فدراسیۆنا فوتبۆلا ئیراقێ‌ ژڤانێ‌ پشككێشانا كۆپا ئیراقێ‌ بۆ وەرزێ‌ 2025-2026ێ‌ دانا و داخواز ژ ئەوا یانەیێن مافێ‌ پشكداریێ‌ هەیی ئەڤرۆ ل بارەگایێ یانەیێ‌ بەرهەڤبن ژبۆ پشككێشانێ‌.
ل دووڤ نڤێسارا هاتییە بەلاڤكرن فدراسیۆنا فوتبۆلا ئیراقێ‌ 17 و 18ێ‌ ڤێ‌ مەهێ‌ دا ژبۆ دەستپێكرنا قووناغا ئێكێ‌ یا كۆپا ئیراقێ‌، دیسان دێ‌ د كۆمبوونا ئەڤرۆ دا خشتەیەكێ‌ دی هێتە دانان ل دووڤ هژمارەیا پشكداران و شێوازێ‌ یارییان، د قووناغا ئێكێ‌ دا 32 یانە دشێن پشكداربن ژ وانا 16 یانەیێن خولا ستێرێن ئیراقێ‌ یە و 16 یانەیێن خولا پلا نایابن، ل دووڤ ڕێنمایێن قارەمانیێ‌ هەر ئێك ژ یانەیێن دهۆك، زاخۆ، شورتە و جەوییە كو ڕێزێن ئێكێ‌ هەتا چارێ‌ د وەرزێ‌ بۆری یێن خولا ستێرێن ئیراقێ‌ هاتبوون دێ‌ ل قووناغا دویێ‌ یاریێ‌ دگەل یانەیێن دەربازبوویی یێن قووناغا ئێكێ‌ كەن پشای پشككێشان دهێتە كرن.
بۆ زانین ل وەرزێ‌ بۆری هەردو یانەیێن پارێزگەهێ‌ دهۆك و زاخۆ دەربازبوونە فینالا قارەمانیێ‌، ئەوا یاری بێ‌ گۆل ب دووماهی هاتی و چوویە لێدانێن پەنەلتییان، تیما دهۆكێ‌ شیا ب 5-3 گۆلان سەركەڤتنێ‌ بینت و بۆ جارا ئێكێ‌ د دیرۆكا خوە و یانەیێن كوردستانی دا ناسناڤێ‌ كۆپا ئیراقێ‌ ب دەستڤە بینت.

د داخویانیەكێ‌ دا ڕێڤەبەرێ‌ وەرزشی ل پارێزگەها دهۆكێ‌ دیار كر پشتی د ماوەیێ‌ بۆری دا لیستەیا دەستەیێن گشتی یێن یانەیێن وەرزشی ل سنۆرێ‌ پارێزگەهێ‌ هاتینە وەرگرتن د نوكە دا لیستەیێن ناڤێن بەربژاران بۆ هەلبژارتنێن كارگێرییان دهێنە وەرگرتن.
زێدەتر جەمال سلێمان بۆ رۆژنامەیا ئەڤرۆ گۆت: ل دووڤ یاسا و ڕێنمایێن هاتینە دەركرن د نوكە دا بەرهەڤی دهێنە كرن بۆ هەلبژارتنێن دەستەیێن نوو یێن كارگێریێن 16 یانەیان بەری دو حەفتییان یانەیا دهۆكێ‌ هەلبژارتنێن خوە ئەنجامداین، وەرگرتنا ناڤێن بەربژاران بۆ كارگێریێن نوو گەهشتییە قووناغا دووماهیێ‌ پشتی دەستەیا گشتی یێن هەموو یانەیان هاتینە وەرگرتن و پەسەندكرن ل دووڤ یاسا و ڕێنمایان و د نێزیكترین دەم دا دێ‌ خشتەیێ‌ گشت هەلبژارتنێن یانەیان ب ژڤان و دەم هێنە ڕاگەهاندن.
ژلایەكێ‌ دووڤە ناڤهاتی گۆت: بۆ هەر یانەیەكێ‌ مافێ‌ هەیی یێن بنە دەستەیا نوو كو كەسێن ب دەركەڤن ژ پێنچ ئەندامان كێمتر نەبیت و 10 ئەنداما زێدەتر نابیت، دووڤدا دێ‌ كارگێرییا نوو دكۆمبوونا خوە یا ئێكێ‌ دا سەرۆك، جێكر، سكرتێر و ڕێڤەبەرێ‌ دارایی دەستنیشانكەن ب شێوەیێ‌ دەنگدان و دێ‌ ب نڤێسارەكا فەرمی بۆ ڕێڤەبەرییا مە هێتە هنارتن هێتە هنارتن ژبۆ پەسەندكرنێ‌ و دەلیڤەدانا ئەنجامدانا چالاكیێن خوە.
بۆ زانین ئەو 16 یانەیێن پارێزگەهێ‌ دێ‌ هەلبژارتنان كەن هەر ئێك ژ، دهۆك، ئاكرێ‌، ئافرەتێن دهۆك، گارە، شێلادزێ‌، سێمێل، تەناهی، سەنحاریب، ئامێدیێ‌، شێخان، بەردەرەش، دینارتێ‌، پۆلیتەكنیك، فرۆكەڤانی- بەرەگلاید-، میدیا یا خودان پێدڤیێن تایبەت، پیرس، بجێل، ئەوا ل دووڤ یاسایا 1986ێ‌ یا ئیراقێ‌ هەر چار سالان جارەكێ‌ ب ڕێنمایێن جودا دهێنە كرن.

