سالار محەمەد دۆسكی:

2- 3

ئەو ئاڤاهی یێ‌ كەڤن بوو و دو قات بوو و نێزیكی (12) ژورا ل قاتێ‌ خوارێ‌ بوون و نێزیكی (12) ژورا ل قاتێ‌ سەری بوون و ژوورەك د ژوورەكێ‌ دا بوو و ل وێرێ‌ مرۆڤی چاڤەرێی مرنێ‌ دكر، و جهێ‌ سێدارەدانێ‌ بخوە ژی نێزیكی مە بوو دگۆتنێ‌ مەخسەد و دناڤبەرا جهێ‌ سێدارەدانێ‌ و جهێ‌ من نێزیكی (50) مەتران بوو و ئەگەر ماوێ‌ (45) رۆژا مرۆفی هیڤیەك هەبوو ب مینت لێ‌ گەل (45) رژ دەربازبوون مرۆف هەر گاڤەكێ‌ یێ‌ چاڤەرێی هاتنا جەلادان بوو بۆ سێدارەدانێ‌ و سالا 1984 دەربازبوو و كورد كێم دهاتنە سێدارەدان و زێدەتر عەبێن شیعە بوون و رۆژەكێ‌ هاتن هەندەك برن بۆ سێدارێ‌ و ئەوێ‌ رۆژێ‌ چار كورد دناڤ دا بوون ئێك شەمب بوو دوشەمب بوو و رۆژا چارشەمبی هاتن (21) كورد بۆ سێدارێ‌ برن و ئەم (900) كورد ژور ڤە بوون و هەر (900) برن سێدارەدان وبتنێ‌ ئەم (6) كەس ماین و پەنجەرەكا پلێتكری یا بچوویك و دناڤبەرا بلوكی و پلێتی پیچەكا دەرزێ‌ هەبوو و سەعتەك مە تێختە وێ‌ دەرزێ‌ دەرگەهێ‌ مەشنەقێ‌ تێدا دەردكەفت و مەزانی دەمێ‌ دبرنە ژور ڤە سێدارەدان و دكرنە ترۆمبێلێن نەخوشخانێ‌ ڤە و دەرتێخستن و دئەڤی دەمیدا (900) هەڤالێن من ل دەف من سێدارەدان، رۆژەكێ‌ هاتنە بەردەرگەهی و بزمانێ‌ عەرەبی گۆتن (عادل یاسین محەمەد) من گۆتێ‌( كامل یاسین محەمەد) چوو ژ دەرڤە و زڤری و ئێكسەر گۆت وەرە ژ دەرڤە و دەرگەهێ‌ شفشا ڤەكر و دەرخستم و دەمێ‌ دەركەتیم من دیت ئەڤە ئەو كەسە ئەوێ‌ مرۆڤان سێدارێ‌ ددەت و من و هەڤالێن خوە هەمیا زانی كو ئەفە برمە ژورا سێدارێ‌ و دهێمە سێدارەدان و هەڤالێن من پشت من سورەتا فاتحیە دانا سەر روحا من و گۆتن (كامل) چوو و دەستێ‌ من زنجیركرن و برم و برمە جهێ‌ سێدارەدانێ‌ و برمە قورنەتەكی و دناڤبەرا قورنەتی و جهێ‌ سێدارێ‌ بتنێ‌ مەترەكە و چەند خولەكێن كێم مان، و دوڤدا هاتن و زڤراندمە ژوورەكێ‌ و مێزەكا بێ‌ سەرۆبەر و كورسیكەك و تێلەفونەك ژی ل وێ‌ ژورێ‌ بوون، و پشتی ماوەكی من دیت دو كەسێن زەلام باش ب ژوور كەفتن و ب زمانێ‌ عەرەبی ئاخفتن و من گۆتێ‌ زمانێ‌ عەرەبی نوزانم گۆت تو من نیاسی؟ من گۆتێ‌ نە خێر گۆت ئەز ئەو كەسم ئەوێ‌ ل ئەمنا گشتی تە گۆتیە من ئاڤێ‌ بدە من و ئاخفتنێن كرێت گۆتن و گۆت تە ژیانا خوە تێكدا و گەهشتیە (ئدریس و مەسعود بارزانی) هاتن و چوون دناڤبەرا وەلاتان دا و كارێن نەقانوونی و ئەڤرۆ كەفتیە دناڤ دەستێن حوكمەتا ئیراقێ‌ دا، و ئەوێ‌ دی گۆتە من تە ئەڤرۆ سێدارە بدەین یان سوباهی؟ من گۆتێ‌ چ جێوازی نینە ئەڤرۆ بیت یان سوباهی، پاشی ئەوێ‌ دی گۆتێ‌ بەلا خوە ژێ‌ ڤەكە و كاغەزەك و پێنوسەك دانە دەف من و گۆت ئیفادێ‌ خوە بنفیسە من گۆتێ‌ زمانێ‌ عەرەبی نوزانم، گۆت ب كوردی بنڤیسە و من ژی نڤێسی و ل بەرا ئەوی دەرگەهەكێ‌ داری ب دیواری ڤە ڤەكر، و قائیش تێدانە و ئەو قائیش ئەون دەمێ‌ مرۆڤی سێدارەدەن تێخنە پێن مرۆڤی ل سێدارێ‌ دا مرۆڤ نەشێت چ لڤینان بكەت و قائیش كەفتنە وێرێ‌ و من هزر كر نوكە دێ‌ ئەوان قائیشا ئێخنە پێت من، و نێزیكی دەرگەهی مە و ئەز هەرێ‌ ئەڤان هزرا دكەم، و دوڤدا گۆت تو جگارا دكێشی ؟ من گۆتێ‌ بەلێ‌ دكێشم بەلێ‌ ژور ڤە قەدەغە یە، وی دەمیدا باب و مامێ‌ من ل گەل ئێكی دی دگۆتنێ‌ (حجی عەبدلڕەحمان زێوەیی) یە چووینە مالا وی ئەف كەسە بەرپرسێ‌ ژورا سێدارەدانێ‌ یە و ئەف كەسە فائیلا دبەتە بەرسینگێ‌ (سەدام حسێنێ‌) ئەو دبێژیتێ‌ كا سێدارە بدەین یان نە، ووی دەمی دا باب و مام و ئەوێ‌ مرۆڤێ‌ مە چووینە مالا وی و دایكا وی گۆتیێ‌ شیرێ‌ من ل تە حەرام بیت ئەگەر تە شیان هەبن تو بۆ ئەڤان مرۆڤان نەكەی، و هاتە دەف من بەلێ‌ ئەف چیرۆكا هاتنا باب و مامێن من بوو من نەگۆت كو یێ‌ بزاڤێن ئازادكرنا تە دكەن، و جگارەك داف من و گۆتە كەسێ‌ دی ڤی ببە جهێ‌ وی دەمێ‌ هاتمە هەڤالێن من دیت جگارە د دەستێ‌ من دایە و ب نیشانا گۆتنە من جگارێ‌ ب دوماهی نەئینە و من جگارە داف هەڤالێن خوە و هەر ئێكێ‌ چەند قورمەك لێدان و هاڤێتن و نێزیكی دەمژمێر یازدە یە و گەلەك جاران ئەگەر دەمژمێر یازدە گازی مرۆڤی دكەن و نێزیكی دەمژمێر چارێ‌ مرۆڤی سێدارە دەن من گۆت ئێك ژ ئەڤان كەسان دێ‌ ئەزبم و دەمژمێر سێ‌ و نیف هەمی هەڤال هاتنە سەرێ‌ من و گۆت كامل ئەم هاتینە ڤێرە بۆ سێدارێ‌ و دلێ‌ خوە نەهێلە و دەمژمێر 11 یە و هەتا دبیتە چاركێم 10 خولەك و دێ‌ چەوا دەم چیت و دێ‌ چەوا جەلات هێن مرۆڤی بەن و ئەگەر مرۆڤ ل شەرەكی بیت و گولەك ب مرۆڤی بكەت رەنگە تشتەكێ‌ سرۆشتی بیت بەلێ‌ ئەڤە توزانی دێ‌ گاەكا دی هێن تە سێدارەدەن یا نەخوشە بۆ دەمژمێر 4 كێم 10 خولەك من دیت ئەمن و هەوالگێری و جەلاد و هەر هەمی ب ژور كەفتن و كەلامچە د دەستی دانە و لیستەكا ناڤا د دەستی دایە و دیسا هەڤال ل گەل هاتنا ئەڤان مرۆڤان هاتنە سەرێ‌ من و (25) ناڤێن كوردان خواندن، و ناڤێ‌ من نەهاتە خواندن و مە دكونێ‌ را تەماشەكرێ‌ هاتنە سێدارەدان و ب ترۆمبێلان ڤەگوهاستن و من نەزانی ئەڤە چ بوو و من هزر دكر دێ‌ ناڤێ‌ ئێكێ‌ یێ‌ من بیت و ژ ئەنجامێ‌ مانا ن ل وێرێ‌ گەلەك جاران دگۆتن ئەگەر ئێڤاریا هندەك دبەن و هندەك بمینن مەغرەب و پشتی مەغرەب دهێن ئەوان دبەن، و من گۆت دێ‌ مەغرەب ههێن من بەن سێدارەدەن و (56) رۆژا مامە دڤی حالی دا و جارەكێ‌ ئەم بووینە (900) و جارەكێ‌ بووینە (800) و جارەكێ‌ بووینە (6) و جارەكێ‌ بووینە (5) و هەمی