ب دووماهی هاتنا یاریێن گەڕا 36ێ‌ و بەری ب دووماهی هاتنا وەرزێ‌ ئەڤ سالە یا خولا ستێرێن ئیراقێ‌ ب دو گەڕان یانەیا شورتە ناسناڤێ‌ خولێ‌ بۆ وەرزێ‌ چارێ‌ ل دووڤ ئێك مسۆگەر كر، ژلایێ‌ خوەڤە یانەیا دهۆك بەردەوامە ل سەر ئاست و ئەنجامێن خراب و یانەیا زاخۆ شیا ڕێزا سێیێ‌ پارێزیت و هەردو یانەیێن هەولێر و نەورۆز دناڤەڕاستا ڕێزبەندییا خولێ‌ دا جێگیر بووینە و دو یانەیێن دووماهیێ‌ پاشڤەچوونا وان بۆ خولا پلا نایاب ئێكلابوویە.
دهۆك نە ئەو وارە و نە ئەو ئەنجامە
تیما فوتبۆلا یانەیا دهۆك بەردەوامە ل سەر زنجیرا ئاست و ئەنجامێن خراب و بوویە یارییا حەفتێ‌ لدووڤ ئێك نەشیا هیچ سەركەڤتنەكێ‌ بینت، پشتی د یاریێن گەڕا 36ێ‌ یا شەمبییا بۆری ل یاریگەها رۆمادی تووشی خوسارەتیێ‌ بووی دگەل یانەیا ئەلگەرمە ب گۆلەكێ‌ بێ‌ بەرانبەر كو دبیتە خوسارەتییا 11 د خولێ‌ دا بەرانبەر 15 سەركەڤتن و نەهـ وەكهەڤییان و ئێك ڕێزبەندی پاشڤەچوو ڕێزا حەفتێ‌ ب كۆمكرنا 54 خالان، ئەڤچەندە بوویە ئەگەر جەماوەرێن دهۆكێ‌ كرییە دو بەش، هندەك چوونا ڕاهێنەری دكەنە ئەگەر و هندەك نە وەفادارییا یاریزانان دكەنە ئەگەر.
دهۆك دێ‌ سكالایێ‌ ل سەر یاریزانێ‌ خوە تۆمار كەت
د داخویانیەكێ‌ دا جاسم محەمەد حاجی سكرتێرێ‌ یانەیێ‌ و ڕێڤەبەرێ‌ تیما دهۆكێ‌ دیار كر وان مولەت دایە یاریزانێ‌ خوە پیتەر گۆرگیس كو د ماوەیێ‌ پێنج رۆژان دا ئەو ڤەگەڕیتە دناڤ ڕێزێن تیمێ‌ دا ئەوێ‌ چوویە سوید، لێ‌ كۆداتا ب كارئینا هەرچەندە مە داخواز ژێ‌ كر ڤەگەڕیت لێ‌ یێ‌ ڕژد بوو، لەوما ژی مە پێنچ رۆژ داینێ‌ ئەو ڤەگەڕیتە دهۆكێ‌ هەكەر نە دێ‌ سكالایێ‌ ل سەر تۆماركەین، ژبەركو یاریزانێ‌ مەیە هەتا خزیرانا سالا 2026ێ‌ گرێبەستا وی مایە، دێ‌ هەموو بزاڤان كەین ئەو ڤەگەڕیت بێ‌ ئاریشە ژبەر یاریزانێ‌ مەیە و مە یاریێن گرنگ ماینە.
سلێمان زەكی بووچوونا خوە دیار كر.
