ئەڤرۆ، سالار محه‌مه‌د دۆسكی:

ئه‌ندامه‌كێ سه‌ندیكا هونه‌رمه‌ندێن كوردستانێ دیاركر دكه‌ت كو ئه‌و بینه‌رێ شانویا لێ دگه‌ریت ل گورستانێ دبینت ؛ چونكه‌ ده‌ستا بوو ناقوتن، هه‌مان ده‌م به‌حسێ سه‌ربورا خوه‌ ل گه‌ل نڤێسینا ده‌قێن شانوویێ و بزاڤا ئه‌كته‌ریێ و كاروانیێ خوە یێ خواندنێ ل ده‌ڤه‌رێ بگشتی و ل هەولێرێ ب تایبه‌تی به‌حس دكه‌ت.
پ.د.ئیبراهیم ئه‌حمه‌د سمۆ، ڤه‌كوله‌ر و نڤیسه‌ر ب زمانێ كوردی و عه‌ره‌بی و ئه‌ندامێ سه‌ندیكایێن هونه‌رمه‌ندان و رۆژنامه‌ڤان و نڤیسه‌ران د دیداره‌كێ دا بۆ به‌رپه‌رێ هونه‌ریێ رۆژناما ئه‌ڤرۆ گۆت: من دڤیا ل كولیژا هونه‌رێن جوان بهێمه‌ وه‌رگرتن و ل 15/8/1984 بچم بۆ چاڤپێکەتنێ و دەوامێ بکەم و بهێمە ‌وه‌رگرتن و من خوه‌ ڤه‌كێشایه‌ چونكه‌ ماڵ ل گورەیی پاراستنه‌كا ئاینی و هه‌مان ده‌م ؛ چونكه‌ وی ده‌می ژیێ منێ بچووك بوو ب بهانا وێ چه‌ندێ كو دێ ل به‌غدا به‌رزه‌بم و چوومه‌ پشكا زمانێ كوردی ل ئادابێ ل زانکوا سەلاحەدین 1984-1988و ل سالا 1988 راگرێ كولیژا ئادابێ ل وی دەمی گۆته‌ من پیرۆزه‌ ده‌رچووی وه‌ك ئەکتەرکێ کورد و دێ وەئایندەکی باش هەبیت نە وەکۆ ده‌رچوویه‌كێ کۆ ببیت مامۆستایه‌كی زمان و ئەدەبێ كوردی و گه‌له‌ك نوكه‌ ژی نوزانن كو باوه‌رنامێن مە به‌كالوریوس و ماسته‌ر و دكتورا ب ئه‌ده‌بێ كوردی نە هزر كه‌ن بسپوری یا من یا هونەرو ئه‌ده‌بێ شانویێ یه‌ و تایبه‌تی نڤێسینا ده‌قێن شانوویێ.
پ.د.ئیبراهیم ئه‌حمه‌د سمۆ گۆتژی: ل قه‌زا سێمێلێ ل سالێن 1976-1978 زێدە یێ بەرنیاس بووم و پاشان دگەل مەدا هونه‌رمه‌ند (موفق روشدی) یێ ئه‌كته‌ر هاتە پێش و بۆ هەیامەکێ پێکڤە به‌رده‌وامی دا هونه‌رێ ئه‌كته‌ریێ ؛ به‌لێ نوكه‌ ژی ئه‌ز ئه‌كته‌ره‌كێ باشم، گەر بەرێخوە بدەمە ڤی کاری لێ من ئەو رێکە گوهارت بۆ نڤیسین و پسپوریێ ؛ به‌لێ نوکە ژی ئه‌كته‌ره‌كێ بێ بینه‌رم ؛ ره‌نگه‌ گه‌له‌ك جاران ل گه‌ل نڤێسینێ مه‌ گه‌له‌ك روندك ئینایه‌ خوارێ هه‌تا مه‌ ده‌ست هاڤێتی یه‌ پێنوسی و مه‌ داینه‌ نڤێسین، لێ ل جهێ ئه‌م ئه‌كته‌ربین مه‌ بزاڤكر ئه‌م نڤێسه‌ره‌ك و ڤەکۆلەرەک باش بین و ئه‌ز ژ شه‌رمێ ژ ئه‌كته‌ریێ ناکەم ‌.