لاپەرێ‌ گەنجان

سكرتێرێ ئێكەتیا لاوان دیار كر، پێدڤیە وەكی بەری قەیرانێ دەلیڤا كاری و دامەزراندن بهێتە دەستپێكرن و پێشینەیێن هەڤژینی و خانووبەران ژی بهێتە دەستپێكرن، دا كو گەنج بشێن خۆ ئاڤا بكەن و گۆت: ئەگەر پێشینەیێن هەڤژینی و خانووبەران و قەرێن بچووك بهێنە دەستپێكرن، ئەڤە بێگومان دێ كاریگەریێن باش هەبن بۆ ڤێ چەندێ گەنجان ئومێدەك هەبیت خۆ ئاڤا بكەن.

میەسەر نهێلی، سكرتێرێ ئێكەتیا لاوێن دیموكراتا كوردستانێ بۆ رۆژناما ئەڤرۆ دیار كر، ئەم خەمبارین ب چوونا گەنجان بۆ دەرڤە، چونكە گەنجێن مە خوین رشتیە بۆ ئازادكرن و ئاڤاكرنا كوردستانێ قوربانی داینە و هەرێما كوردستانێ وەلاتێ مە هەموویانە، مخابن كۆچا گەنجان ل ڤێ دەڤەرا ئەم تێدا وەكی پرسەكا سیاسی دهێتە بكارئینان و ئەم داخوازێ ژ نەتەوێن ئێكگرتی دكەین رێگریێ ل ڤان بزاڤان بگرن یێن بۆ كۆچا نە قانوونی خەلكی هانددەن، ب سیاسیكرنا كۆچێ دناڤبەرا چەند وەلاتان زیان ب خەلكێ مە گەهاندیە، دخوازین وەك مافێ مرۆڤی بەرێ خۆ بدەن رەوشا ڤێ دەڤەرێ و رەوشا كۆچبەران، ئەگەر كار ل سەر ئەڤێ پرسێ كۆچا وەلاتیان نەهێتەكرن دێ ل پاشەڕۆژێ مەترسیێن هێشتا مەزنتر پەیدابن ل سەر كۆچا وەلاتیان.
سكرتێرێ ئێكەتیا لاوان ئاماژەكر ”داخوازێ ژ سەرۆكایەتیێن هەرێما كوردستانێ دكەین لسەر ئاستێن بلند ل دۆر پرسا كۆچا گەنجان كۆمببن و ستراتیژەكێ داڕێژن بۆ رێگری كرن ل كۆچا گەنجان و چارەسەری بۆ ڤێ پرسێ بهێنە دیتن، لایەنێن سیاسی ل هەرێما كوردستانێ كۆچا بكۆم یا گەنجان ل بەرچاف وەربگرن و كار ژ بۆ ئاشتكرنا نیشتیمانی بهێتەكرن، پێدڤیە نەتەوێن ئێكگرتی و رێكخراوێن تایبەت ب مافێن مرۆڤی بزاڤێن خۆ بلەزتر بكەن بۆ چارەسەركرنا پرسا كۆچا ب كۆم یا گەنجێن هەرێما كوردستانێ و وەكی مرۆڤ سەرەدەری دگەلدا بهێتەكرن، ئەركێ حوكمەتا هەرێما كوردستانێ و مە داخوازكریە رێژەیەكا دەلیڤێن كاری ل كەرتێ تایبەت و گشتی دابین بكەت بۆ گەنجان، واتە دەلیڤا كاری زۆر كاریگەری دێ هەبیت لسەر تەخا گەنجان، ب تایبەتی مەرجداركرنا ئینانا كرێكار و كارمەندێن بیانی و رێكخستنا كریا كاری، هەروەسا جهێ ئاكنجیبوونێ بۆ گەنجان بهێتە دابین كرن، هەروەسا ژلایێ دامەزراندنێ دەرچوویێن زانكۆ و پەیمانگەهان بهێنە دامەزراندن دگەل دامەزراندنا مامۆستایێن گرێبەست.
میەسەر نهێلێ گۆت ژی” مخابن راگەهاندنێ و تۆڕێن جڤاكی رۆلەكێ خراپ هەبوویە ل هاندنا گەنجان بۆ دەرڤە، چونكو ئەو بابەتێن دهێنە بەلافكرن كاریگەری هەبوویە گەنج بەرەف دەرڤە كۆچ بكەن و نیشادا كچێن مۆدێل و هندەك بابەتێن كو پێدڤی ناكەت دناڤا وەلاتێ مەدا هەبن ژلایێ دەروونی و جڤاكی دبیتە هاندان گەنج بەرەف جهەكێ دی كۆچ بكەن، ئەگەر پێشینەیێن هەڤژینی و خانووبەران و قەرزێن بچووك بهێنە دەستپێكرن، ئەڤە بێگومان دێ كاریگەریێن باش هەبن بۆ ڤێ چەندێ گەنجان ئومێدەك هەبیت خۆ ئاڤا بكەن، هێلانا وەلات و كەس و كاران تشتەكێ ب ساناهی نینە، چونكە چەندین سالە خەلكێ مە قوربانی داینە و دڤێت رێك بۆ گەنجان ژی بهێتە خۆشكرن بشێن ل هەرێما كوردستانێ بژین، هێزا گەنجان بۆ هەر وەلاتەكی گرنگیا خۆ هەیە، نەخاسمە بۆ هەرێما كوردستانێ، ژ بەر كو پاشەڕۆژا هەر مللەتەكینە».

