شاهۆ فەرید:

ب شێوەیەکێ فەرمی هەر ئێک ژ د. دیار محەمەد سەدیق وەکو سەرۆکێ فدراسیۆنا باسکێت بۆلێ و د. عەلی محەمەد ئەندامێ فدراسیۆنێ هاتنە دەستنیشانکرن، پشتی شیایین دەنگێن پێدڤی د هەلبژارتنێن دەستەیا گشتی ب دەستڤە بینن، د بەرانبەر دا سێ بەربژارێن دی یێن باژێرێ دهۆکێ نەشیان دەنگێن پێدڤی بینن، د پرۆسەیا هەلبژارتنان دا ئەوا ل پێنجشەمبییا بۆری ل پایتەختێ ئیراقێ بەغدا هاتیە کرن.
ل دۆر ڤێ یەکێ د. عەلی محەمەد کوڕێ باژێرێ زاخۆ ئەندامێ نوو یێ فدراسیۆنا باسکێت بۆلا ئیراقێ بۆ رۆژنامەیا ئەڤرۆ گۆت: پێخۆشحالم وەکو کوڕەکێ کوردستانی و خەلکێ زاخۆ شیام ببمە ئەندام د فراسیۆنا باسکێت بۆلا ئیراقێ دا و دیسان کەیفخۆشبووین ب هەلبژارتنا د.دیار خەلکێ باژێرێ سلێمانیێ بوویە سەرۆک ئەڤەژی پێنگاڤەکا دیرۆکی یە بۆ پێشئێخستن و پشتەڤانییا وەرزشا کوردستانێ.
هەروەسان ناڤهاتی گۆت: دەستەیا گشتی ب ٥٤ کەسان مافێ دەنگدانێ هەبوو و زێدەتری ٢٥ کەسان خوە بەربژارکربوو، هەڤرکی گەلەکا ب هێز بوو شیاین جێوازیەکا باش ئەندامەتیێ ب دەستڤەبینین، ئەڤە چەندە ژی ڤەگەریتە ئەوێ هەماهەنگیا دناڤبەرا یانەیێن کوردستانێ هەمی ئێک لیستە پشکداربین دەنگ بمە هاتن دانێ، چەند یانەیێن باشۆرێ ئێراقێ پشتەڤانییا مە کرن، مە پێنگاڤێن باش هەنە بۆ پێشکەفتنا باسکێت بۆلا پارێزگەها دهۆکی تایبەتی و کوردستانێ ب گشتی بەر ب ئاستەکێ بلند ببەین هەر مافەکێ وانا بیت بۆ ب دەستڤەبینم و بەرڤانیێ ژێ بکەم، بزاڤێ بکەم یاریزانێن کورد بۆ پێشەکاریی و ناڤا رێزێن هەلبژارتی سەربێخین.
هەروەسان عەلی محەمەد گۆت ژی : ئەڤە بۆ ماوەیێ چەندین سالانە بۆ تیمێن کوڕان تنێ یانەیا زاخۆ پشکدارە د خولا نایابا ئیراقێ دا، یێن ئاستێ کچا دهۆکی یانەیا سەنحاریبە و تیمەکا هەرە باشە، د دەمەکێ دا بۆ ماوەیێ حەفت سالان یانەیا دهۆک چەندین جارا بۆ قارەمانا خولێ و پشکداریێن دەرڤە هەبووینە، لێ مخابنی ڤە بۆ ماوەیێ چەندین سالانە دوورکەڤتیە ژبەر ئەگەرێن جودا، دێ بزاڤێ کەین ژ هەر لایەکێ پالپشتیا تیمێن باسکێت بۆلا پارێزگەها دهۆکێ بکەین، دێ مافێ وانا پارێزین، دێ ل گەل ئەندامێن یانەیا کۆمبین کۆ چاڤدێریا یاریزانێن باسکێت بۆلێ بکەن و بەر ب پێشەکاریی ڤەببیەن، ئەڤی ماوەیێ بۆری دا یانەیا زاخۆ چەندین یاریزان سەرئێخستینە بۆ پێشەکاریێ وهەلبژارتێن جودا یێن ئیراقێ جهێ دلخوەشیێ یە، مە نوکە سێ باشرین یاریزانێن پارێزگەهێ ل سەر ئاستێ ئیراقێ هەنە ئەو ژی فەرید رەعدی ژ دهۆکێ، مراد عەلی و زنار هشیار ژ زاخۆ هەتارادەکێ باش ئەڤە رێژەیە ژ دوانزدە یاریزانین باسکێتی ناڤا رێزێن هەلبژارتی ئیراقێ دابن، هەروەسا هیڤێن مە ژ ئەڤێ چەندێ مەزنترن و دێ پتر خزمەتا باسکێتی کەین.
