دیدار، سالار محەمەد دۆسكی:

4 – 5

ئەوێ‌ رەبیێ‌ ئێكسەر پەیوەندی لگەل حوكمەتێ‌ كربوو كو خوە رادەستی حوكمەتا توركیا بكەن و رۆژا 15 ژی چنە و بەردەوام پێشمەرگەی چەك ڤەدگوهاست و تشت ڤەگوهاست و بنگەهێ‌ پولیسان و ناحیە و هەر هەمی دەستێ‌ پێشمەرگەی دا بوون و رۆژا 15 فرۆكە هاتبوون و دیفچوونا دەڤەرێ‌ كربوون و زڤری بوونە ڤە و رۆژا 16 فرۆكە هاتن و ل (خانكا بەرواری) یا رەمی كربوو و ژنەكا (ئورمەداتی) هاتبوو شەهیدكرن، وی دەمی مالا مە لبنێ‌ گیزەكێ‌ بوو و یا ڤەدەر بوو و دەمێ‌ فرۆكە هاتین سپێدێ‌ خەلكێ‌ گوندی هەمی رەڤین و هاتبوون قەستا بنێ‌ گیزێ‌ كر و فرۆكێ‌ دیت بوون و چوون و خەلك هەمی ژ گوندی دەركەفتن و ئەم ژی هاتینە نزاری وی دەمی من پێنج زارۆك هەبوون و بیرا من دهێت وێ‌ سپێدێ‌ مە دو مریشك ژی دانابوونە سەر مە گۆت دێ‌ پێشمەرگە هێن و مێهڤانن و پشتی ئەم چووینە نزاری ل نێزیكی دەمژمێر ئێك پێشمەرگە ب جیهازی ل گەل مە ئاخفتن و گۆت عەیبە ژ بەر كەرەكێ‌ نانی هوون چووین، بابوو ئەم ژ بەر ترسێ‌ چووینە و ناڤێ‌ من ئینا و گازی من كر و گۆت وەر ئەمێ‌ ل بەر دەرێ‌ خانیێ‌ تە و ئەم زرین 22 پێشمەرگە ل گەل (حجی بناڤی) نە و مە خوارنا وان دروستكر و فرۆكە هاتن و ئەو رابوون دابچن و دەركەفتن و ئەز هەتا سەركانیكا چووم دا نڤێژێ‌ بكەم و من دەستێ‌ خوە شیشتن و رەمی كر و زی ب سەركەفتم و من دەیكا هێژا كەفتیە و كورێ‌ من هێژا ل بەر مللێ‌ وێ‌ یە و زارۆكێن دی نەدیار بوون و من ئاگەه ژ كەسەكێ‌ نەما و كەسەكێ‌ نابینم و كەسەك نەوێریت خوە نێزیكی وێرێ‌ بكەت و دووف دا من دیت (مستەفایێ‌) رەحمەتی هات و گۆت كا زارۆك من گۆتێ‌ نوزانم بتنێ‌ ئەڤە هێژا و دایكا خوە نە و هەڤژینا من بتنێ‌ بزاڤكر و من زانی دێ‌ شەهید بیت و كورێ‌ من هێژا ریڤیكێن وی دەركەت بوون و من رێڤیكێن وی كرنە زكی دا و یێ‌ دكەتە هەوار و من قەمیسێ‌ خوە ئێخست و تێ ئالاند و (مستەفا) هەرێ‌ بێژیت كا زارۆكێن دی من گۆتێ‌ ئەز نوزانم، ئەز شاش بووم، و دیكێلەكا مەزن كەفتیە وێرێ‌، ناڤبەینەكێ‌ (مستەفا)ی گۆت ئەڤە ئومێدێ‌ ناف بیستانێ‌ وان دا و ملێ‌ وی هاتبوو شكاندن و هەوایێ‌ فرۆكێ‌ هاڤێت بوو دناڤا بیستانی دا، پێشمەرگەك هات دناڤا بیستانەكی گەریا گۆت ئەڤە زارۆكەكا تە مە ل ڤێرە دیت و ئەو كچەكا من هەما قەت كربوو و سوت بوو، كچەكا دی من دیت یا سوتی و یا پرت پرت بووی، پیا چوومە كانی ماسێ‌ من گۆت بەلكی نوشدارێ‌ پێشمەرگەی بینم ژ بەر كورێ‌ خوە هێژای و من پرسیارا دختوری كر گۆتن یێ‌ نێزیك سەر پرێ‌ من و من پرسیاركر گۆتن چ نوشدار ڤێرە نینن، (مستەفایێ‌ بەربیری) خودێ‌ ژێ‌ رازیبت پیكەمەكا مودێل 1979 هەبوو ئێك تەكبوو و ترۆمبێلا خوە بر بوو دریباری دا و من بابەتێ‌ خوە بۆ شرۆڤەكر و من گۆتێ‌ وەرە دا چارەكێ‌ لێ‌ بكەین وی گۆت بلا سەرچاڤا، دا ژبیر نەكەم دەمێ‌ مە ل زارۆكێن خوە دگەریا بەری بچمە نوژداری (مستەفا)ی گۆت كا كچاتەیا بچیك (هەژین) دلانكێ‌ دا بوو و (مستەفا)ی گەلەك حەژێ‌ دكر من گۆتێ‌ نوزانم، گۆت بەری فرۆكە بێت ڤێرا چوومە كچاتە ل بەر پەنجەرێ‌ دلانكێ‌ دا بوو و (مستەفا) چوو نێزیك پەنجەرێ‌ و گاریتە كەتبوونە سەر و ئاگرێ‌ بەربوویە خانی و كوخ كوخا (مستەفا)ی یە و هەر من گۆتێ‌ وەرە دێ‌ ئاگر بەربیتە تە، دەمەكی لاندك ژ بن گاریتا ئینا دەر و كچك ژ لاندكێ‌ ئینادەر یا ساخ بوو و بتنێ‌ دەڤێ‌ وێ‌ یێ‌ ڤەكری بوو و نە دئاخفت و سەرۆچاڤێن وێ‌ رەش ب بوون و چەوا دیتم ژبنێ‌ پیا كرە هەوار و شنی من زانی هێشتا ئەف كچە یا ساخە، من ژ دایكا خوە خواست دولكەكێ‌ ئاڤێ‌ بینت و باوەركە دەیكا من (10) جاران چوو نیڤا رێ‌ و زڤری و هەر گۆت تە چ دڤێت ؟؟ هوسا هێشێن دایكا من نەمابوونە ل سەری و چەند ئاژەل مە هەبوو و بریندار ب بوو (مستەفا) چوو سەرژێكرن و دو گولك بوون، دەمێ‌ ب ترۆمبێلێ‌ ئەم هاتینە نێزیك مالا مە من دیت (حسێنێ‌ صوفی) خودێ‌ ژێ‌ رازیبت یێ‌ ب سەر دكەڤیت بەری مزگەڤتێ‌ و ئەم راوستاندین و گۆت خودێ‌ ژێ‌ رازیبت و گۆت ترۆمبێل ژ قەستایە، تو هەرە برینداران بگەهینە نوشداری و كەسەك نەمابوو ل گوندی وی گۆت ئەم ئەڤێن ڤێرە دێ‌ شەهیدان رادەستی ئاخێ‌ كەین و ڤەشێرین و گۆتن هەرنە (بێدهێ‌) بێژن نوشدارێ‌ وێرێ‌ و بریندارەكێ‌ دی ژی بۆ وێرێ‌ هاتیە رەوانەكرن و چوومە (بێدهێ‌) بوو شەف و سارمایەكە و ئاگرەك مە هلكر و پائیز و كوركێ‌ دەستێ‌ من دا و هەرێ‌ دكەتە گری و نەشێم دانم و (تەیب راڤینی) ژی یێ‌ بریندار و چ نوشدار وێرێ‌ نەبوون و ئەم ماین هەتا (كەمال بەرواری) كو نوژدارێ‌ شورەشێ‌ بوو هات و من گۆتێ‌ وەرە كا ئەم چ بكەین ئەڤە بریندارە دەستێ‌ من دا و هات قەمیسێ‌ من ژێڤەكر و سەحكرە ریڤیكێن وی گۆت بووتە بێژم من گۆتێ‌ بەلێ‌ گۆت نەشێم چ بكەم و تەسمما خوارنێ‌ بۆ دروست بوویە و ئەگەر ریڤێكێن وی بدریم ئێكسەر دێ‌ مریت، و گۆت ڤێت بگەهینیە نوژدارەكی و نەخوشخانێ‌ و ژیێ‌ (هێژا)ی سێ‌ سال و نیف بۆ چار سالانە، من گۆتێ‌ پێشمەرگە ناهێلیت كەسەك بچیتە خوارێ‌ دكتور (كەمال) گۆت تە شولەژێ‌ نینە نوكە دێ‌ ل گەل سەركردێن پێشمەرگەی ئاخڤم و ئەڤە یێ‌ تەنگاڤە، پاشان هەڤلنگێ‌ من (ئوسمان) برایێ‌ خودێ‌ ژێ‌ رازی (عزیز مالتایی) هاتە (بێدهێ‌) و كورێ‌ من هێشتا یێ‌ ل سەر دەستێن من نەشێم خورنێ‌ نەشێم ئاڤێ‌ نەشێم بچمە دەست ئاڤێ‌ و هەر نەشێم چ بكەم ئەزێ‌ لڤ لڤم یێ‌ ژبنێ‌ پیا دكەتە هەوار، (ئوسمان) هات و چەند برازیێن وی ژی گەل بوون و گۆتن چ بكەین من گۆتێ‌ هوینێ‌ دبیننو گۆت خوە بگرە هەتا دبیتە مەغرەب ئەگەر ب چ حالێ‌ هەبیت دێ‌ تە گەهینمە دهۆك و هات وازەكا لەشكەری ئینا و مابوونە وێرێ‌ و مەغرەب سیار بووین و هەتا بنی هاتین (بەلقیسا) ئێكا گوندیا مەبوو هاتە بەراهی یا مە و بەر ترۆمبێلێ‌ و گۆت بێژێ‌ ئەڤە ژن ماما منە دێ‌ ل گەل مە هێت ژ بەر زارۆكان و گۆت من گۆت بوو دێ‌ چم كەسەكی ئێخباری ل من كریە و پێشمەرگەی گۆتیە نابیت ئەو ژن بچیتە خوارێ‌ و من گۆتێ‌ سواربە و هاتمە كانی ماسێ‌ و گۆتن خێرە مە بابەت بۆ شرۆڤەكر و ئەوان گۆتن بلا ئەف ژنكە نەهێت من گۆتێ‌ ئەڤە ژنماما منە و پا كی دێ‌ هاری من كەت بۆ ئەڤان زارۆكان و گۆت بلا هەرنە بازێ‌ بلا (د. رۆژ) ئاگەهدار بیت بەری هوون بچن كاك (ئوسمانی) گۆت بلا و ئەم مەغرەب گەهشتینە (بازێ‌) چار زارۆك ل گەل من بوو و دو كچ ل گەل دایكا خوە شەهید بوون، خویشكا من ژی یا بچیك بوو ئەو ژی ل گەل مە بوو و جزدانكەك من فمن بوو و (710) دینار تێدا بوون و شەلوالەك بەرمن بوو و من كربوو دبەریكا خوە دا.