هەرهین محەمەد:

داخویانیەكێ‌ دا یونس عەبدوللا، راهێنەرێ‌ تیما تایكواندۆیا یانەیا گارە بۆ ئەڤرۆ گۆت: هەر قارەمانی و چالاكیەكا یارییا مە هەبیت هەبیت گرێدایی تایكواندویێ‌ بیت و دەمێ‌ ئەم پشكداردبین نووكرن و شیانێن زێدە دكەین و یاریزان پێشڤە دچیت و ب شێوازەكێ‌ گرنگ و ئەو یاریزان داتایێن دادڤانیێ‌ ل خوە زێدەدكەت.
هەروەسان ناڤهاتی گۆت: بۆ هەر قارەمانییەكێ‌ تەكنیكەكا دلڤینەكێ‌ دا هەبیت یان نیاسبوونا یاریزانەكی د ئەوێ‌ قارەمانیێ‌ دا و ژبۆ هەڤركیێ‌ دناڤبەرا ئێك و دو دا ئەگەر كێم و كاسیەك ل دەڤ یاریزانی هەبیت دێ‌ شێت خوە ئاپدێتكەت، ئەو قارەمانیێن ناڤخویی دهێنە كرن هەموو ژ بۆ ئەوێ‌ چەندێ‌ یە كو باشترین بەرهەڤی بۆ قارەمانیا ئیراقێ‌ هەبن ژلایێ‌ دەرۆنی و ئاستی ڤە و ب ئانەهیا خۆدێ‌ دێ‌ بەرهەڤبین بۆ هەر پشكدارییەكێ‌ و هەتا نوكە ژی ژ بۆ هەر قارەمانیەكێ‌ ئەم دەستڤالا نە ڤەگەریاینە، د نوكە دا ئەم یێن بەرهەڤیێن خوە دكەین و بزاڤێ‌ دكەین سەر كەفتنە كادیژی تومار بكەین.
یونس عەبدوللایی گۆت: یێ‌ ئاگەهدارم ژبەر مەزاختی و داهاتێ‌ گەلەك یانە و قوتابخانە پشكدریێ‌ د قارەمانیان دا ناكەن و ئەم وەكو یانەیا گارە ل دووڤ شیان و داهاتی خوە پشكداریێ‌ دكەن و دسەر هندێ‌ را ژی خەلاتان بدەستخوە ڤە دئینین و بەرانبەر هندی گەلەك قارەمانی دهێنە كرن و ژ مە دچن و پشكدار نابم، هیڤییا من یا سەرەكی ئەوە خوە ل ڤان یاریێن جەنگی بكەتە خودان، چونكو تەخەكا مەزن ژ هەردو رەگەزان خوە لێكریە خودان و مە یاریزانێن ئاست بلند ل سەر ئاستێ‌ هەرێمێ‌ و ئیراقێ‌ و دەرڤە هەنە، پشتەڤانییا ڤان یاریزانان دێ‌ ئاستێ‌ ڤێ‌ یاریێ‌ ژی بلند كەت.

