دەرئەنجامێ‌ ئەوا روودانێن د یارییا دناڤبەرا تیما فوتبۆلا یانەیا زاخۆ و یانەیا نەجەف دا فیدارسیۆنا ئیراقێ‌ چەند بڕیار دژی راهێنەر و یاریزانێن زاخۆ دەركر و بڤی شێوەیی، سزادانا راهێنەر تەلال ئەلبلۆشی ب كۆژمەیێ‌ پێنج ملیۆن دیناران و دوورئێخستنا وی بۆ دو یاریێن بهێت، دیسان سزادانا هەر ئێك ژیاریزانێ‌ زاخۆ ئەحمەد ئیبراهیم و محەمەد نومی ب هەمان كۆژمە و دوورئێخستنا وان بۆ دو یارییان، دیسان هاریكارێ‌ راهێنەرێ‌ نەجەف عودەی عومران ب هەمان سزایان، ئەڤ بڕیارە بوویە جهێ‌ نە رازیبوونا كارگێرییا یانەیێ‌ ئەوێن دێ‌ داخوازا پێداچوونێ‌ د بڕیارا خوە دا بكەن.
عادل سندی رێكخەر و رێڤەبەرێ‌ تیما یانەیا زاخۆ بۆ رۆژنامەیا ئەڤرۆ گۆت: بڕیارێن فیدراسیۆنا فوتبۆلا ئیراقێ‌ دژی یانەیا زاخۆ نە دادپەروەرن و نە ل دووڤ روودان و راپۆرتا سەرپەرشتێ‌ یاریێ‌ بوون، ئەوا فیدراسیۆنا ئیراقێ‌ ب ئەگەرێ‌ جودا راهێنەر و یاریزانێن مە سزاداین بەرۆڤاژی رۆدانێ‌ بووینە و راپۆرتا سەرپەرشتێ‌ یاریێ‌، لەوما ب فەرمی مە داخواز ژ فیدراسیۆنێ‌ كرییەل دووڤ راپۆرتا سەرپەرشتی و دادپەروەریێ‌ سەرەدەریێ‌ بكەن و بڕیارا خوە بدەن و بۆ ڤێ‌ چەندێ‌ مە داخواز پێداچوونێ‌ د بڕیارا خوە دا بكەن و مافێ‌ یانەیێ‌ نە هێتە بەرزەكرن.
ژلایەكێ‌ دووڤە ناڤهاتی دیار كر تیما وان یا فوتبۆلێ‌ دێ‌ ل شەمبییا بهێت دەمژمێر شەشی ئێڤاری مێڤاندارییا یانەیا جەوییە یا بەغدایی كەت ژ چارچووڤەیێ‌ یاریێن پاشئێخستی یا خولا ستێرێن ئیراقێ‌ و داخواز ژ جەماوەری كر ژبۆ پشتەڤانییا تیما خوە بەرهەڤبن ژبەركو گەلەك پێدڤی ب پشتەڤانیێ‌ هەیە.

د داخویانیەكێ‌ دا سكرتێرێ‌ فیدارسیۆنا باسكێت بۆلا كوردستانێ‌ دیار كر ئەوان ب نڤێسارێن فەرمی بۆ گشت یانە و ئەكادیمیێن وەرزشی یێن كوردستانێ‌ ئەوێن تایبەت ب یارییا باسكێت بۆلێ‌ بۆ ژیێن جودا هنارتینە پێخەمەت پشكداری د قارەمانییا هەرێمێ‌ یا مینی باسكێت بۆلێ‌، لێ‌ هەتا نوكە ژ بلی ئێك یانە چو یانەیێن دی بەرسڤا مە نە دایە.
زێدەتر هشیار دۆبانكی بۆ رۆژنامەیا ئەڤرۆ گۆت: ل دووڤ بەرنامەیێ‌ مە یێ‌ وەرزێ‌ ئەڤ سالە بڕیارە چەند قارەمانی بۆ كوڕان و كچان ل سەر ئاستێن جودا بهێنە ئەنجامدان، ژ وانا ل سەر ئاستێ‌ كوڕان كو دێ‌ بیتە پلا نایاب ژ سەرجەمێ‌ هەر 11 یانە هاتینە ئاگەهدار كرن بۆ دانا قارەمانیێ‌ كو دێ‌ ب شێوەیێ‌ خول بیت و یاریێن وێ‌ دێ‌ ب شێوازێ‌ هاتن و چوون بیت، دیسان دهێتە پێشبینیكرن د ڤێ‌ مەهێ‌ دا قارەمانییا مینی باسكێت بۆ یانە، ئەكادیمیێن وەرزشی ل كوردستانێ‌ هێتە ڤە كرن كو ئەڤ قارەمانییە تایبەت بۆ ئەوا یاریزانێن د ژیێ‌ 12 سالی و كێمتر، لەوما مە هەمی لایەنیێن وەرزشی ئاگەهدار كرینە یا جهێ‌ حێبەتیێ‌ هەتا نوكە ژبلی یانەیا زاخۆ چو یانەیان بەرهەڤییا خوە دیار نە كرییە، هەرچەندە ئەم دێ‌ چاڤەڕێ بین و مە دۆبارە ئاگەهدارینە دبیت گوهۆڕینەك پەیدابیت.
