر، كو دێ به‌رنامێ خوه‌ ل سه‌ر دۆزا كوردى ب هه‌مى ئازاران ڤه‌ سه‌ر پاتكا مه‌ سه‌پێنیت و رێزگرتن بۆ وى به‌لێ ژیێ وى ناگه‌هیته‌ وى ئاستى كو دۆزه‌كا ره‌وا و یا دوور شرۆڤه‌كه‌ت و ده‌مێ دانوستاندن ل گه‌ل پارتێن كوردى كر، ئه‌و وه‌ك كولانێن كوردستانێ ب هیڤى بووین دا بۆ مه‌ بارێ خار ئه‌وێ ل به‌غدا په‌یدا كرى بۆ كوردستانێ دروست كه‌ت، به‌لێ نه‌ ئه‌و سیك و نه‌ ئه‌و بازار، بارى ئه‌ز بچمه‌ د ناڤه‌رۆكێ وان كه‌یفا من هات ده‌مێ لایه‌نه‌كێ كوردى نه‌هاته‌ د ناڤـ چاڤپێكه‌فتنا (حه‌كیم)، من گۆته‌ خوه‌ ئه‌ڤـ لایه‌نه‌ یێ خوه‌ مه‌تك دكه‌ت و پێ ب چاڤه‌كێ سۆر به‌رێ خوه‌ دده‌ته‌ ڤێ هاتنێ، به‌لێ ل سه‌ر تۆر و كه‌نالێن ئاسمانی یێت شیعى دو ئه‌ندام سه‌ر كرده‌ و په‌رله‌مانتار روودانه‌كا كه‌هره‌بێ بۆ من په‌یدا كرن، ده‌مێ ئێك ژ وان ئافره‌ت ده‌مێ پێشكێش كرینێ بۆ بینه‌ران وه‌ك ئه‌نداما هه‌ڤپه‌یمانا كوردى ب توندی ره‌ت كر و گۆت: هه‌ڤپه‌یمانا كوردى نه‌مایه‌ و ئه‌ز ب تنێ په‌رله‌مانتاره‌كم ل دووڤ بارنا خوه‌!
هه‌ڤالێ وێ ده‌مێ باسێ سه‌ربه‌خوه‌بوونا كوردى ب شێوه‌كێ سستوپست یێ دبێژیت: ده‌مێ هندێ نینه‌…! ژنوو من زانى كێشا وان چه‌نده‌.
ئه‌م دێ زڤرینه‌ بابه‌تێ خوه‌، هه‌رێما مه‌ ل ڤى ده‌مى ده‌رفه‌ته‌كا زێرین یا هه‌ى بۆ پێشكه‌فتنێ و بۆ ده‌وله‌تبوونا كوردى ژ به‌ر ڤان ئه‌گه‌ران:ـ ئه‌مریكا ب هێزترین ده‌وله‌ت یا هاریكاریا مه‌ دكه‌ت، چ پاره‌ بیت یان چه‌ك یان پێنگاڤێن زه‌لال. ئه‌ورۆپا ب هه‌ردو ملان و ب هه‌مى شێوان ل گه‌ل بریتانیان یا هاریكاریا مه‌ دكه‌ت.
ده‌وروبه‌رێن مه‌ یێن هه‌رێماتیك گه‌هشتنه‌ وێ باوه‌ریێ كو كورد نه‌ دژمنێ وانایه‌ و نه‌ ئاریشان بۆ وان چێدكه‌ت و ب تنێ دڤێت مرۆڤێن خوه‌ ل سه‌ر دوینایێ ب سه‌ربێخیت.
گۆتنا عه‌مارى و ناكۆكیا وى ل سه‌ر لێكبوونا عیراقێ و دژى پارچه‌كرنا عیراقێ و هنده‌ خه‌ونێن وى هه‌مى ل دژی به‌رژه‌وه‌ندیا كوردى یه‌ و هه‌چیێ مه‌ته‌لۆكا ته‌نبۆره‌ى… دزانین دێ بێژین (حكیم وێن و ته‌مبوره‌ وین؟).
مخابن كورد ئێشا شیعان ڤه‌گرت و ئه‌م دبینین مه‌رجه‌عیا شیعى یا به‌لاڤه‌بووى وه‌ك (على سیستانی. ئیرانیه‌، بشیر النجفى ــ باكستانى یه‌، بنه‌مالا حه‌كیم، ژمێژه‌ ل دووڤ ئیرانیان دچن و ل وێرێ ئاكنجى بوون، ژ هه‌میان سه‌یرتر محه‌مه‌د ئیسحاق یه‌عقۆبی ـ كه‌س نزانیت بۆ كێ نانى دبێژیت).
ئه‌ڤـ چار ماله‌ بریارێن شیعاتیێ و حوكمرانیێ و ل دووڤه‌لانكێن ئیرانێ و ئه‌ڤه‌ حشته‌كێ نه‌ڤه‌شارتیه‌ دكه‌ن پسیار ئه‌ڤه‌یه‌: ـ مه‌رجه‌عیا شیعان ل عیراقێ وه‌ك (حه‌سه‌ن الصرفی و صور) كا بریارنێن هه‌وه‌؟، و ل ڤێرێ ل گه‌ل رێزگرتن و خوه‌چه‌ماندن بۆ سه‌ید الحكیم ئه‌رێ ئه‌و بوویه‌ كوترا ئاشتیێ یان قازانا ئاشتیێ؟ هه‌رێما مه‌ ب شێوكێ حه‌كیم وب زه‌ندوباسكێن پێشمه‌رگه‌ دێ رێیا ئازادیێ بو پاشه‌رۆژه‌كا گه‌ش و رۆن و ل سه‌ر دفنا رازى و نه‌رازى.

ل پێشیێ دبێژین ـ الحمدلله ـ ئه‌م موسلمانین ویێن موعته‌دل وه‌كى پێدڤى ئیسلامه‌تیا خوه‌ د ناڤ سێ په‌یڤان دا: (خودێ ــ پێغه‌مبه‌ر و قورئان)، چونكى موسلمانێن جیهانێ هژمارا وان بوویه‌ ئێك ملیار و(700000000) كه‌سن، ژ ئه‌ندونۆسیا بگره‌ پایته‌ختێ وێ (جاكارتا) تا مه‌غرب و باژێره‌ك یێ هه‌ى دبێژنێ (ته‌نجه‌)، دووماهی باژێرێ موسلمانایه‌ چونكو پشت وى زه‌ریا ئارام (محیگ الهادی) دهێت. به‌لێ ب مخابنى ڤه‌ ب هزاره‌ها ره‌وت و قوتابخانه‌ و هزر ئه‌وێن ب ناڤێ ئیسلامێ هاتینه‌ دان و ئێك ژیێ دى فه‌رق و جوداهیێ دكه‌ت، كه‌ واته‌ خالقێ وان ئێكه‌ و پێغه‌مبه‌رێ وان ئێكه‌، به‌لێ ئیجتهادا وان نه‌ ئێكه‌، بۆ نموونه‌: خه‌لیفه‌ك یێ عه‌باسى گه‌له‌ك یێ ئه‌حمه‌ق بوو و په‌یڤا (گلاق) هه‌ر ده‌م ل سه‌ر ئه‌زمانێ وى بوو، له‌وما ده‌مه‌ك هات خێزانا وى شه‌رعه‌ن هاته‌ به‌ردان هندى سووندا (گلاق) دئینا و چونكو یێ ئه‌حمه‌ق بوو نه‌ڤیا یاسایێن ئیسلامێ بكاربینیت دا ژنكا خوه‌ بزڤرینیت، كه‌واته‌ پێدڤى (تجحیش) یێن ب رامانا زه‌لامه‌كێ دى مار كه‌ت و به‌رده‌ت ژنوویكا بۆ خه‌لیفه‌ى بزڤریت. ئه‌و خه‌لیفه‌ گه‌له‌ك هه‌ول دا كه‌سى نێزیكى وێ ئافره‌تێ نه‌بیت و پسیار ژ گه‌له‌ك زانا و مه‌لایێن ده‌ڤه‌را خوه‌ كر، به‌لێ كه‌س نه‌شیا فه‌توه‌كێ ڤى واری دا بده‌تێ، به‌لێ مه‌لایه‌ك په‌یدا بوو و گۆته‌ خه‌لیفه‌ى هه‌كه‌ من ئاریشا ته‌ چاره‌ كر دێ چ ده‌یه‌ من؟! خه‌لیفه‌ى گۆت: ته‌ چ دڤێت دێ ده‌مه‌ته‌. مه‌لاى ژى گۆت: ژنكا ته‌ بلا بچیته‌ د ناڤ رووبارێ (فرات) دا و بلا راوستیت ل دژى ئاراستێ رووبارى و ده‌همه‌نا خوه‌ بلند كه‌ت و بێژیته‌ رووبارى (زوجتك نفسی)، (فرات) نێره‌ و دێ هێته‌ هژمارتن ئه‌و ژن بۆ خوه‌ ئیناى و پشتى هه‌یامه‌كى ئه‌و ژن دێ چیت و بێژیتێ (گلقتك). هۆسا ئاریشه‌ بۆ خه‌لیفه‌ى چاره‌ سه‌ركر. حزبێن ئیسلامى هه‌ر ئێك ژ وان ناڤه‌ك یێ دانایه‌ سه‌ر خوه‌ هه‌ستێ مرۆڤى پێ دله‌رزینن وه‌ك: (الجهاد الاسلامی ــ بزاڤا ئیسلامى) … هتد. باشه‌ پسیار ئه‌ڤه‌یه‌: ماده‌م ئارمانج ئێكه‌ و خودێ و پێغه‌مبه‌ر ئێكه‌، و ل دووڤ قامۆسا خودێ دچیت (قرئان)، ئه‌ڤه‌ چ ناڤن هه‌كه‌ تشته‌كێ دى ل گه‌ل نه‌بیت، ل گه‌ل رێزگرتن و خوه‌چه‌ماندن ئه‌م ژى د ناڤ مه‌ دا ئه‌ڤـ تشته‌ هه‌یه‌، ێ بلا ببینه‌ ئێك، ماده‌م ئێك خه‌ونه‌. هه‌ر وه‌سا ده‌وروبه‌رێن مه‌، ئیران ل دژى كوردایه‌ و دڤێت ب شیعاتى عیراقێ ده‌ستگیر كه‌ت، توركیا دژى كوردایه‌ ودڤێت ب سونناتى ل دژى شیعان رابیت و عیراقێ بكه‌ته‌ سوننى، عه‌ره‌ب چ سووریا چ عیراق ل سه‌ر ده‌مێ سوننیان و شیعیان هه‌ر ل دژى كوردان بوون، ئاریشا مه‌زن رۆسى هاته‌ سه‌رخه‌ت و ب ناڤ هارى شیعان چ ل ئیران یان سووریا یان عیراقێ دكه‌ت، ئه‌مریكا هاته‌ سه‌ر خه‌ت كو دا نه‌هێلیت هزرا رۆسى به‌لاڤه‌ بیت یا هارى توركیا دكه‌ت، ئێ باشه‌ پسیارا گرنگ ئه‌ڤه‌یه‌ مرۆڤه‌كێ بێ خام دڤێت ببیته‌ موسلمانه‌كێ درست دێ ل دووڤ كێ چیت؟