هەرهین محەمەد:

بەرپرسێ‌ مالا لاوان یا ب سەر رێڤەبەریا لاوان دیاركر، ب ڤەكرنا خولان وان پتری 70% رێژەیا بێكاریێ‌ كێم كریە، ژبەر كو بەردەوام ل دووڤ داخازییا قوتابییان خۆل بۆ وان دهێنە ڤەكرن و دبنە خودان پێشە و كاردكەن و داهاتەكی ب دەست خوە ڤە دئینن.

سەگڤان رەەمەزان، بەرپرسێ‌ مالا لاوان یا ب سەر رێڤەبەرییا لاوان ڤە بۆ رۆژناما ئەڤرۆ گۆت: ل مالا لاوان بەردەوام بۆ گەنج و لاوان دهێنە ڤەكرن و ب تایبەتی ل وەرزێ‌ هاڤینی، چونكو ل وی وەرزی قوتابییان دەم یێ‌ هەی و چو كاران ناكەن و ئەم ل دانێ‌ سپێدەهییان خولا ڤەدكەین و ناڤەندا دهۆكێ‌ ل دانێ‌ ئێڤارییان ڤەدكەن و خولێن مەژی بۆ دەمێ‌ هەیڤەكێ‌ نە و حەفتیێ‌ سێ‌ رۆژان قوتابی دهێن و ئەم هەماهەنگیەكێ‌ چێدكەین دناڤبەرا خوە و قوتابییان دا كا ئەوان چەوا دڤێت و گەلەك جاران ئەو وەسا داخازدكەن دو حەفتییان بەردەوم بهێنەخولێ‌ ژبەر هاتن و چوونا ئەوان ب تورمبێلایە.
سەگڤانی زێدەتر ژی گۆت: د مەها حەفت دا مە چەند خول ڤەكربوون و د سێ‌ خولان دا 60 قوتابی پشكدارببون ئەو ژی خولا زمانێ‌ عەرەبی و ئینگلیزی و كومپیوتەر و خول بۆ دەمێ‌ 15 رۆژان یا بەردەوام بون و ل دووماهیێ‌ ژی باوەر نامە ل سەر وان هاتنە بەلاڤكرن و ئەو باوەرنامە ژی یا پێگیرە و ژ بۆ هەر كارەكێ‌ بكەت و مە هەشت ماموستا هەنە و خودان باوەرنامەیێن بلندن و هەموو ژی ب خوبەشی كاردكەن و گەلەك ژوان دامەزراندی نە ل جهەكێ‌ دی، بەلێ‌ ژ بۆ وەفاداری و حەزا ئەوی بۆ كاری دهێت خولا ل مالا لاوان پێشكێش دكەت و د بەرنامێ‌ مەدایە ل مەها هەشت دێ‌ شەش خولێن جودا جودا هێنە ڤەكرن وەكو خولا زمانێ‌ عەرەبی وئینگلیزی كومپیوتەر و هەر ئێك ژ ئەڤان دێ‌ دو خول هێنەڤەكرن و بۆ ئەڤان خودان ژی دوسەد و شێت و شەش ناڤ مە نڤیساینە و ئەڤە ژی دبیتە بەلگە كو گەنج و لاو دمفادار و دبنە خودان پیشەك و ل سەر ئەوێ‌ پێشەیێ‌ كاربكەن و من لبەرە ژی ل مەها نەه هندەك خولێن (منهج) ڤەكەین و كا دێ‌ حەزا قوتابیان ل سەر چ بابەت بیت ئەوان خولان دێ‌ ڤەكەین و بۆ نمونە گەلەك گەنج هەنە حەزژ بیركاریێ‌ و دكەن و ل قوتابخانێ‌ ئەو دەمە نینە تێبگەهن و د خولێن مە دا دو دەمژمێرا بێ‌ راوەستییان دهێتە شرۆڤەكرن.
ناڤبری ئەو چەندە ژی گۆت: هاتنا گەنجان بۆ ئەڤان خولان گەلەك مفای ژێ‌ دبینن، چونكو دەمێ‌ قوتابی ژ خولان دەردچن ئەم پرسیاران ئەوان ژ كەس و كارێن ئەوان دكەین و ئەو ژی دەنە دیاركرن كو ئەوان مفا ژ خولێن مە دیتیە مالا لاون ب رێڤەبەری و ناڤەندێن ب سەر ڤە ب ڤەكرنا خولێن جودا جودا پتری 70% رێژەیا بێكاریێ‌ كێم كریە و ئەڤی تشتی ژی ئەم ژ پەیچ و ئەكاوانتێن خوە دزاین و گەلەك نامە بۆ مە دهێن و پرسیارا خولان دهێتەكرن و ناڤێن خۆە دنڤیسن و خولێن مە ژی هەموو ب هەروەنە و ئەم چو پاران ژ چو قوتابییان ناوەرگرین بتنێ‌ هاتن و چوون ل سەر كیستێ‌ ئەوانە، بەلێ‌ ئاریشا مە یا سەرەكی كارە بە و گەلەك جاران مولیدەیێ‌ مە ژ كار دكەڤیت و ژكێم پارەیی یا مە كو هەیڤانە ئەم كێم وەردگرین و ئەو داهاتە تێرا مە ناكەت و هەكە ئاریشا كارەبێ‌ بهێتە چارەسەركرن مە چو ئاریشەیێن دی نابن.