سالار محەمەد دۆسكی:
7-7
پێشمەرگەیێ هەر دو شۆرەشێن ئیلۆن و گولانێ عەلی محەمەد عبدولرەحمان عەلی بێدهی، دیاركر كو دژیانا خوە یا پێشمەرگایەتیێ دا گەلەك جاران ب دیتنا خودێ ژێ رازی مەلا مستەفا بارزانی شاد بوویە، بەحسێ ئێكەم دیتنا خوە دكەت و گۆت: ل سالا 1973ێ ئەم هاتینە هنارتن بۆ خولا كادران و خولا مە یا هژمارە چار بوو و پشتی خولا مە ب دووماهی هات (فەرەنسو حەریری) خودێ ژێ رازی بیت سەرەدانا مە كر و گۆت هەوە چ دڤێت گەلی كادران؟ ل ناڤ كادران كەسێن ژ هەمیان زیرەكتر بۆ ئاخفتنێ ئەز و (شێخ عەلویێ) شاریا بووین و گۆت هەوە چ دڤێت؟ من گۆتێ شێخ چ بێژینێ؟ وی گۆت بێژێ بچینە دەڤ (مەلا مستەفا بارزانی) من گۆتێ مامۆستا مە دڤێت بچینە دەڤ (مەلا مستەفا بارزانی) گۆت بلا و سەرچاڤا و پشتی بورینا دو رۆژا ترۆمبێل بوومە ئینان و بارەگایێ خول ل (ناوپردان) بوو و بارەگایێ (مەلا مستەفا بارزانی) ل (دیلمان) بوو، ئەم پێن لق بووین و لقا مە ئەم نێزیكی (13) كاداران بووین و ئەم چووینە دەڤ (مەلا مستەفا بارزانی) ئەم چووین ل بن چادرەكێ یە و مە سلاڤ كرێ و ئەم رونشتینە خوارێ و پائیزەكا درەنگ بوو و سەقایێ دنیایێ یێ سار بوو و (مەلا مستەفا بارزانی) خودێ ژێ رازی بیت هەر ئێك ژ مە جگارەكا تیتنێ دایێ (سەید بورهان) خودێ ژێ رازی بیت جگارا خوە بەردایێ وی هزر كر تیتنا وی یا نەرمە و قورمەك لێدا و بۆ كوخ كوخاوی و رەحمەتی (مەلا مستەفا بارزانی) گۆتێ زیخو خوە پاڤێ دەری ئێكسەر دەركەفت و هەر كوخی و مە جگارێن خوە نەبەردانێ، (مەلا مستەفا بارزانی) ل وێ روینشتنێ دا گەلەك شیرەتێن جوان و ب مفا ل مەكرن، گونەها مللەتێ كورد ل سوكرا هنگو دایە باوەر بكە هوون خیانەتێ بكەن خودێ دێ ئیتافێ ل هەوە كەت و هشیاربن چاڤێ هەوە ل هەژاران بیت و گۆت هەژار یێن من و هەوە نە و دەسپێكێ گونەها وان ل سوكرا هەوە دایە و پاشی سوكرا من دایە چونكە ئەز پێزانینا ژ هەوە وەردگرم و هوون پێزانینا ژ خەلكی وەردگرن و لەوما گونەهـ ل دەسپێكێ ل سوكرا هنگو دایە و ئەز دورترم ژ هەوە و هوون دێ عەزابا مەزنتر خوون و ئەمانەت هوون و باشی و ئەمانەت هوون و مللەتێ مە.