: (قال فلان و قال ابو فلان عن ابن فلان و… هتد). دبێژن: دوورا (عفوا) و ببۆرن (گه‌ره‌ك) هه‌بوو، كارێ خوه‌ پێ دقه‌تاند به‌لێ ئه‌و كه‌ر رۆژه‌كێ مر و رزقێ وان راوه‌ستیا دێ چ كه‌ت؟ برایێ مه‌زن گۆتى وه‌ره‌ ڤى كه‌رى بن ئاخ كه‌ین و ئاڤاهیه‌كێ و قوببه‌كێ ل سه‌ر وێ ئاڤاهیێ چێكه‌ین و هنده‌ك شه‌مالك و ب خیر و پاتێن كه‌سك پێڤه‌ كه‌ین و ناڤێ وى دێ كه‌ینه‌ (شیخ جه‌حشی) و پرۆپاگنده‌ك به‌لاڤ كرن كو شێخ نه‌ساخا ساخ دكه‌ت، دینا ئاقل دكه‌ت، ئه‌وێ ته‌ ب تێتێ دزڤریته‌ ڤه‌ ورزقێ وان به‌رفره‌ه بوو و ژهێكێ بگره‌ هه‌تا حێشترێ و پارا گه‌شته‌ وان و رۆژه‌كێ مالێ خوه‌ لێكڤه‌ دكه‌ت برایێ بچووك خه‌له‌ت بوو د هژمارێ دا ونه‌چار بوو ب شێخ جه‌حشى سووند خوار برایێ وى كره‌ كه‌نى و گۆتێ هه‌ى بێ ئاقل ئه‌م دیناسین كییه‌ بۆ مه‌ پێكڤه‌ یێ ڤه‌شارتى تو چاوا ب سه‌رێ وى سووند دخوى؟، ئه‌م وه‌ك كورد پێدڤیه‌ هشیارى خوه‌ بیت و ل دووڤ ده‌وروبه‌ران نه‌چین، چونكو ئێك بۆ نامه‌ ئارمانجه‌كا پیرۆزه‌ و هه‌رده‌م دبێژمه‌ سوباهى رۆنتره‌ و گه‌شتره‌ و خۆشتره‌ و ب هیڤیا خودێ دێ سه‌ربه‌خوه‌بوونا مه‌ تمام بیت.

من باوه‌ره‌ خوونده‌ڤانێن مه‌ یێن هێژا هه‌مى جحایى دنیاسن، به‌لێ گه‌له‌ك ژ وان ئه‌مریكا نانیاسن!
ئه‌مریكا پێشكه‌فتیترین ده‌وله‌ته‌ و ئێكه‌مین ده‌وله‌ته‌ د وارێ (دارایى ــ ته‌كنه‌لوژیا ــ له‌شكرى)دا، دشێت ب هنده‌ك ده‌مێن كورت ئاریشان په‌یدا بكه‌ت و دشێت بته‌مرینیت، و حه‌تا نوكه‌ ژ ده‌وله‌ت نه‌شیاینه‌ به‌رهنگاریا وێ بكه‌ن، یان هه‌ڤركیێ ل گه‌ل بكه‌ت. پسیارا مه‌ یا گرنگ ئه‌ڤه‌یه‌: مه‌ ژ ژئه‌مریكا دڤێت؟ و ئه‌م دزانین ئه‌مریكا ژى ژمه‌ دڤێت، ئه‌م دزانین كۆمپانیێن وێ چ یێن پترۆلێ بن، یان چه‌كى یان ته‌كنه‌لۆژیایێ ل نك مه‌ برێڤه‌ دچیت. به‌لێ ئه‌م یێن چاڤترساینه‌ نه‌كو وه‌ك (1974) ل مه‌ بكه‌ت، راسته‌ ئه‌ڤرۆ نه‌وه‌كى به‌رى (40) سالانه‌ كه‌ واته‌ ئه‌ورۆپا ل گه‌ل (ئنگلته‌را) هاریكاره‌ بۆ مه‌ و تێگه‌هشت كو ده‌م هات دا ده‌وله‌تا كوردى بێته‌ راگه‌هاندن.
تا نوكه‌ پشته‌ڤانیا ئه‌مریكا یا ل به‌رچاڤه‌ ب هاریكاریا وێ بۆ پێشمه‌رگه‌ى ب دراڤى و چه‌كى، به‌لێ د ڤى ده‌مى دا (دۆنالد ترامپ) بوو سه‌رۆك… ل ڤێره‌ دێ تشته‌كى دیار كه‌ین ئێك بیت چونكو دو ئه‌نجوومه‌ن (شیوخ ــ نواب)..؟؟ دده‌ن دا ئه‌مریكا برێڤه‌ بچیت، بۆ نموونه‌.. سه‌رۆكێ ئه‌مریكا یێ به‌رێ پرچا خوه‌ بۆ لایێ چه‌پێ شه‌دكر، ئه‌وێ نوكه‌ به‌روڤاژى وى دكه‌ت یان به‌ر ب پشتێ دبه‌ت، سه‌رۆكێ به‌رێ پێلاڤێن سۆر دكرنێ، ئه‌ڤێ نوكه‌ پێلاڤا ناكه‌تێ یان جلكێن ناڤخوه‌یى (ملابس داخلیه‌) یێن یێ به‌رێ ره‌نگ وره‌نگ بوون، لێ یێن یێ نوكه‌ (بێ …) چونكو بریار د ده‌ستێ وان دا نینه‌ یان یێن هاتینه‌ گرێدان ب وى ئه‌نجوومه‌نى و ب حزبا خوه‌ڤه‌. بریار د ده‌ستێ وان دا نینه‌ و هه‌كه‌ ئه‌م بهێن په‌یڤا ترامپى شرۆڤه‌ كه‌ین دێ بینین:
1ـ ئه‌مریكا ل سه‌ر هه‌مى تشتایه‌ و ل ڤێرێ دێ هه‌ڤالێن خوه‌ یێن ئه‌ورۆپى سلكه‌ت.
2ـ (كولۆمبیان) یان ره‌گه‌زێن مه‌كسیكى دێ دوورئێخیت، ئه‌ڤه‌ گه‌له‌ك كاركه‌ر دێ ژ ئه‌مریكا ڤه‌كه‌ت.
3ـ دێ (پێن ته‌ر) یان ئه‌و كۆبى ئه‌ویێن دژى سیسته‌ما كۆبا و دهێنه‌ ئه‌مریكا دێ بنبر كه‌ت، ئه‌و ژى دێ كاریگه‌رى ل سه‌ر دیمۆكراسیا ئه‌مریكا كه‌ت.
4ـ ب شێوه‌كێ گشتى گۆت دێ (ئیسلاما رادیكال) بن بر كه‌ت و بێگومان هه‌مى ئیسلام و ب تایبه‌ت ئه‌وێن ل ئه‌مریكا رادیكال نینن، به‌لێ به‌رو ڤاژى حه‌زژ ئه‌مریكا دكه‌ن كو وه‌لاتێ وان یێ نوویه‌.
5ـ و دووماهیێ: گۆتى دێ شه‌رێ تیرۆرێ كه‌م تا دووماهیێ، ئه‌ڤه‌ خاله‌كا گه‌له‌ك گرنگه‌ بۆ مه‌ كوردان، چونكو دێ ناسنامه‌كا نوو ل بن سیبه‌را ئازادیێ ده‌ته‌ مه‌، به‌لێ بێگومان ئه‌مریكا هه‌ر دێ مینیت ئێكه‌مین ده‌وله‌ت د جیهانێ دا.
دێ بۆ هه‌وه‌ نموونه‌كێ ئینم دا بزانن گرنگیا وێ: (جحا هاته‌ داخوازكرن ژ لایێ والى ڤه‌ و گۆتێ: ئه‌ڤه‌ په‌زه‌كه‌ دێ كێشین دا بزانین كێشا وى چه‌نده‌ و دێ به‌ى، ساله‌كا دى وه‌كى ڤى ده‌مى دێ بۆ من ئینى، به‌لێ كێشا وى نه‌ زێده‌ و نه‌ كێم بیت و هه‌كه‌ تو نه‌كه‌ى ڤى تشتى دێ سه‌رێ ته‌ بڕم وه‌ك هه‌مى كه‌سێن ل به‌رى ته‌ هاتین، پشتى ساله‌ك و هه‌ر ل وى ده‌مى جحاى به‌رخێ خوه‌ ئینا و كێشان و دیتن هه‌ر وه‌كى خوه‌ مایه‌ والى ژى گۆته‌ جحایى: هه‌كه‌ ڤێ نهێنیێ نه‌بێژى دێ سه‌رێ ته‌ برم، جحایى گۆت: هه‌رو سپێدێ حه‌تا ئێڤارى من ئه‌ڤ به‌رخه‌ دچه‌راند و ب شه‌ڤێ به‌رى بنڤیت من گوهێن گورگى نیشا ددان، له‌وما چه‌ند ئه‌و دچه‌رى ژترسێن گورگى قه‌له‌و نه‌ دبوو و هه‌ر وه‌كى خوه‌ ما.
