دیدار: رەمەزان دەشتمری/ زاخۆ
6-10
دروستە ئەم یێن هاتین بۆ ڤێرێ و ئەم یێن هیڤیا تەنە، ئەم ڕابین پێكڤە بۆ لایێ كاك كەریم شنگارێ چووین و ئەو زەلامێ ب ناڤێ ئەحمەد و دگەل دوو زەلامێن دیتر چوون دەف كاك كەریم شنگاری ڕوینشتن و ئەژی هاتین بۆ بارەگایێ ل سەر ئەركێ پێشمەرگایەتیێ مان، پشتی بوینا دوو ڕۆژان كاك كەریم گازی من كر و گوت: خۆە ئامادە بكەن و هوین دێ ل گەل ئەڤان هەرسێ زەلامان بۆ هەرێما دو ل دەڤەرا كێلەشینێ ل گەلیێ زڕوە چین، ئەوبی ئەم هژمارا چل و پێنج پێشمەرگەیان بۆ هەرێما دوو چوون و بۆ ماوێ شەش ڕۆژان ب ڕیكێ چوین هەتا ئەم گەهشتین بۆ گەلیێ زڕوە و ل وێرێ گوتن: دڤێت هوین چوار هەتا پێنج ژوران ئاڤا بكەن. مەژی دەست ب كارێ خوە كر و دكاوێ پازدە ڕژا ندا مە پێنج ژور ب ئاخێ و بەرا ئاڤاكرن، ئەڤە سالا 1978ی بی ل دەمەكی نامەیەك هات و گوت ئەو پێشمەرگەیێن خواندەڤان بلا بۆ بارەگایێ مەكتەب سیاسی بێهنە ڕەوانەكرن، ئەم هەژمارا چواردە پێشمەرگەیان بۆ بارەگایێ مەكتەبا سیاسی بین و دەست ب خولا پێگەهاندنێ هاتكرن. ل ئەوی دەمی ماموستایێن خولێ خودێ ژێ ڕازی سامی شنگاری، كەریم شنگاری، عەبدوللا سالح، ئاسو، ڕویبار. هەر ئێكێ باەتەكی تایبەت بل شەر شۆڕشێ و بزاڤا ڕزگاری خوازا گەلێ كورد پێشكێش دكرن. هەر وەسا شێوەیی خولا مە یا پێكەهاندنێ دا ب ڕۆژێ چین زێرەڤانیێ ل بارەگایی گرین و ئیڤاری دا هەر ئێك ژمە تایەكی داری بۆ ئاگری دگەل خوە ئینت. ئەڤێ خولا مە یا پێگەهاندنێ بۆ ماوێ چوار هەیڤان ڤەكێشا و هەیڤا پێن سالا 1978ی وەكی ڕێ و رەسمەكێ بۆ مە هات دەینان و خودێ ژێ ڕازی سامی شنگاری پەیڤەك بۆ خواند و گوت: ژ نوكە و پێڤە هوین كادرێن پارتی دیموكراتی كوردستان و دێ ڤێجا ئەركێ كادریێ كەڤیتە سەرملێن هەوە و خزمەتێ بكەن. پشتی بورینا چوار ڕۆژان من دیت عەبدوللا سالح گازی من كر و گوت: كا سەعدەدین تو ل گەل چوار پێشمەرگەیان خۆە بەرهەڤ بكەن و دێ بۆ جهەكێ ڤە چین. ئەم بۆ گوندێ باتێ هاتین و ل سەرێ چیایی ئاكنجی بین ل سپێدەهیەكێ ئەز و كاك هاشم بوسەلێ یێ د نوبەتێ دا مە بەرێ خوە دایێ نێزیكی سەد چەكداران كو هەر ئێك جانتەیەك و بەتانیەك یا ل سەر ملێن وان و بۆ لایێ مەڤە هاتن. هەڤالێ مە هاشم بوسەلی گازی ئەوان و گوتێ: هەین چ كەسن؟ ئەوان گوت: ئێمە خومانین و جەماعەتێن دكتور خالدی نە یێن بۆ ڤێرێ هاتین. ئەوان گوت: هوین چ كەسن: هاشم بوسەلی گوت: ئەم جەماعەتێن محەمەد خالد بوسەلی نە. چەوا هەڤالێ مە هاشم گوت: ئەم جەماعەتێن محەمەد خالد بوسەلی نە هەر ئێكسەر تەقە ل مەكرن، مە دەستدا چەكێن خوە و مەژی تەقە ل ئەوان كر، دەمێ دەنگێ تەقێ هاتی هەڤالێن محەمەد خالد بوسەلی، موستەفا نێروەیی، عریف یاسین دهاوارا مە هاتن و شەر و تەقە بەردەوامی دەستپێكر، ژ نوی مەزانی ئەو كەسەك جەماعەتێن ئێكەتیێ نە و یێن هاتین بۆ شەڕێ مە بكەن. پشتی ئەو ژ ئەوی جهی شكەستین و پاشڤە چووین و ئەمژی ل دویف ئەوانا چوین بەر لێڤا كەڤرەكێ من بەرێ خوەدایێ گەنجەك وەسا یێ جان و دەلال و تازەیە یێ برینداری و كەتی بەر ئەوی كەڤری دڕێژی ئاخێ بووی. ئەڤی گەنجی گازی من كر و دگوت: كا هندەك ئاڤێ ب دەمن؟ من گوتێ: ئەز ئاڤێ نادمەتە. ئەوی گونجی ڕۆندك هاتن چاڤان و گوت: ئەرێ بوچی تو ئاڤێ نادەی من؟، من گوتێ: هەكەر من ئاڤ داتە تو دێ مری ژبەر ئەڤێ چەندێ ئەز ناچێبت تو ئاڤێ ڤەخوی. ئەڤی گونجی گوت: ئەز مریمە ، من دل نەدا ئەز ئاڤێ ب دەمە ئەڤی گەنجی و من هێلا و ئەز چووم. بوو ڕۆژا دیتر گوتن: ئەڤە عەلی عەسكەر ب دەستێن پێشمەرگەیی هات دەستەسەركرن، پشتی عەلی عەسكەر هاتی دەستەسەركرن و بۆ دەڤ كاك سامی ڤە ئینان. سامی شنگاری گازی من كر و گوت: ئەڤە عەلی عەسكەر تەسلیمی تە و هوین دێ گوهاریێ لێ كەن، مە عەلی عەسكەر دگەل خۆە ئینا و بۆ لایێ شەتونسێ هاتین و عەلی عەسكەر ژی یێ دگەل مە و ئەم پێكڤە خوارنێ دخون و ڤەدخون و هەما وەكی دەستەسەركریانە دگەل مەدا مایی، جارەكێ ئەم یێ ل بارەگایی دڕوینشتینە خوار و منژی پرسیارەك ژ عەلی عەسكەری كر، و گوتێ كاك عەلی عەسكەر دێ پچەكێ بو مە باخڤە؟ عەلی عەسكەری گوت: هەرە ئەز بۆ بچویكا نائاخڤم، من گوتێ: راستە ئەم بچویكن بەلێ ئەم پێشمەرگەینە و پێویستی ب گوتنێن یێن وەكی تە ب تەمەن هەیە. هەر دگوتە من هەرە كەسێن ب تەمەن بیمە ئەز دگەل باخڤم هەر من دگوتێ: ئەز پێدڤی ب زانینا یێن وەكی تە هەیە. ل دوماهیێ ئەز و عەلی عەسكەر بین هەڤالێن ئێك و هەر شەڤ عەلی عەسكەر سمینارەك بو مە پێشكێش دكر، و بابەتێن سیمنارێن وی هەمی ل سەر هەستا نەتەوەیی و نیشتمان پەروەریێ بوون و هەر وەسا دگوت: دێ چەوا كوردبونێ پارێزین. ل ئەوی دەمێ پتر ژ سەد پێشمەرگەیێن ئێكەتی نیشتمانی ل دەف مە دەستەسەركری بوون، و ل دەمێ عەلی عەسكەر ڕاببا بۆ كارەكێ یان دەستئاڤەكی چووبا هەمی بەرڤە ڕادبوون و وەسا ڕێز لێ دگرتن. ڤێجا مەژی گەلەك ڕێز و تەقدیر ل كەسایەتیا عەلی عەسكەری دگرت. ل ڤێرێ مە چوار كەس ب تنێ زێرەڤانی ل عەلی عەسكەری دگرت. جارەكێ ئەم بۆ سەر ئاڤا ڕیباری چوین ئەم هەر پێشمەرگە یێن دگەل عەلی عەسكەری ل دەمەكێ كەسەك هات و قونتاخەكا كلاشنكوفێ دەینا پاتكا عەلی عەسكەری و عەلی عەسكەر كەتە سەر ئەردێ، هەما هەر ئێكسەر من