رۆژ نینه‌ نه‌كه‌مه‌ گری دگەل نڤیسینێن خوە ل دەمێ نڤیسینێ یان هەتا خواندنێ و هه‌می گاڤا لێدگه‌رم بۆچی خه‌لك دكه‌نه‌گری، لێ دگه‌رم چ ئه‌گه‌ره‌ خه‌لك دكه‌ته‌ گری و سوپاس بۆ خودێ ب رێکا سوشیال میدیا یی گه‌له‌ك بەرنامە مە دیتن بۆ دەزیێ گەهشتنا راستی یا گریا خەلکی دێ چی به‌رنامه‌كی ئه‌وێن خه‌لكی مێهڤان دكه‌ی بینی دێ ته‌ماشه‌ كه‌ی و تو نه‌شێی نه‌كه‌یه‌ گری ،گریامن پشكه‌كه‌ ژ چاره‌سه‌ریێ مرۆڤ پێ ئارام دبیت و حه‌فتیه‌ك نینه‌ ئه‌گه‌ر سه‌ره‌دانا گورستانێ نه‌كه‌م و قه‌برێ دایك و بابێن خوه‌ نە بینم و نه‌كەمە ‌ گری، رۆژانه‌ دكمه‌ گری بۆ كاودانێن ملله‌تێ كورد و گه‌له‌ك جاران هزر دكه‌م و د بێژم ئه‌گه‌ر تاكه‌ كه‌سه‌ك بم و بڤی ره‌نگی بكمه‌ گری پا ئایا سه‌ركردایه‌تی یا مە چ دكه‌ت، و چەند د ڤێت بگریت بۆ میللەتێ خوە دەمێ تەنگاڤی دهێنە پێش ؛ گری هاندانه‌كه‌ بۆ مرۆڤی كو رۆژا پاشتر گه‌رمتر و خوشتر بچیته‌ دناڤ بابەتان دا و بۆ نموونه‌ ئێك دێ وه‌غه‌ركر کەت دێ هەموو بو کەنە گری ؛ به‌لێ بتنێ چه‌ند ده‌مژمێرا و چه‌ند ده‌مژمێرا لبن وێ چادرێ و ژیان یا به‌رده‌وامه‌.بەلێ بەردەوامە
هه‌مان ئه‌ندامێ سه‌ندیكا هونه‌رمه‌ندێن كوردستانێ ئه‌و ژی دیاركر كو گه‌له‌ك سه‌ره‌دانا گورستانێ دكه‌ت و گۆت: گورستان هێزا ئیجابی یه‌ و هه‌می هێزێن سلبی ژ مرۆڤی دكێشیت و مرۆڤی ب صه‌بر دئێخیت و بێهنا مرۆڤی فره‌هـ دكه‌ت و ب ئازادانه‌ ل گه‌ل ڤی خه‌لكی دئاخڤیت دگەل هه‌می مریان و ده‌مێ د چمه‌ كوردستانێ ناچمه‌ سه‌ر گورێ دایك و بابێن خوه‌ ب تنێ ؛ بەلکۆ ئه‌ز دچم كێلیا دخوینم ئه‌ڤه‌ كیه‌ ؟ و ئه‌ڤه‌ كی بوو ؟ ول گه‌ل بارا پترا وان دئاخڤم و ئه‌و بینه‌رێ شانویا ئه‌ز لێدگه‌رم ئه‌ز ل گورستانێ دبینم ؛ چونكه‌ ده‌ستا بوومن ناقوتت، گولێ دبن به‌لێ ده‌ستا وبومن ناقوتن و ئەڤە خالا جیاوازە و من نه‌ڤێت دهۆڵا شانۆیێ دا به‌رپرسه‌ك رابیت و ده‌ستا بوومن ب قوتیت و بهێتـە‌ ده‌ستێ من ، من دڤێت به‌رپرس پشتی شانوگه‌ریێ بچیت ئه‌و كێشا من ده‌ست نیشانكری چاره‌سه‌ر بكه‌ت.