هەمان پێشمەرگە گۆت: مامۆستایێن مەیێن خولێ پێك هاتبوون ژ (د.محمود ئوسمان، شەكیب عەقراوی، عەزیز عەقراوی، جوهەر نامق سالم، حەبیب محمەمەد كەریم، رەشید عارف، عەبدولخالق) بوو
پێشمەرگەیێ هەر دو شۆرەشێن ئیلۆن و گولانێ عەلی محەمەد عبدولرەحمان عەلی بێدهی، بەحسێ كارێ نوژداریێ دكەت و گۆت: ئێكی دگۆتنێ عبدولجەبار دەمەكی دەرمانخانە ل مالا مە دانا بوو ل گوندی و نەتەوە عەرەب بوو و ئەوی گۆتی وەرە دێ تە فێری دەرمان و دانانا دەرزیك و تشتێ گرێدایی ساخلەمی یا مرۆڤان كەم و گەلەك ژێ فێربووم و دووڤ (محەمەدێ حەسنێ شانەی) ئینا ئەڤێ مەیێ بێدهی و ماوەكێ خوش ئەز ل گەل وی ژی بووم و دووڤدا (موشێ) هات ماوەكی مامە ل گەل وی ژی و پشتی ئەم چووینە ئیرانێ ئەم هاتینە رەوانەكرن بۆ خولەكێ ل نەخوشخانا (فەیروزگەل) ئەم چووینە پشكا (قەنستیت و پەرەستەری عالی) و نێزیكی شەش هەیڤان ژی من ل وێرێ خول وەرگرت و ب سەركەفتیانە دەرباز بووم و دووڤدا جارەكا دی ئینامە (كەرەج) و هاتمە رەوانەكرن بۆ پشكا (جراحیێ) دووڤدا ئەم ژ وێرێ هاتین و حوكمەتێ ئاگەهداركرین كو دەرمانخانەك ڤەكریە و گۆت دێ تە هنێرینە وێرێ وەك سەرپەرشت ل سەر چەند كارمەندان من لێبورین خواست من گوتێ ئەز ئیراقی مە و ئەو خەلكێ ئیرانێ نە، ئەوا گۆت نابیت دڤێت بچیە وێرێ و ئەز سالەكێ چوومە وێرێ و چەندین رێنمایێن گرێدایی دەرمانا من نیشا ئەوا كارمەندان دا و سەرەدەریكرن ل گەل نەخوشان و چەندین رێنمایێن ساخلەمیێ من نیشادان و دانا دەرزیكا و گەلەكا هێلان و گەلەكا ژی گوهداری یا مە نەدكر و پشتی بورینا سالەكێ دوبارە ڤەگەراندمە نەخوشخانا مە نەخوخانا مە ناڤێ وێ(دەرمەگایێ شەهید پێشتی) بوو، ئەز گەلەك نێزیكی خودێ ژێ رازی مەلا مستەفا بارزانی بووم هوسا وەك نوژدارێ وا دهاتمە هژمارتن.
پێشمەرگەیێ هەر دو شۆرەشێن ئیلۆن و گولانێ عەلی محەمەد عبدلرەحمان عەلی بێدهی، بەحسێ نەخوشترین رۆژێن ژیانا خوە دكەت و گۆت: دژیانا خوە دا من گەلەك رۆژێن نەخوش دیتی نە بەلێ یا ژ هەمیان نەخوشتر دەمێ بابێ من هاتیە دەستەسەركرن و پشتی ژ ئیرانێ ڤەگەریایم من گەلەك بزاڤكرن بابێ بخوە ب هژمێرم شەهید و نەدانا شەهید و بەرامبەر هندەك بووینە شەهید نە پێشمەرگە و نە پارتی و نە چ نەبوون و كەربێن مرۆڤی گەلەك ڤەدبن و ئەڤە تشتەكێ نەخوشە.
هەمان پێشمەرگە گۆت: خوشترین رۆژا ژیانا من دەمێ سەدام ل سەر دەست هەلاتێ نەمایی و حزبا بەعس هەرفرتی و ئێدی من هەست پێكر كو ئەم دێ ئارام ژین ل كوردستانێ و نەخوشی ب دووماهی هاتن.