ژلایێ‌ خوەڤە سلێمان زەكی شرۆڤەكارێ‌ وەرزشی و یاریزانێ‌ دێرینێ‌ دهۆكێ‌ بۆ رۆژنامەیا ئەڤرۆ گۆت: خۆیاییە پشتی ب دەستڤە ئینانا ناسناڤێ‌ كۆپایێ‌ ئەو ئاست و ئەنجامێن جاران نە هاتییە دیتن، ژ حەفت یاریێن بۆری هیچ سەركەڤتنە نە ئینایە، دبیت كومەكا هۆكاران هەبیت چو تەكتیكی یان ژی هونەری یان ژی دەرۆنی، دیاربوو پشتی دەستكاركێشانا ڕاهێنەر مەسعۆد میرال چەند لاوازی دناڤ تیمێ‌ دا پەیدابوون، نە یا بەرعاقلە هەر ئەو یاریزانێن هێلێن بەرەڤانیی، ناڤەراست و هێرشبەران شیابوون ناسناڤی ببەن و نەشێن سەركەڤتنێ‌ ل سەر یانەیێن ڕێزێن دووماهیێ ببەن نموونە یانەیا دیالا یان دگەل مینا وەكهەڤبن یان یاریزانەكێ‌ نەجەف یێ‌ ب كارتا سۆر یا دوورئێخستی بیت و وەكهەڤبن دناڤ ئەردێ‌ خۆدا.
هەروەسان ناڤهاتی گۆت: دبیت هۆكارێن وەكو هاتنا خوارا ئاستێ تەكنیكی یێ هژمارەكا یاریزانان بیت كو لاوازییەك ئێخستە د هێرشاندا و گول نەهێنە تۆماربكەن، بۆ ئەگەر ژی ئەو شیان نەبن بەرگیریێ وەكو پێدڤی ژدەڤەرا خوە بكەن، چوونا راهێنەرێ تیمێ مەسعوود میرال و ئینانا راهێنەرەكێ نوو كارتیكرنا خوە یا بەرچاڤ هەبوو، ژبەركو ئەو پێدڤی ب دەمی یە هەتا خوە دگەل خولا ئیراقێ ب گونجینیت، دبیت پشت گەرمییا تیمێ لسەر چەند یاریزانان بیت كو بدرێژاهییا خولێ‌ و نەبوونا پێگهورێن سەركەڤتی.
هەروەسان سلێمانی گۆت: ژبیر نەكەین گڤاشتنێن یاریان و پاشئێخستنا چەنج یاریان ژبەر كۆپا كەنداڤی و ەكر بارێ جەستەیی یێ یاریزانان گرانتر لێبكەت دیسان بۆ ئەگەر گڤاشتنێن دەرونی ژلایێ جەماوەری ڤە لسەر هندەك یاریزانان هۆكارەكێ‌ دی بوو ئەڤچەندە ب نەرینێ‌ ل سەر ئاستێ‌ وان ڤەگەڕیا كو ئەو زاخ و مۆرالا دكۆپا كەنداڤی دا لاواز بیت، ئەڤ سالە بڤی شێوەیی چوو، دڤێت سالا بهێت هەموو كێماسییان بكەنە وانە و كار ل سەر چارەسەرییا وێ‌ بكەن.
كوڕێن خابووری گەهشتنە مرادا خوە
تیما یانەیا زاخۆ ب دەستڤە ئینانا خالەكێ‌ دڤێ‌ گەڕێ‌ دا گەهشتنە مرادا خوە ئەو ژی پاراستنا ڕێزا سێیێ‌ یە و مسۆگەركرنا پشكداریێ‌ د قارەمانیەكا دەرڤە دا، پشتی دگەل یانەیا نەجەف بێ‌ گۆل وەكهەڤبووین، ئەڤێ‌ ئەنجامی خالێن كوڕێن خابۆری گەهاندنە 67 خالان ژ 19 سەركەڤتن، 10 وەكهەڤی و حەفت خوسارەتییان، ڕاهێنەرێ‌ زاخۆ عەبدولغەنی شەهەد كەیفخوەشیا خوە دیاركر و گۆت: ئەڤ دەستكەڤتە پێنگاڤەكە بۆ باشتر خوە بەرهەڤبكەین پێنەڤێت پشتەڤانییا كارگێرییا یانەیێ‌ و سەرپەرشتێ‌ ئیدارا زاخۆ ومۆرالا یاریزانان و پشتەڤانییا جەماوەری ئەگەرێن سەرەكی بوون.
