شێخان، بارزان مزووری:
شاندەك ب سەرپەرشتیا د. نافسەر نوری عەبدال، بریكارێ وەزارەتا شەهید و ئەنفالكریان یا حوكمەتا ل هەرێما كوردستانێ ل گەل ریڤەبەرێ ناوچەداریا ئەترووشێ و نوونەرێن شەهیدێن شكەفتا دەكان سەرەدانا پڕۆژەیێ دروستكرنا ریكا شكەفتێ و جهێ دروستكرنا مونیۆمێنتێ قوربانیێن شكەفتا دەكان كر.
د. نافسەر نوری عەبدال، بریكارێ وەزارەتا شەهید و ئەنفالكریان بۆ رۆژناما ئەڤرۆ دیار كر، شاندەكێ وەزارەتا وان ل گەل ریڤەبەریا گۆڕێن ب كۆم و رێڤەبەریا پلاندانانێ سەرەدانا شكەفتا دەكان كر، كو بەریا 56 سالان رژێما بەعس جینۆساید لڤێ شكەفتێ ئەنجام دا و 77 ژن و زارۆك تێدا شەهیدكربوون گۆت: «ئەو شەهید هەموو ب جینۆساید هاتینە هژمارتن، مونیۆمێنتەك بۆ وان شەهیدان دێ هێتە دروستكر، داكو جیهان هەموو بزانیت ئەڤ كارەساتە ژ لایێ رژێما گور ب گور ڤە هاتیە ئەنجامدان».
د. نافسەر گۆتژی: «پشتی دانانا ڤێ مونیۆمێنتی هەموو سالان د سالڤەگەڕا ڤێ كارەساتێ دا رێورەسم بۆ بیرئینانا ڤێ كارەساتێ دێ هێنە ئەنجامدان».
نەشوان حسنی، رێڤەبەرێ ناوچەداریا ئەترووشێ بۆ رۆژناما ئەڤرۆ گۆت: «ژبلی پڕۆژەیێ مونیۆمێنتێ، نوكە كار ل سەر پڕۆژەیێ رێكێ دهێتە كرن و گوژمێ 226 ملیۆن دیناران بۆ پڕۆژەیێ رێكێ و مونیۆمێنتی هاتینە دابینكرن».
نيشاندان