سالار محەمەد دۆسكی:
2- 3
بەرتەنگ دا ئەو هەڤالێ دەسپێكێ رێكخستیم و كریمە پارتی دیموكراتی كوردستان ب هەمی شانازی ڤە ئەو ژ ژلایێ ئەمنێ ڤە هاتە دەستەسەركرن وبڤی كاری مەترسیا مە زێدەتر لێ هات و گەلەك شەڤ ل سەر مە دەرباز بوون و ئەم نەشیاین ل مالێن خوە دا رازین و بنڤین و تایبەت ئەز محەمەد سالح یونس دوستەكی و ئەم گەلەك نەئارام بووین و مالێن مە هەستەك بۆ دروست ب بوو كو مە كارەكێ كری و ئەم یێ ترسین بەلێ مە نەگۆت بوویێ چونكە وی دەمی كەسەكێ باوەری ب كەسەكێ نەدهات بێژیتێ ئەز چوویمە ناڤ رێكخستنێن پارتی دا یان من ئەڤ كارە كریە وێ هزرێ بكە هەتا مالێن مە چ ژ كار و چالاكیێن مە نەزانی و هەتا بیرا من دهێت مال پرسیار ژ مەكر كو ئەم نەئارامین مە گۆتێ خەما هەڤالێن مە ل مەیە كو هاتینە دەستەسەركرن و ئەگەر مە چ نەكریە هەتا بهێنە دەستەسەركرن و هەمان دەم وەك پێشتر مە ئاماژە پێكری ئەم گەلەك نە ئارام بووین ئەوان رۆژا و گاڤ بۆ گاڤێ دەروونێ مە نەخوشتر لێ دهات، سوپاس بۆ خودێ پشتی هەر دو هەڤلێن مە ب سلامەتی ژ دەستێ ئەمنێ هاتینە ئازادكرن ئەم هەر دمەترسیێ دابووین و زێدەتر ئەم كەفتینە بن بارێ دیڤچوون و گڤاشتنا و مە هزر كر جارەكا دی دێ هەڤالێن مە هێنە دەستەسەركرن و ئەم ژی دێ ل گەل هێینە دەستەسەكرن ڤە، ژیانا دەسپێكا سالێن هەشتێیان بڤی رەنگی بوو و خەلكی چ خوشی نەبوو هەر دەم لبن بارێ گڤاشتن و ئەشكەنجەدان و گرتن و دیفچوون و ڤەكولینێ بوو و چ تام دوێ ژیانێ نەبوو و هەتا سەرهلدانا پیرۆز، پشتی سەرهلدانا پیرۆزا سالا 1991 ئێدی خەلكێ كوردستانێ بگشتی و دەڤەرا ئاكرێ ب تایبەتی بایەكێ ئازاد و تەنا هەلكێشا و دەم هاتە گوهورین و ێدی خەلك ب ئازادی و تەناهی ژیانا خوە دەربازكر و ئێدی مە شیا ب رحەت و تەنا و ئارام ل مالێن خوە دا رازین.