ڕاستە پشكدارییا زاخۆییان دێ‌ بۆ قارەمانییا كەنداڤی بیت؟
ل دووڤ ژێدەرێن رۆژنامەڤانی پشتی كو هاتییە بەلاڤكرن دبیت یانەیا دهۆك وەكو قارەمانا وەرزێ‌ بۆری یا كۆپا كەنداڤی بۆ وەرزێ‌ نوو دۆبارە پشكداریێ‌ د كۆپایێ‌ دا بكەت ل سەر ئەنجامێ‌ زێدەكرنا یانەیان، هەروەسان هاتییە بەلاڤكرن ژ جهێن باوەرپێكری كو دبیت یانەیا زاخۆ پشكداریێ‌ د كۆپا كەنداڤی دا بكەت خودانا ڕێزا سێیێ‌ یا خولا ستێرێن ئیراقێ‌، لێ‌ ئەڤ گۆتنە پشتراست نەبوویە، ژبەركو بەری دەستپێكرنا خولێ‌ هاتبوو زانین ئەو تیما ڕێزا سێیێ‌ دهێت مافێ‌ هەیی پشكداریێ‌ د كۆپا عەرەبی دا بكەت، لێ‌ ژبەر كاودانێن نوكە یێن رۆژهەلاتا ناڤین و شەڕێ‌ ئیسرائیل و ئیرانێ‌ هێش چو بابەتێن فەرمی ژلایێ‌ هەردو فدراسیۆنێن عەرەبی و كەنداڤی نە هاتییە پشتراستكرن.
گەڕا سەركەڤتنان بۆ هەولێر و نەورۆزێ‌
تیما یانەیا هەولێر سەركەڤتنەكا گرنگ و مەعنەوی ل سەر یانەیا جەوییە ئینا ب دو گۆلان بەرانبەر گۆلەكێ‌، دیارییا واندا ئەوا ل یاریگەها شەعب ل پایتەختێ‌ ئیراقێ‌ بەغدا هاتییە كرن و پێشڤەهاتە ڕێزا 12ێ‌ ب 47 خالان، ژلایێ‌ خوەڤە یانەیا نەورۆز ژی سەركەڤتن ل سەر كەربەلا ئینا ب گۆلەكێ‌ بێ‌ بەرانبەر و پێشڤە چوو ڕێزا 10ێ‌ ب49 خالان، ئەنجامێن یاریێن مایی، ب سەركەڤتنا شۆرتە ل سەر نەفت ئەلبەسرا 3-1 گۆلان بوو قارەمانا وەرزێ‌ ئەڤ سالە یا خولێ‌، كەرخ 2-1 زەورا، مینا 2-3 تەلەبە، كارەبا 1-1 نەفت، ئەلقاسم چنە-1 دیالا، حدود 1-چنە نەفت میسان.
كیش یانە داكەڤتنە پلا نایاب؟
ب فەرمی هەردو یانەیێن حدود خودانا رێزا 19ێ‌ ب 23 خالان و كەربەلا خودانا رێزا 20ێ‌ و دووماهیێ‌ ب 22 خالان داكەڤتنە پلا نایاب، یانەیا نەفت ئەلبەسرا خودانا 29 خالان رێزا 18ێ‌ دێ‌ دو یاریێن پاشكۆ دگەل یانەیا خودا ڕێزا سێیێ‌ یا خولا نایابا ئیراقێ‌ كەت ژبۆ مانا خوە د خولێ‌ دا.

هەلوەستێ‌ گشتی یێ‌ ڕێزبەندیێ‌ پشتی گەڕا 36ێ‌ بڤی شێوەیە.

1- شورتە 83 خال.
2- زەورا 74 خال.
3- زاخۆ 67 خال.
4- تەلەبە 60 خال.