ل دور هێلا سور ژی، هه‌مان ئه‌ندامێ سه‌ندیكا هونه‌رمه‌ندێن كوردستانێ پ.د.ئیبراهیم ئه‌حمه‌د سمۆ گۆت: نشتیمان بوومن هێلا سوره‌ و هه‌می نڤێسینێن من دا و ب هه‌ر شێوه‌كێ هه‌بیت من دا ل دووماهیێ من ل نشتیمانی راوستاندیه‌، ل سالا 1993 من شانوگه‌ریه‌ك نڤێسی بناڤێ (دایك) ل وی ده‌می من پێشبینی یا شه‌رێ برا كوژیێ كریه‌ ل سالا 1995- 1996ێ و ئه‌ڤه‌ بۆ مێژوو و ل سالا 1993ێ هه‌مان شانوگه‌ری من ل گوڤارا (مه‌تین ) به‌لاڤه‌كریه‌ و به‌رهه‌مێن خوه‌یێن نوو ژی دا دوباره‌ من به‌لاڤه‌كریه‌ ل وێرێ سه‌ركردایه‌تی یا كوردی و كوردستانێ ب دایك د دانم و دایكه‌كا جلك سپی ژ ئه‌سمانا دهێته‌ خوارێ و كه‌یفا وێ گه‌له‌ك هاتیه‌ كورێن وێ ل گه‌ل ئێكن و سه‌رهلدانا كری و هه‌ر سه‌ركرده‌ك ل جهه‌كی یه‌ و گوتاره‌كێ ده‌ت بۆ ئێكرێزی یا ملله‌تێ كورد و سوپاسی یا خه‌لكی دكه‌ن كو خه‌لكێ پشكداره‌ دبریارا سه‌ركردایه‌تی یێ دا ژبو بده‌ست ڤه‌ ئینانا ئه‌ڤان ئارمانجا، لێ چه‌ند دل خوش دبن ب ئه‌وان گوتار و ئه‌وان خرڤه‌بوونا و هه‌مان ده‌م دا دلێ منێ ب ترس بوو؛ چونكه‌ مێژوویا كوردی ئه‌و نیشامه‌ نه‌دایه‌ كو ئه‌م ب دووماهی دهێن بێ ئێک دوو ب کۆژن و ئێك ژ كێماسیێن ملله‌تێ مه‌ ئه‌وه‌ ئه‌م بۆ ئێكو دو گه‌له‌ك زیره‌كەن و بوویێ ژ ده‌رڤه‌ هندەک حازرن ئاخێ ب فرۆشن و ئاخ و نیشتمان .. هێلا سۆرن !! و بوومن پارتی دیموكراتی كوردستان و سه‌رۆك سومبلا ملله‌تێ كورده‌ و سومبلێن كوردان هه‌می نه‌، ( لێ گرێدانا ژ بەر سونبلا کوردان بارزانیێ باب و نەمر بووە ) و سوپاس بۆ خودێ نوكه‌ خودان مال و زارۆكین كو كه‌سه‌ك هزره‌كا دی بكه‌ت ژمە و بێژیت ژ بۆ بەرژەوەندەک تایبەت ڤێ دبێژیت .