هەمان رێكخستیێ نهێنیێ پارتی دیموكراتی كوردستان ئەو ژی ئاشكراكر كو پتی سەرهلدانا پیرۆز، سەقایێ ژیانێ هاتە گوهۆڕین و خەلكێ كوردستانێ ب گشتی هەست ب خوشیێ و ئارامیێ كر و هەست ب ئێمناهیێ دكر پشتی ئەم و هەوالگێری و جەحشك دناڤ كوردستانێ دا نەماین بۆ كوردستانەكا خوش و ئارام و ئێدی بۆ كوردایەتی بۆ مێژوو دێ بێژم و خەلكێ كوردستانێ هەر هەمی شاهدن ل سە ڤێ چەندێ ئەڤ تەناهی و ئارامی یا سەرهلدانێ پەیدابووی و هەتا نوكە ئەڤە چ دەورو زەمانا ب دەست مللەتێ كورد نەكەفتییە، یرا مە دهێت ل بەری سەرهلدانێ جاش و ئەمن و هەوالگێری و هەتا كەسانێن لەشكری و عەرەبێن شوفینی ب گشتی تەعدایەكا مەزن ل خەلكێ مەدكر، و ئێدی ئەو تەعد و زورداری نەما و ل سەرهلدانا پیرۆز رۆناهیەكا گەش بۆ خەلكێ كوردستانێ ڤەكر، و خەلكێ ئارام و زمانێ خەلكی هەمیان كوردی یە و ئەم خوە بخوە یێ دەستهەلاتێ ل ئێك و دو دكەین، بۆ نموونە ل فرۆكخانێ پەیا بە كورد دێ بزمانێ كوردی پێشوازیێ ل تكەن، و ل گەل تە ئاخفن ل سەر سنوری وەرە هەر هوسا دێ ب كوردی ل گەل تە ئاخفن و چ كەسێن دی رێكێ ل تەناگریت و كورد وەك برا پێكڤەنە و سەرهلدانا خەون و بەرخودانەكا مەزن یا مللەتێ كورد بوو.
ناتق ئاكرەیی، زێدەتر گۆت: بۆ دیرۆك دێ بێژم گرنگە هەولیستێ هەر دو مامۆستایێن مە ئسماعیل حجی مەحمود، عوبەید ئسماعیل ئاكرەیی خودێ ژ هەر دوكان رازی ببیت نەهێتە ژبیركرن، و پشتی سەرهلدانێ ئەم ل گەل چووین بۆ پاراستنا فەرمانگەه و دەزگەهێن حوكمەتێ و پاراستن ژتالانێ و دیسا پاراستنا خەلكێ مەیێ بێ گونەه و ئەم بەردەوام بووین، دوڤدا من ل گەل چەند هەڤالان راگەهاندنا سەرهلدانێ وەرگرت لژنا ناوچا ئاكرێ دا و ئم بەردەوام بووین هەتا شەرێ چەسپاندنا قانوونی ل كوردستانێ وی شەری دا من دو جاران پشكداری كریە ل گەل هێزا توفان و جارەكێ ل گوەسپانێ وێنە من هەیە وی دەمی جەنابێ سەرۆك مەسعود بارزانی هاتە دەڤەرێ و سەردانا مە كر، و ژ نێزیك هایداری كار و چالاكیێن مە بوو وسوپاس بۆ خودێ، ل سالا 1996 هەر ل شەرێ چەسپاندنا قانوونێ ئەم ل حەریرێ بووین و ل دەڤەرا سپیلكی كاك (نێچیرڤان، تەمەر كوچەر، بابەكر زێباری) دبەرهەڤبوون وی دەمی خودێ ژێ رازی زەكی كامل ل گەل وێ هێزێ هاتبوو و ئەم ماین و سۆپاس بۆ خودێ هەتا نوكە دبەردەوامین ل سەر خزمەت و بەرخودانا مللەتێ خوە و هەر هەمی ژی خوە بەخش.
