خالد ئه‌حمه‌د بادى

گه‌له‌ك جاران مرۆڤ بهایێ ده‌لیڤه‌كێ نزانیت هه‌تا كو ئه‌و ده‌لیڤه‌ بۆ مرۆڤى دبیته‌ بیرهاتن هه‌ر وه‌سا گه‌له‌ك جاران مرۆڤ بهایێ كه‌سه‌كى ژی نزانیت هه‌تا كو دمریت یان به‌رزه‌ دبیت و په‌شێمانێ وى مرۆڤى یان كه‌سى دبى, بۆ هه‌ر جڤاكى ژ جڤاكێن جیهانى گه‌له‌ك ده‌لیڤه‌ دروست بووینه‌ و دروست دبن لێ بهایێ وێ ده‌لیڤا زێرین نه‌ دیتى یه‌ و ئه‌و ده‌لیڤه‌ ژ ده‌ستدایه‌ و ب تایبه‌ت جڤاك و ملله‌تێن رۆژهه‌لاتا ناڤه‌راست ئه‌ڤ ده‌لیڤه‌ ژ ده‌ستداینه‌ و بێبه‌هر ماینه‌ و ماف هاتینه‌ خوارن و ب تایبه‌ت ملله‌تێ كوردێ قه‌هره‌مان و خه‌باتكه‌ر و دلسۆز، گه‌له‌ك ده‌لیڤێن زێرین بۆ دروست بووینه‌، لێ قوربانى دلساخى و دلنه‌رمى و ئایین و مرۆڤایه‌تیێ كرینه‌ حه‌تا كورد ژی و بێبه‌هر بووینه‌ و حه‌تا نوكه‌ ژی هه‌ر كورد دبێ به‌هرن, هه‌ر دیسا مینا كه‌سه‌كى كو یێ د ژیانێ دا و گه‌له‌ك ل ده‌ف ته‌یه‌ و ل به‌ر ده‌ستێن ته‌یه‌ و ب هه‌مى ره‌نگان یێ به‌رهه‌ڤه‌ بۆ هه‌ر قاره‌مانى و چاكى و داهێنانه‌كێ، لێ ته‌ چ هزر بۆ نه‌كریه‌ و ل پشتگوه هاتیه‌ هاڤێتن و پاشى دمریت و ژ نوو بهایێ وى بۆ ته‌ دیاردبیت، لێ مفاى ژێ نا بیتى، چونكو نا مینیته‌ د ژیانێ دا و ملله‌تێ كورد ب سه‌دان و هزاران قاره‌مان و شاره‌زا و زیره‌ك و چالاك هه‌نه‌، لێ مه‌ ب شێوه‌كێ باش مفا ژێ نه‌ دیتى یه‌. زانا و فه‌یله‌سۆفێ جیهانى (ئه‌فلاتۆن) دبێژیت (ئه‌و كه‌سێن ژ هه‌مووان پتر ل به‌ر خه‌لكى و جڤاكان ره‌شتارى و ب نه‌باش كه‌س دهێنه‌ ل قه‌له‌مدان ئه‌ون ئه‌و جۆرێن مرۆڤانه‌ كو ب تنێ راستیان دبێژن). مه‌ره‌م ژ نڤێسینا هه‌ر بابه‌ته‌كى یان گۆتنا هه‌ر په‌یڤه‌ك و رسته‌كێ ئه‌و كو راستى بهێنه‌ دیار كرن و دره‌و بهێنه‌ كفنكرن و ڤه‌شارتن. ب درێژاهیا دیرۆكا بزاڤا رزگاریخوازا كوردى ل كوردستانێ هه‌رده‌م كوردان ب تنێ به‌رگرى ژ خوه‌ كریه‌ و چ جاران و د ده‌مێ هێزێ دا كو كورد ل گوپیتكێ هێزێ ژی بوون هه‌ر زۆردارى و تۆلڤه‌كرن نه‌ كریه‌، به‌لكو بتنێ به‌رگرى كریه‌. ئارێشا هه‌ره‌ سه‌ره‌كى د ناڤ هه‌مى قادێن خه‌باتێ دا ل هه‌مى قووناغان دا د ناڤ ملله‌تێ كورد دا كێماسى و شاشى یا هه‌ره‌ مه‌زن ئه‌وه‌ كو دوژمن شیاینه‌ رهێن به‌رده‌نه‌ ناڤ باغێ مه‌ دا و چاندنا بیستانێ مه‌ پێ بێ هێز بكه‌ن و كارتێكرنێ ل ده‌رامه‌ت و چاندن و به‌رهه‌مێ مه‌ بكه‌ن و شیاینه‌ مه‌ ل هه‌ڤدو بكه‌ن دوژمن و شه‌ر و نه‌خۆشى و گرفتان د ناڤبه‌را مه‌ دا مشه‌ بكه‌ن و ب وان پیلانێن دارێتى یێن دوژمنان ل سه‌ر ملله‌تێ كورد ل كوردستانێ شیاینه‌ دۆزا مه‌ یا ره‌وا گیرۆ بكه‌ن و ره‌وشا مه‌ نه‌ ئارام بكه‌ن, هه‌ر چه‌نده‌ ل هنده‌ك قووناغ و سه‌رده‌مان ب شێوه‌كێ دى خه‌بات دهاته‌كرن، لێ پتریا جاران كوردان ژی مینا عه‌ره‌بان شه‌ر ل به‌رامبه‌ر هه‌ڤدو كریه‌ و ئه‌گه‌ر شه‌ر ژی نه‌ كربیت هه‌ڤدو نه‌ڤیاینه‌ و بهانه‌ و تۆمه‌ت و گه‌ف ل به‌رامبه‌ر یێن دى ئه‌نجام داینه‌. راستیێن دیرۆكێ ناهێنه‌ ڤه‌شارتن و كاره‌ك یان كریاره‌ك یان بۆیه‌ره‌ك دروست ببیت دێ هه‌ر راستى یا وێ بۆیه‌ر و كارى هه‌ر هێته‌ دیاركرن و بلا ئه‌م ژی راستیان بنئاخ نه‌ كه‌ین و راستیان پێشچاڤ بكه‌ین و بۆ دۆست و دوژمنان دیار بكه‌ین كا ب چ شێواز خزمه‌تا وه‌لاتى دهێته‌ كرن و ب چ شێواز دوژمناتیا وه‌لاتى دهێته‌ كرن، ئانكو خزمه‌تا دوژمنان د كه‌یى. سه‌رهاتیا وه‌لاتێن عه‌ره‌بان بوویه‌ باشترین سه‌ربۆر و وێنه‌ و كه‌ڤال و ل پێشچاڤێن مه‌یه‌ حه‌تا نوكه‌ كا ملله‌تێن عه‌ره‌بان ب چ ره‌وش دژین و چ پاشكه‌فتن و نه‌ زانین و بنده‌ستى ب خوه‌ ڤه‌ گرتیه‌ و كه‌فتینه‌ د دۆخه‌كا نه‌باش دا و ئه‌گه‌ر ملله‌تێن عه‌ره‌بان بهێنه‌ به‌راوردكرن ل گه‌ل ده‌مێن بۆرى دێ ب سه‌دان پله‌ بیتى كو ل پێشده‌م عه‌ره‌ب شاره‌زا و باشتربوون ژ نوكه‌، لێ نوكه‌ (23) وه‌لاتێن عه‌ره‌بان نه‌شێن ده‌رزیكه‌كێ دروست بكه‌ن و هه‌كه‌ درۆست بكه‌ن ژی دڤێت هێڤێنێ بیانى و رۆژئاڤایان د ناڤ دا بیت ئه‌گه‌ر نه‌شێن ده‌رزیكه‌كێ دروست بكه‌ن. له‌وما ئه‌ڤ ره‌وشا باس دكه‌م عه‌ره‌ب كه‌فتینێ، چونكو مانه‌ ب هه‌ڤدو ڤه‌ و نه‌شیان خوه‌ ئاڤا بكه‌ن و پێش بكه‌ڤن و ئه‌گه‌ر عه‌ره‌ب ئێك هه‌لویست و یه‌ك ده‌نگ بانه‌ بێ گومان دا كونترۆلێ پتریا ژێده‌ر و ده‌ستهه‌لات و ده‌ستكه‌فتان د ده‌ست وانان دا بیت و دا بنه‌ سه‌ردارێن قادا جیهانى ژ هه‌مى ئالیان ڤه‌. ترسا من د ڤێ پاشكه‌فتن و خرابیێ و بنده‌ستیێ و نه‌ئارامیێ ئه‌وه‌ كو یا ب سه‌رێ عه‌ره‌بان هاتى ب سه‌رێ مه‌ كوردان ژی بهێت وهه‌ر چه‌نده‌ زۆر یا ب سه‌رێ مه‌ ژی هاتى، لێ ده‌رفه‌ت یا هه‌یى كو خوه‌ پێشبێخین و كونترۆلا هه‌ر تشته‌كى بكه‌ین ل ده‌ڤه‌رێ. لێ راستى نا هێنه‌ بنپێكرن و هه‌كه‌ ئه‌م راستیێن دیرۆكى ژی ڤه‌شێرین، بێگومان دێ دیرۆك له‌عنه‌تان ل مه‌ بارینیت و یا من دڤێت بێژم كو كورد ماینه‌ ب هه‌ڤدوڤه‌ و ل هه‌مى پارچێن كوردستانێ ب تنێ كورد شه‌رێ هه‌ڤدو دكه‌ن ب چ بهانه‌ بیت. هۆزانڤان و زانا وره‌وشه‌نبیر دكتۆر به‌درخان سندى دبێژیت (گه‌ر قه‌یسه‌ر و خه‌لیفه‌ چوونه‌ نێچیرێ، دڤێت ئه‌م كورد په‌زكویڤى بین و گه‌ر تورك و رۆس ب شه‌ر هاتن دڤێت ئه‌م كورد پێش له‌شكرى بین) و ب درێژاهیا دیرۆكێ ئه‌م كورد بووینه‌ قوربانى مه‌زهه‌ب و ئایین و به‌رژه‌وه‌ندێن هه‌مى زلهێزان ل جیهانێ و ب تایبه‌ت وه‌لاتێن كو ل دۆرماندۆر. شانۆیا ژهه‌مووان مه‌زنتر. ل درێژیا ژیێ مه‌ كوردان هێرش هاتینه‌ سه‌ر خاكا مه‌ و وه‌لاتێ مه‌ داگیر كریه‌ وخه‌لكێ مه‌ كوشتینه‌ و ره‌ڤاندینه‌ و هه‌مى جۆرێن زولم و سته‌مان ل گه‌ل مه‌ ئه‌نجامداینه‌ و حه‌تا نوكه‌ ژی یێ ب تۆپ و فرۆكه‌ و مووشه‌ك و ئابلۆقا و پیلانان هێرشى مه‌ دكه‌ن و ره‌وشا مه‌ تێكدده‌ن و ئه‌ڤ نموونه‌ یێن ئه‌م به‌حس دكه‌ین ئه‌و دیمه‌نن یێن كو رۆژانه‌ ملله‌تێ مه‌ دبینیت و ب سه‌رێ دا دهێن.

دمه‌كێ درێژه‌ كو تۆبخانه‌ و باله‌فرێن حوكمه‌تێن توركیا و ئیرانێ رۆژانه‌ سنۆرێن هه‌رێما كوردستانێ تۆپباران دكه‌ن و دبه‌زینن و وه‌لاتیێن كورد و گوندنشینێن ده‌ڤه‌رێ دبنه‌ قوربانى و ب ده‌هان شه‌هید و بریندار په‌یدا دبن و ب ده‌هان گوند دئێنه‌ به‌ردان و ب هزاران دۆنه‌م و هكتار ژ دارستانێن ره‌نگینێن كوردستانێ دئێنه‌ سۆتن و وێرانكرن و ب سه‌دان زه‌ڤیێن وه‌لاتیان دئێنه‌ به‌ردان ب بهانه‌یا هه‌بوونا چه‌كدارێن pkk و یێن پژاكێ و یێن دیمۆكراتا ئیرانێ د ناڤ خاكا هه‌رێمێ دا و ب به‌رده‌وامبوونا تۆپباران و به‌زاندنا سنۆرێن هه‌رێما كوردستانێ ژ لایێ حوكمه‌تێن توركیا و ئیرانێ ڤه‌ دلته‌نگیه‌كا ئێكجار مه‌زن ل جه‌م حوكمه‌تا هه‌رێمێ و خه‌لكێ كوردستانێ په‌یدا بوویه‌ و ب تایبه‌ت خه‌لكێ هه‌ژار و جۆتیار و بێگونه‌ه كو دبنه‌ قوربانى و مال و حالێن خوه‌ بجه دهێلیت و به‌ر ب ده‌ڤه‌رێن ئێمناهى تێدا به‌رقرار دكه‌ڤنه‌ رێ و ژ هه‌مى لایه‌كى ڤه‌ زیانێن مه‌زن دبینن ژلایێ چاندن و خودانكرنا گیانه‌وه‌ران و هێلانا گوند و مالێن خوه‌.

پشكا دووێ

هه‌ر ل سالێن هه‌شتیان دا ده‌وله‌تا توركیا هێرش و ئوپه‌راسیۆنێن له‌شكرى یێن مه‌زن و به‌رفره‌ه كرینه‌ سه‌ر كوردستانێ و هه‌ر پێشمه‌رگه‌یى قه‌هره‌مان شه‌ر ل گه‌ل دوژمنان كرن و به‌رگرى ژ په‌كه‌كێ دكر لێ پشتى زیندانكرنا عه‌بدوللا ئۆجه‌لانى هێرشێن سه‌ربازى یێن توركیا بۆ دمه‌كى كێم هاتنه‌ راوه‌ستاندن، به‌لێ ل سالا (2004) ب بهانه‌یا هێرشێن چه‌كدارێن pkk بۆ سه‌رخاكا وان جاره‌كادى ئوپه‌راسیۆنێن له‌شكرێ توركیا ده‌ست پێكرنه‌ڤه‌ و ل سه‌ر ڤێ چه‌ندێ را هه‌رده‌م توركیا حوكمه‌تا هه‌رێما كوردستانێ و ئه‌مریكا تۆمه‌تبار دكرن كو چاڤخشاندن و چاڤنقاندنێ ل سه‌ر چالاكیێن چه‌كدارێن pkk دكه‌ن و جاره‌كا دى له‌شكرێ توركیا ئوپه‌راسیۆنه‌كا له‌شكرى یا مه‌زن ئه‌نجامدا ب رازه‌مه‌ندیا ئه‌مریكا ل سالا(2007) ێ و به‌زاندن و تۆپبارانكرنا سنۆرێن هه‌رێما كوردستانێ وه‌كو عورف و كه‌لتووره‌كى یه‌ ل جه‌م هه‌ردو ده‌وله‌تێن توركیا و ئیرانێ و ب بهانه‌یا چه‌كدارێن پژاك و په‌كه‌كێ و دیمۆكرات، لێ ئه‌ڤان بهانایا چ بنه‌ما ژبۆ نینن یا دروست و سه‌ره‌كى ئه‌وه‌ كو نابیت ملله‌تێ كورد هه‌بیت و ل دووڤ هزرێن وان یێن گه‌نى هه‌بوونا ملله‌تێ كورد مه‌ترسیه‌ ل سه‌ر ئاسایشا نه‌ته‌ویا وان و هه‌ر چار لایه‌نێن توركیا و سووریا و ئیران و عیراق ئێك هه‌لویست و ئێك بریارن ل سه‌ر دۆزا كوردى و هه‌ولدانێن مه‌زن دكه‌ن كو ملله‌تێ كورد ژ گوهۆرینێن نوكه‌ ل ده‌ڤه‌رێ بێبه‌هر ببن و هه‌ر بمینن كۆله‌ و به‌ند و فه‌رمانێن خوه‌ ل سه‌ر ملله‌تێ كورد بكه‌ن و پرسگرێك نه‌بتنێ یا پارچا كوردستانا عیراقا فیدراله‌، به‌لكو گه‌له‌ك مه‌زنتره‌ ژ ڤێ چه‌ندێ و ئارێشه‌ یا گشتى یه‌ و ل سه‌ر هه‌مى پارچێن كوردستانێ یه‌، به‌لكو ل سه‌ر ملله‌تێ كورد بخوه‌ یه‌ و مه‌به‌ست ژێ ئه‌ڤه‌یه‌ كو هێرشێ ب هه‌مى لایان و واران بكه‌نه‌ سه‌ر ملله‌تێ كورد كو قه‌باره‌ و پێگه‌ها وان بچووك و بێ هێز بكه‌ن كو ئێدى داخوازا مافێن خوه‌ نه‌كه‌ن.