ناڤهاتی دیارکر ژی: ئەم داخازێ ژ وان یانەیان دکەین ئەوێن بەری نوکە خودان تیمێن باسکێت بۆلێ دووبارە کار ل سەر بکەن و پالپشتی و هاریکاربن ل گەل مە، دا دووبارە تیمێن مە ڤەگەرنە هەڤرکێن خولا و قارەمانیا بکەن، ئەم وەکۆ فێدراسیون دێ ل گەل نوونەرێن یانەیان کۆمبین دا ئاگەهداربن و دووبارە تیمێن خوە بەرهەڤبکەن و هەر رێگری و ئاستەنگەکا هەبیت بۆ وانا چارەسەر بکەین، چونکۆ یاریا باسکێت بۆلی دووەم پر جەماوەرترین یاریە ل سەر ئاستێ ئیراقێ، من دڤێت پترترین یانەیێن پارێزگەها دهۆکێ پشکداربن خول و قارەمانێن مە، هەر تیمەکا خوە بەرهەڤبکەت و پشکدار نەبیت و خوە ڤەکێشیت خول بەر ب لاوازیێ دچیت، بگەهیتە ئەوی رادەی کێم تیم پشکداربن نەشیێ چ خول و قارەمانیا بۆ ڤەکەی، ئەم دخوازین یانە تیمێن خوە ئامادەبکەن بۆ دەستڤەئینا دەستکەفت و قارەمانیان بۆ کوردستانێ و تایبەتی پارێزگەها دهۆکێ.
بۆ زانین بۆ جارا ئێکێ یە دەستەیەکا نوو دهێتە هەلبژارتن، ئەوا هەر ژ سالا ١٩٩٦ێ ب سەرۆکاتییا حسێن ئەلعمێدی بوو، دەستەیا نوو پێکهاتینە ژ، دیار محەمەد سەدیق سەرۆک، عەلی عەبدولئەئیمە جێگرێ ئێکێ، محەمەد رەحیم جێگرێ دویێ، هەر ئێک ژ عەل محەمەد ئەحمەد، شاکر عەبۆد، ناسر عەبدولحسێن، حەسەن ئەکەرم، یسار سەیاح، عەلا جەبار، فائیز عەدنان دگەل ئەندامەکا کچ سەرا سەعەد وەکو ئەندامێن فدراسیۆنێ هاتینە هەلبژارتن.

قەیس وەیس:

ب دووماهی هاتنا هەڤڕكیێن گەڕا 24ێ‌ ژ خولا ستێرێن ئیراقێ‌ یا فوتبۆلێ‌، هەردو یانەیێن دهۆك و زاخۆ پێنگاڤەكا دی پاشڤە چوو د ڕێزبەندییا خولێ‌ دا پشتی د یاریێن خوە دا نەشیاین سەركەڤتنێ‌ بینن، ژلایێ‌ خوەڤە یانەیا هەولێر بزاڤێن پێشڤەچوونێ‌ بۆ رێزێن ئێكێ‌ دكەن و نەورۆز خوە ژ زوونا داكەڤتنێ‌ ڕزگار دكەت و جەوییە سەرێ‌ لیستێ‌ پاراستییە.
ئاست و ئەنجام د خوەجهـ نینن
تیما یانەیا دهۆك د ڕەوشەكا تایبەت دا دبۆرینیت پشتی دەست ژ كاركێشانا ڕاهێنەر عەبدولغەنی شەهەد و هاتنا ڕاهێنەرێ‌ نوو ئەحمەد خەلەف ژبەر ئاست و ئەنجامێن وێ‌ یێن نە جیگیر د خولێ‌ دا، ئێكەم یارییا ڕاهێنەری یا گەڕا24ێ‌ بەرانبەر یانەیا مینا بوو ئەوا ب گۆلەكێ‌ وەكهەڤ دەركەڤتین، ئەلهۆیێن چیا هەتا نوكە نەهـ سەركەڤتن هەنە دگەل حەفت وەكهەڤی و هەشت خوسارەتی داینە، یاریزانێن وێ‌ 27 گۆل تۆماركرینە لێ‌ 24 گۆل ل سەر هاتینە تۆماركرن، دەرئەنجامێ وانا دنوكە دا تیما دهۆكێ‌ ب 34 خالان ل ڕێزا 10ێ‌ دهێت.