ڤێجا ئه‌مریكا یا هۆسایه‌ دێ خه‌ونان بۆ مله‌ته‌كى خۆش كه‌ت و پاش لێ قولپیت یان ملله‌ته‌كى ژبنئاخ راگه‌ت و بسه‌رئێخیت، به‌لێ بلا ئه‌م باش بزانین كه‌رێ ئه‌مریكا ل كیڤه‌ ئاڤێ ڤه‌دخۆدت دێ ل وێرێ سافى بیت. هه‌رده‌م دێ بێژین سوباهیا كوردى خۆشتر و گه‌شتره‌…

وه‌كی هه‌می ملله‌تان و ب تایبه‌ت پشتی (جه‌هنه‌ما عه‌ره‌بی) ده‌رگه‌هێن خوه‌ ڤه‌كرین دێ بینین كو ملله‌تێ كورد ژی ب هه‌می لایه‌نێن خوه‌ ڤه‌ هاتنه‌ د گۆره‌پانێ دا، ب راستی به‌ری عه‌ره‌ب خوه‌ دین كه‌ن، كوردان ناڤێ خوه‌ و زیره‌كیا خوه‌ ب په‌نجه‌مۆرێ ل دیرۆكان دا ، به‌لێ مخابن هه‌روه‌كو ڤایرۆسا عه‌ره‌بى هاته‌ مه‌ ژی، ب كورتی سه‌حكه‌ بارێ عیراقێ، (٢٠) لایه‌ن هه‌ر ئێك ب ئاوازه‌كێ بۆ خوه‌ دبێژیت و ل دووماهیێ دێ كه‌ڤنه‌ ل ژێر تائیفه‌تیێ دا و سه‌رۆكێ وێ پیلانێ بێگومان (نووری المالكی) یه‌.

ئه‌ڤ مرۆڤه‌ شیا گه‌له‌ك لایه‌نێن سوننی و كوردى بكێشیته‌ لایێ خوه‌ ڤه‌، د گه‌له‌ك واران دا مه‌ نموونه‌ یێن ئیناین ل سه‌ر گیانه‌وه‌ران، ڤێ گاڤێ ژی (نووری) ژی وه‌ دكه‌ت، دێ پسیاره‌كێ كه‌م؟
هه‌كه‌ (دێهله‌كێ) هنده‌ك تێشك د كوشا وێ دانه‌ و ل سه‌ر ریێه‌كێ یا دادایه‌ و ده‌مێ تو ل وێرێ ده‌ربازدبی، ئه‌و گیانه‌وه‌ر دێ ب تنێ ده‌نگه‌كی كه‌ت كو خوه‌ تو وێ نابینی، چونكی كیچكێن وێ پێكڤه‌ دێ كه‌نه‌ هه‌وار و گازی و رێكێ دێ ل مرۆڤی به‌رزه‌ كه‌ت و ببوورن بۆ ڤێ گۆتنێ. ژ قه‌ستا مالكی سه‌ره‌دانا سلێمانیێ نه‌كر و ده‌مێ پێشوازیا وی ل سه‌ر رێكا هه‌لبچه‌ ب به‌را و قه‌سێن پیس، ئه‌وی هێلا د دلێ خوه‌ دا و گۆت : “خودێ كه‌ریمه‌ بۆ من و هه‌وه‌”
ل ڤێرێ یا گرنگ ئه‌ ڤه‌یه‌: مه‌ داعش نیاسی و كریارێن وێ یێن درنده‌ و هه‌می دزانن چنه‌، به‌لێ یێن (حه‌شد شعبی) یان (حرس شعبی) یان (حشد پوری) ب كورتی كریارێن وان ژ یێن داعش فه‌رق نینن، مالكی كه‌واته‌ یێ بێ كاریزمایه‌ (كه‌سایه‌تی) یه‌، به‌لێ ئیران و ئه‌ڤه‌ تشته‌كێ دیاره‌ و نه‌ڤه‌شارتیه‌ رێك نیشا وی ددا، پێنگاڤا ئێكێ له‌شكرێ عیراقێ ب هه‌می تشت ڤه‌ ته‌سلمیی عیراقێ كرن داكو رێكێ ڤه‌كه‌ت بۆ وێنه‌كێ پاسدارا عیراقێ ڤه‌كه‌ت. ئه‌و ژی حه‌شدا شه‌عبی بوو، گه‌له‌ك جاران مه‌ دیت مالكی له‌شكرێ عیراقێ بێ هێزكر و سومعه‌ت بۆ نه‌هێلا، ده‌مێ حه‌شدا شه‌عبی چێكه‌ت دا بێژن هاریكاره‌ بۆ له‌شكرێ عیراقێ، پێنگاڤا دووێ كره‌ له‌شكر، ئه‌ڤ حه‌شده‌ وه‌كی تاڤا رۆناهیێ دژاتیا كوردان دكه‌ت، باشه‌ په‌رله‌مانتارێن كورد هه‌وه‌ بۆچی ده‌نگێ خوه‌ دا بۆ قانوونا حه‌شدا شه‌عبی؟ ل به‌رامبه‌ر چ؟ ئه‌رێ عیراق دێ كه‌ركووكێ ده‌ته‌ مه‌؟ئه‌رێ عیراق دێ بۆدجه‌ و مووچێن كوردستانێ هنێریت؟ ئه‌رێ عیراقێ مه‌ره‌مه‌كا دی پێ هه‌یه‌ وه‌ك “ژێكژێككرنا كوردستانێ؟
هه‌تا دوهێ حه‌شدا شه‌عبی ب ده‌رولێڤێن پێشمه‌رگه‌ی ڤه‌بوون، ل ده‌ڤه‌رێن تۆزخورماتۆ و عه‌ردێن دی و ئه‌ڤ پێشمه‌رگه‌ یێ به‌ره‌ڤانیێ ژ ئاخا خوه‌ دكه‌ت، نه‌ بوویه‌ ده‌ستگیر ل سه‌ر ئاخا وان و ئه‌ڤه‌ پێشمه‌رگه‌ یێ دو ملیون عه‌رب و ره‌گه‌زێن دی خودان دكه‌ت. بۆ نموونه‌ هنده‌ك (شه‌به‌ك)ان خوه‌ گه‌هاندبوو هه‌رێمێ، به‌لێ په‌رله‌مانتاره‌كێ وان وه‌كی بویكا بارانێ خوه‌ دهه‌لاڤێت و ب ناڤێ مه‌زهه‌با شیعی ئه‌ڤ مرۆڤێن هه‌نێ ژ هه‌رێمێ برن و برنه‌ (كه‌ربه‌لا) و ژ وان ڤه‌ خلاس چوونه‌ به‌هشتێ، به‌لێ گه‌له‌ك ژ وان ب هه‌ردو چاڤان كرنه‌گری ژ برس و سه‌رما دا كو بربوونه‌ بیابانێ د ناڤبه‌را (ئه‌نبار و كریها) دا. بابه‌ته‌كێ دی دیسا په‌رله‌مانتارێن كورد و ب سه‌رشۆری ڤه‌ هه‌رێم فرۆت، پسیار ئه‌ڤه‌یه‌: ئه‌رێ مالكی چ دایه‌ هه‌وه‌؟ پێشمه‌رگه‌ به‌ره‌ڤانیێ ژ هه‌رێمێ و هه‌وه‌ دكه‌ت، ل سالا ٢٠٠٣ دانپێدان كر كو پارچه‌كه‌ ژ وه‌زاره‌تا به‌ره‌ڤانیێ و هه‌تا نوكه‌ نه‌ چه‌ك نه‌ جلك نه‌ خه‌رجیێن مه‌شكێ و سه‌ره‌رای ڤی تشتی ژی دڤێت مه‌ نزمترن وه‌ك په‌یاده‌ (مشاه‌) و ئه‌ڤ صنفه‌ ب تنێ چه‌كێ بچیك و نیڤگران وه‌ك (بی كه‌ی سی) ل گه‌ل هنده‌ك هاونێن بچووك ب تنێ ئه‌ڤه‌ دێ چه‌كێ وان بیت. باشه‌ كا صنفێن دی وه‌ك ده‌ره‌پۆش ـ مدرع ـ فرۆكه‌ڤان؟، كا به‌هرا مه‌؟ یان مالكی وه‌عد دایه‌ هه‌وه‌ ده‌مێ داعش ل مووسل خلاس دبیت دێ ل دۆر هه‌ولێر و دهۆكێ زڤرن؟
ل ڤێرێ دێ بێژم مالكی بۆدجا كوردستانێ ژ نك خوه‌ نه‌بریه‌ به‌لكو ژ ده‌ڤ كرمێ دارێ بخوه‌ بوو و هه‌كه‌ بهێته‌ بیرا هه‌وه‌ ل سه‌رtv یا فه‌رمی یا عیراقێ (سه‌دام حسێن) و هنده‌ك موسته‌شار شیره‌تێن خوه‌ ل وێ كرن و گۆتێ : چار صاروخ (ارچ ارچ) ل ڤان ده‌ڤه‌را بده‌ سه‌رهلدان نامینیت، ئه‌رێ دێ كه‌نگی هوون ب ئاقل كه‌ڤن؟ ب فه‌خر و شانازی ڤه‌ په‌رله‌مامتارێن قه‌بارا زه‌ر ده‌نگ نه‌دان و خوه‌ ڤه‌كێشا، ئه‌ڤ مه‌سه‌له‌یه‌ بۆ لایه‌نێن دی كو دێ چنه‌ د دیرۆكێ دا وه‌ك (خائن).
دێ جاره‌كا دی بێژین پیرۆز بیت بۆ وان یێن ب دووڤ مالكی دكه‌ڤن ب تایبه‌ت هه‌كه‌ ئه‌م بزانین ل باشۆرێ عیراقێ كه‌واته‌ عه‌ره‌بن ـ شیعه‌نه‌ د خونیشادانه‌كێ دا درووشمه‌ك بلندكریه‌ ئه‌و ژی (یا مالكی … یا زباله‌ … یا القائد النشاله‌) ئه‌ڤه‌ مه‌ نه‌گۆتیه‌، به‌لكۆ تۆرێن میدیایێن عه‌ره‌بان ئینابوو خار.