ناتق ئاكرەیی ئەو ژی گۆت: درێژە پێدان ب خەباتا كوردایەتیێ مە گەلەك خزمەت و چالاكی كرینە و هەتا نوكە ژی ل سەر هەمان بزاڤ و چالاكیێن نەتەوەیی دبەردەوامین و خزمەتا مللەتێ خوە دكەین و بێ جوداهی و ب هەر دو شێوازێن مادی و مەعنەوی من گەلەك خزمەت كریە و خەلكێ دەڤەرێ هەمی شاهدن ل سەر ڤێ چەندێ و مینا هەڤالێن لقێن ئێك و دو و لقێ ئاكرێ یێن پارتی دیموكراتی كوردستان و كاك (فازل میرانی، سەربەست لەزگین، سەباح بەیتوللا، قادر قاچاخ) وی دەمی من كومپانی هەبوو و هەر كەسەكێ ژلایێ حزبێ ڤە هاتبا دەف من من دەستێ وی دگرت و تایبەت ل سالێن پشتی سەرهلدانێ دا و من گەلەك خزمەتا مالباتێن شەهیدێن كوردستانێ كریە و هەتا نوكە ژ و نەیێ پەشێمانم و دیسا كاك (نێچیرڤان ئەحمەد، حەمید عەلی) وی دەمی دا و گەلەك جاران دا دایكێن شەهیدا فرێكەنە دەف من و بێژن هاریكاریا وان بكە و من كریە و یێ پەشێمان نینم چونكە من بۆ رێبازەكێ و مللەتێ خوە كرینە بیرا من دهێت گەلەك هاریكاریا تەلەڤزیونا خەبات یا دهۆكێ ژی من گەلەك كر و هەر ئێك ژ (حەمید عەلی، ئەحمەد بامەرنی و نسرەت هادی) ل سەر بابەتی دئاگەهدارن و بیرا من دهێت چەندین وێن بارزانیێ نەكر ئەو وێنێ ل سەر هەسپی سوار من بەلاڤەكرن و ل سەر بنڤێ وێنەی ناڤێ من هاتبوو نڤێسین ویێنەك من بربوو لقێ چار وی دەمی (ملازم كەریم) خودی ژێ رازی بیت بەرپرسێ لقێ چار بوو.
بێوار حەمدی:
پێشكێشكار (سەفین جەودەت) كو ل كەنالێ كوردستان تیڤی كاردكەت، د دیدارەكێ دا بۆ رۆژنامەیا ئەڤرۆ گۆت: هەلبژارتنا من بۆ ڤی دەزگەهی ل سەر بنەمایێ وێ چەندێ بوو كو ناڤەندەكا ساخلەم یا راگەهاندنێ یە و خۆشحالم كو لڤی كەنالی كاردكەم.
هەروەسا گۆت: ب مخابنی ڤە دێ بێژم پشكەك ژ پێشكێشكارێن مە دوور ژ پرەنسیپ و ئەتەكێتێن راگەهاندنا ساخلەم كاردكەن و ئەڤ چەندە ژی ژبۆ ب دەستڤەئینانا ڤیۆێن زێدەترە، لەورا فەرە پێشكێشكارێ سەركەفتی وان خالان ل بەرچاڤ وەربگریت و بابەتی ب شێوەیەكێ راست ڤەگوهێزیت، ئانكو یێ پر بیت ژ پێزانێن دروست، هەروەسا دڤێت وی ب خوە ژی پێزانێن باش ل سەر هەر تشتەكی هەبن و خودان رەوشەنبیریەكا باش بیت، هەروەسا یێ وێرەك بیت دا بشێت ب دروستی كارێ خوە بكەت.
عەیشا عەجیب:
وێنەگر(كەڤین محەمەد) د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزا سەخبێركرنا مۆبایلان هەبوو، لێ د هەمان دەمدا حەزژ كارێ وێنەگرتنێ ژی دكر و ل دەستپێكێ من ب مۆبایلێ وێنە دگرتن، لێ ئەڤە سێ سالن ب كامیرێ دگرم و گەلەك حەزژ وێنەكرنا بووك و زاڤایان دكەم.
هەروەسا گۆت: وەكو وێنەگرەكا كچ حەزدكەم ب ئازادانە كاربكەم، ل دەستپێكێ من گەلەك وێنەیێن سرۆشتێ كوردستانێ دگرتن، لێ نوكە پتر كارێ وێنەكرنا هەلكەفتان دكەم، ب تایبەت ژی وێنەیێن بووك و زاڤایان، چنكو دەمێ وێنەیان بۆ دگرم ل گەل وان گەلەك كەیغخۆش و ئارام دبم، هەروەسا ئەو ژی پترحەزدكەن كچ وێنەیان بۆ بگرن، هەروەسا لڤێ دووماهیێ من كلیپەك بۆ سترانبێژ (خۆشتڤیار ئیبراهیم) ب ناڤێ (كەوێ زنارا) وێنەكریە و هیڤیا من ئەوە ل دەمێ بهێت كارێن باشتر ئەنجام بدەم.