ژ لایه‌كێ دى ڤه‌ ژ بلى یا مه‌ گۆتى ئه‌وه‌ كو توركیا تیشكا كه‌سك ژ ئه‌مریكا وه‌رگرتى یه‌ بۆ لێدانا ئارمانجێن خوه‌ د خاكا كوردستانێ دا حوكمه‌تا عیراقێ ل سه‌ر ئاستێ دیپلۆماسى و هه‌رێمى یا بێ ده‌نگه‌ و چ هه‌لویستێن جددى نه‌وه‌رگرتى نه‌ به‌رامبه‌ر هێرش و سنۆربه‌زاندێن ئیران و توركیا به‌روڤاژى ڤێ چه‌ندێ ده‌وله‌تا عیراقێ كێشا هه‌ڤده‌م كر دگه‌ل كێشا راگه‌هاندنا حوكمه‌تا نوو و پرسێن وانان و كوردان و ده‌ڤه‌رێن ڤه‌قه‌تیاى و كێشه‌یێن كه‌ركووك و شنگال و ده‌ڤه‌رێن ده‌رڤه‌یى سنۆرێ هه‌رێمێ راكرن و پرسا حشدا وه‌حشى و میلیشیاتان ژبیركرن و ئارێشه‌ بۆ وان كوردێن ل ده‌ڤه‌رێن ل بن كونترۆلا وانان ڤه‌دروست دكرن و ئارێشه‌ بۆ كوردێن د خوه‌جه په‌یداكرن و بێ گومان هێزێن پێشمه‌رگه‌ى ب تنێ به‌رگریێ ژ وه‌لاتیێن كورد و هه‌مى لایه‌نان دكه‌ت ژ گه‌ف و زولم و سته‌ما عه‌ره‌بێن شۆفێنى و دیسا دا كو حوكمه‌تا هه‌رێمێ و ملله‌تێ كورد مژوولى ره‌وشا ناڤخوه‌یى ببن و هێرش و به‌زاندنا سنۆرى ژلایێ توركیا و ئیرانێ ڤه‌ ژبیر بكه‌ن. ب راستى ئه‌ڤا دئێته‌ ئه‌نجامدان ل سه‌ر سنۆرێن هه‌رێما كوردستانێ ب بهانه‌یا pkk و پژاكێ زۆرداریه‌كا مه‌زنه‌ ل ملله‌تێ كورد دكه‌ن و مایتێكرنه‌كا راسته‌وخویه‌ د كاروبارێن حوكمه‌تا هه‌رێما كوردستانێ دا و دیسا پیلانه‌كا پێنچ لایى یه‌ دژى ملله‌تێ كورد ل كوردستانێ پێدڤى یه‌ سه‌ركردایه‌تیا كوردى وحوكمه‌تا هه‌رێما كوردستانێ ب جددى به‌رسینگێ ڤێ پیلانا مه‌زن بگریت و ب رێیێن ئاشتیانه‌ ئه‌ڤ ئارێشه‌ بهێته‌ چاره‌سه‌ركرن و پتر بازنه‌یێن كۆمبوون و دانوستاندنان ل گه‌ل لایه‌نێن په‌یوه‌ندیدار یێن حوكمه‌تێن توركیا و ئیرانێ و عیراقێ ڤه‌كه‌ت و هه‌روه‌سا ل سه‌ر ئاستێ نێڤده‌وله‌تى ژى ئه‌ڤ ئاریشه‌ بهێته‌ گه‌نگه‌شه‌كرن و هه‌مى پارتێن كوردستانى د ڤان بازنێن كۆمبوون و دانوستاندنان دا پشكدارببن و هه‌لویستى به‌رامبه‌ر وه‌رگرن و خوه‌ بخودانێن ڤێ ئارێشا مه‌زن بزانن داكو ملله‌تێ كورد یێ پاراستى بیت ژ هه‌مى پیلانان. هه‌ر دیسا ره‌وش گه‌هشته‌ وى راده‌یى كو ئیران ل باره‌گایێن دیمۆكراتا ئیرانێ ب ده‌ت ب مۆشه‌كێن قه‌ده‌غه‌كرى و هه‌ردیسا گه‌هشته‌ وى راده‌یى كو توركیا چ ب ڤێت یا دكه‌ت. ب راستى زى ئه‌ڤ بهانه‌ یێن توركیا و ئیران بۆ مه‌ دروست دكه‌ت و ژ به‌ر وان یێ ب ئاشكه‌را هێرشان دكه‌ن تا راده‌یه‌كى دكه‌ڤیته‌ د قالبه‌كێ قانوونى دا چونكو هه‌ر رۆژ ئه‌ڤ پارتێن كوردى یێن ل هه‌رێما مه‌ ژی هێرشێ دكه‌نه‌ وانان و دبیت هه‌بوونا وان ل ده‌ڤه‌را مه‌ ده‌ست و پیلان ژی ل پشت هه‌بن، چونكو وانان قادێن خه‌بات و به‌رخوادان و تێكۆشانێ هێلاینه‌ بۆ دوژمنان كو دوژمن ب كه‌یڤا خوه‌ ل كوردستانا باكۆر و رۆژهه‌لات و رۆژئاڤا هه‌ر كاره‌كى دكه‌ت بێ هزر بۆ ڤان پارتان بكه‌ن. ئه‌گه‌ر ئه‌م به‌راوردكرنه‌كێ ل گه‌ل پێشمه‌رگێ قه‌هره‌مان بكه‌ین و د گه‌ل په‌كه‌كێ و له‌شكرێن پارتێن كوردى مینا دیمۆكرات و په‌كه‌كه‌ و پژاك و هه‌میان بكه‌ین دێ بینین كو هه‌رده‌م پێشمه‌رگێ مه‌ خوه‌ ژ وان جه و ده‌ڤه‌ران نێزیك نه‌ دكرن یا كو زانى بایه‌ وه‌لاتیێن سڤێل و و بێگونه‌ه و جۆتیار و كارمه‌ند دێ ل وێره‌ بن وزه‌ره‌رێ بینن ب تنێ پێشمه‌رگێ قه‌هره‌مان هێرشێن مێرانه‌ دكرن نه‌ دچوونه‌ د ناڤ زارۆ و ژن و پیرو كالان دا مینا یێن نوكه‌ هه‌مى گوندێن ده‌ڤه‌رێن دهۆك و ئامێدیێ هاتنه‌ به‌ردان وب ئاشكه‌رایى په‌كه‌كه‌ یێن دهیێن د ناڤ گوندان دا و فرۆكه‌ و تۆپ ومووشه‌ك و هێرش ژی دهێنه‌ سه‌ر وه‌لاتیێن سڤێل و بێگونه‌ه و ژ به‌ر ڤان ئه‌گه‌ران ئه‌ز دبینم یا نوكه‌ له‌شكرێ وانان ڤان ره‌فتاران دكه‌ن یێ زه‌ره‌ره‌كا مه‌زن دگه‌هیننه‌ دۆزا كوردان ل ناڤه‌ندێن جیهانێ و ل ناڤ خوه‌ بخوه‌ ژی دا و تا كو گه‌هشتیه‌ وى راده‌یى كو ل رۆژا (15/11/2018) فرۆكێن عوسمانیان گوندێ ئه‌ره‌دنا بۆمبه‌ران كرن ودئه‌گه‌رێ دا (سێ) وه‌لاتیێن سڤیل شه‌هیدبوون و ب ده‌هان جاران ئه‌ڤ تابلۆیه‌ دهینه‌ دوباره‌ وده‌ه باره‌كرن و ب تنێ كورد زه‌ره‌رێ دكه‌ن و دربێن مه‌زن ب حوكمه‌تا هه‌رێما كوردستانێ دكه‌ڤن و یا دیاره‌ كو وان چه‌كدارن دڤێت ئه‌ڤ ره‌وشه‌ ب سه‌رێ هه‌رێما مه‌ بهێت و ئه‌گه‌ر نه‌ڤیا بایه‌ دا چالاكیێن خوه‌ ڤه‌گوهێزنه‌ ناڤ سنۆرێ چالاكیان ل كوردستانا باكۆر و رۆژئاڤا و رۆژهه‌لات راسته‌ ئه‌گه‌ر بێژین ئه‌و ژی كوردن و ئه‌م ژى لێ نوكه‌ ره‌وش نه‌یا ئارامه‌ و بلا ئه‌م بهانان نه‌ ده‌ینه‌ ده‌ستێ دوژمنى و ئه‌گه‌ر ئه‌م بووینه‌ خودان ده‌وله‌ت و سه‌روه‌رى مه‌ هه‌بیت پاشى كه‌سێ ده‌ستێ خۆشمێر و عه‌گیدان نه‌ گرتیه‌، لێ دڤێن ئه‌م ئێكودو ژ دوژمنان ژی بپارێزین و خوه‌ ژی بپارێزین.

هه‌ر دیسا ل ئالیێ په‌روه‌ردێ ڤه‌ ژی و ل دووڤ ژێده‌رێن باس نیۆز ب ده‌هان گوند هاتنه‌ به‌ردان و ب تنێ ل سنۆرێ قه‌زا ئامێدیێ پتر ژ (400) قوتابى ژ گوندێن خوه‌ ره‌ڤینه‌ وب به‌ر ب هنده‌ك جهێن دى یێن ئارام ڤه‌ دچن و ئه‌و قوتابى بێبه‌هربوون ژ خویندن و زانستى. ژ ئالیێ ئابوورى ڤه‌ ئه‌گه‌ر په‌كه‌كێ ده‌ڤه‌را مه‌ بجه هێلابایه‌ و خه‌لك ب ئارامى به‌ر ب گوندێن خوه‌ چووبان دا ب ملیۆنان دۆلاران داهات بۆ خه‌لكێ مه‌ یێ خه‌باتكه‌ر و بێبه‌هر هیت و دا ره‌وشا ئابوورى به‌ر ب پیشڤه‌ چیت و دا وه‌به‌رهێنان كه‌ڤیته‌ ده‌ڤه‌رێ و دا ده‌ڤه‌ر ب ته‌مامى هێته‌ ئاڤه‌دان كرن. ئه‌رێ ئه‌گه‌ر ئه‌و شه‌رێن هه‌وه‌ ژی خوه‌ بخوه‌ كرین هه‌وه‌ دژى توركیا و سووریا و ئیرانێ ئه‌نجامدابان، دا ره‌وشا وان وه‌لاتان ئالۆز كه‌ن ودا ره‌وشا ملله‌تێ كورد باشتر لێهێت و دا بینه‌ خودان هه‌ولیسته‌كێ بهێز و به‌لانسا كاران دا د ده‌ستێ كوردان دا بیت و نوكه‌ ژی هه‌ر برایێن مه‌نه‌ ومال یا وانایه‌، لێ ئه‌م هه‌ڤدو بپارێزین باشتره‌ و پاشى ل پشت په‌ردان چ دهێته‌كرن و گۆتن ئه‌و بلا بۆ خودان بریاران بیت. وه‌كو ئه‌درێسێ گۆتارا مه‌ توركیا و ئیرا و عیراق و سووریا یێن هه‌مى كار و خرابكاریا به‌رامبه‌ر مه‌ دكه‌ن و بێ ل قانوونێ بزڤرن و ترس و سه‌همه‌كێ بۆ مه‌ بكه‌ن و عیراقا قیدرال یا ب چاڤێن زل سه‌ح دكه‌ته‌ هه‌لویست و ره‌وشان و ل ناڤه‌ندێن راگه‌هاندن و میدیایا یێ داخۆیانیا دده‌ن و دبێژن عیراق ئێك پارچه‌یه‌، پا بۆچى تو به‌رگریێ ژ پارچا خوه‌ یا عیراقێ ناكه‌ن. په‌یاما من یا دووماهیێ ئه‌وه‌ كوم ه‌ های ژ خوه‌ هه‌بیت و یا ژ هه‌مووان باشر ئه‌م خوه‌ بكه‌ینه‌ هه‌ڤ و ده‌ستێن خوه‌ بكه‌ینه‌ د ناڤ ده‌ستێن هه‌ڤدو دا و پێكڤه‌ كوردستانا خوه‌ بپارێزین و ئاڤا بكه‌ین و بگه‌هینه‌ ئاسۆیێن گه‌ش . ئه‌گه‌ر ب ئێكگرتنێ نه‌ بیت چ جاران نا گه‌هینه‌ مه‌ره‌مێن خوه‌ یێ نه‌ته‌وه‌یى. ئاڤه‌دان بیت كوردستان بلند بیت پیرۆزه‌ ئالایێ كوردستانێ و پێشمه‌رگێ مه‌ پاراستى بیت.

خالد ئه‌حمه‌د بادى

پرسیار ژ هیتله‌رى دهێته‌كرن كا خرابترین و نه‌خۆشترین جۆرێن مرۆڤان ل جه‌م ته‌ كینه‌، هیتله‌رى د به‌رسڤێ دا وه‌سا دا خۆیا كرن ئه‌و مرۆڤێن ل ده‌ڤ من ژ هه‌میان خرابتر و پیستر ئه‌ون یێن هاریكاریا من كرى كو وه‌لاتێ وانان داگیر بكه‌م. هه‌ر وه‌سا ره‌وشه‌نبیر و زانایێ مه‌زن جبران خلیل جبران دبێژیت (سێ جۆرێن مرۆڤان دڤێت چ جاران نا هێنه‌ ژبیر كرن, جۆرێ ئێكێ ده‌مێ تو دكه‌ڤیه‌ د گرفتاریه‌كێ دا وهاریكاریا ته‌ بكه‌ت, جۆرێ دووێ ده‌مێ تو د گرفتاریه‌ك و ئارێشه‌كێ دا بى و ته‌ بهێلیت وده‌ستان ژته‌ به‌رده‌ت، جۆرێ سێ یێ ئه‌وه‌ یێ كو تو كریه‌ د ڤێ گرفتارى و ئاریشێ دا). چ جاران هه‌ول نه‌ ده‌ بگه‌هیه‌ كه‌سه‌كى كو وى نه‌ ڤێت بگه‌هیته‌ ته‌.ئه‌ڤا ئه‌م نوكه‌ به‌حس بكه‌ین و بنڤێسین ل سه‌ر ملله‌تێ مه‌ جه بجه دبن و ب سه‌رێ ما دا هاتینه‌ وحه‌ تا نوكه‌ ژی ب سه‌رێ مه‌ دهین ئه‌م كوردین و ل كوردستانێ دژین و ب سایا رویبارێن خوینا هزاران گه‌نج و لاوێن كوردان حه‌تا ناڤێ پیرۆزێ كوردستانێ هاتیه‌ پاراستن و ئه‌م بشیێن ڤێ په‌یڤا شرین بێژین لێ هنده‌ك خۆفرۆش كو تا نوكه‌ هه‌ستا نه‌ته‌وه‌یى ل ده‌ڤ نینه‌ و چ خزمه‌ت و خه‌بات بۆ كوردان نه‌كرینه‌ و حه‌تا نوكه‌ گرێداى هزر و بۆچوون و سیاسه‌تا عه‌ره‌ب و شۆفینیانه‌ و بووینه‌ ره‌شه‌كێن جه‌لاد و خوینمێژێن كوردان و هه‌تا نوكه‌ ژی خزمه‌تێ بۆ دوژمنان دكه‌ن و هنده‌كێن دى یێن هه‌ین ب سایا سه‌رێ كوردان بووینه‌ ده‌ستهه‌لاتدار ل عیراقێ و حه‌تا نوكه‌ دبێژن شمال العراق. گرۆڤه‌ ژی ل سه‌ر ڤێ چه‌ندێ كو ل رێكه‌فتى (24/10/2018) ل روونشتنا په‌رله‌مانێ عیراقێ ب سه‌رۆكاتیا حلبۆسى عادل عه‌بدولمه‌هدى د په‌یڤا خوه‌ دا هه‌رێما كورستانێ ب شمال العراق دایه‌ نیاسین و د دلى دا نه‌ هات بێژیت كوردستان و ئه‌ڤه‌ ژی دبیته‌ سه‌رپێچیه‌كا قانوونى، چونكو د دستوورى دا هاتیه‌ فه‌رمیكرن (إقلیم) و عیراق ژ دوو نه‌ته‌وێن سه‌ره‌كى پێكدهێت ئه‌و ژی كورد و عه‌ره‌بن. ئه‌ڤه‌ نه‌ ئاریشه‌یه‌ ئاریشه‌ و یا نه‌خۆش و گران په‌یڤا وى كابرایه‌ یێ رۆژه‌كێ ژی پێشمه‌رگاتى نه‌كرى و خه‌بات نه‌كرى و هاتیه‌ سه‌ر سفرا حازر ئه‌و ژى به‌رهه‌مێ كو سه‌رۆكێ عیراقا فیدراله‌ و دبێژیت ئه‌ز كوردم ژی و ب كوردى ژی دئاخڤیت و ئه‌وه‌ یێ خوه‌ ب بهایه‌كێ ئه‌رزانفرۆتى ل رێكه‌فتى (28/10/2018) ل وى باژێرى یێ كو هه‌ر وان یێن دگۆت شمال العراق ب هزاره‌ها كورد شه‌هیدكرین ب چه‌كێ كێمیاوى یێ قه‌ده‌غه‌كرى ل جیهانێ د په‌یڤا خۆیا نه‌ پربها دا گۆتى شمال العراق. ئه‌ڤه‌ وێ چه‌ندێ خۆیا دكه‌ت كو چ جاران ئه‌ڤ خۆفرۆشه‌ ژ ناڤ مه‌ كوردان بدووماهى نائێن و دێ هه‌ر مینن فایرۆس و ل ناڤ له‌شێ نه‌ته‌وه‌ و ملله‌تێ كورد دا ژین و دوژمناتیا كوردان كه‌ن. په‌یاما مه‌ بلا یا دیار بیت و كوردستانى بریارا خوه‌ بده‌ن و كورد ڤان جۆره‌ مرۆڤان سزا بده‌ن دا كو ببنه‌ عیبره‌ت بۆ هه‌مى خاین و خۆفرۆشان. پژیت هه‌رێما كوردستانێ و بمرن و رووره‌ش بن خودانێن دبێژن شمال العراق. شاد بیت خوینا شه‌هیدان و سه‌ركه‌فتى بیت پێشمه‌رگێ كوردستانێ.