ل دۆر نەخوشترین رۆژێن ژینا خوە ژی، هەمان پێشمەرگە گۆت: جارەكێ ئەز و (فوئاد عەبدوللا) مرۆڤێ منە ئەم هەر دو ل جەولێ نە ل دەڤەرا (بەرێ گارێ)ئەم چووینە (مژێ) بارانەكا هوسا دژوارا دهێت و نێزیكی ئێڤاری یە و ئەم چووینە مالا (سادق) گەلەكێ جامێر بوو و مالا وی ل (مژێ) بوو و ئێكێ دی هەبوو ناڤێ وی (محەمەد) بوو و مالا وا وێڤەتر بوو و كورێ وی هاتمن سەحكرێ سەرۆ و سیمایێن وان نە دروستن و من شك برنێ بەلێ من بێ دەنگی هەلبژارت و سحبەتێن مام (سادق) نە وەك سحبەتێن بەرێ بوون و ئێكجار دلێ من ب شك كەفت و من گۆت بخودێ ئەڤان تشتەكێ هەی بەلێ چیە ئەز نوزانم و ئەز دەركەفتمە ژ دەرڤە و من گازی (محەمەد) كر من گۆتێ چ هەیە ل ڤارا؟ گۆت چ نینە ما دێ چ هەبیت ئەز چ نوزانم و ئەڤ رودانە ل سالا 1967ێ بوو و من گۆتێ ئەزێ بەرێ خودەمە سەرۆ و سیمایێ هەوە نەیێ نورمالە وی ژی گۆت ئەژی نوزانم، دووڤدا من ژی سوحبەتەك ل گەل وان كر و من گۆتێ ئەم دێ چین و ئەوان گۆتن دێ كیڤە چن؟ من گۆتێ ئەم دێ چینە (كەڤنە مژێ) ئەز دێ دەربازبم چمە دەڤەرا (دەشتا زێ) ئەوا گۆت بلا پا كەیقاتەیە و ئەم رابووین و موغدارەكێ ئەم چووین ل پشت گوندی را زڤرین و من گۆتە هەڤالێ خوە بێ دەنگ بە و نە ئاخفە و ئەگەر من تشتەك گۆت نە بێژە ئەڤ رێكا مە نینە چونكە ئەز چێتر ژ تەزانم و ئەم هاتین و مە گوند ب دووماهی ئینا و دێرەك دكەڤیتە دناڤبەرا گەلیێ بیێ ل دێرەشێ دێرەكا كەڤنە و بارانەكا هوسا یا دهێت ئەم یێن بووینە ئاڤ و من پرسیاركریە كا دێ چەوا و ب چ رێك دەربازبین و دگۆتن پرەك هەیە ل نێزیك دێرەشێ بخوویە و بەلێ دارەك بتنێ یە و ئەگەر هوون دشارەزا نەبن ل سەر وێ پرێ را نەچن و ئەم هاتینە سەر پرێ و هندی بەرێ خودەینێ پر گەلەك یا بلندە و من خورا نەدیت دەربازبم و من گۆت ئەگەر ئێك دڤێ پرێ دا بكەڤیت ئەگەر چ لێ نەهێت دێ ژ ترسادا بزدیت چونكە ئەو پر گەلەك یا بلند بوو و من گۆتە (فوئاد) تو هەرە وی گۆتە من تو هەرە و مە ب شیتكێ خوە پێكڤە گرێدا و من گۆتێ ئەز ل دەسپێكێ دێ چم و من تڤەنگا خوە ب ستویێ خوە ڤە دانا و سەر زكی و ب زعفێ هێدی هێدی چووم و دەرباز بوومە ئالیێ دی و كاك (فوئاد) ژی نەچار بوو هاتە ئالیێ دی و من گۆتێ دا بووتە بێژم گۆت بەلێ من گۆتێ ئەم ل ڤی گوندی ژی ناراوستین دێ چینە (رەزیكێ) خو عاجزكر و گۆت ئەم كەتین من گۆتێ نینە ئەم كەتین ئەم نەچارین دڤێت ئەم ل ڤی گوندی نەراوستین و ئەم چووینە گوندێ(رەزیكێ) جامێری بەرپرسێ وان گەلەك قەدرێ خوە گرت و بوومە سوپە هەلكر و ئەم ماینە ل دەڤ سوپێ و دەمەكی خەوا من هات و جهێ من دانا و ئەز رازام و پشتی دەربازبوونا دەمەكی نێزیكی دەمژمێرەكێ مە گوهلێ بوو دەنگێ دەرگەهی هات و گازی كرە خودانێ مالێ و من ژی گۆتە خودانێ مالێ هلو ئێكێ ل دەرگەهی دەت و ئەوی گۆتە من كیە؟ من گۆتێ ئەز نوزانم و ئەگەر من زانیبا دا بێژمەتە فلان كەسە و ئەز مامە دناڤ جهێ خوە دا و خودانێ مالێ چوو دا دەرگەهی ڤەكەت ئەز رابووم من تڤەنگا خوە بەرهەڤ كر و زڤری و گۆت دو زەلام ژ (مژێ) هاتینە یێ دبێژن نوزا (20) مال چەند ژ (مژێ) چووینە (ئامێدیێ) و من گۆتێ باشە مام ئەز سوپاسی یا تە دكەم، پشتی بورینا چەند سالان و دەمێ مە ئاهەنگێن نەوروزێ ئەنجامداینە ل سالا 1970ێ ل (مێرستەكێ) ئەز هاتم من (عزەتێ مالا قیتێ) من دیت گۆت (عەلی) من گۆتێ بەلێ گۆت بخودێ تو كەڤت بوویە بەر تڤەنگا مە بەلێ مە دەینەكر، ل وەختێ خوە (ئەحمەدێ حجی شەعبانی، سەعیدێ حەجی شەعبانی) گرتی بوون ل ناڤ گوندێ مە پتر ژ (15) زیندانیان و ئەڤە د دەستێ پێشمەرگەی دا بوون و ئەز چوومە دەڤ بەرپرسێ زیندانیان و من گۆتێ( ئەحمەد و سەعید) دێ هێنە دەڤ مە و دێ ژوورەكێ دەمە ڤێ و بەرپرسی گۆتی دێ ل سەر بەرپرسایەتی یا خوە بەی من گۆتێ بەلێ دێ ل سەر بەرپرسایەتی یا خوە بەم و من برنە مال و من گۆت بلا ل ناڤ عەرەبا نەبن و نێزیكی دو هەیڤان مە چاڤێ خوە دایێ و ئەو (عزەت و باقیێ سەلیم) ل گەل بوون و دووڤدا هاتنە ئازاكرن و (ئەحمەد) ئەو گۆتن دێ فرێكەینە ناڤ نێروەی یا و پشتی ڤەگوهاستینە ناڤ نێروەی یا ئێدی مە چ ژێ نەزانی كا چ لێ هاتن و (عزەت) گۆت ژ بەر (ئەحمەد و سەعید)ی مە نەهێلا ئەگەر تو و هەڤالێ خوە هەر دو دا هێنە كوشتن.
ل دووماهیێ پێشمەرگەیێ هەر دو شۆرەشێن ئیلۆن و گولانێ گۆت: گەلەك سوپاسی یا ستافێ رۆژناما ئەڤرۆ دكەم بۆ ڤێ ماندیبوونێ و دیسا سوپاسی یا سەنتەرێ كوماتە دكەم بۆ خزمەتكرنا كەسێن خزمەت و خەبات كرین بۆ ڤی مللەتی و باشترە چاڤێن وان ل مرۆڤێن وان بن و ئەوێن ل گەل و پاشی چاڤێن وان ل ئەڤێن دی بیت و نەچارم ڤێ ئاخفتنێ بێژم.
نيشاندان