ژلایەكێ‌ دیڤە ناڤهاتی گرنگی ب ئاستێ‌ پشكۆژان وەكو پێنگاڤەكا باش دا زانین گۆت: ژبەركو ئاستێن بچووك دێ‌ بنە پاشەرۆژا وەرزشا یانە و كوردستانێ‌ ب گشتی مە پێنگاڤا ئێكێ‌ یا قارەمانیێ‌ بۆ ڤەكرنا قارەمانییا مینی باسكێت دانایە، هیڤییا مە ئەوە هەمی یانەیێن خودان یاریزانێن بچووك یێن ژ دایكبوویێن 2012ێ‌ و كێمتر هەڤكاربن و پشكداریێ‌ بكەن و مەرەم ژی هەر بۆ پێشئێخستنا ڤی وەرزشێ‌ یە.

قەیس وەیس:

د دیداره‌كا كورت دا راهێنه‌رێ تیما فوتسالا یانه‌یا ئافره‌تێن دهۆكێ یا وه‌رزشی بۆ رۆژنامه‌یا ئه‌ڤرۆ دیار كر د نوكه‌ دا تیمه‌كێ دروست دكه‌ن ل سه‌ر سیسته‌مێ ئه‌كادیمی و هه‌كه‌ پشته‌ڤانی هه‌بیت دێ باشترین پێكهاتی ل سه‌ر ئاستێ تازه‌پێگه‌هشتییان هێته‌ به‌رهه‌ڤكرن.
زێده‌تر ئاراز سالح گۆت: وه‌رگرتنا تیما ئافره‌تێن دهۆك پێخه‌مه‌ت دانانا بنیاته‌كێ دروست و ئه‌كادیمی ژ وه‌رزشڤانێن كچ یێن پارێزگه‌هێ به‌رهه‌ڤبكه‌ین بۆ چه‌ند ساله‌كێن كیم ببنه‌ ستێرێن گه‌ش سه‌ر ئاستێ هه‌رێمێ و ئیراقێ، مه‌ تیمه‌كا نوو پێكئینایه‌ لێ هه‌تا نوكه‌ شیایینه‌ پێنگاڤێن باش پاڤێژن و ده‌م بۆ دڤێت هه‌تا بگه‌هینه‌ ئارمانجا خوه‌، قۆناغا دویێ یا تیما مه‌ دێ پشكدارییا د قاره‌مانییا پیلستانگ ل سه‌ر ئاستێ یانه‌یێن هه‌رێمێ دا بۆ تازه‌پێگه‌هشتییان كه‌ین و به‌رهه‌ڤیێن باش بۆ دهێنه‌ كرن و گه‌شبینن دێ ئاست و ئه‌نجامێن دلخوه‌شكه‌ر هه‌بن و هه‌ڤركبن بۆ ناسناڤی و ببینه‌ هژماره‌كا بزه‌حمه‌ت.
هه‌روه‌سان ناڤهاتی گۆت: تیما مه‌ پێدڤی ب پشته‌ڤانیێ یه‌ و هه‌كه‌ هه‌بیت دێ باشترین تیم هێته‌ پێكئینان، له‌وما ئه‌م پێدڤی ب راگه‌هاندنێ نه‌ ژبۆ پشته‌ڤانییا و چو ده‌زگه‌هێن راگه‌هاندنێ سه‌ره‌دانا مه‌ نه‌كرییه‌، دخوازین ژ جهێن په‌یوه‌ندیدار پشته‌ڤانییا مه‌ بكه‌ت هه‌كه‌ هه‌بیت پشت راستبم هه‌تا ساله‌كا دی ئه‌م پێدڤی ب یاریزانێن ده‌رڤه‌ نابین به‌لكو دێ پشت گه‌رمییا كچێن باژێرێن خوه‌ كه‌ین و دێ گه‌هنه‌ ئاستێن بلند
ل دووماهیێ ئارازی گۆت: كارگێرییا یانه‌یێ خودان كه‌سێن شاره‌زانه‌ و هاریكار و پسپۆرن و هه‌كه‌ كارگێرییا یانه‌یی نه‌با دا به‌ری مه‌هه‌كێ تیمێ بجهـ هێلم ،ئه‌وان ل سه‌ر كیستێ خوه‌ پشته‌ڤانییا یانێ دكه‌ن، دووماهیێ سۆپاسیی وان دكه‌م كو ئه‌و ب شه‌ڤ و رۆژ دگه‌ل منن كو ئه‌ڤ تیمه‌ باشترین شێوه‌ بهێته‌ پێش.

