شاهۆ فەرید:
د ڤی سەردەمی دا هەڤژینی ل سەر دو بنەمایا دهێتە پێكئینان ئەو ژی حەزژێكرن و چاڤلێكرن، كارەسات ئەوە دەمێ كچ و كور ل سەر بنەمایێ چاڤلێكرنێ هەڤژینیێ پێك دئینن، ژبەركو دەمێ دبینن نێزیكەكا وان شوو كر یان ژن ئینا ئەو ژی دڤێت شوو بكەن یان ژنێ بینن بێ كو هزر د ڤێ پروسێ دا بكەن، بلەز و بەز ڤێ بریارێ ددەن.
بارین میرخان دەروونناسە گۆت: (مروڤ نەشێت دیار كەت كا كیژ جور دێ سەركەفتیتر بیت، ژبەركو ژ هەردو جورا سەركەفتی و نەسەركەفتی تێدا هەنە، لێ باشترە بەری هەڤژینیێ روینشتنەكا بێ پەردە دناڤبەرا واندا بهێتە ئەنجامدان ل سەر هەموو خالا رێككەڤن).
بارینێ دیار ژی كر كو پێكئینانا هەڤژینیێ پروسەكا ب ساناهی نینە، ئەڤجا پێدڤیە كچ و كور ئەقلی و دلی پێكڤە بكار بینن و گۆت: (من باوەری ب هەڤژینیا ل سەر بنەمایێ حەزژێكرنێ هەیە ژبەركو هەكە دو كەسێن تێگەهشتی بن و د ئێكودو بگەهن دووری دلینیەكا زێدە خێزانێ پێك بینن دێ سەركەفتنێ ئینن).
نەفەل شەریف چالاكڤانە دیار كر كو چاڤلێكرنا ئەرینی و نەرینی هەیە، ئەڤە ژی لدووڤ حەز و هەست و هەلبژارتنا مرۆڤی دمینیت، چونكی ئاراستێ هەلبژارتنا مروڤی ئاراستێ رەوشەنبیریا مروڤی دیار دكەت و گۆت: (ل سەردەمێن بوری ژبەر شەرم و رێگریان هەبوونا رەوشت و تیتالان پتریا هەڤژینان ب چاڤلیكرن هەڤژینی پێكئینایە، لێ پێشڤەچوونا دەمی و سوشیالێ پتر كچ و كور نێزیكی ئێك كرن و چاڤلێكرن كێمتر لێهات، بەلێ د جڤاكێ كوردی دا هەتا نوكە هندەك مال باوەریێ ددەنە یا چاڤلێكرنێ و باوەری ب یا حەژێكرنێ ناهێت).
نەفەلێ د بەردەوامیا ئاخڤتنێت خوە دا گۆت: (ل ڤی سەردەمی جڤاكی پتر بەرێ خوە دایە هەڤژینیا ل سەر بنەمایێ حەزژێكرنێ، ژبەركو دبینن سەركەفتیترە، بەلێ بەرۆڤاژی ژبەر نە خواندنا وانا بۆ ئێكدو دچیتە د قالبێ شكەستنێ دا، ئەڤجا ل سەر چ بنەما بیت پێدڤیە د قوناغا دەزگریێ دا كور و كچ پشكداریێ د خولێت رەوشەنبیریا سەرەدەریا هەڤژیناتیێ بكەن).
نيشاندان