خالد ئه‌حمد بادى

گه‌نجه‌كێ سه‌رده‌مى پرسیاره‌ك ژباپیرێ خوه‌ كر و گۆتێ (باپیر چاوا هه‌وه‌ بێ ئه‌نترنێت و بێ تكنولۆجیا نوو و پێشكه‌فتنێ و ئه‌لكتریك و ته‌لفۆن و فه‌یسبۆك و ئیمایلا دقه‌تاند و ژیانا خوه‌ یا رۆژانه‌ دبره‌ سه‌ر) ئێكسه‌ر باپیرى به‌رسڤا وى دا و گۆتێ (كا چاوا هوون نوكه‌ بێ ڤیان و دلسۆزى و راستگۆیى و مرۆڤاتى و ده‌ستپاكى دژین) . بێگومان تیتال و چاڤلێكرن و ره‌وشتێن جڤاكێن مرۆڤان ل جیهانێ و ل سه‌ر رویێ گۆیا زه‌مین د ژێكجودانه‌ و هه‌ر ملله‌ته‌كى جۆرێن تیتال و ره‌وشت و رێنمایێن خوه‌ یێن تایبه‌ت هه‌نه‌. ملله‌تێ كورد ل كوردستانێ ژی مینا هه‌مى ملله‌تێن جیهانى جوداهیه‌ك د هه‌مى واران دا هه‌یه‌ و كوردان ب ڤان وارێن جودا و یێن كو هاتینه‌ چاندن د مێشكێ هه‌ر كورده‌كى دا مرۆڤانى و جوامێرى وباوه‌رى و خۆش مرۆڤى و كارێن باش دووركه‌فتن ژ شاشیان و دلسۆزى و مرۆڤاتى و خزمه‌تكرن و زیره‌كاتى و هتد .. ب راستى د ده‌مێن كه‌ڤن دا ملله‌تێ كورد زۆر تیتال و ره‌وشت و كارێن باش و مفادار هه‌بوون و ژ ئالیێ هزرى و ره‌وشه‌نبیرى و زانستى و ستیكۆلۆجى و قانوونى و په‌روه‌ده‌یى و ئایینى ڤه‌، زۆر د كونترۆلكریبوون. دا باپیر یان باب یان دایك یان هه‌ر كه‌سایه‌تیه‌ك بایه‌ ل هه‌ر جهه‌كى دا سوحبه‌ته‌كا خۆش كه‌ت ل ناڤ رستێن وان سوحبه‌تان دا ب ده‌هان سه‌ربۆر په‌یڤێن باش و خۆش و شرین و مفادار هه‌بوون و هه‌روه‌سا د دیوانان دا سوحبه‌ته‌ك یان چیرۆكه‌ك یان سه‌رهاتیه‌ك یان هه‌ر په‌یڤه‌كا شرین بایه‌ هاتبا كرن ب هزاران مفا تێدا بوون دبوونه‌ سه‌ربۆر و رێنمایى بۆ نفشێن وى سه‌رده‌مى و هه‌تانوكه‌ ژی ئه‌ڤ نفشێن ناڤه‌ند مفاى ژ وان په‌یڤێن وى سه‌رده‌مى وه‌ردگرن و بووینه‌ بنچینه‌ بۆ جڤاكێن كوردى یێن نوكه‌ ژی. ئه‌و رێنمایى و په‌یڤێن به‌راهیێ یێن وه‌رزشى و هزرى و په‌روه‌رده‌یى و زانستى و هه‌مه‌جۆرى حه‌تا نوكه‌ ژی نفشێن كوردان ژی مفاى ژێ دبینن و ئه‌گه‌ر ئه‌م ل گه‌ل ته‌كنولۆجیا و كارێن نوكه‌ به‌راورد بكه‌ین بێ گومان زۆر خرابكارى بۆ نفشێن كوردان یێن نوكه‌ په‌یدا دبن و بنچینێ هه‌ر خێزانه‌كا كوردان كاتێكرنه‌كا نه‌رێنى ل سه‌ر دهێته‌ كرن و بنكه‌ و بازنێ خێزانێ هاتیه‌ تێكدان و جڤاك ژی هاتیه‌ ئه‌نفالكرن ب ته‌كنۆلۆجیا نوو. نوكه‌ دیوان و مال و سوحبه‌ت و چیرۆك و سه‌ره‌دان و ڤیان و دلسۆزى و خیزان و ملله‌ت و وه‌لات هه‌مى نوكه‌ بووینه‌ فه‌یسبۆك و یاریێن خراب و ئه‌نترنێت و ئه‌تارى و پوبجى و ڤایبه‌ر و واتس ئاپ و ئیمایل وئه‌نستگرام و فلم و خه‌له‌كێن دوبلاجكرى و كه‌سه‌ك چ مفاى ژ ڤان وه‌رناگریت و ب تنێ دوژمن و نه‌حه‌زێن مه‌، مفایێن مه‌زن یێن ماددى و مه‌عنه‌وى و دوژمنكارى ژێ وه‌ردگرن و ئه‌م ژی رۆژ بۆ رۆژێ ژهه‌ڤدو دوور دكه‌ڤین و شێوێ بیانى و ژێكڤه‌كرن و دووركرن ژعورف و سنجان ئه‌م بخوه‌ڤه‌ دگرین و چ مفاى ژڤێ تكنولۆجیایێ وه‌رناگرین و ب تنێ ئه‌م ژ خواندن و پرتووك و رۆژنامه‌ و زانستى دووركرین و كرینه‌ نفشێ فه‌یسبۆك و پوبجى و ئه‌نترنیت و یاریێن دى یێن بێ مفا. پرسا نوكه‌ یا دوژمناتیا تكنولوجیایێ بۆ جڤاكان و ب تایبه‌ت جڤاكێ كوردى زۆر ترسناكه‌ و رێژا سه‌ركه‌فتن و پله‌به‌رزا ل وه‌لاتێ مه‌ ل ئاستێ پێدڤى نینه‌ و ئه‌گه‌رێن سه‌ره‌كى هه‌ر ئه‌ڤ تكنولۆجیایه‌ و ئه‌م دشێن ڤێ ته‌كنولۆجیایێ دكارێن چاك و باش و ب مفا بكاربینین. هه‌روه‌سا ئه‌م دشیێن د كارێن شاش و خراب ژی دا بكاربینن. ئومێده‌وارم ئه‌م پێداچوونه‌كێ ل خوه‌ بكه‌ین و ل شوونا دوژمناتیا ته‌كنولۆجیایێ بكه‌ینه‌ دۆستایه‌تیا ته‌كنولۆجیایێ و ل شوونا خرابیێ مفاى و باشیێ ژێ ببینین.