ژڤانێ‌ قارەمانییا نەتەوەیێن ئۆرۆپا یۆرۆ 2024ێ‌ نێزك بوویە ئەوا بڕیارە ل ئەینییا بهێت دەستپێبكەت، وەكو دیار دناڤ رێزێن هەلبژارتیێن ئۆرۆپا دا كۆمەكا باش یا یاریزانێن ستێر ل سەر ئاستێ‌ جیهانێ‌ و پشتەڤانەكێ‌ ئێكجار زوور یێن هەین، ل دووڤ لیستەیا یارییان 10 یاریێن هەین د قۆناغا كۆمان دا ب هێزن و دبیت خوەشیەكا تایبەت جەماوەر وەربگریت ئەوژی، یارییا ئەلمانیا و ئسكوتلەندا، ئسپانیا و كرواتیا، ئیتالیا- ئەلبانیا، ئنگلتەرا- سربیا، فرەنسا- نەمسا، پۆرتۆگال- چیك، ئنگلتەرا- دانیمارك، ئیسپانیا- ئیتالیا، هولەندا- فرەنسا، كرواتیا- ئیتالیا.
خشتێ‌ یاریێن كۆمان بڤی رەنگی نە:
قۆناغا ئێكێ‌:
رۆژا ئەینی 14-6-2024
ئەلمانیا- ئسكوتلەندا. دەمژمێر 10 شەڤ
شەمبی 15-6-2024
هنگاریا- سویسرا . چارێ‌ ئێڤاری
ئسپانیا- كرواتیا . حەفتی شەڤ
ئیتالیا- ئەلبانیا . 10 شەڤ.
ئێكشەمبی 16-6-2024
پۆلەندا- هۆلەندا .چارێ‌ ئێڤاری
سلۆڤینیا- دانیمارك. حەفت شەڤ.
سربیا- ئنگلتەرا . 10 شەڤ.
دوشەمبی 17-6-2024
رۆمانیا- ئۆكراینا .چارێ‌ ئێڤاری
بەلجیكا – سلۆڤینیا حەفتی شەڤ.
نەمسا- فرەنسا . 10ی شەڤ.
سێ شەمبی 18-6-2024
توركیا- جورجیا . حەفتی شەڤ
پۆرتۆگال- چیك . 10 شەڤ.
قۆناغا دویێ‌
چارشەمبی 19-6-2024
كرواتیا- ئەلبانیا . چارێ‌ ئێڤاری
ئەلمانیا- هنگاریا . حەفتی شەڤ.
ئسكوتلەندا – سویسرا . 10 شەڤ
پێنج شەمبی 20-6-2024
سلۆڤینیا- سربیا . چارێ‌ ئێڤاری
دانیمارك -ئنگلتەرا . حەفتی شەڤ.
ئسپانیا – ئیتالیا . 10 شەڤ.
ئەینی 21-6-2024
سلۆڤینیا – ئوكراینا . چاری ئێڤاری
پۆلەندا – نەمسا .حەفتی شەڤ.
هۆلەندا – فرەنسا . 10 شەڤ.
شەمبی 22-6-2024
جورجیا -چیك .چاری ئێڤاری
توركیا – پۆرتۆگال . حەفتی شەڤ.
بەلجیكا- رۆمانیا . 10 شەڤ
قۆناغا سێیێ‌
ئێكشەمبی 23-6-2024
سویسرا – ئەلمانیا . 10 شەڤ
ئسكوتلەندا – هنگاریا . 10 شەڤ
دوشەمبی 24-6-2024
ئەلبانیا- ئسپانیا . 10 شەڤ
كرواتیا- ئیتالیا . 10 شەڤ
سێ‌ شەمبی 25-6-2024
هۆلەندا- نەمسا .حەفتی شەڤ
فرەنسا- پۆلەندا .حەفتی شەڤ
ئنگلتەرا- سلۆڤینیا . 10 شەڤ
دانیمارك- سربیا . 10 شەڤ.
چارشەمبی 26-6-2024
سلۆڤیاكیا- رۆمانیا . حەفتی شەڤ
ئوكراینا- بەلجیكا .حەفتی شەڤ
جورجیا- پۆرتۆگال. 10 شەڤ
چیك- توركیا. 10 شەڤ.
بڕیارە قۆناغا 16ێ‌ ل 29ێ‌ ڤەَ مەهێ‌ هەتا دویێ‌ ئەیلوونا بهێتە كرن، قۆناغا چارێك دووماهیێ‌ ل پێنج و شەشێ‌ ئەیلوونا بهێت هێتە كرن، قۆناغا پێش دووماهیێ‌ ل نەهـ و 10ێن هەمان مەهـ بیت، یارییا دووماهیێ‌ دێ‌ ل 14ێ‌ ئەیلوونێ‌ دەمژمێر 10ی شەڤ هێتە كرن.