رەمەزان زەكەریا:
سترانبێژ سەعید زێوەیی، د دیدارەكێ دا بۆ رۆژنامەیا ئەڤرۆ گۆت: ئەز بەردەوام سترانێن سنگل تۆماردكەم، لێ وەكو كلیپ ئەڤە دەمەكە من چێ نەكرینە، چنكو نوكە سۆشیال میدیایێ رێكێن دوور نیزیك كرینە بۆ بەلاڤكرنێ، ژبەركو هەموو تاكێن جڤاكی ل گۆر پێدڤیا ژیانا خوە ب كاردئینن و پتریا سترانبێژان ژی هەر ب رێكا سۆشیال میدیایێ بەلاڤ دكەن .
هەروەسا گۆت: لڤێ دووماهیێ سترانا ل گوندێ مە كو فولكۆر بوو من گەلەك حەزژێكر و تۆماركر، هەر ب رێكا سۆشیال میدیایێ بەلاڤكر، هەروەسا ب دیتنا من ل ڤی سەردەمی سترانگۆتن و تۆمار كرن یا ب ساناهی نینە، ژبەركو ئەگەر بەرهەمەكێ باش نەبیت و یێ رەسەن نەبیت بینەر و گوهدار ژی نابن، كارێن باش و ئۆرجینال داهاتەكێ زۆر دڤێت، لەورا هەر ب سادەی بەرهەمێن خوە تۆمار دكەین و ل سۆشیال میدیایێ بەلاڤ دكەین.
نێچیرڤان بارزانی، جێگرێ سەرۆكێ پارتی دیموكراتی كوردستان دوهی چارشەمبی 1/10/2025 ل گەل هەڤالێن كۆمیتەیا ناڤەندی و لژنەیا كۆنفرانسێ ئێكێ یێ ئافرەتێن كوردستانێ كۆمبوو.
ئامینا زكری، ئەنداما مەكتەبا سیاسی یا پارتی دیموكراتی كوردستان د بەرپەرێ خوە دا ل سەر تۆرا جڤاكییا فەیسبووكی ل دۆر وێ كۆمبوونێ گوت» د دیدارێدا نێچیرڤان بارزانی دوپاتی ل سەر وێ چەندێ كر كو پشتەڤانیێ ل ئافرەتان دكەت و ئاماژەكر كو گرنگییەكا تایبەت ددەینە پشتەڤانی و ب هێزكرنا ئافرەتان بۆ گەهشتنا وان ب پێگەهێن هەژی كو ل گەل ماف و كەرامەتا وان دگونجیت و جڤاكێ مە تنێ ب پشكدارییەكا تمام د ناڤبەرا زەلام و ئافرەتاندا، هەروەسا ب گرنگیدانێ ب گەنجان، بلند دبیت و پشتەڤانییا ئافرەتان دكەم و رێزێ ل كار و بزاڤێن هەوە دگرم و دەستخوەشیێ ل هزرا وی كۆنفرانسی دكەم و پشتڕاستم هوون دشێن گوهۆڕینێ دروست بكەن و بەردەوام بن وداخوازی و پێنگاڤێن هەوە بلند د هەلسەنگینم».
ئامینا زكری ئاماژەكر كر كو جێگرێ سەرۆكێ پارتی دوپاتی ژی ل سەر وێ چەندێ كر» ژ پێخەمەت پاراستنا مافێن ئافرەتان و ئاڤاكرنا جڤاكەكێ پێشكەفتیتر، هەر چ د شیانێن من دا بیت دێ ئەنجام دەین».