خوەدا لایەكێ ل كاشیێ غەدارێ دا و من قەسێن كرێت گوتنێ عەلی عەسكەر ئێخسیرێ مە و ل پێش چاڤێن من تو ئیهانە بكی و ب قوتی. هەڤالا خوە هاتێن من كو ئەز ل ئەوی كەسی ببورم و من گەلەك ڕزیل كر، ب راستی گەلەك كەیفا عەلی عەسكەر ب هەلویستێ من هات و گەلەك باوەرییا خوە دا من و گەلەك نهێنیێن خوە ژی بۆ من دگوتن، پشتی بورینا پازدە ڕۆژان بڕیار هات دان ئەم بۆ هەرێما ل كوماتەیی بهێنە ڤەگوهاستین، دەمێ مە خاترا خوە ژ عەلی عەسكەری خواستی هەم هەمی هەمبێزكرین و گوت: خوە هەوە گولەیەك ل سەرێ من دابا بەلێ هەوە ئەز نەهێلابام. دەمێ ئەم بۆ بارەگایێ كوماتەیی هاتین و ل نیڤا شەڤێ گەشتن گوندەك یێن كوردستانا باكور و ناڤێ ئەوی گوندی ڕۆندك بوو و دكەڤت ل هنداڤی ڕوێ شین ل ناڤ گوندی بەلاڤەبین. هەڤالان گوت: هوین چوار پێشمەرگە بۆ ئەوێ مالا هە ئەوا ل تەنشتا گوندی هەڕن و لێ ببن مێهڤان. ل دەمژمێر چواری سپێدێ ئەم گەهشتن دەف ئەوێ مالێ. من گوتە هەڤالێن خۆە ئەم چ كەسان هشیار ناكەین هەتا سحارێ هەما بلا دنڤستی بن و ئەمژی دێ د ئەڤی كاڤلێ خانی دا نڤین و ئەوان ئەو ژور ژنوی ئاڤاكربی بەلێ سەرێ ئەوێ ژورێ هێشتە نەگرتیبوو. هەڤالێن مە هەما ل سەر ئاخێ خۆە درێژكرن و نڤستن و ئەز ژی مام هشیار و من نوبەت ل ئەوان گرت، دونیا بوو سپێدە و من خوادنێ مالێ دیت ژ خەو ڕابوو دا نڤێژی بكەت و گوتە من: هوین چ كەسن؟ من گوتێ ئەم پێشمەرگەینە یێن بۆ مالا تە هاتین؟ ناڤێ خودانێ مالێ عیسا بوو و گوتە من ئەڤە چ دەمی شەڤێ ەوەرە هوین هاتین. من گوتێ: ئەڤە ژ دەمژمێر چواری شەڤی یێن هاتین و مە نەڤیا ئەم تە هشیار كەین. عسیایی گوت: ئەری تو نە چ تشتێ حەمید حەفزوللایی. من گوتێ: بەلێ ئەز مروڤێ ویمە و حەمید حەفزوللا پسمامێ منە. من گوتێ تە بۆچی ئەڤ پرسیارە ژمن گر؟ عیسایی گوت: باوەربەك ل شەڤەكێ حەمید حەفزوللا ژ ئیرانێ دهات و ب شەڤێ بۆ مالا مە هات و ل جهێ ڕوینشتبی خوار و نوبەتی لهەڤالێن خوە دگرت. بەلێ ئەو یژی ئەم ژ خەو نە راکرن. بەلێ تشتێ ژتە زێدەتركری و ئەوی قورئان دخواند كو هەتا ڕۆژ هەلاتێ و پاشی بێن خوارنێ بخون. ب ڕاستی ئەوێ مالێ گەلەك قەدرێ مە گرت و بۆ خوارنا تێشتێ هینگڤین و ژاژی و هێكەڕین بۆ مە ئینا و گەلەك كەیفا خوە ب مە ڤەگر و گوت: هەكە هەوە حەمید حەفزوللا دیت سلاڤێن ب گەهیننێ، مە خاترا خوە ژ مام عیسایی خواست و ئەم بۆ دەڤەرا نێروەیا هاتین، من ڕێكێ ڤە پسمامێ خۆە عیسا ئەحمەد شەمو دیت و ئەم پێكڤە بۆ بارەگایێ كوماتەیی ڤە هاتین، ب ڕاستی ل ئەوی دەمێ ڕێكخستنا پارتی دیموكراتی كوردستان گەلەك ب هێزبی.
نيشاندان