تشتێ سه‌یر و ب كه‌نی ئه‌وه‌ مالكی دبێژیت من نه‌ڤێت ببمه‌ سه‌رۆك وه‌زیر بۆ جارا سیێ، به‌لێ ملله‌تێ عیراقێ من دخوازیت!! دێ ڤێجا وه‌ره‌ نه‌كه‌ كه‌نى؟!.

به‌ری بچینه‌ د ناڤه‌روكێ دا پێشنیار دكه‌م پایته‌ختێ عیراقێ ناڤێ وێ بێته‌ گوهارتن بۆ (ته‌هران 2) یان (قه‌نده‌هار 2) دبێژین ده‌مێ مرۆڤ به‌حسێ دیرۆكێ دكه‌ن، ڕامانا وێ ئه‌وه‌ د نوكه‌ دا لاوازیه‌كا هه‌ی له‌وما دێ وانه‌ سه‌ربۆران ژێ وه‌رگرین.
ده‌مێ هارۆن ئه‌لره‌شید حوكم دكر كابرایه‌كێ عه‌له‌وی سه‌ره‌دانا وی كر، هارۆن پێشوازیا وی ب شێوه‌كێ باش كر، ده‌مێ ده‌ركه‌تی ل گه‌ل وی چوو حه‌تا گه‌هشتیه‌ ده‌رگه‌هی، كورێ هارۆنی (مه‌ئموون) ب حێبه‌تى ڤه‌ گۆته‌ بابێ خوه‌ تو دزانی ئه‌ڤ مرۆڤه‌ دوژمێ مه‌یه‌ و ته‌ماعی یا د ده‌ستهه‌لاتێ دا یا هه‌ى، تو چاوا رێكێ دده‌یێ؟
هارۆن ژی به‌رسڤا وی دا: كه‌س نینه‌ دلێ خوه‌ ببته‌ ده‌ستهه‌لاتێ و ئه‌ز یێ ساخ و هشیار به‌ ده‌مێ چاڤێن ته‌ بچنه‌ كو ده‌ستهه‌لاتێ ژ من بستینی دێ هه‌ردو چاڤێن ته‌ ئینمه‌ ده‌ر.
ڕۆژا پاشتر جحاى گه‌له‌ك گازنده‌ هه‌بوون ل سه‌ر رێڤه‌برنا ده‌وله‌تێ، چونكو نێزیكی هارۆنی بوو گه‌له‌ك تشت ل وی دهاتنه‌ بۆراندن، هارۆنی جابا وی فرێكر و پسیاركر، جحا ته‌ چ دڤێت؟.. جحا:ـ ب تنێ ئێك ڕۆژ ببمه‌ سۆلتان دا گه‌له‌ك تشتان گوهۆرم، هارۆن: ـ سوباهی سپێدێ دێ حوكمی وه‌رگری هه‌تا شه‌ڤێ، رۆژا پاشتر جحا هات ب كه‌یڤ و خۆشى ڤه‌ و روونشته‌ ل سه‌ر عه‌رشی و هارۆنی گۆتێ: ئه‌ڤه‌ عه‌رش بۆ ته‌، به‌لێ ل هنداڤ سه‌رێ ته‌ به‌ره‌كێ گه‌له‌ك مه‌زن یێ هه‌لاویستیه‌ و ده‌مێ تو بلڤی دێ به‌ر هێته‌ خوار و دێ ته‌ كوژیت، ئه‌ڤه‌ ئه‌ز چوومه‌ مال كا تو دێ چ كه‌ی، ب شه‌ڤێ ده‌مێ هارۆن هاتی دیت جحای چ نه‌كریه‌ هه‌تا خوارن نه‌خواریه‌، هارۆنی گۆتێ: ها جحا ته‌ چ گوهارت ل ویلایه‌تێ؟. جحاى گۆتێ؛ ئه‌ز نه‌ وێریام خوه‌ تشته‌كی بكه‌م، نه‌كو به‌ر بسه‌ر من دا بهێت و من بكوژیت!. هارۆنی كره‌ كه‌نی و گۆتێ: نێ تو سولتانی دا فه‌رمانه‌كێ ده‌ی و وی به‌ری راكه‌ن و چ ل ته‌ نه‌دهات!!.
ده‌مێ عبادی ده‌ستهه‌لات ژ مامۆستایێ خوه‌ مالكی وه‌رگرتى، هه‌ر ئه‌ڤ تشته‌ لێ هات كو نه‌شێت چ بریاران بده‌ت یان كریاره‌كێ بكه‌ت یان چاكسازیه‌كێ پێشبێخیت ب تنێ هه‌كه‌ نێرینا مالكی وه‌رگرتبا، له‌وما مالكی هه‌شت سال بۆراندن ب تنێ ب جرجر و بڕبڕێ دكر، عه‌بادی ژی هه‌روه‌سا، نه‌ ئاڤاهیه‌كێ نووی، نه‌ نه‌خۆشخانه‌كا نووی، نه‌ پرۆژه‌كێ باش، ب تنێ خرابتر كر و ب تایبه‌ت هه‌كه‌ ئه‌م بزانین هه‌ر دوكانه‌كا مه‌ی ڤه‌خارنێ، یان دوكانه‌كا مه‌ساجێ، دوكانێن (تاتۆ، نه‌خشا ل سه‌ر پیستی)، پێدڤیه‌ هه‌ر حه‌فتیه‌كێ ١٥٥ دۆلاران بده‌ته‌ لایه‌نه‌كی وه‌كی عیصابا ب ناڤێ میشلیشیاتان دا بشێن كارێ خوه‌ بكه‌ن، هه‌روه‌سا له‌شفرۆشی ب شێوه‌كێ فه‌رمی دهێته‌ كرن ب زاراڤێ (زواج المتعه‌). د.عه‌لی ئه‌لوه‌ردی د پرتووكا خوه‌ دا (تاریخ العراق الحدیپ) دبێژیت: گه‌ره‌كه‌ك ل به‌غدا هه‌بوو چه‌ندین له‌شفرۆشێن به‌غدا ل وێرێ ئاكنجی بوون و دو پۆلیس ل به‌ر ده‌رگه‌هێ راوه‌ستیابوون، ئه‌و زه‌لامێ ب سمبێل دا (قرانه‌ك) ژێ وه‌رگریت (٢٥) فلس، و زه‌لامێ بێ سمبێل (ده‌رهه‌مه‌ك) ژێ وه‌ردگرت و ب ڤی شێوه‌ی پیچاتی ل به‌غدا كێم ببوو و یا سنۆردار بوو ب عه‌كسێ ئه‌ڤرۆ، هه‌روه‌سا دێ بینین ده‌وله‌ته‌ و (ئالایه‌)، لێ ل شوونا پۆلیس و له‌شكری عیسابه‌یێن تائیفی یاریێن خوه‌ ب كولاشێن به‌غدا و خه‌لكی به‌غدا دكه‌ن و به‌رده‌وام كوشتن و بومبه‌كرن هه‌نه‌، ل ڤێرێ دێ بێژین بۆچی مه‌ گۆت (ته‌هران 2)، چونكو دڤێت ئافره‌تا عیراقی یا هۆسا بیت و یا حیجاب بیت وه‌ك ئافره‌تێن ته‌هرانێ بن و وه‌ك (قنده‌هار) لێ بهێن، چونكو ده‌وله‌ته‌كا بێ سه‌ره‌ عیسابه‌ ب جلوبه‌رگێن له‌شكری و ب ترومبێلێن بێ هژمار خه‌لكی دره‌ڤینن و ب تیابه‌ت ڕۆژنامه‌نڤیسان وه‌ك (ئه‌فراح شه‌وقی)، ئیسلاما سیاسی دێ حالێ وێ ئه‌ڤه‌ بیت دێ ڤه‌خوارنێ و پیچاتیان و گه‌نده‌لیێ ل شه‌ڤێن تاری كه‌ن و زنجیرا ل ملێن خوه‌ دده‌ن و شیرا ل سه‌رێ خوه‌ دده‌ن، ژ لایه‌كی و ب ناڤێ تائیفه‌كا دی دئاخڤن و ئه‌و تائیفه‌ بن بڕكرن وه‌ك سۆفیا، به‌لێ تشتێ سه‌یر یێ په‌یدا دبیت مه‌یێ ژ عیراقێ قه‌ت عه‌كه‌ن، باشه‌ ما مه‌ی هاتیه‌ دووڤ مرۆڤی و گۆتیێ وه‌ره‌ من ڤه‌خۆ. یان مرۆڤ ل دووڤ مه‌یێ دچیت و ب تایبه‌ت قانوونه‌ك یا هه‌ی دبێژنێ (قانون المشروبات) ل سالا ١٩٣١ چونكو ل وی ده‌می (جوهی، مه‌سیحی، سائیبه‌، ئێزدی) ڤانا هه‌میان مه‌ی ڤه‌دخوار، ئایینێ ئیسلامێ یێ پیرۆز دبێژیته‌ موسلمانی نێزیكی مه‌یێ نه‌به‌ و حه‌رامه‌، هه‌روه‌سا (اموال القاصرین) ناهێته‌ خه‌رجكرن بۆ قاسڕێ نابیته‌ موسلمان، باشه‌ (لا اكراه‌ فی الدین) و چاوا دێ مرۆڤی دینێ خوه‌ هێلیت و مافێ خوه‌ هێلیت دا ئیسلاما سیاسی بسه‌ربكه‌ڤیت.