وێ ئەنداما مەكتەبا سیاسی یا پارتی گوت ژی» وەك لژنەیا كۆنفرانسێ ئێكێ یێ ئافرەتان، سوپاسییا نێچیرڤان بارزانی، جێگرێ سەرۆكێ پارتی هاتە كرن بۆ پشتەڤانییا وی ل ئافرەتان و پەیداكرنا دەلیڤەیەكا باش بۆ ئافرەتان دەزگەهێن جودا جودا دا و پشتێن سەرۆكاتییا هەرێمێ و حوكمەتێدا، هەروەسا مە سوپاسییا وی كر بۆ پشتەڤانییا وی یا مەعنەوی ل كۆنفرانسێ ئافرەتان».
د وێ كۆمبوونێدا، لژنەیێ راسپاردە و پێشنیازێن كۆنفرانسێ ئێكێ یێ ئافرەتان دانا بەردەستێن جێگرێ سەرۆكێ پارتی و دوپاتی ل وێ چەندێ كر كو دێ پشتەڤانێ ئافرەتان بیت و دێ هاریكار بیت د بكارئینانا شیانێن ئافرەتان».
سەرۆكێ هەرێما كوردستانێ ل گەل شاندەكێ كەنیسەیا ئەرتۆدۆكسی یا رووسی ب سەرۆكایەتییا مەتران ئەنتۆنی كۆمبوو و رەوشا پێكهاتەیان، ب تایبەتی پرسێن گرێدای ب كریستیانێن هەرێما كوردستانێ و ئیراقێ هاتنە گەنگەشەكرن.
دوهی چارشەمبی 1/10/2025، نێچیرڤان بارزانی، سەرۆكێ هەرێما كوردستانێ پێشوازی ل شاندەكێ كەنیسەیا ئەرتۆدۆكسی یا رووسی ب سەرۆكایەتییا مەتران ئەنتۆنی، بەرپرسێ هەڤبەندیێن دەرڤە و هەژمارەكا زەلامێن ئایینی یێن كەنیسەیێ كر.
سەرۆكایەتییا هەرێما كوردستانێ ئاماژە ب وێ چەندێ كر» د كۆمبوونەكێدا كو قونسلێ رووسیا ل هەرێما كوردستانێ بەرهەڤبوو، رەوشا پێكهاتەیان ب تایبەتی كریستیانان ل هەرێما كوردستانێ، هەڤبەندیێن كەنیسەیا ئۆرتۆدۆكسی یا رووسی ل گەل جڤاك و كەنیسەیێن كریستیان ل هەرێما كوردستانێ و ئیراقێ و هەڤبەندیێن رووسیا ل گەل ئیراقێ و هەرێما كوردستانێ، هاتنە گەنگەشەكرن».
هەر د بەیاننامەیا سەرۆكایەتییا هەرێما كوردستانێدا هاتیە» شاندێ ناڤبری كو ل حەفتییا بۆری بۆ پشكداریێ د كۆنفرانسێ كەنیسەیا رۆژهەلاتا ئاشۆری سەرەدانا هەولێرێ كربوو، خوەشحالییا خوە ب سەرەدانا خوە دیاركر، هەروەسا پێكڤەژیانا د ناڤبەرا پێكهاتەیێن ئایینی و نەتەوەیی ل هەرێما كوردستانێ بلند هەلسەنگاند و رێز و سوپاسی بۆ پاراستنا ماف و ئازادیێن وان دوپاتكر».
سەرۆكێ هەرێما كوردستانێ سەرەرای ب خێرهاتنێ و دەربڕینا خوەشحالیێ ب سەرەدانا وان ئەو سەرەدان ب «نیشانەكا گرنگ یا پشتەڤانیێ ل هەرێما كوردستانێ» هەژمارت. هەروەسا دوپاتكر، هەرێما كوردستانێ شانازیێ ب كەلتوورێ پێكڤەژیانێ و هەڤدوقەبوولكرنێ و لێبۆرینێ د ناڤبەرا پێكهاتەیاندا دكەت و هەردەم دێ پارێزەرا وی كەلتووری بیت.