ڕێڤەبەرێ‌ كۆپانییا گلۆپال یا تایبەتمەند بۆ دروستكرنا یاریگەهێن فوتبۆلێ‌ ئەگەرێن دروست یێن تێكدانا و خراب بوونا فریزێ‌ یاریگەهێن ئیراقێ‌ دیاركر.
فەلاح مەنفی گۆت: دو ئەگەرێن سەرەكی هەنە كو ئەو فریزەیێ یاریگەهێن پرانییا یانەیێن وەرزشی یێن پشكدار د خولا ستێرێن ئیراقێ‌ تووشی تێكدانێ‌ و خراب بوونێ‌ بووینە ئەو ژی، كەسێن نە پسپۆر و شارەزا ئەوێن یاریگەهان بڕێڤە دبەن كو ئەڤە ئاریشەیەكا مەزنە، هەروەسان بڕیارا وەزراەتا وەرزش و لاوێن ئیراقێ‌ كو یانە پێ‌ ڕابن ئەڤچەندە ژی بوو ئەگەر یانە ئەو شارەزاهی نینە كی باشتر دێ‌ بڕێڤەبەت، بێ‌ دووڤچوونا كەسێن شارەزا بكەن تایبەت ئەوێن پێشتر پسپۆری دناڤا یاریگەهان دا هەی.
هەروەسان ناڤهاتی گۆت: چاندن و سەخبیكرنا فریزەیێ‌ یاریگەهێن فوتبۆلێ‌ نەوەكو فریزەیێن سرۆشتی و یێن پارك و مالانە، بەلكو تایبەتمەندیا خوە هەیە، بمخاینفی ڤە یانە هەنە كۆژمەیێن مەزن بۆ فریزەیێ‌ یاریگەهێ‌ تەرخانكرینە و دووماهیێ‌ تووشی ئاریشەیێن مەزن بووینە

قەیس وەیس:

د داخویانیەكێ‌ دا سەرۆكێ‌ فدراسیۆنا یارییا جۆدۆیا ئیراقێ‌ ڕاگەهاند ل ناڤەڕاستا ڤێ‌ مەهێ‌ هەولێر دێ‌ مێڤاندارییا قارەمانییا عەرەبی یا جۆدۆیێ‌ مێڤان كەت، ئەوا دهێتە هژمارتن ئێك ژ ب هێزترین قارەمانییان ل سەر ئاستێن جودا.
عودەی ئەلرەبیعی بۆ دەزگەهێن ڕاگەهاندنێ‌ گۆت: ب فەرمی بڕیار هاتە دان قارەمانییا وەرزێ‌ ئەڤ سالە یا جۆدۆیێ‌ ل سەر ئاستێ‌ هەلبژارتیێن عەرەبی ل هەرێما كوردستانێ‌ و هەولێرێ‌ بهێتە كرن، ئەڤچەندە هات پشتی لژنەیا فدراسیۆنا ڤێ‌ یاریێ‌ پێشتری ماوەیەكی هاتبوونە بەغدا و هەولێرێ‌، هەموو پێزانین و داتا وەرگرتبوون، دوهی ب فەرمی ڕازیبوون قارەمانییا عەرەبی ل سەر ئاستێن، پێشكەڤتی، ئۆلمپی، لاوان و تازەپێگەهشتییان بۆ كوڕ و كچان ل16 هەتا 26ێ‌ چریا ئێكێ‌ یا ڤێ‌ مەهێ‌ هەولێر مێڤاندارییا وێ‌ بكەت.
هەروەسان ناڤهاتی گۆت: ژێگرتنا باژێرێ‌ هەولێرێ‌ هات پشتی دۆڤچوونا هەموو خالێن ڕێكخستنا قارەمانیێ هاتیە كرن، ژ وانا ئارامی، ژێرخانەیا وەرزشی و سەقایێ‌ گۆنجایی، ئەڤە ئەو خالێن سەركەڤتنا قارەمانیێ‌ نە، وەكو فدراسیۆنا ئیراقێ‌ ب هەڤكاری دگەل تایێ‌ هەولێرێ‌ بەرهەڤیێن باش و جوان دێ‌ هێنە كرن و دۆڤچوونا وردەكاریێن لۆجستی هاتینە دانان ژبۆ قارەمانییەكا سەركەڤتی و حوكمەتا هەرێما كوردستانێ‌ هەڤكار و پشتەڤانە.
ل دووماهیێ‌ عودەی ئەلرەبیعی گۆت: دهێتە پێشبینیكرن زێدەتر 16 وەلاتێن عەرەبی پشكداربن و دێ‌ هەڤڕكییەكا بهێت ل سەر ناسناڤێن كێشێن جودا ژبەر هەبوونا یاریزانێن ئاست بلند ل سەر ئاستێ‌ كێشوەرێ‌ ئەفریقیا و ئاسیا، لەوما ژی وەكو هەلبژارتیێن مە دێ‌ بەرهەڤیێن باش و زێدە كەن ژبۆ هەڤڕكی بۆر ێزێن پێشیێ‌.
بۆ زانین ل دووڤ پلان و بەرنامەیێن فدراسیۆنا عەرەبی یا ڤێ‌ یاریێ‌، ل دەستپێكێ‌ باژێرێ‌ بەغدا بەربژارا سەرەكی بوو ژبۆ مێڤاندارییا قارەمانیێ‌، لێ‌ ژبەر هەبوونا ژێرخانەیا وەرزشی و ئارمامییا كوردستانێ‌ فدراسیۆنا عەرەبی هەولێرا پایتەخت دەستنیشان كر.