دبێژن كوركه‌كێ بچووك ل به‌ر ده‌ستێ دارتاشه‌كی كاردكر، به‌لێ رۆژه‌كێ دارتاشی گازنده‌ ژێ كر گۆتێ: هه‌ی بێ ره‌وشت، كوڕكی ژی خوه‌ سل كر و ده‌ركه‌فت و چوو سه‌رێ كولانێ روونشت و تووره‌ بوو، پیره‌ژنه‌ك د به‌ررا ده‌ربازبوو، پشتی دیتی نه‌ یێ ئارامه‌ چیرۆكا خوه‌ بۆ پیرێ گۆت. پیرێ گۆتێ وه‌ره‌ ل ده‌ف من من كاربكه‌، كارێ وی ژی ل به‌ر ده‌رگه‌هێ پیره‌ژنێ و … ب جلكێن پاقژ و بژین دروونشته‌ خوارێ و هه‌ر كه‌سێ پرسیارا پیرێ كربا دا چیته‌ ژۆرێ و هنده‌ك پاره‌ بۆ وی به‌ردان و پشتی ساله‌كێ ئه‌و كوڕ دلخۆش و ئارام و قه‌له‌و بوو ب وی كارێ ساناهی، پیرێ ژی گۆتێ، ئه‌رێ بیرا ته‌ دهێت سه‌را چ په‌یڤ بوو كو ده‌مێ تو ژ هۆستایێ خوه‌ سلبووی؟، كوركی ژی گۆتێ، به‌لێ هۆستایی گۆتبوو من (بێ ره‌وشت) پیرێ ژی گوۆێ پار هه‌ر ڤێ گاڤێ ژی كارێ ته‌ یێ (بێ ره‌وشته‌) كوڕكی ژی خوه‌ مت كر و هزركر و به‌رسڤا وێ دا و گۆت، هه‌كه‌ بێ ره‌وشتی هۆسا بیت ئه‌ز بێ ره‌وشت كوڕێ بێ ره‌وشتیمه‌.

ل عیراقا فێدرال دا هه‌می تشت به‌روڤاژی لێ گۆم بووینه‌، شیعه‌ حوكمی دكه‌ت و ل باشۆری شه‌رێ وانه‌ سه‌را پاره‌ی و گازێ سوننه‌ یێ د به‌لاڤبووین دره‌ڤن و پیچ پیچه‌ كاودانێن وان خوه‌ دگه‌هیننه‌ هه‌رێمێ، به‌لێ ل هه‌رێمێ هه‌می لایه‌نێن كوردی یێن گه‌هشتینه‌ ئه‌نجامه‌كی ئه‌و ژی سه‌ربه‌خوه‌یا كوردستانێ یه‌، ل ڤێرێ دێ سێ نموونه‌ دیاربن كا كێ عیراقێ قه‌درێ خوه‌ گرتیه‌؟ بۆ نموونه‌ عه‌بادی و مالكی ئێك هه‌لۆیست و پارتێن مووسل دانه‌ فرۆتن دو جاران؟، جاره‌كێ ده‌مێ مالكی ب فه‌رمانه‌كا سه‌رۆكاتیێ له‌شكرێ عیراقێ چه‌كێ خوه‌ بۆ داعشێ هێلا و ئاریشا مه‌زن ئه‌ڤی تشتی ره‌ت دكه‌ت، جارا دووێ ده‌مێ عه‌بادی ئه‌مر دای یان ب راستی ئه‌مر وه‌رگرت ژ لایه‌نه‌كێ دی یێ ئه‌قلیمی دا مووسل و ل ڤی ده‌می رزگار بكه‌ت، ژ به‌ر چ؟، داكو سوننه‌یێن ره‌سه‌ن ل مووسل ده‌ربه‌ده‌ر بكه‌ت و ره‌زیل بكه‌ت ل ڤێ زڤستانێ بێ سۆته‌مه‌نی و خوارن و باش دزانیت ده‌مێ بزاڤه‌كا له‌شكری ل وێرێ دهێته‌ كرن پێدڤیه‌ خه‌لكێ سڤیل بپارێزیت، چونكو ئه‌و سه‌رۆك وه‌زیرێ عیراقێ یه‌ و به‌رپرسه‌ ژ مرۆڤێن خوه‌ بۆ نموونه‌، خیڤه‌تێن باش و موكم و ئه‌رزان دا چینێ ئینیت و هه‌ژماره‌كا مه‌زن دابین كه‌ت، لێ دێ چاوا دیار كه‌ن خیڤه‌تا چینی ب (٢٤ دۆلارانه‌) به‌لێ هنده‌كێن دێ وی كڕین و بنێب هێزا وێ یا چینی دێ ب (٧٥ دۆلارانه‌) كڕیت و پارێ وان مرۆڤان پالده‌ته‌ سه‌ر گۆهێن هه‌رێمێ، نموونه‌كا دی یا سه‌یره‌ ره‌فیقه‌كا حزبی ب تاوانا كوشتنا مێرێ خوه‌ ب بریارا سه‌ده‌مێ گۆربه‌گۆر هاتیه‌ ئازادكرن بوو په‌رله‌مانتار و ل سه‌ر لیستا پارتا مالكی و پشتی هینگێ بۆ بێ لایه‌ن و نوكه‌ سه‌رۆكاتیا پارته‌كا دی دكه‌ت ب ئه‌زمان درێژی و وه‌كی وی بێ ره‌وشتی قه‌سه‌یێن كولانی به‌حسا سه‌رۆكاتیا هه‌رێمی دكه‌ت و دبه‌ررا دبێژیت: دێ ده‌سته‌كێ گولا بۆ كوردان پێشكێش كه‌م ده‌مێ سه‌ربه‌خوه‌یا خوه‌ وه‌ربگرن و خودێ دزانیت كا ئه‌و گۆل چ بێهن و ژه‌هر!!. نموونا دی هێی ده‌مێ گوهـ لێ دبین كورته‌ بالایه‌ك و نه‌خوێنده‌وار و چنه‌زان ژ سیاسه‌تێ و كارێ وی ب تنێ رێڤه‌به‌رنا تائیفه‌تێ و دزی و تالانكرنا مالێن سونان ل فه‌لۆجه‌ و تكریت ژنیكا یێن دهێت و سه‌رێ خوه‌ ل كه‌ڤرێن كوردستانێ دده‌ت دا كه‌ڤرا بهه‌ژینیت، به‌لێ نزانیت كو دێ سه‌رێ وان بژكیت و پیرۆز بیت ئه‌ڤ كه‌سه‌ و ل گه‌ل هنده‌ك (لاحۆكێن) دی وه‌كی وی گوهدرێژێ یێ ناڤدار ب ناڤێ (ئه‌بۆ عزرائیل) یێ پلانا ددانن بۆ رێڤه‌برنا عیراقا فێدرال. ئیمام عه‌لی دبێژیت “هه‌كه‌ گۆتنه‌كا نه‌باش ژ كه‌سه‌كێ نه‌باش گه‌هشته‌ من، رامانا وێ ئه‌وه‌ ئه‌ز گه‌له‌ك یێ باشم، ئه‌م بلا ب شه‌فافیه‌ت و رۆناهی باخڤین ئه‌و قه‌ده‌ر پاره‌ و (میزانیێن ئینفیجاری) و داهاتیێن حوكمه‌تێ ژ چوونا گۆرپه‌گۆریڤه‌كا نوكه‌ ل عیراقێ دا چ لێهاتن، هه‌رێم چار پارێزگه‌هن، به‌لێ ئاڤه‌دان و خزمه‌تگوزاری و ئێمناهى … ل به‌رامبه‌ر چار پایته‌ختێن عه‌ره‌بان سه‌نعا، دیمه‌شق، به‌یرۆت، به‌غدا) ژ نیكا دبێژنه‌ هه‌رێمێ هوون نه‌دباشن!، هه‌تا كه‌نگی دێ گوهێ خوه‌ ده‌نه‌ جیرانێ ئه‌وی بخوین و رۆندك و هه‌شت سالێن شه‌ڕی و هێشتا ستویێ خوه‌ بۆ وی خوار دكه‌ت و ژێر نه‌كه‌ن، سێربه‌ند چه‌ند یێ فێلباز بیت دێ هه‌ر سحرا وی لێ وه‌رگه‌ریێت!.
ب ناڤێ (شیعه‌ یێن فاتمی ئه‌وێن ژ پاكستانێ هاتین و زه‌ینه‌بیو ژ ئه‌فغانستانێ هاتین، حیزبووللا یێ لوبنانی ژ خال خارزایێن ئێك میلشیاتێن عیراقی و ئیرانی) وه‌كی ل ڤی ده‌می رۆسیا ده‌ستێ خوه‌ ژی وی به‌رداین و ژبیرنه‌كه‌ن هه‌كه‌ ئه‌و فێلباز نه‌ یێ یا ژ مێژه‌ دا ده‌وله‌تا فه‌له‌ستینی هه‌بیت، به‌لێ ئه‌وی ئاشه‌ زۆر د كر د ناڤبه‌را فه‌تح و حه‌ماس دابنه‌ ده‌وله‌ت و مرۆڤ، به‌لێ عه‌ره‌ب هه‌رده‌م ل دووڤ جیرانان دچن، له‌وما د ته‌راوبه‌رانه‌، دووماهیێ دبێژم بلا ملله‌تێ كورد بۆ خوه‌ سه‌ربۆران ژێ وه‌رگرن و هه‌رده‌م بلا ئێك بن دا دوژمن كت كته‌ مه‌ نه‌ رۆخینیت.

پێشه‌كى دێ بێژین پیرۆزبیت بۆ هه‌وه‌ په‌رله‌مانتارێن كورد ئه‌وێن د كۆشا مالكى دا روونشتین و عه‌زیمه‌ و خوارن و ڤه‌خوارن بۆ مالكى ل سلێمانیێ داناین، چونكو ل سه‌ر تۆرێن میدیایێن مه‌ خه‌لكێ باشۆرێ عیراقێ دیت ده‌مێ ب نه‌فره‌ت و ب تف دهاڤێتنه‌ مالكى، ئه‌ڤ حاله‌ ل وان پیرۆز بیت، هه‌ر وه‌سا مه‌ته‌لۆكه‌ك دبێژیت: هه‌كه‌ خانیێ ته‌ شووشه‌ بیت به‌ران نه‌هاڤێژه‌ جیرانان.