دیدار و چاڤپێكەفتنێن شاندی ل گەل نوونەرێن پێكهاتەیێن ئایینی ل هەرێما كوردستانێ، قووناغێن هەڤبەندییا دیرۆكی یا هەرێما كوردستانێ ل گەل رووسیا، گرنگییا دانوستاندن و دیداران د ناڤبەرا پێكهاتەیێن ئایینی و نەتەوەیی دا و هەڤبەندیێن وان ل گەل دەرڤە، تەوەرەكێ دی یێ دیدارێ بوو.
ب نوونەرایەتییا سەرۆك بارزانی، هشیار زێباری پشكداری د رێوڕەسمێ زانكۆیا كاسولوكی دا ل هەولێرێ كر ب هەلكەفتا سالڤەگەرا 10 یا دامەزراندنا وێ و دەرچوونا خولا 2025 یا قوتابیێن مەسیحی و موسلمان و ئێزدی.
ل باژێرێ هەولێرێ، هشیار زێباری، ئەندامێ دەستەیا كارگێرییا مەكتەبا سیاسی یا پارتی دیموكراتی كوردستان، ب نوونەرایەتییا سەرۆك مەسعود بارزانی پشكداری كر د رێوڕەسمێ زانكۆیا كاسولوكی دا ل هەولێرێ ب هەلكەفتا سالڤەگەرا 10 یا دامەزراندنا وێ و دەرچوونا خولا 2025 یا قوتابیێن وێ زانكۆیێ كو پێكهاتبوون ژ قوتابیێن مەسیحی و موسلمان و ئێزدی.
هشیار زێباری ب ناڤێ سەرۆك بارزانی پەیاما پشتەڤانیێ ل زانكۆیا ناڤبری ل دۆر پێكڤەژیانێ ل هەرێما كوردستانێ بۆ بەرێز مەتڕان بەشار مەتی وەردە، سەرۆكێ دەستەیا بڕێڤەبرنا زانكۆیێ و بەرهەڤبوویان و زەلامێن ئایینێ مەسیحی و حكومی گەهاند.
دیدار/ دلۆڤان ئاكرەیی
رێڤەبەرێ راگەهاندنا پەرلەمانێ كوردستانێ دیاركر: ستافێ پەرلەمانێ كوردستانێ هەموو بەرهەڤی كرینە، بۆ بڕێڤەچوونا تەمامكارییا روونشتنا ئێكێ یا پەرلەمانێ كوردستانێ كۆ دهێتە پێشبینیكرن ل دو حەفتیێن بهێتدا دەست ب روونشتنێن خوە بكەت.
سامان ئەحمەد، رێڤەبەرێ راگەهاندنا پەرلەمانێ كوردستانێ بۆ رۆژنامەیا (ئەڤرۆ) گۆت» هەر دەمێ ئالیێن سیاسی هەڤ بكەن، ب رێیا دیوانا پەرلەمانێ كوردستانێ ڤە دێ بەرهەڤی ب دووماهی هێن بۆ بڕێڤەچوونا روونشتنا پەرلەمانێ كوردستانێ و د نوكەدا دەمەكێ گەلەك كێم مایە و د رۆژێن بهێتدا دێ هەموو بەرهەڤی ب دووماهی هێن»
سەبارەت ب روونشتنا ئێكێ یا پەرلەمانێ كوردستانێ د ڤێ خولێدا، ئاماژە ب وێ چەندێ كر» روونشتنا ئێكێ یا خولا شەشێ یا پەرلەمانێ كوردستانێ ب ڤەكری مایە و روونشتنا بهێت دێ تەمامكەریا هەمان روونشتنێ بیت و دەستەیا سەرۆكاتیا پەرلەمانێ كوردستانێ دێ هێتە دیاركرن».