5- جەوییە 57 خال.
6- ئەلگەرمە 55 خال.
7- دهۆك 54 خال، یارییەك پاشئێخستی مایە.
8- نەفت 53 خال.
9- ئەلقاسم 51 خال.
10- نەورۆز 49 خال.
11- نەفت میسان 48 خال.
12- هەولێر 47 خال، یارییەكا پاشئێختی مایە.
13- كارەبا 45 خال.
14- كەرخ 43 خال.
15- نەجەف 43 خال.
16- مینا 40 خال.
17- دیالا 40 خال.
18- نەفت بەسرا 29 خال.
19- حدود 23 خال.
20- كەربەلا 22 خال.

عەلی حاجی:

پشتی تیما فوتبۆلا یانەیا زاخۆ شیایی رێزا سیێ د خولا ستێرێن ئیراقێ دا مسوگەر بکەت بەری ب دووماهی هاتنا هەڤڕکیێن خولێ ب دو گەڕا، ئێدی کارگێری و تیم هزر د چاوانییا هەڤڕکیێ بۆ ناسناڤێ کۆپا ئیراقێ کەن و پلان و بەرنامە ژی بۆ هاتینە دانان، رۆژنامەیا ئەڤرۆ بووچوونا ڕاهێنەرێ تیمێ عەبدولغەنی شەهەد وەرگرتییە.
ناڤهاتی د داخویانییا خوە دا گۆت: د نوکە دا مە رێزا سیێ د خولێ دا مسوگەر کریە و چو گڤاشتن ل سەر تیما مە نابن د یاریێن بهێت دا لێ ئەم دێ کار کەین داکو بشێن ژمارەیا خالێن وەرزێ بوری دەرباز بکەین و زاخۆ بشێت بۆ ئێکەم جار د دیروکێ دا خالێن خوە بگەهینتە زێدەتری ٧٠ خالان، پێدڤیە د نوکە دا ئەم کار بکەین بۆ کوپا ئیراقێ و دڤێت ب رژدی دگەل دەستەیا کارگێریا یانەیێ کار بکەین ژ بۆ هندێ ئەم ناسناڤی بۆ زاخۆ بینن، ژ هەمی روویەکێ ڤە مە باشترین تیم هەیە و ئەم ژ هەژیترین تیمین بۆ وی ناسناڤی.
هەروەسان عەبدولغەنی شەهەد: وەکو دەستەیا کارگێریا یانەیا زاخۆ پشتەڤانیەکا باش ل تیما مە دکەت و ئەوا پێدڤی ژی بیت ل سەر تیما مە دێ ئەنجامدەین ژبەرکو چو کێماسی دناڤ تیما مە دا نینن و ژ هەمی روویەکێ ڤە ئەم ئامادەینە.

یانەیا ئەتلەتیكۆ بلباو پلانا یانەیا بەرشەلۆنا ژبۆ ڤەگۆهاستنا ستێرێ‌ وان نیكۆ وێلیامز تێكدا، پشتی سێ‌ مەهێن بەردەوام و ڕازیكرنا یاریزانی ژبۆ ئیمزاكرنا گرێبەستا یانەیا كاتەلۆنی.
رۆژنامەیا سپۆرت یا ئسپانی بەلاڤكرییە كو بۆ ماوەیێ‌ سێ‌ مەهن یانەیا بەرشەلۆنا پلانێن ڕازیكرنا ستێرێ‌ ئەتلەتیكۆ بلباو نیكۆ وێلیامزی و شیابوو 80% پلانا خوە بجهبینت و یاریزان ب مووچەیەكێ‌ سالانە 12 ملیۆن یۆرۆیان ڕازی بكەت و گرێبەست هەتا هاڤینا سالا 2031ێ‌ بەردەوامبیت، لێ‌ د دووماهی داخویانییا یانەیێ‌ دا دیاركرییە ئەو ڕژدن دەستان ژ یاریزانێ‌ خوە بەرنەدەن و گرێبەستا وی ئەوا هەتا هاڤینا سالا بهێت یا بەردەوامە نە هەلوەشینن ژبەر پێدڤییا وان ب یاریزانی، هەرچەندە یاریزانێ‌ 22 سالی حەزا بەرشەلۆنا یا هەیی لێ‌ یانەیا وی ڕێگرە.