ده‌مێ مرۆڤه‌ك دهێته‌ هه‌لبژارتن ل ده‌زگه‌كێ وه‌ك په‌رله‌مانتار پێدڤیه‌ هه‌لبژارتیێ وى ملله‌تى بیت، (ئێش و ئازار و پێدڤیێن ڤى ملله‌تى پێشبێخیت دا ژیانه‌كا ئارام و خۆش بۆ وى ملله‌تى ته‌رخان بكه‌ت، به‌لێ تشتێ سه‌یر ئه‌وه‌ ده‌مێ دبینین په‌رله‌مانتاره‌كا ئافره‌ت ئه‌زمانێ خوه‌ درێژ كه‌ت و به‌حسێ ملله‌تێ خوه‌ بكه‌ت و كیژ ته‌خ؟، ئه‌و پیرۆزترین و شه‌ریفترین مرۆڤ به‌حسێ شه‌هیدێن ملله‌تێ خوه‌ بكه‌ت، به‌لێ رامانا وێ ئه‌ڤه‌یه‌، ئه‌ڤ ئافره‌ته‌ یان كێم سكسه‌ و مه‌حرۆمه‌ ژ ڤى كارى، یان فۆل سكسه‌ د بارێ ڤى كارى دا له‌وما د هاڤێژیته‌ خێزانێن شه‌هیدان و دڤێت ڤى كارى بێخیته‌ د ناڤ ملله‌تى دا و ل ڤێرێ ده‌مێ مرۆڤه‌ك بچیته‌ د ناڤ حزبه‌كێ یان جڤاكه‌كى دێ وى رێبه‌ر هه‌بیت، ئه‌و رێبه‌ر به‌رپرسه‌ ژ ره‌وشا وى مرۆڤى، به‌لێ هه‌كه‌ رێبه‌ر بخوه‌ بێ ره‌وش بیت و دیرۆكه‌كا ره‌ش ل گه‌ل ملله‌تێ خوه‌ هه‌بیت دێ چاوا ئه‌ندامێ وى ب ره‌وش بیت؟ وه‌كى وى ئه‌وێ ده‌مێ لێده‌ت ئه‌رێ بنه‌مالا وى دێ چ بیت؟ بۆ نموونه‌ باب ده‌فێ لێدده‌ت و دایك ل به‌ر ته‌باخى ناڤ ته‌نگێ دهژینیت و كچ ل به‌ر ئامان شوویێ ملان بادده‌ت و كور و زارۆیێن وى سه‌ر لنگه‌كى خوه‌ دهه‌لاڤێژن.
ئه‌ڤێ په‌رله‌مانتارێ به‌رى هه‌مى تشتان خیانه‌ت ل خوه‌ كر چونكو ئافره‌ته‌كا كورده‌، خیانه‌ت ل (قه‌ده‌م خیر، فره‌ فاتم، خه‌یسه‌ خان، له‌یلا قاسم) و لیسته‌كا درێژ یا ئافره‌تا ئه‌وێن پێشمه‌رگه‌ بووین و مه‌زن كرین و ب ناڤ شۆره‌شێ دا خودان كرى و ل دووماهیێ رۆندكێن خوه‌ ل به‌رامبه‌ر خوینا وان شه‌هیدان داین، خیانه‌ت ل بابێ خوه‌ كر و هه‌مى شۆره‌شڤانێن كورد، خیانه‌ت ل برایێن خوه‌ كر چونكو هه‌مى پێشمه‌رگێن كوردستانێ بوون، ئه‌ز مه‌نده‌هۆشم چاوا جه‌ماوه‌رێ وێ رازى دبن كو ئه‌ڤ ئاخفتنه‌ گۆتى؟!
دبێژن شاژنه‌ك هه‌بوو حوكم ل (مسرێ) دكر و ناڤێ وێ (ئجر الدر) بوو، رۆژه‌ك پێ حه‌سیا كو زه‌لامێ وێ (عماد الدین ابن ایبك) خیانه‌ت ل گه‌ل جاریا وێ لێكر، ئه‌وێ هه‌مى خولام و خودامێن خوه‌ كۆمكرن، هه‌ر ئێكێ (قه‌یقه‌به‌ك) كره‌ ده‌ستى دا و چوونه‌ وى میرى و ب قه‌بقابا كوشت، ئه‌ڤه‌ جۆره‌كێ ژ حوكمێ ئیعدامێ بوو به‌لێ (رمیا بالنعال)، هه‌ر وه‌سا پسیار دهێته‌كرن: هه‌كه‌ ته‌ به‌حسێ ئافره‌تێن شه‌هیدان د ناڤ میدیا كوردى كربا ئیحتمال رێك چووبایێ، به‌لێ د كۆشا بیانیان دا وێ ئاخفتنێ دبێژى دێ ل سه‌ر ته‌ گه‌له‌ك گران رادوه‌ستیت.
ل جه‌زائیر دیكتاتۆره‌ك هه‌بوو ناڤێ وى (لۆمومبا) بوو شۆره‌ش ل سه‌ر وى هاته‌ كرن و ل جهێ وى (موبوتا) هاته‌ دانان و د كۆنگره‌كێ رۆژنامه‌ڤانى دا پسیارا وى كرن بۆچى هه‌تا نوكه‌ هه‌وه‌ شۆره‌ش نه‌كر بوو، وى به‌رسڤ دا: لۆمومبا كورێ ئافره‌ته‌كێ یه‌ یا ده‌همه‌نپیس بوو، به‌لێ ئه‌و ئافره‌ت یا مه‌بوو.
ل ڤێره‌ من دڤێت بێژم ئه‌ى په‌رله‌مانتارا ئه‌زیز د ناڤ مه‌ دا كوردان ته‌ ئه‌ڤ ئاخفتنه‌ گۆتبا ئیحتمال دا ل ته‌ بۆرین به‌لێ د ناڤ عه‌ره‌بان گه‌له‌ك زه‌حمه‌ته‌ و بلا بیته‌ ده‌رس و عیبره‌ت بۆ هه‌ر په‌رله‌مانتاره‌ك كریارێن خراب دژى ملله‌تێ بكه‌ت، چونكو ملله‌ت دلۆڤانیێ پێ نابه‌ت.

ده‌مێ دبێژین ده‌ستوور پێدڤیه‌ رۆن كه‌ین ده‌ستوور چی یه‌ و بۆ چ دهێته‌ بكارئینان، له‌وما و ب كورتی ده‌ستوور په‌یڤه‌كا فارسیه‌ ب رامانا (سجل الجند) ده‌مێ مرۆڤ دبیته‌ له‌شكر دێ ناڤێ وی و نیشانێن وی و چ وه‌گرتیه‌ ژ ده‌وله‌تێ یان هه‌سپه‌ك بیت هه‌می تێدا دهێنه‌ نڤیسین، هه‌روه‌سا ده‌مێ ئاماده‌ نه‌بیت هه‌ر چ فه‌رمانا پێگیریێ پێ نه‌كه‌ت دێ جزایێ وی تێدا هێته‌ دیاركرن و په‌یڤا ده‌ستوور ب زمانێ (عوسمانی) رامانا وێ ئه‌وه‌ ئاگه‌دار بن ده‌مێ سولتان دهێته‌ دیوانه‌كێ، یان د كولانه‌كێ دا بچیت پێدڤیه‌ هنده‌ك یاسا بهێنه‌ په‌یره‌وكرن وه‌ك خوه‌ چه‌ماندنا سه‌ری یان ئافره‌ته‌كا مالا سولتانی ده‌رباز بیت دڤێت پشتا خوه‌ بده‌نێ دا نه‌بینن. ئه‌ڤ په‌یڤه‌ گه‌هشته‌ عه‌ره‌با و د وێ په‌یڤێ دا هنده‌ك یاسا و ئاگه‌دار یان تێدا هاتنه‌ نڤیسین دا ژیانا كۆمه‌ڵایه‌تی ب رێڤه‌ بچیت، به‌لێ ل دووماهیێ ده‌ستوور هاته‌ وه‌رگرتن وه‌ك (ده‌یكا یاسایان) هه‌میا و ب شێوه‌كێ مێژوویی دێ بینین ئێكه‌مین یاسا دیار بوو ب ناڤێ (ڤانون ئاشتونا) ل باژێرێ (اكد ) یێ ( سومری)، به‌لێ یاسا حه‌مورابی پشتی وی دیار بوو، لێ گه‌له‌ك رۆنتر بوو و هاته‌ به‌ڵاڤرن و ئه‌گه‌ر ئه‌م بینین ئێك ژ وان یاسایا (العین بالعین والسن بالسن) و ئه‌ڤ یاسا د ناڤ قورئانا پیرۆز ژی یا هاتی. ئه‌ما ( ته‌ڕتۆڕ). په‌یڤه‌كه‌ یا عه‌ره‌بیه‌ رامانا وێ ژ (پرپره) یان پربێژی و ئه‌ڤ پربێژیه‌ ئه‌و مرۆڤ ب كار دئینیت ئه‌وێ ب تنێ به‌ل به‌لێ دكه‌ت، یان خوه‌ دیار دكه‌ت زانا و ئه‌و ب خو چ تێنا گه‌هیت، چونكی په‌یڤه‌كا عربیه‌ فارسا وه‌رگرت و نه‌شێن پیتا (پ) بێژن، ئه‌ڤجا بوویه‌ (ترتره‌) یان توركا هه‌روه‌سا نه‌شیان وێ پیتێ بێژن بوو ( تڕتڕه‌ ).