پ.د.ئیبراهیم ئه‌حمه‌د سمۆ گۆت: دو په‌رتووك من چاپكرینه‌ن نامێن منێن ماسته‌ر و دكتورایێ نه‌ و ئه‌ڤه‌ ناكه‌ڤنه‌ دچارچووڤێ نڤێسینێ دا و بۆچی چونكه‌ تو لێكوله‌ری و توویێ ژێده‌ران كوم ڤه‌ دكه‌ی و دكه‌یه‌ په‌رتووك‌ و ماسته‌رێ پێ وه‌ردگری و هنده‌ك بۆچوونێن خوه‌ ژی ب رێكا ئه‌نجاما دا ده‌ردكه‌ی ؛ ئانكو یێ وه‌رگێرانێ دكه‌ت نابیته‌ نڤیسه‌ر خودان شیان و شاره‌زیه‌كێ باشە ؛ بەلێ بۆ نموونه‌ كابرایه‌ك هه‌یه‌ دێ بێژیت من (90) په‌رتووك هه‌نه‌ و پشتی من دیفچوون كری (37) ژ ئه‌وێ هژمارێ وه‌رگێرانه‌ و ئه‌ڤرۆ مه‌ خه‌لكه‌ك هه‌یه‌ ل كوردستانێ وه‌رگێرانا وه‌رگرتی و راسته‌ یا بزحمه‌ته‌ و هه‌ر كه‌سه‌ك نابیته‌ وه‌رگێر و من بخوه‌ شیانێن وه‌رگێرانێ نینن، به‌لێ ئێكێ دی شیانێن وه‌رگێرانێ هه‌نه‌، وه‌رگێران نۆکە بوویه‌ به‌رامبه‌ر پاره‌ی و گه‌له‌ك په‌رتووك دهێنه‌ وه‌رگێران و خودان پارێ خوه‌ وه‌ردگریت و هنده‌ك مرۆڤ ل دهۆكێ هه‌نه‌ و ره‌نگه‌ هه‌تا (150) په‌رتووك وه‌رگێراینه‌ و دشێن وه‌ك ئه‌رشیف بخوه‌ بینه‌ خوارێ ؛ به‌لێ نه‌شێن زه‌ڤلكێن خوه‌ تێدا دیار بكه‌ن و نه‌شێت، به‌لێ ئه‌وێن ژ بیر و هزرێن مرۆڤی ده‌ردكه‌ڤن ئه‌و بنه‌ نڤێسین و (په‌رتووكا نه‌هێنه‌ نڤێسین ژ مێشكێ ته‌ ئه‌و په‌رتووكه‌ ناكه‌ڤیته‌ دچارچووڤه‌كێ نڤێسینێ دا) گه‌له‌ك جاران بۆ نموونه‌ من دیتی ئێک ژ پارێزگارێن دهۆكێ خەرجیێن په‌رتووكه‌كێ ب ستویێ خوە ڤە گرتن جهێ داخێ یە ‌ئه‌و په‌رتووك ل په‌رتوكخانا هاتیه‌ فرۆتن و كوژمه‌كێ پاره‌ی بۆ هاتیه‌ دیاركرن .
چ په‌رتووكێن من بها ل سه‌ر نینه‌ چونكه‌ خه‌لكه‌ك پشته‌ڤانیا ئه‌ڤێ په‌رتووكێ دكه‌ت و هێشتا روونتر و سوپاس بۆ خودێ و گه‌له‌ك سه‌ره‌دانا سه‌ركردا دكه‌ن و ره‌نگه‌ داخازا ترۆمبێله‌كێ یان خانیه‌كی بكه‌ن، به‌لێ مافێ نڤیسه‌ری یه‌ بچیته‌ ده‌ف سه‌ركردێن خوه‌ و بێژیتێ من هنده‌ك په‌رتووكێن هەین و من د ڤێت تو بده‌یه‌ چاپكرن و چه‌ندا خوشه‌ بێژیه‌ مرۆڤێن سه‌رخوه‌ دا په‌رتووكه‌كێ بده‌یه‌ چاپكرنێ و چه‌ندا نه‌خوشه‌ بێژیێ بوومن ترۆمبێله‌كێ په‌یدا بكه . په‌رتووك دچیته‌ ناف هه‌می مالان دا ؛ به‌لێ ترۆمبێل بووته‌ بتنێ دمینت و د بێژیت : مرۆڤ داخازێ ژ دایك و بابێن خوه‌ بكه‌ت شه‌رم تێدا نینه‌ و ئه‌گه‌ر مرۆڤ شولكه‌ر بیت و هاریكاریا دایك و بابا بكه‌ت گه‌له‌ك باشه‌ و لایه‌نێ مرۆڤێ سیاسی ژی هەروەسا و مرۆڤ تشته‌كی بێژیت و پێدڤی یا خه‌لكی تێدا بیت ما چ قەیدی یە نڤێسین دناڤا هه‌می مالان دایه‌ و ترۆمبێل دناڤا هه‌می مالان دا نینه‌ ‌.