هەولێر، قائید میرۆ:

رێڤەبەرێ گشتیێ وەبەرهێنانێ ل پارێزگەها دهۆكێ ئاشكراكر، دانا مۆلەتێن پڕۆژێن ئاكنجیبوونێ هاتیە راگرتن و بڕیارە پشتی پێداچوونێ جارەكادی مۆلەت بۆ ئەنجامدانا پڕۆژێن وەبەرهێنانێ بهێتە ڤەكرن، بەلێ دێ مەرجێن خوە هەبن یێن پشتی پێداچوونێ.
د.هەڤال سدیق بۆ رۆژناما ئەڤرۆ دیاركر» ب فەرمانا سەرۆكێ حوكمەتا هەرێما كوردستانێ مۆلەتێن پڕۆژێن وەبەرهێنانێ یێن بیاڤێ ئاكنجیكرنێ هاتینە راگرتن و نوكە لیژنەیەك یا پێداچوونێ دكەت، پشتی تەمام بوونا رێكارێن پێدڤی دێ جارەكادی دەست ب دانا مۆلەتان بهێتەكرن بۆ پڕۆژێن ئاكنجیبوونێ یێن سەر ب كەرتێ وەبەرهێنانێ، بەلێ بێگومان دێ رێكار و مەرجێن خوە هەبن دانا مۆلەتان.
د.هەڤال سدیق گۆتژی» ڤێجارێ دێ پلانەكا نوو مۆلەت بۆ ئەنجامدانا پڕۆژێن وەبەرهێنانێ بهێتە بجه ئینان، گورەی خواستا هەر باژێڕەكی و دەڤەرەكێ دێ مۆلەت ب پڕۆژان هێتەدان، ئەگەر ل جهەكی پێدڤی ب ئەنجامدانا وان پڕۆژان نەبیت مۆلەت ناهێتەدان پڕۆژە ل ئەڤێ دەڤەرێ بهێنە بجه ئینان، واتە دێ خواستا خەلكی و پێدڤیێن دی بەرچاڤ بهێنە وەرگرتن بۆ دانا مۆلەتێن پڕۆژان، چونكە ئەگەر ل جهەكی زۆر پێدڤی نەبیت پڕۆژە بۆچی تێدا بهێتە ئەنجامدان.

ئامێدیێ‌ مەحمود نهێلی:

د بەردەوامیا گەهاندنا پرۆژێن خزمەتگۆزاری بو دەڤەرێ‌ ب گۆژمێ‌ پتر ژ ئێك ملیار دیناران هژمارەكا پرۆژێن خزمەتگۆزاری ل هەردو ناوچەداریێن سەرسكێ‌ و بامەرنێ‌ ل ژێر بجهئینانێ‌ نە، و دێ‌ دەمەكێ‌ نێزیك دا کەڤنە دخزمەتا خەلكێ دەڤەرێ‌ دا.
وارشین سەلمان، دەڤەردارێ‌ ئامێدیێ‌ بو رۆژناما ئەڤرۆ دیاركر، حكۆمەتا هەرێما كوردستانێ‌ یا بەردەوامە ل سەر گەهاندنا پرۆژێن خزمەتگۆزاری بو دەڤەرا وانا و گۆت: پرۆژێن چێكرنا رێكێن ناڤخۆ ل سەنتەرێ‌ ناوچەداریا سەرسنكێ‌ و كومەلگەها قەدشێ‌ پێك دهێن ژ قێركرن و كونكرێتكرن و كولانێن نافخو و نوکە د قۆناغێن دووماهیێ‌ دانە. و دیار ژی كر، ل ناوچەداریا بامەرنێ‌ ژی هژمارەكا پرۆژان دهێنە ئەنجام دا و كونكرێتكرن و قێركرنا حەفت كولانێن نافخوی و زێدەباری چێكرنا پڕۆژەكێ‌ ئاڤدێریێ‌ ل ناوچەداریا ناڤهاتی و گۆت: ل هەردو ناوچەداریێن سەرسنكێ‌ و بامەرنێ‌ ، ٤٤ كولان دهێنە قێركرن و كونكرێتكرن و گوژمێ‌« ئێك ملیار و ٢٩٨ ملیون دیناران ل سەر بودجێ‌ پارێزگەها دهۆكێ‌ بو هاتینە تەرخانكرن و نوكە د قۆناغێن دووماهیێ‌ دانە.

ر ێڤەبەرێ‌ گشتی یێ‌ وەبەرهێنانێ‌ ل ئیدارا سەربەخۆیا زاخۆ دیاركر، 15 پرۆژەیێن نوی یێن وەبەرهێنانێ‌ ل ئیدارا سەربەخۆیا زاخۆ دهێنە چێكرن ئەڤ پرۆژە ب رێژا 27% پرۆژەیێن بازرگانی نە».
جگەرخوین تاهر عەبدی، رێڤەبەرێ‌ گشتی یێ‌ وەبەرهێنانێ‌ ل ئیدارا سەربەخۆیا زاخۆ راگەهاند، ب سەرمایێ‌ 28 ملیۆن دولاران دێ‌ 15 پرۆژەیێن نوی یێن وەبەرهێنانێ‌ ل ئیدارا سەربەخۆیا زاخۆ هێنە بجهئینان نوكە ئەڤ پرۆژە دقۆناغا مۆلەتدانێ‌ دانە پشتی ئەرد دهێتە تەرخانكرن دێ‌ رێكارێن بجهئینانا پرۆژەیێن وەبەرهێنانێ‌ دەستپێ‌ كەن كو پێك دهێن ژ پرۆژەیێن بازرگانی و گەشتیاری وپەروەردێ‌«.
ئاشكرا كر، كۆمەلگەهەكا بەرهەمێن كوردەواری ل ئیدارا سەربەخۆیا زاخۆ دهێتە چێكرن ئەڤەژی پرۆژەكێ‌ وەبەرهێنانێ‌ یە و دێ‌ گەلەك دەلیڤێن كاری بۆ خەلكێ‌ زاخۆ پەیداكەن».

هەول وبزاڤێن پەرلەمانتارێن پارتی ل ئێراقێ‌ بەردەوامن بۆ وەرگرتنا رازەمەندیا تەرخانكرنا هاریكاریا دارایی بۆ قوتابێن ل شنگالێ‌ ب زمانێ‌ كوردی بەردەوامیێ‌ ب خواندنا خوە دەن «.
مەحما خەلیل، ئەندامێ‌ جڤاتا نوونەرێن ئێراقی راگەهاند، ئەو قوتابیێن ل شنگالێ‌ زمانێ‌ كوردی دخوینن دێ‌ پارەیێ‌ هاریكاریێ‌ وەكو قوتابیێن خواندنا عەرەبی وەرگرن ل قەزا شنگالێ‌ گەلەك خەلك زارۆكێن خۆ رەوانەی قوتابخانێ‌ دكەن نوكە ئەم هەولددەین قوتابیێن خواندنا زمانێ‌ كوردی ئەوێ‌ هاریكاریا هەیڤانە وەربگرن یا بۆ قوتابیێن خواندنا زمانێ‌ عەرەبی دهێتە تەرخانكرن».
ئاشكرا كر، ژبۆ باشتركرنا خواندنێ‌ ئەو شیاینە رازەمەندیا دامەزراندنا 700 كەسان وەربگرن و دێ‌ كەڤنە دخزمەتا پرۆسێسا خواندنێ‌ دا و 10 قوتابخانە ژی دهێنە ئاڤاكرن».