داخویانییا هاریكارێ‌ ڕاهێنەرێ‌ دهۆكێ‌
د پرێسكۆنفراس دا سەعەد عەبدولحەمید هاریكارێ‌ ڕاهێنەرێ‌ دهۆكێ‌ گۆت: هەرچەندە گڤاشتنەكا ئێكجار مەزن ل سەر یاریزانێن مە هەیە ژبەر هاتنۆچوونا وان دناڤبەرا هەردو دو رۆژان ژ باژێرەكی بۆ باژێرەكی دی، یارییا چووی ئەم ژ هەژی بووین بۆ سەركەڤتنێ‌ هەكەر دادڤانی گۆلا دروست هژمارتبا، یارییا بهێت و یێن مایی هەموو بۆ مە د گرنگن، لەوما ژی دێ‌ بزاڤێ‌ كەین سنۆرەكی بۆ ژ دەستدانا خالان دانینن، بهیڤی نە بشێن دلێ‌ جەماوەرێ‌ خوە خۆشبكەین.
جەماوەرێ‌ زاخۆ توورەیە
ژلایێ‌ خوەڤە تیما یانەیا زاخۆ بەردەوامە ل سەر ئەنجامێن لاواز پشتی د سێ‌ یاریێن بۆری دا ئێك وەكهەڤی و دو خوسارەتی دایین، بوویە ئەگەر جەماوەر توورەبین و داخوازا گوهۆڕینان ژ كارگێریێ‌ بكەن، تیما زاخۆ ئەوا د یارییا بۆری دا بەرانبەر شورتە ب دو گۆلان تووشی خوسارەتیێ‌ بوویی هیڤیێن وێ‌ بۆ ڕێزێن پێشیێ‌ لاواز كرینە ئەوا ل ڕێزا چارێ‌ نوكە پاشڤە هاتیە ڕِێزا حەفتێ‌ ب كۆمكرنا 40 خالان ژ 11 سەركەڤتن، حەفت وەكهەڤی و شەش خوسارەتی هەنە، یاریزانێن وێ‌31 گۆل تۆماركرنیە و 21 گۆل ل سەر هاتینە تۆماركرن.
ئەمجەد دانپێدانێ‌ دكەت
د پرێسكونفراس داك اپتنێ‌ تیما یانەیا زاخۆ ئەمجەد عەتوان دانپێدان كر كو ئاستێ‌ وان یێ‌ باش نینە و دڤێت شاشیێن خوە ڕاستڤەكەن و گۆت: داخوازا لێبۆرینێ‌ ژ پشتەڤانێن یانەیێ‌ دكەین مە یا پێدڤی نیشان نەدا دڤێت بۆ یارییا بهێت ئەم دۆڤچوونا ئاستێ‌ خوە بكەین و شاشیێن خوە ڕاستڤەكەین، یارییا بهێت دڤێت باشتر بین و قەرەبوو بكەین، ئەم ڕژدین جەماوەرێ‌ خوە ئاشت بكەین.
هەولێر هەڤڕكا پێشەنگیێ یە
تیما یانەیا هەولێر بەردەوامە ل سەر هەڤڕكیێ بۆ ڕێزێن پێشیێ‌ سەرباری وەكهەڤییا وێ‌ د گەڕا 24ێ‌ دا بەرانبەر یانەیا نەفت میسان بێ‌ گۆل، كوڕێن كەلهە و منارە لەشكەرێ‌ باسم قاسمی ل ڕێزا سێیێ‌ دهێن ب كۆمكرنا 50 خالان ژ 15 سەركەڤتن، پێنج وەكهەڤی و چار خوسارەتییان، یاریزانێن وێ‌ 34 گۆل كرینە و 20 گۆل ل سەر هاتینە تۆماركرن.
نەورۆز ڤەگەڕیا هەڤڕكییان
تیما یانەیا نەورۆز ئەوا د یارییا بۆری دا سەركەڤتنەكا باش ل سەر مێڤانا خوە ئەلغراف ئینایی 2-1 بوو پالدەرەك ئەو باشتر پێشڤە بهێت ژ ڕێزێن داكەڤتنێ‌ د نوكە دا بهێتە ڕێزا نەهێ‌ ب كۆمكرنا 34 خالان ژ 11 سەركەڤتنان، ئێك وەكهەڤی و 12 خوسارەتی هەبووینە، 30 گۆل تۆماركرینە لێ‌ 31 گۆل ژی ل سەر هاتینە تۆماركرن.
ژ ئەنجامێن یاریێن دی یێن گەڕا 24ێ‌
دیالا 1-2 نەجەف، ئەلگەرمە 1-1 مووسل، جەوییە 1-چنە كەرخ، تەلەبە 2-1 ئەمانەت بەغدا، زەورا1-چنە كارەبا، نەفت 2-چنە ئەلقاسم.
هەلوەستێ‌ گشتی پشتی ب دووماهی هاتنا یاریێن گەڕا 24ێ‌ ژ خولێ‌.
1- جەوییە 58 خال.
2- شورتە 52 خال.
3- هەولێر 50 خال.
4- تەلەبە 47 خال.
5- زەورا 45 خال
6- ئەلگەرمە 43 خال.