رێڤەبەرێ راگەهاندنا پەرلەمانێ كوردستانێ ئاشكرا كر» ل دووڤ مادەیێ 48 ژ قانوونا هەلبژارتنێن پەرلەمانێ كوردستانێ د ئێكەم روونشتنا خوە دا ب دەنگدانەكا نهێنی و راستەوخوە، سەرۆك و جێگرێ سەرۆكی و سكرتێرێ پەرلەمانی ب زۆرینەیا رەهایا دەنگێن ئەندامێن پەرلەمانێ كوردستانێ دێ هەلدبژێریت» هەروەسا پێشبینی كر «وەكۆ گاڤا ئێكێ د ڤان دو حەفتیاندا پەرلەمانێ هەرێما كوردستانێ دەست ب كار و چالاكیێن خوە بكەت و پاشی گاڤێن پێكئینانا حوكمەتا هەرێما كوردستانێ دێ هێنە تەمامكرن».
هاریكارێ بەرپرسێ مەكتەبا رێكخستنا پارتی دیموكراتی كوردستان ل پارێزگەها نەینەوا راگەهاند: ل رۆژا سێشەمبی 30/9/2025 بارەگەهێ پارتی ل قەزا تەلەعفەر هاتە ڤەكرن. هەروەسا ئاماژە ب وێ چەندێ ژی كر، ب چەند قووناغان بارەگەهێن دی ژی ل سنوورێ نەینەوا دێ هێنە ڤەكرن.
مەحموود ئێزدی، هاریكارێ بەرپرسێ مەكتەبا رێكخستنا پارتی دیموكراتی كوردستان ل پارێزگەها نەینەوا گوت
« ل قەزا تەلەعفەر سەر ب پارێزگەها نەینەوا ڤە ب بەرهەڤبوونا بەرپرسێ مەكتەبا رێكخستنا نەینەوا و هەژمارەكا بەرپرسێن پارتییا مە و خەلكێ باژێرێ تەلەعفەر، بارەگەهێ لژنەیا ناوچا پارتی ل تەلەعفەر هاتە ڤەكرن، پێشتر بارەگەهێ پارتی ل تەلەعفەر هەبوو، بەلێ ژ ئەگەرێ رەوشا دەڤەرێ و روودانێن سالێن بۆری بارەگەهێ مە ل وی باژێری نەمابوو، لەوما دوبارە پارتی ب فەرمی بارەگەهێ خوە ل وێ قەزایێ ڤەكر».
مەحموود ئێزدی گوت ژی» تەلەعفەر هەم باژێرەكێ مەزنە و هەم دەڤەرەكا گرنگە ل نەینەوا، مە ژی وەك پارتی، رێكخستن و جەماوەرێ خوە ل قەزا تەلەعفەر هەیە، لەوما ل سەر داخوازا خەلكی مە بارەگەهێ خوە ڤەكر و دەمەكە وەك پارتی بەرهەڤییان بۆ ڤەكرنا بارەگەهی ل تەلەعفەر دكەین».
هاریكارێ بەرپرسێ مەكتەبا رێكخستنا پارتی دیموكراتی كوردستان ل پارێزگەها نەینەوا ئاماژە ب وێ چەندێ ژی كر» پێدڤییە ل هەموو جهەكی بەرهەڤ بین و مە بارەگەه هەبیت، پلان هەیە ل هەموو دەڤەرێن پارێزگەها نەینەوا بارەگەهێن پارتی ڤەكەین، ل گەل ئیدارەیا پارێزگەها نەینەوا ژی د بزاڤان داینە بۆ وێ چەندێ جهێن پێشتر بارەگەهێن مە لێ هەین، دوبارە بهێنە ڤەكرن، بەلێ دێ ب چەند قووناغان بیت و وەك مەكتەبا رێكخستنا پارتی كاری ل سەر دكەین».
نيشاندان