سێدارەدان و ئەم تێكل بووین كورد عەرەب بەهدینی و سورانی و ژوورا بچیك بوو، و خوارن و نڤستن و دەست ئاف هەمی ل گەل ئێك بوو و گەلەك جاران گوینیك بووم تینان و مە ب چەنجەران ڤە دگرێدان و ئەم چووینە دئەوان جولانكاندا و گەلەك جاران هەر ئێك ل قورنەتەكێ‌ ژوورێ‌ بوو، و شپێر ڤە هەتا ئەڤێن ل خوارێ‌ بهێنا خوە ڤە دابان و نڤست بان وەكی زێرەڤانیێ‌ مە دگرت، و (56) رۆژێن من ڤەكێشان و ئەو كەس هەمی برنە سێدارەدانێ‌ بوونە شەش هەیڤ و 17 رۆژ ئەز ل وێرێ‌ ڤە و ئێك ل وێرێ‌ بوو خەلكێ‌ كەربەلا بوو دگۆتنێ‌ (ئەبو زێن) نە سێدارە دا و نە دەرتێخست و ئەو شەش سال بوو ل وێرێ‌ ڤە و برایەك هەبوو قائید فرقە بوو و سێدارەدانا وی گیرودكر و ژوورا وی بەرامبەر ژوورا من بوو و من جارەكێ‌ گۆتێ‌ (ئەبو زێن) دڤی ماوێ‌ تو ل زیندانێ‌ دا هەتا نوكە چەند كورد هاتینە سێدارەدان وی گۆت هەتا (11) هزار ناڤا من نڤێسی نە.
زیندانییێ‌ سیاسی زێدەتر بەحسكر و گۆت: دەمێ‌ هاتین و ناڤێ‌ من خاندین و دەرخستیم وی دەمی هەر دو هەڤالێن من مانە ژوورەكا دی ڤە و چووم من خواترا خوە ژ ئەوان خواست و من هزر كر ئەڤە هاتیە دووبارە دێ‌ من بەنە سێدارێ‌ و من و (محەمەد سالح) خوە كێشا ئێك و دو و ئەو دژوور ڤە بوو و ئەز ل ژوور ڤە بووم و دانا من دانا من و ئەم ژێك چووینە پاش و دەرخستم و دبینم كوستەرەك و ئنزباتەك ل وێرێ‌ یە و گۆتە من ب سەركەڤە و ئەز چوومە كوستەرێ‌ دا و ئەو كەسێ‌ مرۆڤان سێدارە دەت هات ب رەخ من ڤە روونشتە خوارێ‌ و كوستەر چوو و دەمێ‌ كوستەر چووی من هزر كر ئەڤان دڤێت ڤەكولینەكا دی ل گەل من بكەن و ترۆمبێلا دچیت و دەمەكی من دیت چێكریە (ئەبو غرێب پشكا سزایێن تایبەت) جهێ‌ وانە ئەوێن سزا ل سەر دهێتەدان و ئێكسەر برمە رادەستی ئیدارا وی جهی هاتمەكرن.
و ئەو كەسێن دی ڤەگەریان و پشتی چەند خولەكان گازی من كر و برمە ژوورەكێ‌ ڤە و زمانێ‌ منێ‌ عەرەبی ژی نەیێ‌ باش بوو و ئەوی گۆت تە پاشەرۆژ و ژیانا خوە تێكدا و گەلەك ئاخفت و گۆت دلێ‌ سەرۆك كوماری چەندێ‌ مەزنە و سزایێ‌ تە ژ سێدارێ‌ هاتە گوهورین بۆ هەتا هەتایێ‌ و دەمێ‌ كوستەرێ‌ دا و ئەوێ‌ سێدارێ‌ ل تەنشت من گۆتە من سزایێ‌ تە هاتە گوهورین ژ سێدارێ‌ بۆ هەتا هەتایێ‌ بەلێ‌ كی دێ‌ باوەركەت و دەمێ‌ سزا بهێتە گوهورین بۆ هەتا هەتایێ‌ هەچكو تو چوویە مالا خوە و ئەو كەسێ‌ ژوور ڤە گۆت بتنێ‌ مە مەرجەكێ‌ هەی دێ‌ ژ سێدارەدانێ‌ بیە هەتا هەتا من گۆتێ‌ شەرتێ‌ هەوە چیە؟ گۆت حەفتیێ‌ دو راپورتان دناڤ زیندانیان دا بووو مە چێ كەی كا كی چ دكەت و چنا كەت و چ بێژن ئانكو بڤی رەنگی دێ‌ بمە زەلامێ‌ ئەمنێ‌ دناڤ زیندانیان دا و من دلێ‌ خوە دا گۆت ئەڤە چ بێژن.