و ئه‌گه‌ر ئه‌م بزڤرین بۆ زمانێ به‌رێ دێ بینین په‌یڤا (زعتوت) ئه‌و ژی رامانه‌كه‌ بۆ خوداوه‌نده‌كێ ب هێز و ترس و عه‌سلێ وێ (ئاستوته‌) و عاله‌مێ خوه‌ ددا پاش، دا پێڤه‌ نه‌ده‌ن یان وی ب ئێشینیت، پشتی ڤێ شرۆڤه‌كرنێ دهێنه‌ بابه‌تێ خوه‌ ئه‌و ژی ماددێ (140) ئه‌ڤه‌ ژ سه‌رده‌مێ چوونا سه‌دامێ گۆربه‌گۆر و تا ئه‌ڤرۆ ئه‌ڤ مادده‌ یێ د جهێ خوه‌ دا دبزڤیت، جاره‌ك شیعه‌ لێ دگرن و دبێژن هێشتا زوویه‌ و جاره‌ك دی سوننی دبێژن ئه‌ڤه‌ ژێك ژێككرنا عیرا قێ یه‌. به‌لێ ده‌مێ داعش خوه‌ سه‌پاند ل سه‌ر عیراقێ ده‌رفه‌ته‌كا یاسایی بۆ مه‌ هه‌لكه‌ت وه‌ك كورد، دا ماددێ خوه‌ (140) بجه بینین و ئه‌گه‌ر ئه‌م بهێین و سه‌حكه‌ینه‌ ده‌ستووری ل ماددێ ( 4 و 21 ) دبێژیت: پێشمه‌رگه‌ پارچه‌كا وه‌زاره‌تا به‌رڤانیا عیراقێ یه‌، به‌لێ ئه‌ڤه‌ ژ (2007) نه‌مووچه‌ نه‌فیشه‌ك نه‌جلكه‌ك داینه‌ ڤان قارمانان و به‌رامبه‌ر داعش ئه‌وێن چه‌كدار كرین و یێ نوو و یێن هێزێن عیراقێ بۆ هێلاین دمێ ره‌ڤین پێشمه‌رگه‌ ب چه‌كێ شه‌رێ جیهانی یێ دویێ به‌ره‌ڤانی دكر و من بۆ خوه‌ ل سه‌ر تۆرێن میدیایێ گولێ بوو سه‌ربازه‌كێ عیراقێ دبێژیت: (ئه‌گه‌ر هنده‌ك دشێن ئافره‌تا ب ده‌نه‌ مه‌ دگه‌ل جلو به‌رگا ده‌مێ ب ره‌ڤین ژ داعشێ دا بكه‌ینه‌ به‌رخوه‌، ل ڤێرێ تشته‌كێ دی یێ سه‌یر په‌یدا بوو په‌رله‌مانتارێن سوننی و ئێك ژ په‌رله‌مانتارێن شه‌به‌كا شول و عه‌مه‌لێ وان ئه‌ڤ (تڕتڕه‌) یه‌ و های كوردا ئه‌م برین و های كوردان هول مه‌كره‌، ل ده‌مه‌كی ژبیر كریه‌ كو كوردان نامیسا وان و شه‌ره‌فا وان یا پاراستی و ل ڤێرێ من دڤێت بێژم ئافره‌ته‌ك شوو ب زه‌لامه‌كێ ده‌وله‌مه‌ند كر به‌لێ ئه‌و زه‌ڵام تجاره‌تا وی خوساره‌ت بوو و ده‌راڤ نه‌ما له‌وما وێ ژ نه‌سبێ تۆره‌ بوو و ژ نوو پێ حه‌سیا كو ئه‌و زه‌ڵام یێ ب چاڤه‌كی بوو و ژ گازندێن خوه‌ دگۆتی یێ فه‌قیره‌ و یێ كرێته‌ و ب چاڤه‌كی یه‌. ئه‌ڤجا ئه‌ڤ نامه‌ نه‌ به‌س بۆ وان په‌رله‌مانتارانه‌، به‌لێ بۆ هنده‌ك پارتێن كوردی یێن دی یه‌، نه‌هه‌وه‌ خوه‌ به‌خشه‌ك پالدا بۆ سه‌نگه‌را نه‌ هه‌وه‌ گوتنه‌كا باشیێ كر ب تنێ شولێ هه‌وه‌ ( تڕتڕه‌) بوو، ئه‌رێ ماده‌م نه‌هێن ل خوه‌ بزڤرین؟ وه‌رن دا پێكڤه‌ وه‌ڵاتێ خوه‌ كوردستانا خوه‌ ئاڤا بكه‌ین و هه‌رده‌م بێژم سوباهی خۆشتره‌ و گه‌شتره‌.

ده‌مێ ئه‌م دبێژین ئایین رامانا وێ ئه‌و نینه‌ ب تنێ ئایینێ ئیسلامێ یه‌، چونكى ده‌مێ (سبحانه‌ وتعالى) ئاده‌م ئافراندى دو كورێن وى و ل ده‌ستپێكا ژیانێ برایێ خوه‌ كوشتى و د رێپیڤانا دیرۆكێ دا دێ بینیت زۆربه‌ى پێغه‌مبه‌ران (س. ل) شه‌ڕ یێ كرى و خوین یا رێژتى دا دادوه‌ریێ بسه‌پینن، هه‌روه‌كو ئه‌ڤه‌ نامه‌كه‌ ژ خودێ بۆ مرۆڤان رێكا دروست دروست نابیت ته‌نها ب خوینێ، دێ بینین پێغه‌مبه‌ر (داوود) (س. ل) نه‌بوو شاهـ و پێغه‌مبه‌ر هه‌ما كو (جالووت) كوشتى، هه‌روه‌سا (موسى) (س. ل) پێغه‌مبه‌ریا خوه‌ بجه ئیناى پشتى شه‌رێ فیرعه‌ونى كرى، (عیسى) (س . ل) راسته‌ خوین نه‌رێژت ب شه‌رى، به‌لێ یا گوتى د (ئنجیلا مه‌تى)دا هه‌چیێ كراسه‌ك هه‌بیت بلا بفرۆشیت و شیره‌كى ب بهایێ وى بكریت، هه‌ر وه‌سا دێ بینین كو (معاكم التفتیش) یان شه‌رێن خاچێ (الحروب الصلیبیه‌) ئاخفتنا مه‌سیحى بجهـ ئینا و ئه‌م وه‌ك موسلمان دێ بینین ده‌مێ شه‌رێ ده‌ستپێكێ یێ كو پێغه‌مبه‌رێ مه‌ (س. ل) پێ رابووى ئێك هه‌بوو ب ناڤێ (ابن خویهره‌) دگۆته‌ پێغه‌مبه‌رێ دادوه‌ریێ ب دروستاهى بكه‌، ده‌مێ ب چه‌ك و په‌لێن شه‌رى به‌لاڤ دكرن، و نموونه‌كا دى ژى ده‌مێ خێزانا پێغه‌مبه‌رێ مه‌ ب ده‌همه‌ن پیساتیێ هاتیه‌ گونه‌هباركرن.
ڤان نموونا بۆ هه‌ر سێ ئایینێن سه‌ره‌كى دیار دبیت كو خوین نه‌ راوستیایه‌ و ئایینێ ئیسلامێ ده‌ستپێكا سه‌ربرینا نه‌ڤیێ پێغه‌مبه‌رى (س. ل) توندره‌ویه‌كا ب هێز په‌یدا كر و دگه‌ل وێ توندره‌ویێ تژى قوتابخانه‌ و لایه‌ن یێن ئیسلامێ په‌یدا كرن و هه‌لى بابێ خوه‌ ئایین ل دویف هزرا خوه‌ شرۆڤه‌ دكه‌ت.
به‌رى (40) سالان دگه‌شته‌كا گوزارى دا ل (پالێرمو – ئیتالیا) هاتینه‌ داخوازكرن ژلایێ هه‌ڤاله‌كێ سوورى و یێ (دورزى) بوو و خانما وى یا مه‌سیحى كاتولیك بوو و پشتى دانوستاندنه‌كا درێژ تا سپێدێ مه‌ باسێ ئایینى دكر و ئه‌وێ ئافره‌تێ بۆ من گۆت: من دڤیا ببمه‌ موسلمان و پشتى من فه‌لسه‌فا ئیسلامێ خواندى و رێكا وێ من دیت ئایینه‌كێ پاقژه‌ و بژینه‌، به‌لێ ده‌مێ ئه‌ز گه‌هشتیمه‌ قووناغه‌كێ ئایینێ ئیسلامێ به‌لاڤ بوو و من دیت بزاڤێن (نه‌قشبه‌ندى ــ صوفى ــ سوننى ــ شیعى و..هتد) و تژى لایه‌نێن دى ژى هه‌بوون وه‌ك: (قه‌دیانى ــ به‌هائى ــ سقرى) ل وێرێ من بریار دا ئه‌ز نه‌بمه‌ موسلمان، چونكی ئه‌ز نزانم دێ ل دویف كیژ ره‌وشتى چم و وه‌كى من زانى موسلمان دبێژن: (قال الله ــ قال الرسول) من دڤیا هێشتا گه‌نگه‌شێ گه‌ل بكه‌م به‌لێ ئه‌ز ژى راوستیام پشتى هنده‌ك وێنێن كه‌ڤن نیشا من داین و تێدا من دیت هنده‌ك شیرا ل سه‌رێ خوه‌ دده‌ن و زنجیرا ل ملێن خوه‌ دده‌ن و ده‌ستا ل سه‌ر و چاڤـ وسینگێ خوه‌ دده‌ن و بێگومان من زانى ئه‌ڤه‌ (شیعه‌)نه‌ و هنده‌ وێنێن دى هنده‌ك مرۆڤ دراوستیاینه‌ و خه‌نجه‌رێ د سه‌رێ خوه‌ دقوتن و شویژنا ل ده‌ڤێ خوه‌ دده‌ن و ئه‌زمانێ ده‌رد ئینن دا هنده‌ك مار پێ ڤه‌ ده‌ن، بێگومان من زانى ئه‌ڤه‌ ده‌روێشێن (سونیا)نه‌، و ئه‌ڤـ وێنه‌ ژ دو ئه‌ردێن عیراقێ هاتبوون یێ ئێكێ ژ(كه‌ربه‌لا) و یێ دویێ ژ (كه‌ربچنه‌) ل كه‌ركووك، به‌لێ ژ هه‌میا سه‌یرتر ئه‌و بوو وێنه‌ك ژ هندێ هاتبوو په‌لێن سۆر یێن ئاگرى و ب درێژاهیا پتر ژ ئێك مه‌ترا ل سه‌ر ئه‌ردى هنده‌ك مرۆڤ یێن پێخاس ل سه‌ر دهاتن و دچوون و یێن بكه‌یف بوون و بێ ئازار، ڤێجا وێ ئافره‌تێ گۆته‌ من ئه‌ز دێ چه‌وا بمه‌ موسلمان و ل دویف كیژ ژڤان بچم؟ نوكه‌ ئه‌ڤـ هزره‌ هاته‌ بیرا من و پشتى داعش په‌یدا بووى ودیڤه‌لانكێن وێ وه‌ك (ئه‌بو كومرام ــ ئه‌فریقا)، ئه‌بو سه‌یاف مالیزیا و بزاڤێن وى) من دگۆته‌ خوه‌ ئه‌گه‌ر به‌رى (40) سالان ئه‌ڤـ ئافره‌ته‌ ژبه‌ر بزاڤێن خورافی (ئاشوپى) نه‌بوو موسلمان بۆ من ئه‌وى زانایێ ئایینى بینه‌ دا ڤێ ئافره‌تێ رازى كه‌ت و ببیته‌ موسلمان كه‌واته‌ كرین و فرۆتن ب زارۆكا و ئافره‌تان تێته‌ كرن. ل ڤى ده‌مى پێدڤیه‌ ژ مه‌ ئه‌م هزرا خوه‌ یا ئایینى دووباره‌ بكه‌ینه‌ ڤه‌ و تشتێ باش و پاقش ب تنێ ژێ وه‌رگرین ئه‌وێ ئافره‌تێ به‌رێ من دا زانكۆیه‌كێ ل رۆما ب ناڤێ (ئه‌بی روستا) و ده‌ركه‌ت ئه‌و زانكۆ ب ناڤێ زانایێ ئیسلامێ (ئبن رشد) هاتبوو ب ناڤكرن، ئه‌رێ پرسیار ئه‌ڤه‌یه‌ ئایینێ مه‌ یێ پیرۆز دێ چه‌وا ژ هزرێن تیرۆرێ دوور ئێخین؟.