خالد ئه‌حمه‌د بادى
زانا و بلیمه‌ت و كه‌سایه‌تیێ جیهانى یێ به‌رنیاس (ئه‌لبێرت ئه‌نیشتاین) دبێژیت (هه‌كه‌ ته‌ ڤیا ژیانه‌كا خۆش و ئارام ببه‌ى دێ ب ئارمانجه‌كا ده‌سنیشان كرى ڤه‌ گرێده‌ى نه‌ ب چ كه‌سان وجهان ڤه‌)، ئانكو د گۆره‌پانا ژیانا رۆژانه‌ دا هه‌ر كه‌سه‌ك دڤێت ئارمانجه‌كێ بۆ خوه‌ ده‌ستنیشان بكه‌ت نه‌ ل سه‌ر چ كه‌س و جهان پشتبه‌ستیا خوه‌ بكه‌ت سه‌ر. چونكو هه‌ر كه‌سه‌كى ژ ده‌ریایا سه‌ربۆران نه‌ ڤه‌خۆت دێ ژ تێهنا ل بیابانا ژیانێ مریت و ژیان قۆتابخانه‌ یه‌ و مامۆستایێن وێ قوتابخانێ زه‌مانه‌ (چه‌رخ) و وانێن وێ قوتابخانێ ژی ب تنێ سه‌ربۆرن. ڤیان و حه‌زا وه‌لاتى تشته‌كێ خودایى یه‌ و د ناخێ هه‌ر كه‌سه‌كى دا یێ هه‌یى، لێ ل جه‌م هنده‌ك كه‌سان رێژا ڤیانێ پتره‌ و ئه‌وێن حه‌ز وه‌لاتێ خوه‌ دكه‌ن پتریا یێن دى چین و تۆێژا هه‌ژارانه‌ و ل ده‌مێ جه‌نك و شه‌ر ب سه‌ر وه‌لاتان دا دهێن یێن به‌ره‌ڤانیێ دكه‌ن ب تنێ هه‌ژارن و ل ده‌مێ پاله‌وانى و پاره‌ و ده‌ستكه‌فتان، ب تنێ زه‌نگین و بالاده‌ستن. تێكهه‌لبوونا هه‌ر تشته‌كى ل ناڤ جڤاكێ مه‌ دا و ب تایبه‌ت ل ڤى سه‌رده‌مى دا هاتیه‌كرن، نه‌خاسمه‌ پشتى په‌یدابوونا زۆر جه‌واشه‌بوون یان سه‌هوبوون و تێكهه‌لبوون ل ناڤبه‌را جه‌ماوه‌ر و ملله‌تى دا و ب تایبه‌ت پێگه‌هێن سیاسى دا هه‌نه‌ و مه‌ره‌ما سه‌ره‌كى د رامان و پێگه‌هى دا، هه‌ر ئه‌ڤه‌یه‌ ساناهى كرنا كارێ سیاسى یان برێڤه‌برنا پرۆسا سیاسى ل ناڤه‌ندێن كارى دا, بێ كو رامانا سیاسه‌تێ بهێته‌ زانین و گرۆڤێ كلیلا خاترانه‌یا (مجامله‌) ل ناڤبه‌را خه‌لكى ب گشتى دا هه‌ى و ئه‌و تۆمه‌تێن سیاسى دده‌نه‌ هه‌ڤدو بێ گرۆڤ و به‌لگه‌ و بێ دووماهی و ئه‌نجام. سیاسه‌تڤان زۆر پشتبه‌ستى یا خوه‌ دده‌ته‌ بال پرسێن وه‌لاتپارێزیێ و ژبۆ تۆلڤه‌كرن ژ هه‌ڤچه‌په‌ر و هه‌ڤالێن خوه‌ و ب گومان ئێخستنا وه‌لاتپارێزى یا هه‌ڤچه‌په‌ر و هه‌ڤالێن خوه‌ و چێكرنا وێنه‌كى و خوه‌ د وێ قودیكێ دا دیاركرن كو ب تنێ ئه‌و یێ وه‌لات په‌روه‌ره‌ و دلسۆزه‌ و ب تنێ ئه‌و به‌رگریێ ژخاك و وه‌لاتى دكه‌ت و كراسێ وه‌لاتپارێزیێ ل دووڤ پیڤه‌رێ خوه‌ دروست دكه‌ت دا كو خوه‌ بێگونه‌ه بكه‌ت ل سه‌ر وان كار و كریارێن شاش و تۆمه‌تێن مه‌زن یێن سیاسه‌تڤانى ئه‌نجامداین ل به‌رامبه‌ر گه‌ل و وه‌لاتى و ئه‌و سیاسه‌تڤان و كاربده‌ستێن ل ناڤ ده‌ستهه‌لاتى دا بن ل چ جهێن دونیایێ بیت یێ ئاماده‌یه‌ كو هه‌ر تشته‌كى یان كاره‌كى بكه‌ت كو مفایه‌كێ ماددى یان مه‌عنه‌وى بگه‌هینیته‌ خوه‌ و ده‌ما مه‌ خواندى و گوه لێ بووى كو ل پتریا وه‌لاتێن دونیایێ یان شه‌رێن گران و جه‌نگ په‌یدا بوون ئه‌گه‌رێن سه‌ره‌كى یێن ڤان شه‌ر و جه‌نگان ب تنێ به‌رژه‌وه‌ندیێن گشتى بووینه‌ یان ژی ئه‌و وه‌لات یان ملله‌ت هاتینه‌ شكه‌ستن یان ژناڤبرن هه‌ر ئه‌و كاربده‌ست و بالاده‌ستبوون خوه‌ خیانه‌تكرى و به‌رامبه‌ره‌ك وه‌رگرتى مینا ل وه‌لاتێ چینێ چه‌ندین جاران دوژمنان هێرش كرنه‌ سه‌ر چینێ نه‌ هاتینه‌ شكه‌ستن، به‌لێ ب وه‌رگرتنا به‌رامبه‌ره‌كى ئه‌و كه‌لها مه‌زن و ئاسێ و خورستى و بناڤوده‌نگ هاته‌ داگیركرن و ستاندن. مینا وه‌لاتێ مه‌ كوردستانا شرین كو ب هزاران جاران شه‌ر و جه‌نگ و هێرش ل سه‌ر كه‌ركووكێ و ده‌ڤه‌رێن كوردان و كه‌ركووكا دلێ كوردستانێ دا هاتینه‌ لێ به‌رگریه‌كا مه‌زن ژێ هاتیه‌كرن لێ هاته‌ داگیركرن و كه‌فته‌ بن پستالێن پیسێن هنده‌ك عه‌ره‌بان و تێشكێن به‌عسى و عه‌فله‌قیان و خیانه‌تا (16) ئوكتوبه‌رێ هاته‌ كرن و ب ده‌ستێ چه‌ند پیسه‌كێن گۆرى كو چ جاران خزمه‌تا كوردان و كوردستانێ نه‌ كریه‌ ژبلى وه‌رگرتن و دزینا خێر و خێراتێن كوردستانێ و ب تنێ سامانێ كوردستانێ برینه‌ و سیاسه‌ته‌كا ره‌شتارى و ته‌یسۆك بكاردئینن ل به‌رامبه‌ر ملله‌تێ كورد ل كوردستانێ و بووینه‌ دیلێن به‌رژه‌وه‌ندیێن خوه‌ ب تنێ و مخابن بۆ خوینا هزاران گه‌نجێن كوردان كو ب هه‌روه‌ چوو ل وى ده‌مى ل (16/10/2017) و حه‌تا نوكه‌ ژی ملله‌تێ كورد كه‌فتیه‌ د حاله‌ته‌كێ ده‌روونى و هیستیریایى دا و ئه‌و رۆژێن ره‌ش ژبیرا ملله‌تێ كورد ناچن و ب هزر و بۆچوونێن من ئه‌و ئه‌نفال و جینۆسایدا ب سه‌رێ كوردان دا هاتین (16) ئوكتوبه‌رێ ژ وان هه‌میان مه‌زنتر و ب هێزتر و نه‌خۆشتر بوو و كۆمینتا من ل سه‌ر وێ چه‌ندێ ئه‌گه‌ر مه‌ ئاسایشه‌كا نه‌ته‌وه‌یى یا ب هێز هه‌بیت دێ ڤان پیلان و هێرش و تاوانان ژبن به‌ن و دێ ب دیوارێ گلێشخانه‌یا مێژویێ كه‌ڤن و دێ خائین و خۆفرۆش رویى ره‌ش و شه‌رمزار مینن بلا مه‌ و وانان بتنێ هزر د پاشه‌رۆژ‌و داهاتێ ملله‌تێ كورد و كوردستانێ دا كربانه‌ و پیلانێن دوژمنان شكاندبانه‌ و به‌رده‌وام مه‌ پێكڤه‌ چاڤدێریا كوردستانێ كربا و دووڤچوونا پیلان و بزاڤێن دوژمنان كربانه‌ نه‌ بباینه‌ هه‌ڤال و رێنیشانده‌ر ژبۆ وه‌رگررتنا هنده‌ك گۆژمان, مینا هۆزان و سترانا دیاربووى و دبێژیت (هه‌ر كه‌سه‌كێ خۆشتڤیه‌ك هه‌بیت و به‌رزه‌ ببیت دبیت د ساله‌كێ دا بۆ خوه‌ خۆشتڤیه‌كا دى ببیتیت و ئه‌گه‌ر ئێكى زێرێن خوه‌ به‌رزه‌كرن دبیت ل بازارێ زێرنگرنا بینیت لێ ئه‌گه‌ر ته‌ وه‌لاتێ خوه‌ به‌رزه‌ كر، دێ ل كیڤه‌ وه‌لاته‌كى بۆ خوه‌ بینیت؟) و چ وه‌لات ژی نابنه‌ وه‌لاتێ ته‌. هه‌مى ده‌ما دوژمنێن مه‌ یێن گشتى و ب تایبه‌ت یێن ده‌ردۆر ب هه‌مى هێزا خوه‌ یا ئابوورى یان سیاسى بازرگانى و جڤاكى و په‌روه‌رده‌یى و ساخله‌مى و له‌شكرى و پۆلیسى و هه‌والگێرى ل سه‌ر مه‌ كاركریه‌ و كار دكه‌ن و ب هه‌مى هێزا خوه‌ یێ خه‌رجیاتێن زۆر دكه‌ن و دمه‌زێخن دا كو مه‌ تووشى شكه‌ستن و هه‌ژارى و پاشكه‌فتنێ بكه‌ن و كونترۆلێ ل سه‌ر كوردان بكه‌ن و كوردان نه‌ هێلنه‌ د هه‌بوونێ دا و ئه‌م ژی یێن ماینه‌ ب هه‌ڤدو ڤه‌ و چ هزرێن دى د به‌رژه‌وه‌ند وئایندێ ملله‌ت و وه‌لاتێ خوه‌ دا ناكه‌ین و هزر د ئاسایشا ساخله‌مى و ئاسایشا چاندنێ و ئاسایشا ئابوورى و ئاسایشا بازرگانى دا ناكه‌ین و ژبلى وان هێرشێن سیاسى و له‌شكرى یێن ژ وان ترسناكتر پرسێن بازرگانى و ئابوورى و چاندنێ و جڤاكى و .. هتد. یێن ڤى سه‌رده‌مى و رۆژانه‌ دهێنه‌ سه‌ر وه‌لاتێ مه‌ و بلا ئه‌م هزر بكه‌ین ئه‌ڤ پرسێن ل ناڤ مه‌ دا به‌ر به‌لاڤبووین نه‌خۆشیێن گران و یێن ڤه‌گر و هه‌ر رۆژ ئه‌م یێن دبینین كو چه‌ند كه‌سێن دژیه‌كێ گه‌نجاتیێ دا یێن دمرن و ئه‌م یێن دبینین ئیشێن مه‌زن و گران یێن زێده‌ بووین ل ناڤ ملله‌ت وه‌لاتێ مه‌ دا و ئه‌م یێن گوه لێ دبین كو به‌رى ده‌مه‌كى، ئانكو به‌رى دو سالان وه‌لاته‌كێ هه‌ڤسوویێ مه‌ شتى (زه‌به‌ش) ب سرنجا ماده‌یه‌ك كربوو د ناڤ دا كو كارتێكرنه‌كا نه‌رێنى ل سه‌ر مه‌ دكه‌ت و نه‌ زه‌به‌ش بتنێ به‌لكو هه‌مى جۆرێن دى یێن هێرشان و جۆرێن دى یێن فێقى یێن هاتینه‌ سلنجلیدان، ئانكو (شرینقه‌) دان كو دبیت ئه‌ڤ زه‌به‌شه‌ یان فێقى یان زه‌رزه‌وات یان چ كه‌ره‌ستێن چاندنێ بن بهێنه‌ ژه‌هركرن یان جۆره‌كێ ڤایرۆسان به‌ردا بنه‌ د ناڤ دا كو كارتێكرنه‌كا دره‌نگى نه‌ یا زوى یان یا دۆمدریژ ل سه‌ر گه‌ل و ملله‌تێ مه‌ بكه‌ن. دوژمنان هه‌مى ده‌م و گاڤان ئه‌ڤ سه‌ربۆره‌ هه‌بووینه‌ د دژایه‌تیكرنا ملله‌تێ مه‌ دا چونكو هه‌تا كو ل ئاواره‌یێ ژى ل ناڤ كه‌مپ و چادرگه‌ه و ئوردیگایان دا ژی ل سالێن (1988) دوژمنان نانێ ئاوارێن چادرگه‌هێن مێردین و مووشێ و دیاربه‌كر ژه‌هركرن ب سلنجا و پتر ژ چار هزار ژ ئاواران پێ كه‌فتن و ژه‌هراوى بوون، ئانكو سه‌ربۆرێن باش یێن هه‌یین و ئه‌گه‌ر ل ده‌مێ ئه‌م ل ئاواره‌یێ و مێهڤانێن وانان بووین و ڤێ ب سه‌رێ مه‌ بینن پا هزر بكه‌ نوكه‌ پتر كه‌رب ژ ئالا و په‌رله‌مان و حوكمه‌ت و له‌شكر و پێشمه‌رگێ مه‌ ڤه‌ دبن و دێ هه‌ولێن مه‌زنتركه‌ن ژبۆ نه‌هێلان و دانانا پلانێن ترسناك بۆ ملله‌تێ مه‌ و وه‌لاتێ مه‌ كوردستانێ.
… …. …
ب راستى مه‌ هویرك هزرا خوه‌ د ڤان پرسێن ترسناك دا كر كو رۆژانه‌ مرنا ژ نشكه‌كێ ڤه‌ و ئێشێن گران و مرنا گه‌نجان و فێقیێن ته‌لقیحكرى و سلنجداى و ئه‌رزانیا بازار و تشتێ وانان كو ئه‌و كه‌ره‌سته‌ و مادده‌ و دۆخێن دهنێرن بۆ هه‌رێمێ پتریا وان مادده‌ و دۆخان ب بهایه‌كێ ئه‌رزان دهێته‌كرین و فرۆتن و ب ڤى ئاواى ژی هزر بۆ مه‌ په‌یدا دبیت كو نهێنیه‌ك ل سه‌ر ڤێ پرسێ هه‌یه‌ ئه‌گه‌ر نه‌ دێ كارگه‌ه یان جۆتیارێ وانان یان نۆشدارێ وانان خوه‌ خوساره‌ت كه‌ت یان ژی دپشت دیوار و په‌ردان نهێنیه‌كا مه‌زن وترسناك هه‌یه‌. ل به‌رى چه‌ند رۆژان ل هنده‌ك په‌یجێن فه‌یسبۆك و ئه‌نستگرامان دا هاتیه‌ دیاركرن كو فێقیێ مۆزێ یێ ئه‌ڤ جاره‌ نه‌خۆن ڤایرۆسێ (ئیبۆلا) د ناڤ دایه‌ راسته‌ زۆر حیله‌ و دره‌وێن بازرگان و ئابوورى دهێنه‌كرن و ریكلام و د ل سه‌ر هه‌ڤدو دكه‌ن لێ ئه‌ڤه‌ نه‌ جاره‌ك یان دو جارن ئه‌ڤه‌ پرسه‌كا ترسناكه‌ و دڤێت دووڤچوون بۆ بهێته‌كرن ژ لایێ مه‌ هه‌میان ڤه‌ و ب تایبه‌ت جهێن به‌رپرسیار و شۆله‌ژێ. هه‌ر چه‌نده‌ ئیران و سووریا و عیراق و تركیا ب درێژاهیا سالان ئه‌ڤ پرسه‌ و خرابكارى یه‌ ل گه‌ل ملله‌تێ كورد دا كرینه‌ و كورد ژ ملله‌ته‌كێ خورستى یێ زیره‌ك و خودان ئابووره‌كێ ب هێز و بازرگانیه‌كا باش و خۆبه‌ستن ل سه‌ر خوه‌ بخوه‌ و بێ منه‌تیا وه‌لاتێن ده‌ردور و خه‌لكه‌كى ژی كره‌ ملله‌ته‌كێ نه‌ زیره‌ك و مسرف و كسلان و پشتبه‌ستن ل سه‌ر جهه‌كى یان هه‌ڤاله‌كى و بوونه‌ ملله‌ته‌كێ شكه‌ستى و بێ ئابوور و بێ داهات و بێ هه‌ر تشته‌ك و ئه‌ڤ حوكمه‌تێن عیراق و سووریا و تركیا و ئیرانێ ڤیاى ئه‌ڤه‌ بوو . كا چاوا سیاسه‌تا حوكمه‌تێن عیراقێ ل گه‌ل مه‌ دا بكارئیناى كو كورد ژ گوندێن دوور ئینان د ناڤ كۆمه‌لگه‌هان دا و هێلا بێ كار و بێ مووچه‌ و ئه‌گه‌ر مووچه‌ك ژی دابایه‌ وانان دا زۆر یێ كێم بیت نه‌ مرن و نه‌ژین و چه‌ند مفا ژ وێ سیاسه‌تا ترسناك و كوره‌ وه‌ردگرت وچه‌ندین وه‌لاتێن دى یێن ده‌ردور هه‌ر وێ سیاسه‌تا توند و یا دوژمنكارانه‌ دكه‌ن و نوكه‌ ل توركیا ژی ب ده‌هان به‌نداڤ و گۆم و به‌نداڤێن ئاخێ و یێن به‌را و یێن گشتى دورست دكه‌ن و ناهێلن ئێك دلۆپا ئاڤێ بهیته‌ د ناڤ عیراقێ و هه‌رێمێ دا و هه‌ر دیسا ملله‌ت و گه‌لێ كورد ل باكۆر ژی یێ هه‌ر وان نه‌هامه‌ت و نه‌خۆشى و ده‌رده‌سه‌رى یان دبینن و توركیا ب ڤێ سیاسه‌تا ل هه‌ڤال و هه‌چه‌په‌رێن خوه‌ یێن ده‌ردور یێن ل گه‌ل هاتیه‌ ئه‌نجامدان وه‌سا ئه‌و ژی یێ وێ سیاسه‌تا شاش و دوژمنانه‌ بكاردئینن و پتریا خه‌لكى وان ده‌ڤه‌ران كۆمكرن و ب بهانه‌یا دروستكرنا به‌نداڤێ و سیاسه‌تا دوژمنان زۆر یا ترسناكه‌ به‌رامبه‌ر گه‌ل و وه‌لاتى. بلا ئه‌م بۆ خوه‌ وانه‌یان ژ رابردویى بگرین و های ژ خوه‌ هه‌بین و به‌رژه‌وه‌ندیێن ملله‌ت و وه‌لاتى بدانینه‌ به‌راهیا هه‌ر تشته‌كى و ئه‌گه‌ر به‌رژه‌وه‌ندیێن وه‌لاتى بده‌ستڤه‌هاتن و بوونه‌ ده‌ستكه‌فتى، ئاها ل وى ده‌مى دێ به‌رژه‌وه‌ندیێن من و ته‌ و هه‌میان بۆ دروست بن و ب تنێ بلا مه‌ وه‌لات هه‌بیت و ئه‌م ب ناڤێ وه‌لاتێ خوه‌ ب په‌یڤین نه‌ ب ده‌هان قاره‌مان و سه‌ركه‌فتى مه‌ هه‌بن، به‌لێ ب تنێ ب ناڤێ عیراقێ یان سووریا یان ئیرانێ یان توركیا دپویڤن نه‌ ب ناڤێ كورد و كوردستانێ. ئه‌گه‌ر مه‌ چاندنه‌كا ب هێز هه‌بایه‌ ئه‌م پێدڤى وه‌لاتێن جیهانێ و ده‌ردۆر نه‌ دبۆین و ئه‌گه‌ر مه‌ ئاڤه‌كا ب هێز و مشه‌ هه‌بایه‌ ئه‌م پێدڤى ب دوژمنان نه‌ دبۆین و هه‌ر چه‌نده‌ مه‌ ئاڤه‌كا زۆر یا هه‌یى، لێ ئه‌م د به‌رژه‌وه‌ندى دا بكارنائینین و هه‌ر ده‌م ل بن گه‌فا برینا ئاڤ و رووباراینه‌, ئه‌گه‌ر مه‌ ئه‌ڤ تشتێن ل سه‌رى هه‌مى هه‌بانه‌ بێگومان دا مه‌ عه‌قل هه‌بن و پێشه‌سازیه‌كا ب هێز هه‌بیت و بازرگانیه‌كا چالاك ژی هه‌بیت. هه‌ر تشته‌ك دهێته‌كرن ل ڤێ جیهانێ ئه‌وژى كو ل ئه‌مریكا و زۆر وه‌لاتێن دى ب هزار ملیۆنان ته‌نێن گه‌نمى و به‌رهه‌مێن دى دهاڤێژنه‌ د ده‌ریایان دا و دا كو بشێت ل جهه‌كێ دى یان زۆنه‌كا دى ئابوور و بازرگانیا خوه‌ ب هێز بكه‌ن، ئه‌ڤجا ما یا كێمه‌ بۆ وه‌لاتێن ب هێز كو هه‌ر ره‌فتاره‌ك و كاره‌كى بكه‌ت دا كو مه‌ ژناڤببه‌ن. دوباره‌ ئه‌ز دێ دیاركه‌م كو ئه‌ڤا ل ناڤ مه‌دا روودده‌ت نه‌ یا ڤالایه‌ ژ تشته‌كى چونكو زۆر پرسێن سه‌یر ل وه‌لاتێ مه‌ یێ روو دده‌ن، دمه‌زن و سه‌یرن ئه‌و ژی یێن ل سه‌رى مه‌ دیاركرین. له‌وما دبێژم مه‌ هه‌میان ئێك ئارمانج و ئێك هزر و ئێك چاره‌نڤێس هه‌یه‌ كو ملله‌تێ كورد هه‌مى گرێداى هه‌ڤن، چونكو دوژمن نابێژیت ئه‌ڤه‌ كیه‌، ب تنێ به‌س كورد بیت دێ ره‌فتارێن هۆڤانه‌ و كه‌شه‌فرێن د گه‌ل دا ئه‌نجامده‌ت. بلا مه‌ های ژ خوه‌ هه‌بیت و ئاسایشه‌كا نه‌ته‌وه‌یى و ئابوورى و ئه‌منى و بازرگانى و پێشه‌سازى و خوراكى و چاندنێ و هتد. دروست بكه‌ین وبه‌رهنگارى وان پیلان و هێرشان بین یێن دوژمنى و بلا ئه‌م پرسیاره‌كێ ژ خوه‌ بكه‌ین و هزر د به‌رژه‌وه‌ندێن كوردان و كوردستانێ دا بكه‌ین و خوه‌ ژ هه‌ر خرابكاریه‌كێ قورتال بكه‌ین و هزر د هه‌مى وارێن ژیانا رۆژانه‌یا گه‌لێ خوه‌ بكه‌ین و خو بپارێزین ژ هه‌ر كریاره‌كا دروست دبیت دا كو ملله‌تێ كورد یێ پاراستى بى ژ هه‌ر نه‌خۆشیه‌كێ. چونكو ب راستى ملله‌تێ كورد زۆر قووناغێن سه‌خت و دژوار بۆراندینه‌ و پتریا نیڤه‌كا رێكا ژێهه‌لى و ئه‌ڤرازى بدووماهێك ئینایه‌ و بلا یا مایى ژی ته‌مام بكه‌ت ئه‌و ژى ب زانست و لێكتیگه‌هشتن و گیانێ لیبۆرینێ و گیانه‌كێ لێكگوهۆرینا ره‌ئى و بۆچوونان دا كو هه‌ر وه‌لات سه‌ربكه‌ڤیت. له‌وما ل دووماهێێ دێ بیژم بلا ئاسایشه‌كا خۆراكى و ئه‌منى و بازرگانى و پێشه‌سازى هه‌بیت و كار ژدل ل سه‌ر بهێته‌كرن دا كو ب تنێ مه‌ هایی ژ پیلانێن دوژمنان بیت. هه‌ر و هه‌ر پیرۆز و بالا و به‌رز بیت ئالایێ كوردستانێ.

