یاسایێ‌ ماف دایە هەردو لایەنا داخۆازا بەردانێ‌ بكەن، هەكە ئەگەرێن خۆ یێن رەوا هەبن و زیان گەهشتبیتە ئێك ژ هەردو لایەنا، مەرج نینە هەر دەمێ‌ ژنێ‌ یان زەلامی داخوازا بەردانێ‌ كر دێ‌ ژ مافێن خۆ بێ‌ بەهر بیت چ لایەنێ‌ داواكراو بیت یان یێ‌ داوا لێ‌ كراو بیت.

یاسایێ‌ ماف دایە هەردو لایەنا داخۆازا بەردانێ‌ بكەن، هەكە ئەگەرێن خۆ یێن رەوا هەبن و زیان گەهشتبیتە ئێك ژ هەردو لایەنا، مەرج نینە هەر دەمێ‌ ژنێ‌ یان زەلامی داخوازا بەردانێ‌ كر دێ‌ ژ مافێن خۆ بێ‌ بەهر بیت چ لایەنێ‌ داواكراو بیت یان یێ‌ داوا لێ‌ كراو بیت.
پارێزەر نەوزاد سەعید دیار كر كو بەردان ئانكو راكرنا گرێبەستا هەڤژینیێ ژ رویێ یاسایی ڤە بەردان دبیتە چەند جورەك و د هندەك حالەتان دا ژنێ‌ ماف یێ‌ هەی زەلامی بەردەت بێی رازیبونا وی و د هندەك حالەتان دا زەلامی مافێ‌ هەی ب هەمان شێوە ژنێ‌ بەردەت و گۆت: (هەكە زەلامی هەڤژینا خۆ بەردا ب گوتنا (تەلاق) سێ جاران ژ دەرڤەی دادگەهێ‌ دێ‌ ژن شایستەی هەموو مافێن خۆ بیت و دێ‌ هێتە قەرەبو كرن كو د یاسایێ‌ دا دبێژنێ‌ بەردانا زێدەروی ئانكو بەردان بێی ئەگەرەكێ‌ ژ هەژی هەبیت و هەكە بەردان ب رێكا دادگەهێ‌ بیت دبێژنێ‌ ژێكڤەبونا دادوەری ئانكو زەلام داخۆازێ‌ ژ دادگەهێ‌ دكەت گرێبەستا وان یا هەڤژینیێ‌ ب هەلوەشینیت).
پارێزەری دیار كر ژی كو ماددێ‌ (40) ژ یاسایا بارێ‌ كەسایەتی ماف دایە هەردو لایەنا داخۆازا بەردانێ‌ بكەن هەكە ئەگەرێن خۆ یێن رەوا هەبن و زیان گەهشتبیتە ئێك ژ هەردو لایەنا وەكی خیانەتا هەڤژینیێ‌ هاتبیتە كرن یان هەكە زەلامی ژنا دووێ مەهر كر بێت بێی دەستیریا دادگەهێ‌ هینگێ‌ ژنا ئێكێ‌ مافێ‌ بەردانێ‌ یێ‌ هەی یان ژی ئەگەر ژن دبن ژیێ‌ هەژدە سالیێ‌ دا هاتە مەهر كرن بێی رازیبونا دادوەری وی دەمی هەكە ژن گەهشتە ژیێ‌ خۆ یێ‌ یاسایی مافێ‌ هەی داخۆازا بەردانێ‌ بكەت و گۆت: (هەردیسان هەكە هەڤدژی چێبو دناڤبەرا ژن و مێرادا وی دەمی هەردو لایا مافێ‌ هەی داخوازا بەردانێ‌ بكەن و جورەكێ‌ دی ژ ژ جورێن بەردانێ‌ هەیە دبێژنێ‌ ژێكڤەبونا ب رەزامەندی دەمێ‌ هەردو لا درازی بن ل سەر بەردانێ‌ بەرامبەر دادگەهێ‌).
