نارین حەمید سەبیح
ڤینێ ب دلەکێ تژی ئاخینکەکا کویر ڕاهێلا و دیمەنێ ساتێ نەخۆش وەکی ڕۆژێ هاتە پێش چاڤان، ئەو یا دگەل خوە پست پستێ دکەت و دبێژیت: من شاشی کر، ڤیابا من ب وی ڕەنگێ زڤر ڕەفتار دگەل هەڤالا خوە نەکربا؛ ژبەرکو ئەو کارێ وێ کری ب مەبەست نەبوو، هیڤیخوازم زوی ببیتە ڕۆژ و ئەز وێ ببینم، دا داخازا لێبورینێ ژێ بکەم.
پشتی کو زەراتییا ڕەنگێ ڕۆژێ لسەر دێمێ ڤینێ نەخشی، دێ بێژی ئەو بالندەکا چەنگ ڤەكری، وەکی برویسییێ خوە کارکر و خۆ نێزیکی مالا خوەشتڤییا خوە سازێ كر.
سازێ ب دلخوەشی ڤە ب خێرهاتنا وێ کر، ڤینێ ب گەوریەکا کزگریۆکی ڤە لێبۆرین ژێ خواست و گۆتێ: حەژێکەرا ڤەخوارنێن گەرم نینم، بەلێ ئەو کۆپێ ددەستێن تەدا ب شاشیڤە هاتییە شکەستن دیاریا داپیرا من یا خوەشتڤی بوو، مەرەما من ب وان ئاخفتنێن زڤر شکاندنا دلێ تە نەبوو، هەروەک شکاندنا کۆپێ من، ب تنێ من دڤییا بۆ تە دیاربکەم کو هندەک بیرهاتن پیرۆزن و هیچ مال و مولکەکێ دنیایێ نەشێن ڤالاهییا وان تژی بکەن.
سازێ ب خەمگینی ڤە بەرسڤا ڤینێ دا و گوتێ: دبیت ئەڤ شاشییا من دوماهیک مامۆستایا من بیت؛ ژبەرکو ئەز فێرکرم بێی دەستویری دەست نەکەمە هیچ تایبەتمەندیێن کەسەکی، خۆ ئەگەر ئەو کەسە چەند ژ مرۆڤی نێزیک بیت.
ڤینێ بۆ خوەشکرنا دلێ وێ بگڕنژین ڤە گۆتێ: وانەیەکا دی دڕێدایە گوهداربە؛ ئەی هەڤالا من، ئەم ب هزارەهان پێناسەیان ددەینە ژیانێ لێ کاودان وەکی وێ زلەها هندەک ناڤچاڤان دنەخشیت پێناسەیەکا نوی تۆماردکەن، پشتی بۆرینا هەفتییەکێ ژ وێ هەڤدیتنێ، چاڤێن سازێ ب ئاوازێ كەفت، ئاواز هەڤالا هەردویانە، ئەوە یا كو بابەتان مەزن دکەت، ئاوازێ گۆتێ: ئەوێ ژتە ڤەشارتبوو هەی خشیمێ، خوەشتڤییێ وێ ئەو کۆپە دیاری دابوویێ.
نيشاندان