خالد ئه‌حمه‌د بادى
ل گه‌رمه‌ گه‌رما هه‌وا هه‌لبژارتنان بۆ په‌رله‌مانێ كوردستانێ یێن كو دێ هێنه‌ ئه‌نجامدان ل هه‌رێما كوردستانێ ل رێككه‌فتى (30/9/2018) كو جادا كوردستانى پێڤه‌ مژووله‌ و هه‌مى میدیا و ده‌زگه‌ه و لایه‌نێن سیاسى و حیزبى و رێكخراو گرۆپ و خه‌لكێ هه‌رێما كوردستانێ مژوولى هه‌وا ناڤبرى نه‌، زۆر هێرش ل سه‌ر هه‌ڤدو دهێنه‌ كرن و زۆر رسته‌ و په‌یڤێن نه‌شرین و شایسته‌ دهێنه‌ گۆتن ل دژى هه‌ڤدو و زۆر تۆمه‌ت یێن سیاسى و ئابوورى و بازرگانى و نه‌ته‌وه‌یى دهێنه‌ ئاراسته‌كرن بۆ هه‌ڤدو، سه‌ره‌راى وێ چه‌ندێ كو جه‌نابێ سه‌رۆك (مسعود بارزانى ) فه‌رمان كریه‌ كو چ فه‌سێن ته‌حل و نه‌شرین و كه‌شه‌فرێت نه‌ بێژنه‌ هه‌ڤدو و گوهۆرینا تۆمه‌ت گۆمانان ل گه‌ل هه‌ڤدو نه‌ كه‌ن و ب تنێ ب شێوازه‌كێ شارستانى و جوان و رێكوپێك بانگه‌شه‌یا خوه‌ بكه‌ن و هوون هه‌مى برایێن هه‌ڤن و بلا سندۆقێن ده‌نگدانێ ببنه‌ دادوه‌ر و هه‌ر حوكمێ دا بلا هه‌مى لایه‌ن پێ درازى بن. د ئێك ژ به‌رنامێن هه‌وا هه‌لبژارتنان دا ل سه‌ر شاشا (روداو) رێكه‌فتى (21/9/2018) كاندیده‌كێ پارته‌كێ ژ سلێمانیێ به‌رامبه‌ر هه‌ڤركێ خوه‌ ل هه‌ڤلێرێ وه‌سا دیار كر كو چ پارتان خزمه‌تا كوردستانێ نه‌ كریه‌ و به‌راوردكرنه‌ك دیار دكر ل ناڤبه‌را هه‌ڤلێر و سلێمانیێ دا، به‌لێ ناهیته‌ ڤه‌شارتن زۆر هاتیه‌كرن هه‌ر پشتى سه‌رهلدانا پیرۆزا ملله‌تێ كورد و خزمه‌ته‌كا باش و پێنگاڤێن باش هاتینه‌ هاڤێتن و ملله‌تێ كورد به‌ر ب پێشڤه‌ بریه‌ و بلا راستى بهێته‌ گۆتن، به‌لێ پا زۆر مایه‌ و زۆر خرابى و كێماسى و نه‌دادپه‌روه‌رى د زۆر بابه‌تان دا هاتیه‌ كرن، لێ ئه‌ڤ كاندیدێ هه‌ڤلێرێ وه‌سا دا دیار كرن كو ده‌ڤه‌را مه‌ و زۆنا مه‌ زۆر دیاره‌ پرۆژه‌ و خزمه‌تگوزارى و سه‌قامگیرى و پێشكه‌فتن، لێ ل سلێمانیێ ل زۆنا هه‌وه‌ هه‌ر تارى یه‌ وچ خزمه‌تگوزارى نه‌ هاتینه‌كرن و هه‌ر وه‌سا ره‌وشا سیاسى و یا ئابوورى و كارگێرى ژی نه‌باشه‌ و رۆژ بۆ رۆژێ ل ده‌ڤه‌را سلێمانیێ پارت چێ دبن و زۆر ژ وان پارتان دبنه‌ دارده‌ستێن ده‌وله‌تێن دۆرماندۆر و كارتێكرنه‌كا مه‌زن ل سه‌ر ره‌وشا هه‌رێمێ و ملله‌تێ كورد دكه‌ت و به‌ر ب ره‌وشه‌كا خراب دبه‌ت. هه‌ر دیسا كاندیدێ ل هه‌ڤلێر وه‌سا دیار كر كو ئه‌و پارتێن ل زۆنا هه‌وه‌ دروست بووین بووینه‌ ئه‌گه‌رێ وێ چه‌ندێ كو كوردستان نه‌ ئارامیێ بخوه‌ بگریت و لده‌سپێكێ پارته‌كا سیاسى دروست بوو ژ (ینك) كو درووشم و لۆگۆیێ وانان شه‌مالك بوو و هزره‌كا بلند و ریكلامه‌كا وه‌سا بۆ خوه‌ دكر و وه‌لاتیێن كوردستانێ هزر دكر ئه‌ڤه‌ دێ قادا سیاسى ل كوردستانێ داگیر و پركه‌ت و دێ خزمه‌ته‌كا باش بۆ ملله‌تێ كه‌ت. لێ هه‌مى لایه‌نگر و دووڤه‌لانكێن وانان بوونه‌ گه‌نده‌ل و گه‌نده‌لكار و ب تنێ بۆ به‌رژه‌وه‌ندیا خوه‌ ب تنێ كاركر و هه‌ر ئه‌وبوون یێن پشكدارى د ده‌ستهه‌لاتێ كوردستانێ دا كرى و هه‌ر ئه‌وبوون خودانێن بریارێ ل ناڤ (ینك) ێ دا و خوه‌ ژناڤ یه‌نه‌كێ ڤه‌كێشا و گۆتن ئه‌ڤ حوكمه‌ته‌ گه‌نده‌له‌ و ئه‌گه‌ر حوكمه‌ت گه‌نده‌ل بیت هه‌ر ئه‌و ژی پشكدارن د وێ گه‌نده‌لیێ دا. ئه‌گه‌ر هه‌ر كه‌سه‌كێ بیت ل ده‌مێ پێنگاڤه‌كێ دهاڤێى د ژیانا خوه‌ دا فه‌ر جهێ پێ خوه‌ ببینى و پاشى پێ خوه‌ بهاڤێژى و ئه‌گه‌ر ته‌ ڤیا په‌یڤه‌كێ بێژى فه‌ره‌ بزانى دێ به‌رسڤا ته‌ چ بیت و ئه‌گه‌ر ته‌ هزره‌ك كر ئێكه‌م جار هزر د خوه‌دا بكه‌ و پاشى ل سه‌ر یێن دى به‌لاڤ بكه‌، له‌وما دبێژم بلا هه‌ر ئێك ژ مه‌ بتنێ حه‌ز ل وه‌لاتێ خوه‌ بكه‌ت و بۆ وى وه‌لاتى ڤیان و ژیان و گیانێ خوه‌ دانیت و ب تایبه‌ت وه‌لاتێ مه‌ كوردستانێ. ل داویێ شه‌مالكا وانان گه‌ش نه‌بوو و سلێمانیێ هه‌ر ما د تاریاتیێ دا پاشان ل پار سال پارته‌كا دى هاته‌ دامه‌زراندن ل سلێمانیێ درووشم و لۆگۆیێ خو كره‌ گلۆپ و هیڤیه‌كا دى بۆ خه‌لكێ كوردستانێ چێبوو كو ژ شه‌مالكێ بوویه‌ گولۆپ و وه‌سا هزر هاته‌كرن كو دێ رۆناهى پتر بیت و دێ ره‌وشا سلێمانیێ به‌ر ب پێشڤه‌ به‌ن و دێ رۆناهیه‌كا پتر ل وێ زۆنێ دروست كه‌ن و دێ پتر ئ‌ومێده‌كا گه‌شتر بۆ وه‌لاتیان و كوردستانیان په‌یدا ببیت و ئه‌گه‌ر سلێمانیێ تارى بوو بێگومان كوردستان تارى بوو و به‌روڤاژى ئه‌گه‌ر سلێمانیێ رۆهن بوو بێگومان دێ رۆناهى ده‌ته‌ هه‌مى وه‌لاتى و بلا هه‌ر سلێمانیێ نه‌مینیته‌ د تاریاتیان دا بلا سلێمانیێ رۆهن ببیت، چونكو ل سه‌رده‌مێ ئو سمانلیان یا رۆن بوو و د وى سه‌رده‌مى دا ویلایه‌ت بۆ فه‌ر بوو نوكه‌ و ل ڤى سه‌رده‌مى سلێمانیێ ببا جهه‌كى پێشكه‌فتى. هیڤى و په‌یاما من بۆ خه‌لكێ كوردستانێ ئه‌وه‌ كو ئه‌م هه‌مى ئێكرێز و برا بین و مه‌ دوژمنه‌كێ هه‌ڤپشك هه‌یه‌ و ئه‌گه‌ر كورده‌ك یان لایه‌نه‌كێ سیاسى ل كوردستانێ هزر بكه‌ت كو دێ هه‌ڤالێ وى ژبن به‌ت بێ گومان دێ د دووڤدا رێزا وى ژی هێت چونكه‌ دوژمنێن مه‌ چ جوداهیێ ناكه‌ت و بلا ئه‌م كورد بزانین ئه‌م یێ د گه‌شته‌كا بچویك داینه‌ و ل سه‌ر ده‌ریایێ و ل نیڤا ده‌ریایه‌كا مه‌زن داینه‌ و بلا ئه‌م ب هه‌ڤرا كار بكه‌ین كو ژڤێ گه‌شتێ قورتال ببین . ب بۆچوونا من هه‌بوونا ڤان هه‌مى ژمارێن مه‌زن یێن حزبان بتنێ دێ ره‌وشا هه‌رێمێ به‌ره‌ڤ گرێیان ڤه‌ به‌ن، چونكو دێ هه‌ر لایه‌نه‌كى هزره‌ك ورێنما و بریاره‌ك هه‌بیت پا تا كو (10-15) هزر و بۆچوونا بكه‌یه‌ یه‌ك هزر دێ زۆر یا ب زه‌حمه‌ت بیت وچ لایه‌ن ژی دابه‌زینێ ژ بۆ لایه‌نێ دى ناكه‌ت وهه‌ر ئێك دێ وه‌سا هزر كه‌ت بتنێ هزر و بۆچوون وبه‌رنامێ من یان حزبا من یێ دروسته‌. بلا هه‌مى حزب ولایه‌ن وپارت خو بكه‌نه‌ یه‌ك هزر ویه‌ك هه‌لویست به‌رامبه‌ر دوژمنێن مه‌ یێن كو تا نوكه‌ ژی ئه‌نفالان ب سه‌رێ مه‌ دئێنن لێ ب رێكێن نوى وشارستانى و ڤه‌شارتى و شه‌رێ نوكه‌ یێ دوژمنێن ملله‌تێ كورد زور ترسناكتره‌ ژ شه‌رێن به‌راهیێ و نوكه‌ ب رێكێن ڤه‌شارتى یێن سیاسى و ئابوورى و بازرگانى و جڤاكى ومه‌زهه‌بى و ئایینى و هزرى و سایكولوجى وجیولۆجى و جوگرافى و چاندنێ وهتد .. یێ شه‌رى دگه‌ل مه‌دا دكه‌ن وب سه‌رڤه‌ هه‌ڤالن و ژ بنڤه‌ بنڤه‌ یێ شه‌رێ خوه‌ یێ ترسناك و ب ترس ل گه‌ل ملله‌تێ كورد و كوردستانێ دكه‌ن. له‌وما ئه‌م دبیژین بلا گولیا گه‌نمى شین ببیت داكو گه‌شێ بكه‌ت و بیهنه‌كا دى بده‌ته‌ گولێ و گول ببیته‌ جهێ خۆشتڤیێ و سلاڤێ بكه‌ته‌ باز و ئه‌لهۆیێ ب هێز و ئه‌لهۆ و باز هێزێ بده‌ته‌ هه‌میان و بلا شه‌مالك گه‌ش ببیت دا كو رۆناهیێ بكه‌ت و هێزا وێ ببیته‌ پتر ژ كولوپێ و بلا گولۆپ ببیته‌ بلاجكتۆر و پتر رۆناهیێ بده‌ت دا كو كوردستان به‌ر ب پێشڤه‌ بچیت و ئێك تمامكه‌را یێ دى بیت و بلا چاكۆچ و شالۆك ببنه‌ ئه‌گه‌رێ وێ چه‌ندێ كو خویندن و زانست ل كوردستانێ زێده‌ ببیت و بلا هه‌مى لایه‌نێن كوردستانى ب تنێ وێ جهبجه بكه‌ن یا كو د ناڤ لۆگۆ و درووشم و پرۆگرامێن وانان دا و دا بلا ده‌ستێن خوه‌ بكه‌نه‌ د ناڤ ده‌ستێن هه‌ڤ دا دا كو كوردستان ژ ڤێ ره‌وشا نوكه‌ قورتال ببیت و ئه‌م ژی مینا وه‌لاتان ببینه‌ خودان خانیه‌كێ موكوم و خورستى و ژد تیر و رومێن دوژمنان دوور كه‌ڤین و ببینه‌ خودان تاپۆ دا كو ئێدى چ كه‌س نه‌هێن كو خانیێ مه‌ خراب بكه‌ن یان ژی ب سه‌ر سه‌رێ مه‌دا بینن خوار و ئه‌م دوباره‌ و ده‌ه باره‌ بمینین بێ خانى و ل به‌ر دیوارێن خه‌لكى و ل كولانێن وه‌لاتێن بیانى بین و ل دووڤ حه‌زا خوه‌ مامه‌لێ و خێرا ل گه‌ل مه‌دا بكه‌ن و مینا جاران ببینه‌ دیل و بنده‌ستێن وانان بین. ئه‌ڤه‌ هه‌مى بیرا مه‌ ل وێ نموونێ دئینیت ده‌ما خودانێ ده‌ه كوران كوڕین خوه‌ تێست كرین كو هه‌ر ئێك ژ وان شفكه‌كا ته‌ر و لاو داڤێ یان كا بشكێنه‌ و هه‌ر ئێكى ب ساناهى شكاند و پاشى هه‌مى شڤك كرنه‌ ئێك ده‌ستك پاشان دا ده‌ستێ وانان نه‌شیان بشكینن و هه‌مى مانه‌ هزركرتى و گۆتێ ئه‌ڤه‌ چیه‌ باب گوتێ ئه‌گه‌ر هوون دئێك گرتى بن كه‌س نه‌شێت هه‌وه‌ بشكێنیت. له‌وما دبێژم بلا ئه‌م دئێك گرتى بین و بتنێ هه‌وه‌كا جوان و باقژ یا هه‌لبژارتنا بكه‌ین و ب تنێ بۆ كوردستانێ كار بكه‌ین دا كو ئه‌م ڤێ پرۆسه‌یا جوان ژ هه‌ژى ب سلامه‌تى ئه‌نجام بده‌ین و پاشى دادوه‌رێ هه‌ره‌ دروست و ئێك لاكه‌ر ب تنێ سندۆقێن ده‌نگدانێ ببن و ب ئه‌نجامان رازى ببن و بتنێ بۆ به‌رژه‌وه‌ندیا كوردستانێ كار بكه‌ین.

خالد ئه‌حمه‌د بادى
هه‌مى ئایین و پرتووكێن ئاسمانى و قانوون و رێنمایێن جیهانى مرۆڤان هاندده‌ن ژبۆ په‌یره‌وكرنا مرۆڤایه‌تیێ و ئاراسته‌كرنا كۆمه‌لگه‌ه و مرۆڤ و ملله‌تان بۆ بكارئینان و په‌یره‌وكرنا مرۆڤاتیێ و په‌یداكرن و ئارامكرنا ره‌وشا ناله‌بار و چه‌سپاندنا ئاشتى و ئارامیێ ل سه‌رتاسه‌رى جیهانێ. لێ وه‌لات و ملله‌تێن دۆرماندۆرى ملله‌تێ كورد كو قه‌ده‌را خودایى یه‌ كورد كرینه‌ هه‌ڤسویێن وان یێن دوور ژ مرۆڤایه‌تیێ و عه‌قلیه‌ته‌كا ساده‌ و بێفام هه‌یه‌ و چ ژ دۆستایه‌تى و ئاشتى و ئارامیێ نزانن و مینا هۆڤان ب تنێ خوارنا وان گۆشتێ مرۆڤایه‌ و ڤه‌خوارنا وان خوینا سۆرا مرۆڤایه‌ و مینا گورگێن هار و ده‌ڤ بخوینن و دێ بێژى كورد گاورن و جهێ داخێ یه‌ ناڤێ پیرۆزێ ئیسلامێ ل سه‌ر وانایه‌. ئیرانێ مایتێكرن د هه‌ر جهه‌كى دا هه‌نه‌ و هه‌ر گاڤ و ده‌مان ئه‌و پرس یان ئارێشه‌ یان كاره‌ك د به‌رژه‌وه‌ندیا وانان دا نه‌بیت ئیكسه‌ر دێ جه‌لاد و زڕته‌كێن وانان ئاراسته‌یان گوهۆرن و دێ هه‌ول ده‌ن ئارێشه‌كا دى ل جهه‌كێ دى په‌یدا كه‌ن ودێ به‌رێ كۆمه‌لگه‌ه و ملله‌تان ل وێره‌ گوهۆرن و دا كو ب تنێ به‌رێ خه‌لكى بمینیت ل وێ ئارێشێ و دا كو به‌رژه‌وه‌ندیێن خوه‌ برێڤه‌ببه‌ن و بپارێزن. مامه‌لا ئیرانێ یا دوژمنكارانه‌ ل گه‌ل ملله‌تێن دى یێن د ناڤ وانان دا دكه‌ت مینا كورد و توركمان و عه‌ره‌بێن ئه‌هواس و هه‌مى كێمه‌نه‌ته‌وه‌یێن ئیرانى زۆرا ب سته‌م و زۆردارى و كوژه‌كه‌ و ملله‌تێن ئیرانى دبرسى و بێبه‌هرن ژ هه‌مى مافێن وان یێن ره‌وا. تاوان ل دووڤ تاوانێ ئیران یا دكه‌ت ل پتریا وه‌لاتێن جیهانى و ب تایبه‌ت ل وه‌لاتێن ئیسلامى كو ماكینا خوه‌ یا هه‌والگێرى ب باشترین شێوه‌ دایه‌ كارى و تاوانێن مه‌زن و ترسناك یا دكه‌ت هه‌ر ژ گرتن و كوشتن و زیندان و مایتێكرنان. ئه‌وا ل كۆیه‌ رووداى ل رێككه‌فتى (8/9/2018) كو ئیرانا گه‌نى و نه‌ ئیسلامى ب مۆشه‌كێن قه‌ده‌غه‌كرى و فرۆكێن بێ فرۆكه‌ڤان هێرش كریه‌ سه‌ر باره‌گایێن پارتا دیمۆكراتا كوردستان و پارتا دیمۆكراتا كوردستانا ئیرانێ (حدك) و (حدكا) ل ده‌ڤه‌را كۆیه‌ ل هه‌رێما كوردستانێ و تێدا هۆڤانه‌ و دوور ژ مرۆڤاتیێ و ب شێوه‌كێ درندانه‌ ب ده‌هان بریندار كرن و (16) پێشمه‌گێن كوردستانێ و سڤێل شه‌هید كرینه‌ و زیانێن مه‌زن یێن ماددى و مه‌عنه‌وى ب هه‌ردو باره‌گایان كه‌فتینه‌. هه‌روه‌سا ئیرانا ده‌ڤبخوین بزماره‌كا دى یا ژه‌هر كرى ل دیوارێ سپى یێ ئاشتیێ یێ كو ملله‌تێ كورد ئاڤا دكه‌ت ب لێبۆرین و پێكڤه‌ژیان و ئاشتیێ و ئازادیێ و ته‌حه‌مولێ و قه‌بوولكرنا یێ به‌رامبه‌ر و هه‌مى ملله‌تێ كوردێ سته‌م دیتى دایه‌ و دلێ هه‌مى كوردان ئیشاندى یه‌ . هه‌روه‌سا هه‌ر ل وێ رۆژا ره‌ش یا كو مینا خاله‌كا مه‌زنا ره‌ش و خیانه‌تێ بناڤ چاڤێن ئیرانێ ڤه‌ ل (8/9) سێ گه‌نجێن كوردان یێن بێ گونه‌ه و سڤێل یێن رۆژهه‌لاتێ كوردستانێ هاتنه‌ سێداره‌دان ب ده‌ستێ گورگێن هار و هۆڤێن ئیرانێ كو بناڤێ (رامین حسین په‌ناهى ) و (زانیار مورادى) و (لقمان مورادى) ل پێشچاڤێن خه‌لكى دا هاتنه‌ سێداره‌دان تۆمه‌ت و گونه‌ها وانان كوردن ئه‌گه‌ر نه‌ چ گونه‌هێن دى نه‌بوون. ئه‌گه‌رێن سه‌ره‌كى كو ئیرانێ ڤیایى ڤێ ئاراسته‌یێ بگوهۆرن، ئه‌و ژى په‌یدابوونا خوه‌نیشادان و نه‌رایبوونێن جه‌ماوه‌رى نه‌ ل به‌سڕا ل عیراقا فیدرال و هه‌ڤخه‌میا كوردان و حوكمه‌تا هه‌رێمێ بۆ وان كوشتى و برینداران و هاریكاریا حوكمه‌ت و خه‌لكێ كوردستانێ بۆ خه‌لكێ به‌را و سۆتنا باره‌گایێ كونسلخانا ئیرانێ ل به‌سڕا و گه‌ف و دۆرپێچێن ئه‌مریكا بۆ سه‌ر ئیرانێ. رژێما ئیرانێ ڤیا دو مفایان بكه‌ت، ئه‌و ژى نه‌هێلان و بنبركرنا سه‌ركرده‌ و كادرێن حزبا دیمۆكرات و حزبا دیمۆكراتى كوردستان ئیران و ڤه‌گوهاستنا ئاراسه‌تیا وان ژ به‌سڕا وخۆنیشاندانێن توند كو ئیران نه‌ره‌حه‌ت بوویه‌ و هه‌ر وه‌ها ژی كێمكرنا فشارێ ل سه‌ر به‌سڕا و به‌غدا و عیراقێ كو ب تنێ به‌حس یێ دیمۆكراتا ئیرانێ و هێرشا بهێته‌كرن. رووره‌شى بۆ دوژمنان و سه‌ركه‌فتن بۆ كوردان.

