زنار تۆڤی:
دوهی27 تیرمەها 2025ێ، رێورەسمێن جەژنا نوسەردئێل ل گوندێ دورێ ل دەڤەرا بەرواری بالا هاتە گێڕان و د هەمان دەم دا فەستیڤالا دویێ یا گوندێ دوورێ بۆ دەمێ سێ رۆژان هاتە گێڕان.
سەعدۆ شلیمۆن، وەلاتیەكێ گوندێ دوورێ یە، بۆ رۆژناما ئەڤرۆ گۆت: «جەژنا نۆسەردئێل بۆ مە كریستیانان تایبەتمەندیا خۆ هەیە و ئەڤ جەژنە ب جەژنا خودێ دهێتە نیاسین، د ناڤا رێورەسمێن ڤێ جەژنێ دا، ئەم ئاڤێ ل ئێكودو د رەشینین، ئەڤ سالە ژ گەلەك دەڤەرێن جودا، كریستانان پشكداری د ڤێ جەژنێ دا كریە».
گۆتژی: «نوكە ئارامی ل دەڤەرا مە هەیە، لەوما ئەڤ سالە، خەلك ژ گەلەك دەڤەرێن دیتر قەستا دەڤەرا مە كریە، ل گەل هندێ ژی ئەڤ سالە فەستیڤالا دویێ یا گوندێ دوورێ ل گوندی هاتە گێڕان، فەستیڤالا گوندێ دوورێ بۆ دەمێ سێ رۆژان یا بەردەوامبوو، ئێك ژ كارێن فەستیڤالا مە، گێڕانا جەژنا نوسەردئێل بوو، مەرەم ژێ ئەوە، خەلكێ گوندی ئێكدو بینن، دیسا ئەم فلكلۆر و دابونەریتێن خۆ نیشا خەلكی ددەین و بەحسێ پێكڤەژیانێ ل ڤێ دەڤەرێ دكەین».
نيشاندان