یانەیا بایرن میۆنخ دەنگۆباسەكێ‌ خوە بۆ پشتەڤانێن یانەیێ‌ بەلاڤكرییە تێدا دیار كر ستێرێ وان جەمال مۆسیالا دێ‌ ڤەگەڕیتە دناڤ یاریگەهان دا و هنگاڤتنا وی یا مەزن نینە، ئەوا د یارییا بۆری دا بەرانبەر بۆكاجونیۆرز یا ئەرجەنتین تووشی هنگاڤتنێ‌ بووی و یاری ب سەركەڤتنا یانەیا ئەلمانی ب دو گۆلان بەرانبەر گۆلەكێ‌ ب دووماهی هاتی.
رۆژنامەیا سكای سپۆرت یا ئەلمانی دیاركر یانەیا ئەلمانی دلێ‌ هەموو جەماوەرێ‌ خوە شادكر ب دەنگۆیێ‌ ڤەگەڕیانا جەمال مۆسیالا، پشتی دیارییا بەرانبەر بۆكا جۆنیۆرز تووشی هنگاڤتنێ‌ بووی ترسەكا مەزن ئێخستە ددلێ‌ جەماوەری دا لێ‌ نۆژدارێ‌ تیما بایرنێ‌ مزگینی دا پشتەڤانان و بۆ یارییا بهێت بەرانبەر بنفیكا یا پۆرتۆگالی دێ‌ بەرهەڤبیت و هەر دوهی چوویە دناڤ ڕاهێنانان دا.

كارگێرییا یانەیا ئەی سی میلان یا ئیتالی بڕیا ردا بەندێ‌ درێژكرنا گرێبەستا ستێرێ‌ خوە یێ‌ سربی لۆكا یۆڤیچ ئەكتیڤ و كار پێ نەكەت، ئەڤچەندە ژی دێ‌ بیتە ئەگەر یاریزان دێ‌ 30ێ‌ ڤێ‌ مەهێ‌ یاریگەها سان سیرۆ بجهێلیت.كارگێرییا یانەیا ئەی سی میلان یا ئیتالی بڕیا ردا بەندێ‌ درێژكرنا گرێبەستا ستێرێ‌ خوە یێ‌ سربی لۆكا یۆڤیچ ئەكتیڤ و كار پێ نەكەت، ئەڤچەندە ژی دێ‌ بیتە ئەگەر یاریزان دێ‌ 30ێ‌ ڤێ‌ مەهێ‌ یاریگەها سان سیرۆ بجهێلیت.رۆژنامەیا لاگازیتا سپۆرت یا ئیتالی بەلاڤكرییە ل سەر نە پێكهاتنا ل سەر كۆژمەیێ‌ گرێبەستێ‌ و سستاهییا كارگێرییا یانەیێ‌ بۆ نووكرنا گرێبەستا وی بوو ئەگەر ڕێكەڤتن نە هێتە كرن و یاریزان ڕازی نەبوو مووچەیێ‌ خوە كێم بكەت ژ 500 هزار یۆرۆیان بكەتە 300 هزار یۆرۆیان، دیسان هاتنا دو گرێبەستێن گران بوها ژ یانەیا كرۆز ئۆزۆل یا مەكسیكی و بۆتاڤۆگۆ یا بەرازیلی ژی ئێك ژ ئەگەرێن دی نە.هێرشبەرێ‌ سربی شیابوو د 47 یاریێن دگەل میلانێ‌ دا 13 گۆلان بینت و ئێك ژ یاریزانێن كاریگەر بوو دگەل یانەیا ئیتالی.