شاهۆ فەرید:
پشتی لاپەرێ وەرزشی یێ رۆژنامەیا ئەڤرۆ د زنجیرەیا پێناسە و بەرهەڤیێن هەلبژارتیێن پشكدار د یۆرۆیا 2024ێ دا بۆ خواندەڤانێن خوە دیاركر، شرۆڤەكار و وەرزشڤانێن دێرین ژی بۆچوونێن خوە ل سەر هەلبژارتیێن هەر شەش كۆمان هەبوون و بڤی شێوەیی.
ل دەستپێكێ وەحید رەشید شرۆڤەكارێ وەرزش ل پارێزگەها دهۆكێ ل سەر هەردو كۆمێن ئێكێ و دویێ گۆت: دوەم قارەمانییە پشتی موندیالێ باشترین هەلبژارتیێن جیهانیێ پشكدارن، چەند ژوان موندیال دەستڤە ئیناینە، كۆما ئێكی نە گەلەكێ ب زەحمەتە بۆ ئەلمانیا و هەڤڕكێن وێ نەشیێن هەڤڕكیا تایبەت دناڤ یاریگەها خوە دایە ئەوا دێ بزاڤا ناسناڤی كەت، هنگاریا و ئیسكوتلەندا بەربژارێن دەربازبوونێ دبینم و سویسرا دوورە، د كۆما دویێ دا ئیسپانیا و ئیتالیا دێ شەڕێ سەری لیستێ و ناسناڤی دكەن، كرواتیا ژمارەكا ب زەحمەتە دێ ب شێوەكێ باشتر دیاربیت و ئەلبانیا شیانێن هەڤڕكیێ نابن.
ژلایەكێ دیڤە فەرید فەریق وەرزشڤانێ دێرین یێ پارێزگەهێ گۆت: كۆما سێیێ دهێتە هژمارتن هەڤسەنگ، سەرێ لیستێ بۆ ئنگلتەرایە دووڤدا رێزا دویێ دێ شەڕی دناڤبەرا دانیمارك و سلوڤینا بیت، دبیت چانسێ چوونێ بۆ قوناغا دووڤ دا یا دانیمارك بیت و سلوڤینیا باشترین سێیەم بیت، سەبارەتی كۆما چارێ ئاگرینا دویێ یە د قارەمانیا یۆرۆیێ دا جەنگێ سەڕی لیستێ د ناڤبەرا فرەنسا و هۆلەندا بیت و باشترینا سێیێ نەمسا نێزیكترە، هەكە پۆلەندا شاشیێن خوە چارەسەربكەت دێ ب سانەهی دەربازبیتە قۆناغا دووڤدا، چەندین ستێرێن بەرنیاس دناڤا هەردو كۆمان دا هەنە پتریا وان هەر پێنچ خولێن مەزنێن ئۆرۆپا یاریێ دكەن و یانەیێن بناڤودەنگ د خولێن ئسپانیا، ئنگلتەرا و ئیتالیا دا، دێ ئاستەنگ بۆ هەمیان هەبن هەتا دەربازبن تایبەت كوما چارێ ئەوا هەمی دێ جەنگێ جیهانی و پری خوەشی و هێز تێدا هەبیت، وەختێ یارییان د گونجاینە بۆ دیتنێ.
ژلایێ خوەڤە رۆژنامەڤان و شرۆڤەكارێ وەرزشی سەركەفت رەشید ل دۆر كۆمێن پێنجێ و شەشێ گۆت: هەرچەندە كۆما پێنجێ ب ساناهی نابیت بۆ بەلجیكا و سلوڤاكیا هەمی یاریی دێ ب هێزبن لێ دبینم ئۆكراینا و بەلجیكا دێ دەربازبن پێكهاتیێ بەلجیكا دووڤ هەمی پیڤەران باشترینێ ڤی گرۆپی نە، هەبوونا دیبرۆین، لوكاكو، لیوناردی و توروسار باشترین یاریزانێ ئارسنال، هەلبژارتیێ ئۆكراینا سەرەرایی كاودانێن شەڕی یێن وەلاتێ وان تێدا دەربازدكەت دێ بزاڤێ كەن خەلكێ خوە ب سەركەفتنان دلخوەشبكەن، سلوڤاكیا و رومانیا دێ هژمارەكا زەحمەت بن و رێگربن دناڤ كۆمێ دا، رۆمانیا دبینم دێ وەكو ئاستێ بەری چەند سالان ڤەگەریت بیتە سۆپرایزا قارەمانیێ، ژلایەكێ دووڤە كۆما شەشێ ب ساناهی نابیت بۆ پۆرتۆگالێ ژبەركو یا بزەحمەت گەهشتیە ڤێ یۆرۆیێ، جورجیا دێ بزاڤێ كەت وێ خوسارەتیا مەزن یا ڤاڤارتنان قەرەبووبكەت، هەلبژارتیێ چیكێ باشترین یاریزانێن جیهانێ دناڤ رێزێن وێ دانە چێدبیت دگەل پۆرتۆگالێ دەربازبیت، یاریزانێن توركیا بێ دەنگ نابن دێ كەساتیا خوە هەبیت، بێ گۆمان ب سەرپەرشتییا كرستیانۆ رۆنالدۆ پۆرتۆگال ژ قۆناغا كومان دەستڤالا نابن، پێشبینی دكەم یێن ڤێ كومێ دەربازبن چیك و پۆرتۆگالە و باشترین سێیەم دێ جورجیا بیت.
نيشاندان