جڤاكناس میادە ئیسماعیل دیار كر كو مەرج نینە هەردەمێ‌ ژنێ‌ یان زەلامی داخۆازا بەردانێ‌ كر دێ‌ ژ مافێن خۆ بێ‌ بەهر بیت بەلكو دادگەه لدووڤ بارودوخی بریارێ‌ ددەت و گۆت: (ل دەمێ‌ بەردانێ‌ هەكە ژن هاتبیتە ڤەگوهاستن ئانكو جوتبون چێببیت و ئەگەرێ‌ بەردانێ‌ ژن بیت وی دەمی نەشێت مەهرا خۆ یا پاشەكی وەربگریت، بەلێ‌ هەكە خەمساری ژ زەلامی بیت ژن شایستەی وێ‌ چەندێ‌ دبیت و دشێت داخوازا مەهرا خۆ یا پاشەكی بكەت، بەلێ‌ هەكە ژن هاتبیتە مەهر كرن لدەف دادوەری و هێشتا نەهاتبیتە ڤەگوهاستن ئانكو جوتبون چێنەببیت و بەردان چێبو و هەكە خەمساری ژ ژنێ‌ بیت وی دەمی هندی مەهرەكا ژنێ‌ وەرگرتی دێ بو زەلامی زڤرینیت، لێ‌ هەكە خەمساری ژ زەلامی بیت دێ‌ نیڤەكا مەهرێ‌ بو زەلامی هێتە زڤراندن و نیڤا دی بو ژنێ‌ مینیت).
جڤاكناسێ‌ گوتژی: (دەمێ‌ ژن داخۆازا بەردانێ‌ دكەت ب كێماسی دهێتە دیتن، لێ‌ بەروڤاژی ڤێ‌ چەندێ‌ ب مافێ‌ زەلامی دزانن و ب زەلامەكێ‌ ب هێز و خۆدان شیان و دەستهەلات و خۆدان هەلویست دبینن).
پارێزەری گوتژی: (حالەتەكێ‌ دی یێ‌ هەی كو یاسا بتنێ‌ مافی ددەتە ژنێ‌ داخوازا بەردانێ‌ بكەت ب رێكا دادگەهێ‌ ئەوژی هەكە زەلامێ‌ وێ‌ هاتە حوكم كرن بو ماوێ سێ سالان یان ژی هەكە زەلام بێی هەبونا ئەگەرەكێ‌ رەوا سەفەرەكێ‌ بكەت بو ماوێ‌ پتر ژ سالەكێ‌، هەردیسان هەكە زەلامی ژن خواست و سالەك ب سەرڤە چو نە ڤەگوهاست یان ژی هەكە زەلام یێ‌ نەزوك بیت ژنێ‌ ماف هەیە داخوازا بەردانێ‌ بكەت).

چەند شاشیەك هەنە كو ژیانا هەڤژینیێ تێك ددەن و پێدڤی ب چارەسەر كرنێ نە، ژبەركو گەر نەهێنە چارەسەر كرن ڕەنگە ببیتە ئەگەرێ جودابۆنێ و لاوازبونا پەیوەندیا هەوە، لەوما گرنگە زوی دەستا ژڤان شاشیان بەردەی، ئەو ژی ئەڤەنە:-
1.ئالودەبون: ئالودەبون ب هەر تشتەكی دێ ژیانا تە تێك دەت، ئالودەبون ب تۆڕێن جڤاكی، یان جگارەكێشان، یان بازاڕكرن و كاركرنێ، وەكی خیانەتێ كارتێكرنل سەر پەیوەندیا هەوە هەیە.
2.نەكرنا دانوستاندنێ: دووماهیا هەموو دانوستاندنەكێ شەڕ نینە، دبیت دانوستاندنا نەرم ئەنجامێن زور ئەرێنی هەبن و لێكتێگەهشتن دروست ببیت و ئەڤ چەندە دێ پتر پەیوەندیا هەوە موكم كەت.
3.دیتنا هەڤژینی وەك دوژمن: پێدڤیە بزانی هەڤژینێ تە هەڤپشكێ ژیانا تەیە، نەك دوژمنێ تە، ژبەرهندێ دوور بكەڤە ژ هەر كارەكێ دبیتە ئەگەرێ دژایەتیكرنێ بو هەوە.
4.نەهێلە چ كەس بهێنە دناڤبەرا هەوەدا: دەمێ پەیوەندیا تە و هەڤژینێ تە تێك دچیت یان ئاریشەك دناڤبەرا هەوەدا پەیدا دبیت، نەهێلن چ كەس بهێنە دناڤبەرا هەوەدا، چونكی دێ ئاریشا هەوە مەزنتر لێ كەت.
5.دەم بوراندن ب شەرەدەڤاڤە نەك چارەسەریێ: هەكە د هەڤژینیێ دا تو لدووڤ ئەوان خالا بگەڕی ییێن تە تورە دكەن، دێ گەلەك خالا بینی كو وەلتە بكەن كەرب و كین دەفتە پەیدا بیت، بەلێ هەكە تو لدووڤ وان خالا بگەری یێن كو تە دلخوش دكەن پەیوەندیا هەوە دێ بهێز كەڤیت، ئەڤ چەندە دبیتە ئەگەر كو ل دەمێ ناكوكیەك هەبیت تو ل چارەسەریێ بگەری ژبو چاكبونا پەیوەندیا هەوە.