خالد ئه‌حمه‌د بادى

د گه‌ل گه‌رمه‌ گه‌رما كه‌ش و هه‌وایێ هاڤینێ دا، ل سه‌رانسه‌رى جیهانێ و ب تایبه‌ت ل عیراقا فیدرال كو گه‌هشتیه‌ پلێن گه‌له‌ك گه‌رم وبلند وه‌سا گه‌رمه‌ گه‌رما ره‌وشا سیاسى ل عیراقێ یا به‌ر ب پلێن بلند و گه‌رماتیێ ڤه‌ دچیت و ئه‌ڤ پێلا گه‌رما سیاسى یا ل عیراقێ به‌ر ب گوپیتكێن بلند ڤه‌ دچیت. ب تایبه‌ت پشتى هه‌لبژارتنێن په‌رله‌مانێ عیراقا فیدرال بدووماهیاتین یێن ل (12/5/2018) هاتینه‌ ئه‌نجامدان و ئه‌و پێشبینێن هاتینه‌كرن ژلایێ پارت و لایه‌نێن عیراقى ڤه‌, هه‌مى ب دیوارى كه‌فتن و پرۆسا هه‌لبژارتنان ل عیراقێ یا نیمچه‌ له‌نگ بوو، چونكو ب راستى رێژا پشكداریێ ل پارێزگه‌هێن عیراقێ ب تایبه‌ت ئه‌و پارێزگه‌هێن یێن وێرانكارى، لێ په‌یدا بووى و بخوه‌ڤه‌ دیتى كو ئه‌و ژی شه‌ڕێ رێكخراوێن تیرۆرستى یێن (قاعده‌) و (داعش) و رێكخراوێن دى یێن تیرۆرستى و ب تایبه‌ت رێكخراوا تیرۆرستى یا داعش كو زۆربه‌یى ده‌ڤه‌رێن سوننینشین زۆر هاتبوونه‌ گرتن ژلایێ رێكخراوا ناڤبرى ڤه‌ و ده‌ستهه‌لاتێ خوه‌ ل وان ده‌ڤه‌ران گێرایه‌ و حوكمێ خوه‌ برێڤه‌بریه‌ و ده‌ستهه‌لاتێ ڤان پارت و لایه‌نێن خوه‌ بۆ ده‌سهه‌لاتێ ته‌رخانكریه‌ وخوه‌ نوكه‌ دهه‌لاڤێژن ژ وان ستاندبوو. هه‌ر دیسا زێده‌بارى شه‌ڕێ ل عیراقێ هه‌یى یێ ل ناڤبه‌را پارت و لایه‌ن و عه‌شیره‌ت و مه‌زهه‌ب و تائیفان دا هه‌یى كو كارتێكرنه‌كا مه‌زن ل پرۆسا سیاسى و ل بازارێ سیاسى ل عیراقێ دكه‌ت. ل سه‌رتاسه‌رێ عیراقێ پشكداریا پرۆسا هه‌لبژارتنان زۆر یا كێمبوو و ئه‌ڤه‌ وێ چه‌ندێ رادگه‌هینیت كو خه‌لكێ عیراقێ كه‌فتیه‌ د هه‌لویسته‌كێ به‌رته‌نگ و هه‌ستیار دا و ره‌وشا وان یا ئابوورى و ئیدارى وجڤاكى و سیاسى و گشتى زۆر لاوازبوویه‌ و پێگه‌هێ ده‌سهه‌لاتى و سیسته‌م و قانوونى زۆر كێم و پاشڤه‌چوویه‌ و چو خزمه‌تگوزاریێن به‌رچاڤ بۆ خه‌لكێ عیراقێ نه‌ هاتینه‌ئه‌نجامدان و ب تنێ ماینه‌ ب مه‌زهه‌بیه‌ت و پرسێن تایبه‌ت و ناڤچه‌گه‌رى و تائیفى ڤه‌ و پرسێن به‌رته‌نگ ئیناینه‌ پێشڤه‌ و پرسێن گشتى پاشگوه هاڤێتینه‌ و ره‌وشا عیراقێ به‌ر ب ئاقاره‌كێ نه‌ دیار ڤه‌ بریه‌ و به‌ره‌ ب چاره‌نڤێسه‌كێ به‌رزه‌ ڤه‌ دچیت. ره‌فتارێن لایه‌نێن سیاسى و سه‌ركرده‌ و سیاسه‌تمه‌دار و ده‌سهه‌لاتدارێن عیراقێ وه‌كهه‌ڤن و چ جوداهى تێدا نینه‌ ل به‌رامبه‌ر ملله‌تێن عیراقێ و ب تایبه‌ت ملله‌تێ كورد و دێ بێژى هنده‌ك پرۆتوكول هه‌نه‌ و ل سه‌ر دچن، چونكو یێ ل عیراقێ ده‌سهه‌لاتى وه‌ردگریت، دێ ره‌فتارێن شاش ل به‌رامبه‌ر ملله‌تێ كورد و ملله‌تێن عیراقێ كه‌ت. هه‌لبه‌ت پشتى شه‌رێ ئازادیا عیراقێ و نه‌هێلانا دكتاتۆریه‌ت وده‌سهه‌لاتێ تاك سیسته‌مێ برێڤه‌برنا ده‌سهه‌لاتێ ل عیراقێ چ گوهۆرینێن پێشچاڤ بخوه‌ڤه‌ نه‌گرتینه‌ و به‌لكو، ب تنێ دێمێن هاتینه‌ گوهارتن و ئه‌ڤێن پشتى ئازادیا عیراقێ و حه‌تا نوكه‌ ژی ده‌سهه‌لاتى ل عیراقێ دكه‌ن ره‌فتارێن رژێما سه‌دامێ گۆربه‌گۆر و به‌عسى یان و پتر ل عیراقێ دكر، ئه‌و ژى پاوانكرنا كورسیا ده‌سهه‌لاتى و ب سه‌رداگرتنا هه‌مى كێلگه‌ و زه‌ڤیێن گازێ و گه‌نده‌لى و كۆنترولا بازارى و بده‌ستڤه‌ئینانا سه‌رچاڤێن بازرگانى ل عیراقێ و كۆنترلكرنا هه‌مى ده‌زگه‌هێن راگه‌هاندنێ و زولم و سته‌ما ل سه‌ر وه‌لاتیێن سڤیل و بێ گونه‌ه و زیندانكرن و عه‌ره‌بكرن و ئه‌نفال و ئاواره‌یى و ژێستاندنا خاكى و ئوپه‌راسیۆنێن به‌رفره‌هێن له‌شكرى و ئوپه‌راسۆنێن تیرۆرى و هزرى و مه‌زهه‌بى دژى گه‌لێن عیراقى ئه‌نجامددان و حه‌تا نوكه‌ ژی. هه‌روه‌سا ره‌فتارێن نه‌شایسته‌ و نه‌ د قانوونى و نه‌دادپه‌روه‌رانه‌، ل دژى گه‌لێ خوه‌ دكر و سه‌پاندنا شه‌ره‌كێ مه‌زنێ هه‌شت سالى دژى ئیرانێ و داگیركرنا كوێتێ و زۆرداریا به‌رده‌وام ل گه‌ل وه‌لاتێن هه‌رێمى دكر ئانكو د ژیێ (35) سالیێن ده‌ستهه‌لاتكرنه‌كا دكتاتۆرانه‌ باده‌كا وان یا تژى بۆ ژ روى ره‌شى و شه‌رمزارى یان و شكه‌ستن ل دووڤ شكه‌ستنێ دئینا، چونكو ئه‌و ده‌ستهه‌لات و رژێمێن وى سه‌رده‌مى ب تنێ د به‌رژه‌وه‌ندیا خوه‌ یا تایبه‌ت دا بوون و به‌رژه‌وه‌ندیێن بلندێن وه‌لاتى و وه‌لاتیان هاتبوونه‌ پشتگوه هاڤێتن و به‌روڤاژى وێ چه‌ندێ زولم و سته‌م ل سه‌ر وه‌لاتیێن بێ گونه‌ه دا دكر و هه‌رده‌مێ دووراتی و ژێكڤه‌بوونه‌ك دكه‌فته‌ د ناڤبه‌را هه‌ڤوه‌لاتیان و ده‌ستهه‌لاتێ كو ژ بنكه‌یى دووركه‌فتن و نه‌ لێكنێزیكبوونه‌ك د ناڤبه‌را وانان دا په‌یدا بوو، ئه‌ڤه‌ ل وى ده‌مى دێ ده‌ستهه‌لاتدار باجا ڤێ چه‌ندێ ده‌ن و دێ ئه‌و پرا ل ناڤبه‌را ده‌ستهه‌لات و ملله‌تى دا هێته‌ هه‌ڕفاندن و دێ ئیرادا گه‌لى بسه‌ركه‌ڤیت و دبیت ده‌ستهه‌لات ژى ژده‌ستێن وانان بهێته‌ده‌ر. نوكه‌ ئه‌و هه‌مى قوربانى هاتینه‌دان و خوینا خوه‌ كریه‌ گۆرى وه‌لاتى و سایه‌سه‌رێ وانان ده‌سهه‌لات ژ ده‌ستێ رژێما سه‌دامێ گۆربه‌گۆر هاتیه‌ ده‌رێ و كه‌فتیه‌ د ده‌ستێ ئوپوزسیۆنا وى سه‌رده‌مى دا و كو دگۆت (حتى تشرق شمس الحریه‌ فی عراقنا العزیز)، ئانكو هه‌تا كو رۆژا ئازادیێ ب هه‌لێت ل عیراقا مه‌ یا خوشتڤى, لێ رۆژا ئازادیێ ژی ل عیراقێ هه‌لات و ئه‌وێن ل به‌ر دیوارێن زبلدانكێن وه‌لاتێن بیانى و یێن ل ده‌ڤه‌رێن كوردستانێ بوونه‌ ده‌ستهه‌لاتدار، لێ هه‌ر ب وێ عه‌قلیه‌تا شۆفێنى و دكتاتۆرى و تائیفى و مه‌زهه‌بى كاركر, هه‌ر چه‌نده‌ ل جه‌م مه‌ ئۆمێده‌ك گه‌ش په‌یدا ببوو كو ده‌ستهه‌لاته‌كێ دادپه‌روه‌رانه‌ و دوور ژ دكتاتۆریه‌ت و تاكره‌ویێ بهێته‌گێران، لێ به‌روڤاژى یا كو ده‌سهه‌لاتدارێن عیراقێ دكر و تمام نه‌دكر نوكه‌ شوونگرێن وانان كو عه‌بادى و عامرى وسیستانى و مالكى و شه‌هرستانى و نوجه‌یفى وجه‌عفه‌رى و سه‌درى هتد.. و ده‌ستهه‌لاتدارێن نوكه‌ كو شاپه‌ڕێن خوه‌ داناینه‌ سه‌ر هه‌مى وه‌زاره‌ت و ده‌زگه‌هێن گرنگ و ده‌ستێوه‌ردانێ دهه‌مى ده‌سته‌ و رێكخراوێن نه‌ حكومى و كۆمپانى و رێڤه‌به‌ریێن عیراقى دا دكه‌ن و ب تایبه‌ت عه‌بادى و نوورى مالكى كو یێن به‌ر ب ده‌ستهه‌لاته‌كێ تاكره‌و و دكتاتۆر و مه‌زهه‌بى ڤه‌ دچن و هه‌مى بریار و فه‌رمان ب تنێ د ده‌ستێ وانان دانه‌ و چ وه‌زیر وبه‌رپرس و رێڤه‌به‌ران های ژ ڤان بریارا نینه‌ یێن حوكمه‌تا عیراقێ دده‌ت و ب هه‌مى هێزا خوه‌ ده‌ستهه‌لاتدارێن ناڤبرى یێ هاریكارى و پشته‌ڤانیا رژێما سووریێ و ئیرانێ و حزب الله‌ یا لوبنانى و كا چ شیعه‌ ل چ لایێن جیهانێ بن دكه‌ن و داهاتێ عیراقێ كو ب تنێ بۆ عیراقیانه‌ بۆ خه‌لكێ بیانى دبه‌ن. ل عیراقێ رۆژانه‌ ب سه‌دان بێ گونه‌ه تێنه‌ كوشتن وبرسیكرن و ره‌ڤاندن و ده‌ركرن و به‌رزه‌كرن و مادێ (140) ب پشتگوه ڤه‌ دهاڤێژن و ژ برگه‌ و مادێن وى دره‌ڤن و جاران دبێژن دێ جه ب جه كه‌ین و جاران ژى دبێژن یێ ئێكسپایر بووى و جاران ژى دبێژن جه ب جه ناكه‌ین ئانكو یێ ژ سۆز و په‌یمان دره‌ڤن یێن كو داینه‌ كوردان. خاله‌كا دى مه‌ دڤێت ئاماژێ پێ بده‌ین كو ئه‌و ژى كرینا چه‌كێ گران ژ ئه‌مریكا و رۆسیا و چیكێ و زۆر وه‌لاتێن دى كو ئه‌و چه‌ك یێ تایبه‌ت بیت ب ده‌ڤه‌رێن چیایى و ل ڤێره‌ نیازا وان دیاربوو كو ده‌ستهه‌لاتدارێن عیراقێ كارێ شه‌ڕى ل گه‌ل مه‌ دا دكر ئه‌و بوو ل (16) ئوكتوبه‌رێ پتریا ده‌ڤه‌رێن عه‌ردێ كوردان و ده‌ڤه‌رێن ده‌رڤه‌یى ده‌ستهه‌لاتا حوكمه‌تا كوردستانێ ب زه‌برى تۆپز و ب تانكێن ئابرامزێن ئه‌مریكى و فرۆكێن رۆسى و مۆشه‌كێن چیكى گرتن و داگیركرن. پیلان و هه‌ولێن وانان ئه‌وبوون كو حوكمه‌تا هه‌رێما كوردستانێ و حكومێ كوردى تێكبده‌ن و نه‌هێلن و یا ژ هه‌مى یان ترسناكتر كو هنده‌ك لایه‌نێن سیاسى یێن كوردستانى بووینه‌ جاشێن عه‌ره‌بان.
خاله‌كا
دى یا گرنگ كو من دڤێت ئاماژێ پێ بده‌م ئه‌و ژى ب تنێ كرنا ئانكو عه‌ره‌بكرن و شیعه‌كرنا له‌شكرێ عیراقێ و نێزیككرنا هێزێن له‌شكرى ل ده‌ڤه‌رێن هه‌ستیار و نێزیكى ده‌ڤه‌رێن حوكمه‌تا كوردى ل هه‌ولێر و دهۆك و سلێمانیێ و زێده‌بارى و ڤالاكرنا له‌شكرێ عیراقێ ژ كوردان یێن كو ئه‌و له‌شكر راگرتى و هێلایى و زێده‌بارى داگیركرنا كه‌ركووكێ.
———————-