هزرڤانێ ئه‌مریكى ئه‌وێ دووماهیا ژیێ خوه‌ بوویه‌ موسلمان (ئارنولد توینسى) د پرتووكا خوه‌ (تاریخ البشریه‌) ئانكو مێژوویا مرۆڤایه‌تیێ، دبێژیت: نیڤه‌كا ڤان مرۆڤێن ل جیهانێ شه‌رى دكه‌ن. هه‌روه‌سا فه‌یله‌سوفێ چینى (یوكو زاوا فوكیشى)، دبێژیت: چ مرۆڤـ ژمرۆڤه‌كێ دى چێتر نینه‌ ئه‌م هه‌مى وه‌ك ئێكین خوه‌ ئه‌وێن لاواز و كێم ئاقل ژی، بۆ زانین ئه‌و مرۆڤه‌كێ نه‌ موسلمان بوو.
ل ڤێره‌ یا دیاره‌ په‌یڤا (داعش) چ رامان دده‌ت و مه‌ گه‌له‌ك كارێ وان شرۆڤه‌ كریه‌ و هزرا وان كو (ابن تیمیه‌) و ئاخفتنێن وى یێن كرێت كرین بۆ نموونه‌: هه‌تا ئایه‌تێن قورئانێ ب كورتى دبێژن وه‌ك: (ویل للمصلین) و تمام ناكه‌ت و ناڤێ ئیسلامه‌تیێ پیس كریه‌ ب هه‌مى شێوازێن كوشتنێ و ته‌عدایێ، و ئه‌گه‌ر بهێین و هزرا خوه‌ بكه‌ین داعش ب (2) سالان ب تنێ ئه‌ڤـ هزره‌ به‌لاڤ كر، به‌لێ هین دێ پرسیارێ كه‌ن داعش كى نه‌؟ و ئه‌و ژى (میلیشیاتێن شیعێن عیراقێ نه‌) و ب تنێ سه‌یر ئه‌وه‌ ئه‌ڤه‌ (1400) ساله‌ یێ ل تولا (ئیمام حسێنى) دگه‌رن و پرسیارا مه‌زن ئه‌وه‌ كێ ئه‌ڤـ مرۆڤه‌ كوشت؟ و به‌رسڤ: هه‌ر وان (شیعێن عه‌لى) و ل (كوفه‌) پایته‌ختێ شیعا و ل سه‌ر ده‌ستێ سه‌ركرده‌كێ شیعى ب ناڤێ (الشمر بن زى الجوشن) بوو. و نه‌ مووسلیان و نه‌ كوردان ئه‌ڤـ مرۆڤه‌ كوشت.
به‌لێ سه‌رۆك عیسابا (عصائب الحق) و غه‌یرى وى دڤێت تولا خوه‌ ئه‌وا به‌رى (1400) سالا ژ مووسلیان ڤه‌ كه‌ن و ئێكێ دى پرسیار ژێ هاته‌ كرن ل سه‌ر تۆرێن میدیایێ و كه‌نالێن ئاسمانى، (ئه‌گه‌ر شه‌ر د ناڤبه‌را ئیرانێ و عیراقێ دا ده‌ست پێ كره‌ڤه‌ دێ هارى كێ كه‌ى؟ گۆت دێ هاریكاریا ئیرانێ كه‌م) ئه‌و ژى (واشق البگاگ) بوو و ئه‌گه‌ر ئه‌م بزڤرینه‌ دیرۆكێ دێ بینین ژسالا (1921) هه‌تا (1958) عیراق ل سه‌ر ده‌ستێ (مه‌لكا) یا ئارام بوو، به‌لێ ده‌ستێ بوویه‌ شۆره‌ش شیعه‌ رابوونه‌ سه‌ر خوه‌ و مه‌لكێ خوه‌ (فه‌یسه‌لێ دویێ) كوشت ب ده‌ستێ ئه‌فسه‌ره‌كێ شیعى و ناڤێ وى (عبدالستار العبوسی) بوو.
پشتى شۆره‌شا (ته‌موزێ 1958) دێ بینین زۆربه‌ى شیعا بوونه‌ (شیوعی) و ناڤێ خوه‌ كرنه‌ (المقاومه‌ الشعبیه‌). و درووشمێ وان وه‌ریس بوو و بانگه‌وازیا وان بۆ (عبدالكریم قاسمى) (اعدم ــ اعدم و احسن ویاك)، پشتى هینگێ ل سالا (1963) و ل سه‌رده‌مێ به‌عسیا (الحركه‌ القومی) په‌یدا بوو و دیسان زۆربه‌ى شیعا تاوانبار بوون ب كوشتنێ و هه‌تكبرنێ و ده‌ست درێژیێ د ناڤـ (الحرم القومی) دا. و پشتى هینگێ (1968) ده‌مێ به‌عسى هاتینه‌ سه‌ر حوكمى ڤه‌ (جیش الشعبی) په‌یدا بوو و (فدائیێن صدام) په‌یدا بوون و هه‌تا زارۆك ژى خه‌لاس نه‌بوون و كرنه‌ (گلائع وفتوه‌) و ل ده‌مێ (صدام) رۆخیایێ ئێكه‌مین میلیشیات هاته‌ دامه‌زراندن ب ناڤێ (جیش محمد) ئه‌وێ صدامى چێكرى و ب ناڤێ سوشیا و تا نوكه‌ پتر ژ (100) میلیشێن شیعى په‌یدا بووینه‌ و تشتێ سه‌یر خوه‌ ب ناڤـ دكه‌ن كو (مقاومه‌ اسلامیه‌)نه‌، و ئه‌و ژى ب ناڤێ ئیسلامه‌تیێ كوشتنێ دكه‌ن. ل ڤێرێ دێ بۆ هه‌وه‌ سه‌ر هاتیه‌كێ بێژم ل 1975) ده‌رفه‌ته‌ك بۆ من چێ بوو و چوومه‌ (المانیا) ل وێرێ من هه‌ڤنیاسین دگه‌ل دو مرۆڤان كر ئێك یێ (ئه‌لمانى) بوو و یێ دى (ئیرانى) بوو و ل ده‌مێ بوویه‌ رۆژا (10) محرم هه‌ڤالێ مه‌ یێ (ئیرانى) دوكانا خوه‌ یا فێقى گرت بوو و لافیته‌كا مه‌زن ل سه‌ر نڤیسى بوو (بۆ وه‌غه‌ركرنا ئیمام حوسه‌ینى غه‌مبارین)، هه‌ڤالێ ئه‌لمانى ته‌لیفونا من كر و گۆت خوه‌ ئاماده‌ بكه‌ دا بچینه‌ تازیێ، من ب مه‌نده‌هوشى گۆتێ (تازیا كێ؟) گۆت: (هه‌ڤالێ مه‌ یێ ئیرانى مرۆڤه‌كێ وى یێ مرى)، من ژى سه‌حكره‌ دوكانا وى و من لافیته‌ دیت ژنوو من زانى بابه‌ت چی یه‌، من ته‌له‌فونا یێ ئه‌لمانى كر و من گۆتێ: (ب راستى ئه‌ڤـ مرۆڤه‌ ب شێوه‌كێ كرێت یێ هاتیه‌ كوشتن. خوه‌ سه‌رێ وى ب شیرى یێ ژێڤه‌ كرى)، ئه‌وێ ئه‌لمانى مه‌نده‌هوش بوو و ب ده‌هان پرسیار دكرن و ل دووماهیێ من گۆتێ بابه‌تێ ڤى مرۆڤى ئه‌ڤه‌ بوو كو به‌ری (1400) سالان ئه‌ڤـ روودانه‌ روو دایه‌.
من دڤێت بێژم هندى شیعه‌ زنجیرا و قه‌ما ل سه‌رێ خوه‌ بده‌ن و هندى سونى شیرا د زكێ خوه‌ را بكه‌ن و شیژنا ل لامێن خوه‌ بده‌ن دێ حالێ عیراقێ هه‌ر مینیت هوسا! و ئه‌م وه‌ك كورد پاقژترین رێباز و هزرا پێكڤه‌ژیانا هه‌مى ئایینا چێترین و ئه‌گه‌ر داعش بێژیته‌ مه‌ (ارچ الكفر) و شیعه‌ هزرا وان و خه‌ونا وان جاره‌كا دى مه‌ بكه‌نه‌ پله‌ (4) ئه‌م دێ بێژینه‌ وان عیراق (ارچ الشقاق والنفاق). هه‌ر بژی پێشمه‌رگێن مه‌ به‌ره‌ڤانیا مه‌ دكه‌ن و هه‌ر بژیت مامۆستایێن مه‌ زارۆكێن مه‌ په‌روه‌رده‌ دكه‌ن.