7- زاخۆ 40 خال.
8- كەرخ 38 خال.
9- نەورۆز 34 خال.
10- دهۆك 34 خال.
11- نەفت 32 خال.
12- مووسل 30 خال.
13- ئەلغراف 29 خال.
14- دیالا 29 خال.
15- مینا 26 خال.
16- نەفت میسان 22 خال.
17- كارەبا 21 خال.
18- ئەمانەت بەغدا 21 خال.
19- نەجەف 12 خال.
20- ئەلقاسم دو خال.
هەڤڕكیێن گەڕا 25ێ‌ دێ‌ بڤی شێوەیی هێنە كرن.
یاریێن سوبەهی دوشەمبی
دهۆك – زاخۆ ، یاریگەها شەهید فرانسۆ حەریری ل دەمژمێر 5:30 ئێڤاری
مووسل- كارەبا، یاریگەها یانەیا دهۆك دەمژمێر 5:30ێ‌ ئێڤاری.
تەلەبە- نەفت، یاریگەها ئەلمەدینە، دەمژمێر سێ‌ ئێڤاری.
كەرخ- مینا، یاریگەها شەرار حەیدەر، دەمژمێر 5:30 ئێڤاری.
ئەمانەت بەغدا- ئەلگەرمە، یاریگەها شەرار حەیدەر, ل دەمژمێر 9:30 شەڤ.
یاریێن رۆژا سێشەمبی 31-3-2026
هەولێر- زەورا، یاریگەها شەهید فرانسۆ حەریری، ل دەمژمێر سێ‌ ئێڤاری.
شورتە- جەوییە، یاریگەها ئەلشەعب، ل دەمژمێر سێ‌ ئێڤاری.
نەورۆز- نەفت میسان، یاریگەها نەورۆز، ل دەمژمێر سێ ئێڤاری.
ئەلقاسم- دیالا، یاریگەها نەجەف، ل دەمژمێر 5:30 ئێڤاری.

د دووماهی كۆمبوونا خوە یا ئاسایی دا فدراسیۆنا فوتبۆلا كوردستانێ‌ بڕیار دا ب نە ئەنجامدانا هەردو خولا فوتسالا كچان و خولا لاوان بۆ وەرزێ‌ نوو یێ‌ 2025-2026ێ‌، ئەڤچەندە ژی ژبۆ سلامەتییا گیانێ‌ یاریزانان د ناڤا هۆل و یاریگەهان دا.د دووماهی كۆمبوونا خوە یا ئاسایی دا فدراسیۆنا فوتبۆلا كوردستانێ‌ بڕیار دا ب نە ئەنجامدانا هەردو خولا فوتسالا كچان و خولا لاوان بۆ وەرزێ‌ نوو یێ‌ 2025-2026ێ‌، ئەڤچەندە ژی ژبۆ سلامەتییا گیانێ‌ یاریزانان د ناڤا هۆل و یاریگەهان دا.د كۆنۆسا كۆمبوونێ‌ دا هاتییە، پشتی چەندین گەنگەشە ل سەر چاوانییا دەستپێكرنا وەرزێ‌ نوو یێ‌ هەردو خولێن فوتسالا كچان و لاوان گەهشتینە بڕیارێ‌ كو ژبەر بارەدۆخێ‌ نوكە یێ‌ هەستیار ل دەڤەڕێ‌ ئەو شەڕێ‌ دناڤبەرا ئەمریكا-ئیسرائیل و ئیرانێ‌، لەوما ژی ژبۆ سلامەتییا گیانێ‌ هەموو یاریزانان، بڕیار هاتە دان وەرزێ‌ نوو یێ‌ 2025-2026ێ‌ یا خولا فوتسالێ‌ ل سەر ئاستێ‌ كچان دیسان خولا لاوان بۆ ژیێن لبن 19 سالی بۆ وەرزێ‌ ئەڤ سالە نە هێتە كرن.هەروەسان د ناڤەڕۆكا كۆنۆسێ‌ هاتییە، دێ‌ ل دووڤ كاودانێن نوكە بین، بتنێ‌ ئەو یاریێن مایی د خولا پلا ئێك دا زووترین دەم ب دووماهی بهێن كو بتنێ‌ سێ گەڕ ماینە و دێ‌ بێ بەرهەڤبوونا پشتەڤانان بیت، هەروەسان ژبەر كاودانێن نوكە مە بڕیار دایە خولا پلا دو ژی بۆ مەها تەباخا بهێت دەستپێبكەت، ئەڤ بڕیارە هاتینە پەسەندكرن ژبەر كاودانێن نوكە و دێ‌ چاڤەڕێ‌ رۆژانێن داهاتی بین و كۆمبوونێن مە بەردەوامبن ژبۆ هەلسەنگاندنا پێشهاتەیان.