بازارێ سیاسى ل عیراقا فیدرال
(2ـ 2)
خالد ئه‌حمه‌د بادى
ئه‌ڤ خاله‌ هه‌مى یێن مه‌ ئاماژه‌ پێ داین ل پشكا بۆرى، وێ چه‌ندێ رادگه‌هینن كو چ جوداهى ل ناڤبه‌را سه‌دامى و عه‌بادى و مالكى و سه‌ركردێن نوكه‌ یێن عیراقێ دا نینه‌، ب تنێ ناڤ و دێم و سه‌روچاڤێن وان هاتینه‌ گوهارتن، لێ هه‌كه‌ هه‌ر ئه‌و سیاسه‌ت دئێته‌ په‌یره‌وكرن یا كو ل پێشده‌م دهاته‌ په‌یره‌وكرن و چ گوهۆینان بخوه‌ڤه‌ نابینیت. نوكه‌ هه‌ر ئه‌ڤ پرس و ئارێشین مه‌ گۆتین و نڤێسین و ب ده‌هان جاران ل هه‌مى ده‌زگه‌هێن راگه‌هاندنێ دبێژین هه‌ر یێ دوباره‌ و سێباره‌ دبن و عه‌قلیه‌تا ڤان هه‌میان هه‌ر ئێكه‌ و ناهێنه‌ گوهۆرین، چونكو ئه‌و سه‌ركرده‌ و ده‌ستهه‌لاتدار و ره‌وشه‌نبیر و پتریا سیاسه‌تمه‌دارێن عیراقێ هاتینه‌ هێڤێنكرن ب نه‌ڤیان و نه‌زانین و دوژمنكارى و هێرشكرنێ و میمۆریێ وان هاتیه‌ داگرتن، ب تنێ ب په‌یڤێن خراب و شاش و فه‌رهه‌نگا وانان ب تنێ ب ڤان په‌یڤان هاتیه‌ پركرن و رێزبه‌ندكرن. نوكه‌ هه‌ر ئه‌ڤ سیناریۆ و فلم یێ دوباره‌ دبیت كا چاوا ل سالێن كه‌ڤن و دێرین و سالێن شۆره‌شێ پێدڤى ب مه‌بوون و مه‌ ژی پێدڤى یا وانان قه‌تاند و كوردستان و ده‌ڤه‌رێن شۆره‌شێ بۆ وانان ببوو په‌ناگه‌هه‌كێ ته‌نا و ئارام وخه‌باتا خوه‌ لێ دكر, قووناغ قووناغ و پاشى پشتى سه‌رهلدانا پیرۆزا سالا(1991) ل كوردستانێ رووداى و كوردستان ژ شین ده‌وسێن پیسێن دوژمنان قورتال و رزگاربووى دوباره‌ هه‌رێما كوردستانێ دیسا بۆ وان ببوو په‌ناگه‌ه و بهه‌شته‌ك، دیسا كار وچالاكى و خه‌باتا خوه‌ ل هه‌رێما كوردستانێ ئه‌نجامددا و په‌یره‌و دكر. هه‌ر وان دگۆت به‌س ده‌ستهه‌لاتێ وه‌رگرین هه‌ر كوردان چ بڤێت دێ پێشكێشى وان كه‌ین ودگۆت، چونكو مافێ وانایه‌. لێ پشتى خوه‌ ب هێزخستى و پێن خوه‌ ركباندین ل ركێبێن فێرگه‌ها ژیانێ و ده‌ستهه‌لات ب ده‌ستخوه‌ڤه‌ ئینایى هه‌ر وان بخوه‌ شه‌ڕێ كوردان دكر و هه‌ر وان بخوه‌ كورد و هه‌رێما كوردستانێ بێبه‌هركرن و ل شوونا گولێن ره‌نگاوره‌نگ پێشكێشى كوردان بكه‌ن به‌روڤاژى گولێن تۆپ و مۆشه‌ك و به‌رین چه‌كێن خوه‌ یێن گران دانه‌ مه‌ و كوردستان داگیركرن، ئانكو ل وى ده‌مى سه‌دامه‌ك ل عیراقێ هه‌بوو، نوكه‌ ب سه‌دام یێن ژ سه‌دام خرابتر یێن ل عیراقێ هه‌ین. نوكه‌ و پشتى هه‌لبژارتنێن په‌رله‌مانێ عیراقا فیدرال هاتینه‌ ئه‌نجامدان دوباره‌ وسێباره‌ خوه‌ دهاڤێنه‌ به‌ختێ كوردان و بازارێ سیاسى ل عیراقا فیدرال گران كره‌ڤه‌ و رۆژ بۆ رۆژێ بهایێن بازارێ سیاسى ل عیراقێ گران دبیت و هه‌ڤركیێن پتر و مه‌زنتر دهێنه‌كرن و هه‌ر لایه‌نه‌ك بهایێ ل ده‌ف خوه‌ ددانیت و هه‌ول دده‌ت كو حه‌زژێكرنا لایه‌نه‌كێ دى بده‌ستخوه‌ڤه‌ بینیت وهه‌ر دیسا یێ هه‌ولدانان دكه‌ن كو هه‌ڤدو رازى بكه‌ن ل سه‌ر كیستێ ملله‌تى و پاره‌ و داهاتێن عیراقیان بده‌نه‌ لایه‌نێ دى دا كو ب تنێ بهێته‌ دگه‌ل كوما وان دا كو حوكمه‌تێ دابمه‌زرینن و پتر دزیان ژ عیراقیێن بێ فام بكه‌ن, لێ به‌لێ كا چاوا لیرێ توركى ل بازارێن جیهانى دابه‌زى یه‌ وه‌سا بهایێ ڤان سه‌ركرده‌ و لایه‌نێن عیراقى و لایه‌نێن سیاسى و پارتێن عیراقى بهایێ وان د بازارێ سیاسى یێ ناڤخوه‌یى و بیانى و هه‌رێمى و جیهانى دا دابه‌رزى یه‌ و مینا لیرێ توركى و تومه‌نێ ئیرانى، لێ هاتینه‌ كو لیرێ توركى گه‌هشتى یه‌ پتر ژ (600) شه‌ش سه‌د هزاران و تومه‌نێ ئیرانى گه‌هشتیه‌ نێزیكى ملیاره‌كێ ئاها وه‌سا ئه‌و سه‌ركردێن عیراقى یێن گه‌نده‌ل بێبها بووینه‌، چونكو ئه‌و داهاتێ عیراقێ یێ زه‌به‌لاح و مه‌زن هه‌مى هه‌مى دهێته‌ دابه‌شكرن و مه‌زاختن ل سه‌ر پرسێن كه‌سۆكى و تایبه‌ت و ل ناڤبه‌را پارت و لایه‌نێن عیراقى دا دهێنه‌ به‌رزه‌كرن و ب تایبه‌ت ل ناڤبه‌را (سائرون ـ فتح ـ نصر ـ عه‌تا‌و ـ بیارق الخیر) و ..هتد. خه‌لكێ عیراقێ هێش یێ خه‌ونێن حێشتران دبینن و ب تنێ یێ دنڤن و دخۆن لێ پشتى په‌یدابوونا خوه‌نیشاندانێن ڤێ داویێ ل عیراقا فیدرال رووداین و سۆتنا باره‌گایێن پارت و لایه‌نێن سیاسى ل عیراقێ و گه‌فكرن بۆ سه‌ر حوكمه‌تا عیراقى و داخوازیێن خه‌لكێ بێگونه‌ه كو ب تنێ خزمه‌تگوزارینه‌ وخزمه‌تكرنا وه‌لاتى یه‌ و گڤاشتنێن مه‌زن كه‌فتینه‌ سه‌ر حوكمه‌تێ و ده‌ستهه‌لاتدار و سه‌ركردێن عیراقى، ژلایێ جه‌ماوه‌ر و خه‌لكێ عیراقا فیدرال ڤه‌. هه‌كه‌ عیراق ژ پرسێن هه‌رێمى و ده‌ولى ڤه‌ ببیت و ب راست و رۆناهى كار بكه‌ن و مافێن هه‌مى نه‌ته‌وه‌ ئاینان بده‌تێ ئه‌ز ل وێ باوه‌رێ مه‌ دێ عیراق زڤریته‌ سه‌ر هێزا خوه‌یا به‌رێ و هێژ باشتر، ل ڤێره‌ من دڤێت په‌یامه‌كێ بۆ سه‌ركردایه‌تیا كوردى فرێكه‌م كو ده‌مه‌ك زێرینه‌ بۆ مه‌ و ب زۆرى بازارێ سیاسى ل عیراقا فیدرال زۆر گران و ب بها كه‌فتیه‌ و بێگومان دێ لایه‌نێ ئێكێ پتر هه‌ولان ده‌ت كو حوكمه‌تێ پێكبینیت و دێ هه‌ولان ده‌ت ب هه‌ر شێوه‌كى بیت وى لایه‌ینى رازى بكه‌ت و بێى كوردان چ لایه‌ن نه‌شێن حوكمه‌تێ پێكبینن و ل ڤێره‌ بێگومان كو حوكمه‌تا عیراقێ دێ هه‌ولێن مه‌زن ده‌ت كو ب زووترین ده‌م كابینا حوكمه‌تێ پێكبینن، چونكو گڤاشتنێن نێڤده‌وله‌تى و ناڤخوه‌یى ژی ل سه‌ر ده‌ستهه‌لاتێ عیراقێ هه‌نه‌ دا كو ئارێشێن پتر و مه‌زنتر دروستنه‌بن و روونه‌ده‌ن. ژبه‌ر گرانبوونا بهایێ بازارێ سیاسى ل عیراقێ و گه‌هشتیه‌ كۆمتێن دووماهیێ و یێن بلند فه‌ره‌ كورد و سه‌ركردایه‌تیا سیاسى ل كوردستانێ ب رژدى و هه‌ستیارى و نهێنى ل سه‌ر پرسا ناڤبرى راوه‌ستن و ژێكنه‌ گرتنێن خوه‌ بده‌نه‌ لایه‌كى و ب تنێ هه‌مى پارت و لایه‌نێن كوردى ب تنێ ل سه‌ر چوونا به‌غدا د ئێكگرتى بن و ئه‌گه‌ر هه‌ڤدو نه‌گرن و ب هه‌ڤرا و ب ئێك لیست و ئێك هه‌لویست نه‌چنه‌ به‌غدا، ئه‌ڤه‌ دێ وێ چه‌ندێ خوه‌یا كه‌ت كو ئه‌وێن نه‌چن بۆ به‌رژه‌وه‌ندیا خوه‌ یا تایبه‌ت كار دكه‌ن وچو جوداهى د ناڤبه‌را وان پارت و لایه‌نین عیراقى و كوردى نینه‌. یا فه‌ر و گرنگ هه‌مى ب هه‌ڤرا بچن بۆ به‌غدا و بلا ژێكنه‌گرتنێن خوه‌ بهێلنه‌ ل هه‌رێمێ و ده‌مێ دچنه‌ به‌غدا ب ئێك هێز بچن و ده‌مێ ب داوى دهێن دشێن وان ژێكنه‌گرتنان ل هه‌ولێرێ چاره‌سه‌ركه‌ن بلا جاره‌كێ بۆ ملله‌تى بیت به‌لێ بلا هزار جاران بۆ وان لایه‌نان بیت. زۆر فه‌ره‌ كورد خوه‌ بكه‌ن ئێك لیست و ئێك هزر و ئێك به‌رنامه‌ و مه‌رج بهێنه‌ دانان بۆ كاندید و پله‌دارێن مه‌ ل حوكمه‌تا هه‌رێمى و حوكمه‌تا مه‌ كو ئه‌م پێكڤه‌ كاربكه‌ین ژبۆ بده‌ستڤه‌ئینانا مافێن ره‌وا یێن ملله‌تێ كورد و ب زۆرى بها و بازارێ سیاسى گرانبووى دا، ئه‌م ژی ژڤێ بازاركرنێ نه‌هێینه‌ بێ به‌هركرن و ملله‌تێ مه‌ ژی دا ژڤان نه‌خۆشى و نه‌هامه‌ت و خرابیا دوور بكه‌ڤیت و رزگاربیت. زۆر نموونه‌ ل وه‌لاتێن جیهانى مه‌ دیتینه‌ ل ده‌مێ شه‌رێ دوژمنان دكر دئێكگرتى بوون و ل ده‌مێ سه‌ركه‌فتن ئیناى ل سه‌ر دوژمنان دوباره‌ ژێكنه‌گرتنێن وانان دروستبوونه‌ ڤه‌. بۆ نموونه‌ ل ده‌مێ رۆسیا هێرش كریه‌ سه‌ر ئه‌فغانستانێ و زۆر عه‌ردێ ئه‌فغانستانێ داگیركر هه‌مى لایه‌ن و پارت و كه‌سایه‌تى یێن هه‌ڤركیێن مه‌زن ل گه‌ل هه‌ڤدو هه‌یى كۆمبوون و خوه‌ كرنه‌ ئێك وب ئێك ده‌ست و هزر وبه‌رنامه‌ شه‌رێ رۆسیا كرن و ئه‌و هێزا مه‌زن یا ل سه‌ر ئاسێ جیهانێ كو رۆسیایه‌ و ل رێزبه‌ندێن ئیكێ نه‌ ئه‌فغانستانى شیان وێ هێزێ یا زه‌به‌لاح و مه‌زن ژ وه‌لاتێ خوه‌ ده‌ر بكه‌ن و تنێ ئه‌فغانستان بۆ ئه‌فغانى یا ما و پاشى ل سه‌ر مێزه‌كا دانوستاندنا روونشتن و ژێكنه‌گرتنێن خوه‌ ل گه‌ل هه‌ڤدو ب داویئینان و هه‌كه‌ مابیت ژی زۆر دكێم بوون و ئاها به‌رژه‌وه‌ندیا ملله‌تى ب ڤى شێوه‌یى دێ پارێزى. بلا ئه‌م كورد ژی خوه‌ بكه‌ینه‌ ئێك و ده‌ستێن خوه‌ بكه‌ینه‌ د ناڤ ده‌ستێن هه‌ڤ دا و ژێنه‌گرتنێن خوه‌ ل پشت خوه‌ بهێلین و ب تنێ به‌رژه‌وه‌ندیا هه‌رێما كوردستانێ بپارێزین و به‌رژه‌وه‌ندیێن خوه‌ یێن تایبه‌ت بده‌ینه‌ لایه‌كى و ئه‌گه‌ر ئه‌م ڤى كارى نه‌ه‌ین پشتراستم چ ب ده‌ستێ مه‌ ڤه‌ ناهێت ل به‌غدا و كورد نه‌شێن چ كارتێكرنێ ل بریارێن به‌غدا بكه‌ت، لێ ئه‌گه‌ر ئه‌م ب هه‌ڤرا ین بێ گومان دێ شیێن ده‌ستكه‌فتێن مه‌زن بۆ ملله‌تێ كورد ل كوردستانێ ب ده‌ستڤه‌ئینین و بلا ل بیرا مه‌ هه‌میان بیت كورد ب خوینا خوه‌ ژی دگه‌ل وان بن هه‌ر ئه‌و دێ وان كوردێن دگه‌ل وانان دا ب خائین و نه‌زان و نوكه‌ر زانیت و هه‌رده‌م وان عیراقیان گۆتیه‌ چ جوداهى د ناڤبه‌را یێ ره‌ش و سپى دا نینه‌، ئانكو وان ل به‌رێ ژی دا چ جوداهى د ناڤبه‌را جاش و پێشمه‌رگه‌یى دا نه‌كریه‌ و هه‌ر ل دووماهیێ دگۆت كورده‌ و بلا ئه‌م وان هه‌لویست و رابردویى ژبیرا خوه‌ نه‌به‌ین. ئاڤه‌دان بیت كوردستان بلندبیت ئالایێ پیرۆز و ئارام ببیت كوردستان و پاراستى بیت پێشمه‌رگێ قه‌هره‌مان.

خالد ئه‌حمه‌د بادى
مرۆڤ و ملله‌ت و وه‌لات مینا خانیانه‌، هنده‌ك ژ وان دڤێت بهێنه‌ چاره‌سه‌ركرن و نووژه‌نكرن، (ته‌رمیم)، هنده‌ك ژی ژ وان دڤێت بهێنه‌ هه‌ڕفاندن و ژنوو بهێنه‌ ئاڤاكرن و هنده‌ك خانى ژی مه‌ نه‌چاردكه‌ن كو دڤێت بهێنه‌ دانان بۆ فرۆتنێ، چونكو چ مفا تێدا نینه‌ و یێ ژكاركه‌فتى و چ جاران چاره‌ نابیت و هه‌كه‌ چاره‌ بیت ژی دێ شێوێ تیكا ل سه‌ر دیار كه‌ت. ل پرێس كۆنفرانسه‌كێ رۆژنامه‌ڤانیێ دا، رۆژنامه‌ڤانه‌كى پرسیاره‌ك ژ (لى كوان) دامه‌زرێنه‌رێ سه‌نگافۆره‌ كر و گۆتێ: چ جوداهى هه‌یه‌ ل ناڤبه‌را وه‌لاتین دى یێن ئاسیه‌وى و سه‌نگافۆره‌ دا؟ لێ كوانى به‌رسڤ دا: جوداهى ئه‌وه‌ ئه‌م پرتووكخانا ئاڤا دكه‌ین و جهێن زانست و زانینێ دروست دكه‌ین و ئه‌وێن دى په‌رستگه‌هان ئاڤا دكه‌ن و عیباده‌تى تێدا ناكه‌ن. هه‌ر دیسا ئه‌م بۆدجه‌ و داهاتێ ده‌وله‌تێ ل زانستى خه‌رج دكه‌ین و ئه‌وێن دى ل چه‌ك و ته‌قه‌مه‌نى یا خه‌رج دكه‌ن, هه‌ر دیسا ئه‌م شه‌ڕێ گه‌نده‌لیێ و گه‌نده‌لكاران ل سه‌رێ هه‌ره‌مێ دكه‌ین و ئه‌و وه‌لاتێن دى ل ژخارێ ده‌سپێدكه‌ن و ب تنێ دزیكه‌رێن بچووك دگرن و یێن مه‌زن دمینن ل ده‌ستهه‌لاتى و هه‌ر ب كه‌یف و حه‌زێن خوه‌ كارێ گه‌نده‌لیێ دكه‌ن. بابه‌تێ مه‌ ل دۆر خوه‌نیشادانێن عیراقا فیدرالن كو ل حه‌فتێن بۆرى رووداین ل خوارویێ عیراقێ و ل پارێزگه‌هێن به‌سرا و به‌غدا و پارێزگه‌هێن دى كو ب هزاره‌ها خه‌لكێ سڤێل و بێ گونه‌ه رژیانه‌ سه‌ر جاددان و ل دژى هه‌مى ده‌ستهه‌لات و پارتێن عیراقى یێن شیعى و سونى كو د ناڤ داخوازیێن وانان دا ئه‌ڤ چه‌نده‌ دیار دكر كو ب تنێ دوژمنێن ده‌ستهه‌لاتێ نینن، به‌لكو وه‌سا خۆیا دكر كو هه‌مى پارت و كه‌سایه‌تى دوژمنێن وانانه‌ و ب تنێ ئه‌وێن ده‌ستهه‌لاتدار ماینه‌ ب خوه‌ڤه‌ و ملله‌ت ژبیر كریه‌ و حه‌تا نوكه‌ ل عیراقێ ئاڤ كاره‌با و جادده‌ و سۆلین و خزمه‌تگوزاریێن دى ژی نینن و وه‌لاتیێن عه‌ره‌ب یێن عیراقى برسى و تێهنى نه‌، زێده‌بارى پرسێن ئه‌منى كو هه‌رده‌م مه‌ترسیێن ته‌قین و هێرشێن چه‌كدارى ل سه‌ر وانه‌. ئه‌ڤا ل عیراقێ هه‌یى و داهاتێ زۆر زێده‌ دێ ده‌هان وه‌لاتێن مه‌زن پێ هێنه‌ خودانكرن و عیراقیێن بێگونه‌ه بێبه‌هر ماینه‌. ل عیراقێ ئه‌گه‌ر داهات ب شێوه‌كێ عادیلانه‌ بهێنه‌ دابه‌شكرن ل دووڤ ئاخفتنێن شاره‌زا و زانایێن ئابوورى و ئابوورناسان كو ل سالێن حه‌فتیان داهاتێ عیراقێ دابه‌ش بۆ ل سه‌ر وه‌لاتیێن عیراقى هه‌ر وه‌لاتیه‌كێ عیراقى رۆژانه‌ (12) دوازده‌ دینار و نیڤ رۆژێ دگه‌هشتنێ، هه‌كه‌ به‌راورد بكه‌یى وان دوازده‌ دیناران ل گه‌ل دۆلارى ل وى سه‌رده‌مى هه‌ر دیناره‌ ب نێزیكى چار دۆلاران بوو، هه‌ر دیسا كیلۆیا كه‌ره‌ستێن خوارنێ ب فلسان بوو, هزر بكه‌ ل وى سه‌رده‌مى هه‌ر نه‌فه‌ره‌كى ل عیراقى بچووك و مه‌زن و ژن و زه‌لام د خێزانێ دا هه‌ر كه‌سه‌كى (12ـ13) دوازده‌ یان سێزده‌ دینار گه‌هشتبایێ دا ژیان و شێوێ ژیانا عیراقیان چاوا بیت. لێ مینا ئاخفتنا ل سه‌رى دیار یا (لى كوانى) ده‌مێ گۆتى هه‌مى داهات و سامانێ ده‌ستهه‌لاتى دده‌نه‌ ب چه‌ك و ته‌قه‌مه‌نى و مرۆڤان پێ دكوژن ژكورد و عه‌ره‌بان یێن ل دووڤ حه‌ز و ڤیانا وان نه‌بیت. ل دووماهیێ دێ بێژم هندى عه‌قلیه‌تێن مینا مالكى و عه‌بادى و سیستانى و سه‌دڕى و جه‌عفه‌رى و..هتد.. ل ناڤ عیراقێ دا بن و ده‌ستهه‌لاتێ ل عیراقێ بكه‌ن و بریاران ژ سه‌ركرده‌ و حوكمه‌تێن وه‌لاتێن بیانى و ده‌ردۆر وه‌رگرن دێ هه‌ر خوه‌نیشادان په‌یدا بن و دێ ره‌وشا عیراقێ خرابتر بیت. دووماهی په‌یام دێ دیار كه‌م كو ئه‌و كه‌سێن خرابیا ملله‌تێ مه‌ دكه‌ن، كى و چ بن دێ گه‌هنه‌ سزایێ خوه‌ و هه‌ر سه‌ركه‌فتن به‌هرا ملله‌تێ كورده‌. له‌وما دبێژم زۆر دروسته‌ خوه‌نیشاندان ل عیراقێ بهێنه‌ ئه‌نجامدان، چونكو ره‌وش زۆر یا ئالۆزه‌.

