ئەڤرۆ

ئەمیر ئەترووشی

رێڤەبەرێ‌ گشتیێ‌ ژێدەرێن ئاڤێ‌ ل وەزارەتا چاندنێ‌ ئاشكرا كر، ب بەراورد ل گەل سالا بۆری، ئەڤ سالە ئاڤا بن ئەرد مەترەكێ‌ هەتا دوو مەتران ل كێمیێ‌ دایە، لەوما نوكە ئەم یێ‌ كار ل سەر زێدەكرنا ئاڤێ‌ بن ئەرد ب شێوەیەكێ‌ دەستكرد دكەین و دو پێنگاڤان دهاڤێژین، یا ئێكێ‌ رێنمایێن كۆلانا بیرا كێمتر لێ‌ بكەین و ب تنێ‌ ل هەولێرێ‌ دەست ب سەر 300 ئامیرێن نە یاسایی دا هاتیە گرتن و یا دوویێ‌ ژی ئەم ئاڤێ‌ ب رێكا هندەك بیرێن كوور و تەنگ بكەینە د ژێر ئەردی دا و ئەڤە ژی ل گۆرەی چەند پیڤەرێن زانستی دێ‌ هێتە كرن و بێگومان دڤێت ئاڤا پاقژ بكەینە د بن ئەردی دا .

حۆكمەتا هەرێما كوردستانێ‌ بۆ زێدەكرن و پاراستنا ئاڤا سەر ئەرد و بن ئەرد پێنگاڤێن جدی و باش هاڤێتینە، بۆ هندێ‌ مەترسی ل سەر داهاتوویێ‌ ئاڤا هەرێما كوردستانێ‌ نەبیت. رێڤەبەرێ‌ گشتی یێ‌ ژێدەرێن ئاڤێ‌ ل وەزارەتا چاندنێ‌ ژی ئاشكرا كر، بۆ ڤێ‌ مەبەستێ‌ حۆكمەتا هەرێما كوردستانێ‌ دێ‌ 41 سكرێن نقوم ل سەرانسەری هەرێما كوردستانێ‌ چێكەت.
كاروان هەورامی، رێڤەبەرێ‌ گشتیێ‌ ژێدەرێن ئاڤێ‌ ل وەزارەتا چاندنا حۆكمەتا هەرێما كوردستانێ‌ بۆ رۆژناما ئەڤرۆ دیار كر، بۆ كێمكرنا زیانێن لەهیان، پێنگاڤا ئێكێ‌ ل گشت باژێركێن هەرێما كوردستانێ‌ ئەوە سۆلین و ئاڤرێژ بهێنە مالین و پاقژكرن، هەروەسا هندەك ئاڤرێژ دهێنە بەرفرەهكرن و بۆ ڤێ‌ مەبەستێ‌ ژی ژمارەكا پۆندا دهێنە دانان ب تایبەت ل پارێزگەها هەولێرێ‌.
زێدەتر دبێژیت: د ماوێ‌ ڤان دوو سالێن بۆری دا، جڤاتا وەزیرێن حۆكمەتا هەرێما كوردستانێ‌ 36 مەلیون دۆلار بۆ رووبرووبوونا لەهیان ل هەولێرێ‌ تەرخانكرن بوون و ژ ڤی سەرجەمێ‌ پارەی ئەڤ سالە هەشت ملیار دینار بۆ كێمكرنا زەهیێن لەهیان هاتنە خەرجكرن و خۆشبەختانە سەركەڤتن تێدا هاتە توماركرن.
رێڤەبەرێ‌ گشتی یێ‌ ژێدەرێن ئاڤێ‌ ئاماژە ب هندێ‌ دا «كابینا نوو یا حۆكمەتا هەرێما كوردستانێ‌ گەلەك ب جدی كار د پرۆژەیێن ژێرخانا ئاڤ و سۆلینان دا كریە، بەلێ‌ چونكو ژێرخانەكا گەلەك لاواز و بێ‌ سەروبەر بوویە، لەوما چەندین سالان دڤێت كار تێدا بهێتە كرن هەتا كو ئەنجامێن وێ‌ دیار دبن، هەر چەندە بەری نوكە كۆژمێ‌ چێكرنا ئێك پۆند نێزیكی 1.6 ملیار دینار بوویە، بەلێ‌ نوكە چێكرنا ئێك پۆندی نێزیكی 0.8 ملیار دیناران لێ‌ دهێنە مەزاختن».
هەورامی ئەو یەك ژی دیار كر، د كابینەیا نوو یا حۆكمەتا هەرێما كوردستانێ‌ دا و ب تنێ‌ د سالا بۆری دا رازەمەندی ل سەر چێكرنا 37 سكرێن نقوم (پۆند) هاتیە كرن ب كۆژمێ‌ 27 ملیار دیناران و كارێ‌ چێكرنا هندەك ژ وان ژ رێژا 40% بۆریە و نها رازەمەندی بۆ چوار پۆندێن دی ژی دەرچوویە.
دیار كر ژی كو رەوشا ئاڤا سەر ئەرد گەلەك یا باشە و چو ئاریشێن مەزن ل سەر نینن، بەلێ‌ رەوشا ئاڤا بن ئەرد گەلەك یا خرابە و ب رێژەیێن مەزن بەر ب كێمبوونێ‌ نە، ب بەراورد ل گەل سالا بۆری و ل گۆرەی پیڤانا مە، ئەڤ سالە ئاڤا بن ئەرد مەترەكێ‌ هەتا دوو مەتران ل كێمیێ‌ دایە، لەوما نوكە ئەم یێ‌ كار ل سەر زێدەكرنا ئاڤێ‌ بن ئەرد ب شێوەیەكێ‌ دەستكرد دكەین و دو پێنگاڤان دهاڤێژین، یا ئێكێ‌ رێنمایێن كۆلانا بیرا كێمتر لێ‌ بكەین و ب تنێ‌ ل هەولێرێ‌ دەست ب سەر 300 ئامیرێن نە یاسایی دا هاتیە گرتن و یا دوویێ‌ ژی ئەم ئاڤێ‌ ب رێكا هندەك بیرێن كوور و تەنگ بكەینە د ژێر ئەردی دا و ئەڤە ژی ل گۆرەی چەند پیڤەرێن زانستی دێ‌ هێتە كرن و بێگومان دڤێت ئاڤا پاقژ بكەینە د بن ئەردی دا.

