پهیامنێران، نهوزاد و مهحمود:
ب مهرهما نههێلانا مهترسیێ ل سهر گیانێ وهلاتیان و مفا وهگرتن ژ ئهردی بۆ كهرتێ چاندنێ، زهڤیهكا مینڕێژكری ب رووبهرێ پتری 362 هزار مهترێن چوار گوشه ل ناحیا مانگێشكێ هاته پاقژكرن و د رێورسمهكی دا دێ هێته رادهستكرن.
رێگر شافی، بهرپرسێ راگههاندنا رێڤهبهریا گشتی یا مین و تهقهمهنیان ل پارێزگهها دهۆكێ بۆ رۆژناما ئهڤرۆ گۆت: (ب مهرهما نههێلانا مهترسیێ ل سهر گیانێ وهلاتیان و مفا وهرگرتن ژ ئهردی بۆ كهرتێ چاندن و خودانكرنا تهرش و كهوالی، پشتی بزاڤ و كاركرنهكا زۆر ل داویێ شیاین زهڤیهكا مهزن یا مینرێژكری ب رووبهرێ 362 هزار و 296م چوار گوشه ل ناحیا مانگێشێ پاقژ بكهین).
زێدهتر گۆت: (زهڤی بناڤێ رهبیا گهورا عیسێ چرچوویه و دكهڤیته سهنتهرێ ناحیا مانگێشكێ، ئێكه ژ وان رهبیێن ههری مهزن و ل سهر دهمێ رژێما بهعس هاتبوویه مینرێژكرن ب مین و تهقهمهنیێن دژه كهسی و تانكان، لهوا ئهو ههموو مین و تهقهمهنی، كو ههژمارا ان ژ 16 مین و تهقهمهنیان پتر بوو هاتنه دهرئینان و سروشتێ زهڤیێ ڤهگهڕاندهڤه، ژ بهركو مهترسی ل سهر گیانێ وهلاتیان و تهرش و كهوالێ وان دروست كربوو).
رێگر شافی گۆتژی: (ل نێزیك د رێورسمهكی دا زهڤی دێ هێته رادهستكرن، داكو وهلاتی بشێن بێ ئاریشه بۆ مهرهمێن جودا بكاربینن).
نيشاندان