خالد ئه‌حمه‌د بادى
ل ده‌سپێكێ پیرۆزباهیان ل ته‌ڤایا ملله‌تێ كورد دكه‌ین ب هه‌لكه‌فتا جه‌ژنا ره‌مه‌زانا پیرۆز یا ئه‌ڤ ساله‌.. بێگومان هه‌مى ملله‌ت و ئاینان هه‌لكه‌فتێن ئاینى و نه‌ته‌وه‌یى هه‌نه‌، ئه‌و هه‌لكه‌فت ژى دهێنه‌ دانان ژ به‌ر كو یان سه‌ركه‌فتنه‌ك تێدایه‌ یان بیره‌وه‌ریه‌كا گشتى یا گرنگه‌ یان كاره‌ساته‌كه‌ ب سه‌رێ ملله‌تى هاتى یان ب سه‌ر وه‌لاتێ وانان دا هاتى و ساخكرنا ڤێ رۆژێ بۆ هه‌ر ملله‌ته‌كى ب جه‌ژن و خۆشى و كه‌یف و شادى دهێنه‌ گێران و ئه‌گه‌ر كاره‌ساته‌ك و نه‌خۆشیه‌ك بیت بێ گومان دێ ب شێوازه‌كێ دى هێنه‌ ساخكرن. په‌یڤا جه‌ژن ئانكو رۆژه‌كا نوو یان رۆژه‌كا خۆش و به‌خته‌وه‌ر و شاد، ئانكو رۆژه‌كا جودا ژ رۆژێن دى یێن ئاسایى ژ رۆژێن سالێ. زۆر رامان بۆ رۆژا جه‌ژنێ هاتینه‌ گۆتن، یا ئێكێ ئه‌وه‌ ئه‌ڤ په‌یڤه‌ وێ رامانێ دده‌ت كو ژ په‌یڤا (عوده‌) عید، ئانكو (یعود) یان (عاد) دزڤریته‌ڤه‌، ئانكو هه‌ر سالێ جاره‌كێ ئه‌و رۆژا خۆش و به‌خته‌وه‌ر دزڤریته‌ ڤه‌. (د. محمد ابراهیم الجیوشى)، دبیژیت رۆژا جه‌ژنێ، ئانكو رۆژا جوانى و كه‌یف و خۆشیانه‌, ئاینێ ئیسلامێ وه‌سا دیار كریه‌ كو نیعمه‌تێن خودایى د ڤێ رۆژێ دا دیار و به‌رچاڤ بن ل سه‌ر ملله‌تێن بوسلمانان، ئه‌و ژى ژكرنا جلوبه‌رگێن نوو و خوارن و شریناهى و چێكرنا خوارنێن خۆش بێ مه‌زاختیێن بێ رامان و زێده‌ …. ل ڤێره‌ به‌حسێ مه‌ ل سه‌ر ده‌سنیشانكرنا رۆژا جه‌ژنێ یه‌، ب راستى زۆر كارتێكرن ل سه‌ر تاكێ بوسلمان دهێته‌كرن ل ده‌مێ هه‌یڤا ره‌مه‌زانێ بدووماهیك دهێت، دێ رۆژا جه‌ژنێ د دووڤ دا هێت، لێ ئارێشه‌ په‌یدا دبیت هنده‌ك وه‌لات دكه‌نه‌ جه‌ژن و هنده‌ك وه‌لاتێن دى ناكه‌نه‌ جه‌ژن و تێكه‌لكرنا سیاسه‌ت و مه‌زهه‌بیه‌ت و حیزبایه‌تى و به‌رژه‌وه‌ندیێن تایبه‌ت دهێته‌كرن و ئه‌ڤ جه‌ژنا ئاینى و رۆژا پیرۆز بۆ مه‌ره‌مێن خوه‌ یێن تایبه‌ت بكاردئینن و خۆشى و كه‌یف و شادیا وێ رۆژێ ناهێلن و بێ تام دكه‌ن. وه‌كو مه‌ خویندى و ڤه‌دیتى كو ل سه‌ر ده‌مێن كه‌ڤن و دێرین چاڤدێریا هه‌یڤێ دهاته‌كرن ژ لایێ فه‌له‌كناس و كه‌سانێن ب هژمارتنا هه‌یڤا و ئاسمانى د شاره‌زا و بێ ده‌زگه‌هێن پێشكه‌فتى و رۆژا دروست یا جه‌ژنێ دهاته‌ ده‌سنیشانكرن بێ مه‌ره‌مێن سیاسى و ده‌وله‌تینى, لێ نوكه‌ سه‌ره‌راى هه‌بوونا ب سه‌دان ده‌زگه‌ه و ئامێرێن چاڤدێریا گه‌ردوون و ئاسمانى دكه‌ن و ب رێژا (100%) دزانن و رۆژا جه‌ژنێ ده‌سنیشان دكه‌ن، لێ ده‌ست دهێنه‌ د ناڤ دا و یان رۆژه‌كێ به‌رى یا هاتیه‌ دانان دكه‌نه‌ جه‌ژن، یان رۆژه‌كى پشتى وانان مه‌ره‌م ژێ ئه‌وه‌ كو ب تنێ ل گه‌ل یێن مه‌زهه‌بێ دى یان ده‌وله‌تا دى نه‌كه‌ن جه‌ژن و ل ڤێره‌ هه‌یبه‌تا ڤێ رۆژێ دهیته‌ تێكدان و به‌لانس تێكدچیت و سومعه‌ت و ناڤوده‌نگێ ئاینى تێكدچیت و نامینیت و به‌رامبه‌ر ئاینێن دى ژی كێماسى په‌یدا دبیت. رۆژا جه‌ژنێ بلا ل ناڤبه‌را شیعا و سونا و وه‌لات و وه‌لاتان و مه‌زهه‌ب و مه‌زهه‌بان نه‌هێته‌ بێبهاكرن و هه‌مى ژی دزانن كا كیژ رۆژ جه‌ژنه‌ وه‌كو مه‌ ل سه‌رى ئاماژه‌ پێ كرى، بلا هه‌مى ژێكنه‌گرتنێن خوه‌ یێن سیاسى و ئاینى و مه‌زهه‌بى و جڤاكى ئابوورى بده‌نه‌ لایه‌كى و ب تنێ ئاینێ خوه‌ بگرن و ببنه‌ جهێ بێ هێزى و زه‌عیفبوونێ ل جه‌م ملله‌تێن دى و ب تنێ بلا رۆژا دروست یا جه‌ژنێ یا كو خوداى دانایى بلا پێگیریێ پێ بكه‌ن و وه‌كو دى هه‌ر ئێك ل جه و مال وه‌لاتێن خوه‌ نه‌ بلا هه‌ر په‌یوه‌ندیێن وانان دنه‌خۆش بن، لێ ده‌ستكارى دئاینێ خودایى دا نه‌كه‌ن و هه‌ر چ نه‌بیت بلا د ده‌ست نیشانكرنا رۆژا جه‌ژنێ دا د ئێك گرتى بن و ئه‌گه‌ر نه‌، دێ ل سه‌ر هه‌ر ئاینه‌كى بیت ب نه‌رێنى زڤریت. له‌وما دبێژم جه‌ژن و هه‌لكه‌فت ژی ل به‌رمه‌ به‌رزه‌كرن و بلا شیعه‌ و سنه‌ و هه‌مى مه‌زهه‌ب ب تنێ رێیا راست بگرن و بلا پێكڤه‌ و ب ئێك ده‌ست و ئێك دل پێكڤه‌ جه‌ژن و خۆشیان بگێرن و رێیا راست بگرن. له‌وما مه‌ گۆت جه‌ژن ب تنێ بلا یا موسلمانان بیت، نه‌جه‌ژنا شیعی یان یا سونیان بیت.

خالد ئه‌حمه‌د بادى

پێگیریا كوردان ب ئاینێ پیرۆزێ ئیسلامێ زۆر بهێزه‌ و ل ده‌مێن خۆش و نه‌خۆش هه‌ر كورد پێگیرى ئاینێ پیرۆزێ ئیسلامێ بوون, ل ده‌مێن دێرین ملله‌تێ كورد زۆر قوربانى داینه‌ ل سه‌ر كوردیبوون و ئیسلامبوونا خوه‌ و دیرۆكێ هه‌ر تشته‌ك تۆماركریه‌ و دیرۆك شه‌رمێ ژ كه‌سه‌كى ناكه‌ت و ئه‌گه‌ر زانا و دیرۆكنڤێس خۆفرۆش و كه‌ڤنه‌ پرست و نه‌حه‌ز نه‌بن و دیرۆكا ئیسلامێ ب وژدانانه‌ و دلسۆزانه‌ نڤێسا بیت هه‌ر تشت دیاره‌ یا كوردان بۆ ئاینێ پیرۆزێ ئیسلامێ كرى، چونكو كوردان ده‌وله‌ت و میرگه‌ه و حوكمرانیه‌ت هه‌بوون هه‌مى كرنه‌ قوربانى ئاینێ پیرۆزێ ئیسلامێ و عه‌ره‌بان چ تشت نه‌بوون و زۆر دبێ فام و نه‌زان و جاهل بوون خوه‌ كرنه‌ ده‌وله‌ت و ئیمپراتۆریه‌ت و ده‌ست ژ ئاینى به‌ردایه‌ و ب تنێ هنده‌ك ژ ملله‌تێن عه‌ره‌بان دپێگیرن ب ئایینێ ئیسلامێ، لێ ئه‌و ژى توندره‌ون ل سه‌ر عرۆبه‌تا خوه‌ هه‌میان دوژمناتیا كوردان كریه‌ و كورد ژ هه‌میان پیگیر و گرێدایترن ب خودایێ مه‌زن و قورئانا پیرۆز و ئاینێ ئیسلامێ. ل ده‌مێ رژێمێن ده‌ستهه‌لات ل عیراقێ كرى ئه‌نفال ب سه‌رێ ملله‌تێ كورد دئینان هه‌مى یان پشته‌ڤانیا خوه‌ بۆ وان بریارا دیار دكر و پاره‌ و هێز ددانه‌ عیراقێ بۆ لێدانا كوردان و دگۆت: ئه‌ڤه‌ ئیسرائیلى نه‌ و ب تایبه‌ت پارتێن ئیسلاما سیاسى كو فه‌ر بوو ئه‌وان پشته‌ڤانى ل كوردان كربا، لێ به‌روڤاژى وانان پتر دوژمناتى كرن و وانان پتر مامه‌له‌ ل گه‌ل ئیسرائیلێ دكر. ل سالا (1988) ل ئوردیگا و چادرگه‌ه و كه‌مپێن توركیا هه‌یڤا ره‌مه‌زانا پیرۆز ل ئاواران بوو مێهڤان و ل چادرگه‌ها مێردینێ ل بن پاتێ چادرا مالوێران و ل ناڤ سیمێ تێلبه‌ندكرى و ل به‌ر ره‌حما هاڤینێ و بێ كاره‌ب و ل به‌ر زێره‌ڤانیا جه‌ندرمه‌ و پۆلیسێن زالم و ل بن چاڤدێریا میت و تیم ئووزالێ و بێ هه‌مى پێدڤیێن ژیانێ و ئاڤا گه‌رم و سرا و ئازۆقێ ب كیلۆ و گراما خه‌لكێ ئاواره‌ یێ شۆره‌شگێر و موسلمان رۆژى گرتن و پتریا جاران پاشیڤ یا كرى ب نان و ئاڤه‌كێ كێم و یان ب نان و ماسته‌كى یان ب نان و چایه‌كێ و نه‌ دهێلا تشت بهێن د ناڤ كه‌مپێ دا ونه‌ د هێلا كه‌سه‌ك ژ كه‌مپێ ده‌ركه‌ڤیت و مینا زیندانا بوو. ل ناڤ كه‌مپێ دا و ب وى ئازۆقێ كێم و ب وێ ئاڤا گه‌رم و ب سرا دا خه‌لك رۆژیا خوه‌ گریت و هنده‌ك جاران سنێله‌ و گه‌نج ب دزیكیڤه‌ ژ كه‌مبێ ده‌ركه‌ڤتنه‌ وان گوندێن دۆرماندۆر دگۆتنێ گوندێن تومكێ و خورسێ و قزلته‌په‌ تا كو هنده‌ك (بۆز) ئانكو جه‌مه‌د ئینا بایه‌ ئه‌و ژى تێرا كه‌سه‌كى نه‌ دكر، هه‌روه‌سا جهێ نڤێژا نه‌بوون به‌لێ ل هه‌ر لایه‌كێ كه‌مپێ ل به‌ر سیمه‌یى مه‌ جه راست كرن و ره‌شاند و حلى كر و هه‌ر كه‌سه‌كى شه‌ملك و جلنڤێشكێن خوه‌ دبرن و نڤێژ و ته‌راویح لێ دكرن و مه‌لایێن پێشمه‌رگه‌ ژی رۆله‌كێ زۆر باش هه‌بوو د رێڤه‌برنا كاروبارین ئاینى دا ژ بانگ و كباره‌ و وه‌عز و خوتبه‌ و كارێن دى یێن ره‌مه‌زان و رۆژیگرتنێ. ئه‌ڤا ل سه‌رى مه‌ دیار كرى سه‌ره‌راى وێ زولم و سته‌م و مه‌ینه‌تێن كوردان دیتین ل سه‌ر ده‌ستێن دوژمنان و چ وه‌لاتێن ئیسلامى یان ئێكه‌تیێن زانایێن مۆسلمان یان پارتێن خوه‌ ددانن موسلمان یان شیعه‌ یان سنى یان رێكخراو و كۆمه‌لیێن ب ناڤێ ئیسلامه‌تیێ دپه‌یڤن هه‌ر چ به‌رگرى ژ وان تاوانان نه‌كرن یێن رژێمێن عیراقێ و ئیرانێ و توركیا و سووریایێ ب سه‌رێ ملله‌تێ كورد ئیناین، به‌لكو پتر بوونه‌ هاریكار و فه‌توا بۆ ده‌ردكرن و حه‌لالكرنا كوردان بۆ وان دوژمنان ددا و ده‌مێ شێخ ئه‌حمه‌د یاسینێ فه‌له‌ستینى دگۆت مه‌ نه‌ڤێت چ ئسرائیلێن دى ل شیمالێ عیراقێ دروست ببن. و ل سه‌ر ڤان هه‌مى كریارێن شاش و خراب یێن عه‌ره‌بان پتر كورد هاتنه‌ گرێدان ب ئاینێ ئیسلامێ ڤه‌ و بۆ كوردان دیاربوو كو عه‌ره‌ب و تورك و فارس نه‌ موسلمانێن ب دروستینه‌ و ب تنێ ب شكل موسلمانن و ب تنێ بوسلمانێن راسته‌قینه‌ ملله‌تێ كورده‌. بژیت كورد بژیت كوردستان.