ئەڤرۆ

پەروین سەلاح

مامۆستایەكێ‌ زانكۆیێ‌ و تایبەتمەندێ‌ ئابووری دیار كر، دەمێ ئەم بازاری بكەین باشتر ئەوە مە پلانا دارێشتی هەبیت، دەمێ دچینە د پرۆسێسا بازاری دا دڤێت ئەم بازاری بكەین نە هەر تشتێ بۆ بكرین بێ بازاركرن، ئەو تشتێ گەلەك پێدڤی نەبیت نە كرین و بهێتە پاشێخستن، ئەگەر ب ڤی شێوەی بیت ئەم دێ شێین كۆنترۆلا مەزاختیێن خۆ كەین دا كورتهێنان نەكەڤیتە تێدا و قەیران دروست نەبیت.

د. كاوە عەبدولعەزیز ماموستایێ زانكۆیێ و شارەزا د بیاڤێ ئابووری دا دیدارەكێ دا بۆ رۆژناما ئەڤرۆ دیار كر: ئەگەر ئەم تەماشەی مەزاختیێن مەها رەمەزانێ بكەین رەنگە زێدەتربن ژ داهاتێ مە، چونكە د مەها رەمەزانێ دا خەلك كەلۆپەلان دكریت و ل دووماهیا مەها رەمەزانێ جەژن دهێتە كرن كو هندەك پێدڤیێن ناڤ مالێ یێن هەین رەنگە خێزان حەتا سالێ هەمیێ خۆ لێ بگریت هەتا دبیتە ئەو هەلكەفتە ژ نوو دكرن، ئەڤە ژی ڤەدگەریت بۆ وێ چەندێ كۆ رۆژانێن جەژنێ سەرەدان و جەژن و پیرۆزكرنا هەی.
زێدەتر گۆت: كەس و كار هەڤنیاس دهێنە جەژنێ، هەردەمێ سەرەدان دروست بیت خێزان حەز دكەت تشتێ خۆ یێ جوان نیشان بدەت، ئەڤە ژی دبیتە ئەگەرەك مەزاختیێن مە زێدە ببن، چونكە وەكی دیتنەكا ئابووری ڤیابیت داهاتێ مە پتر بیت ژ مەزاختنێن مە، هەر دەمێ مەزاختن پتربن ژ داهاتی د ڤێرەدا دێ كورتهێنان دبوجا خێزانێ دا دروست بیت.
ژلایەكێ دی ڤە ناڤهاتی ئاماژە دا وێ چەندێ: ل دووڤ زانستێن ئابووری ناچێ بیت ئەم پتر ژ پێدڤیاخۆ بازاری بكەین، چونكە پێدڤیا مرۆڤی چەندە ئەڤە مەزنترین ئاستە كۆ ئەم بچین بازاركرنێ بكەین، ل دووڤ پێدڤیا خۆ و یا دورست ئەوە كێمتر ژی بكەین، ژ بەر كۆ رەنگە گەلەك جاران ل پاشەرۆژێ ئەو داهاتێ مە هەی و پلان بۆ دارێشتی و رەشا مە یا دارایی یا باش بیت وەكی جاران نەمینیت یان داهاتێ مە كێم بیت و رەشا دارایی و ئابووریا خێزانا تاكی تێك بچیت، ژبەر ڤان هۆكاران دروست نینە ئەم ب شێوەكێ بەر فرەهـ پتری پێدڤیا خۆ ژ بازاری بكەین و ئەو بازارێ یێ رێكخستی بیت ل دووڤ پێدڤیا خۆ.
ل دۆماهیێ ناڤبری دیار كر: ب دیتنا من رێژەكا مەزن یا گلێشی كەلۆپەلێن خارنێ نە، چونكە گونەهەكا مەزنە ئەگەر كابانیا مالێ خارنێ زێدە دروست بكەتن و بەرمایكێن خارنێ بجیتە دناڤ گلێشی دا ناچێ‌ بیت زێدەهیێ بكەین، دڤێت هەر ل دووڤ پێدڤیا خۆبیت دا ئابوورێ خێزانێ تێك نەجیت، ل ڤێرە نە بتنێ ل مالان بەلكۆ ل خارنگەهان ژی گلێش ب رێژەكا مەزن یێ دهێتە هاڤێتن، ئەڤە ژی كاریگەریەكا خراب ل ئابوورێ مە دكەتن، چونكە تشت ب زەحمەت دهێت و یێ گرانە ژی، هەروەسا رێژا قەیرانێ هێشتا هەیە ئەگەر ئەم ئابووری تێدا نەكەین دێ زیان ب رێژا ئابووری كەڤیت.