دیدار، سالار محەمەد دۆسكی:

3 – 5

دەمێ‌ دهاتنە جەولا ئابوونە وەرگرتن و كادرێ‌ مە بوو و مە ئێك و دوو نیاسی، جارەكێ‌ مە ل دهۆكێ‌ ئێك دو دیت و چووینە دەستێ‌ ئێك دو من گۆتێ‌ (مەحمود ئێزدی) دهێتە دەف هەوە گۆت بەلێ‌ هوون ئێك دو دبینین؟ گۆت بەلێ‌ پەیاما دگەهینتە مە و گۆتە من هەڤالێن هەوە باوەری پێ‌ بهێت تەنزیم بكەن و من گۆتێ‌ ناڤێ‌  خوە و هەڤالەكێ‌ خوە دایێ‌ بناڤێ‌(حەجی شەوكەت) كو بنفیست  وی دەمی ئابوونە دو دەرهەم بوون و دووڤ دا (محەمەد) هاتە دەڤەرێ‌ و قوتابی بوون ودەسپێكێ‌ من خوە نیشا نەدا وی دەمی یا بترس بوو و مرۆڤی نەشیا بۆ هەمی كەسان خوە ئاشكرا بكەت و گەلەك جاران دا هندەك سحبەتا ل گەل من كەن من باوەری پێ‌ نەبوو ل گەل باخڤم و هەر ئێكی ئێك دو دنیاسین ئەو ژی دڤیابا گەلەك باوەری پێ‌ هاتبا و ئەم ماین و مە ئابوونەدان و گۆتن ئابوونێن خوەیێن سالێ‌ بدەن و بەردەوام بن و ئەم ماین مە كارێ‌ خوە كر و پێشمەرگاتیا وی دەمی یا بزحمەت و ئەم هەتا سالا 1980 و شەرێ‌ ئیراق و ئیرانێ‌ دروست بوو و هەمی خەلك چوونە عەسكەریێ‌ وی دەمی گەلەكێ‌ مەزن بووم ژی لێ‌ چونكە ئیراقا پێدڤی بوو هەر كەسەك نەهێلا و هەتا نوژدار و مامۆستا ژی برن، ناڤێ من ژی هات دەف (محەمەد تاهر) ل بانیێ‌ و من گۆتێ‌ دێ‌ پەیوەندیێ‌  ب پێشمەرگەی كەم و من خواست ئەگەر كادرەكێ‌ پێشمەرگە بهێتە دەڤەرێ‌ وە من دڤێت ببینم گۆت بلا و رۆژەكێ‌ جابا من هنارت و گۆت ئەگەر ئێڤاری بهێیە دەڤەرێ‌ دێ‌ بینی، و ترۆمبێلێ‌ سوار بووم و دەمژمێرەكێ‌ ماینە ل گەل ئێك و ئەو گۆت پەیوەندیێ‌ نەكە ب پێشمەرگەی، من گۆتێ‌ چەوا پەیوەندیی نەكەم؟؟ گۆت ئەگەر هەر رێكخستیەكێ‌ مە پەیوەندی ب پێشمەرگەی كر دێ‌ چەوا پەیوەندی مە ل گەل خەلكی هەبیت؟، من گۆتێ‌ دێ‌ چمە ناڤ پێشمەرگەی و دێ‌ مفا ژ من هێتە وەرگرتن و من گۆتێ‌ نەشێم بچمە عەسكەریێ‌ و هەر كەسەكێ‌ چوو نازڤریت و ئیران گەلەكێ‌ كونترۆلا شەری كریە و من گۆت ناچمە عەسكەریێ‌ وی خوە عاجز كر و گۆت كەیفا تەیە و بەری پەیوەندیێ‌ ب پێشمەرگەی بكەم ئەز ئەندامێ‌ رێكخراوێ‌ بووم، وی دەمی (خالد بانی) هەڤالێ‌ مە بوو و بەری بینە پێشمەرگە وەك رێكخستیێن ناڤخوە مە گەلەك هاریكاریا وان كر و جارەكێ‌(خالد) جابا من هنارت و بەحسێ‌ چالاكیان كر و گۆت هوون نەشێن هاریكاریا مە بكەن بۆ ئەنجامدانا چالاكیان  و بتنێ‌ دەنگێ‌ مە بهێت و من گۆتێ‌ ئەم شێین و گۆت دا بچین من گۆتێ‌ من پێلاڤ نینە و پێلاڤا من نەیا گەریانێ‌ و چیایە و من گۆتێ‌ سوباهی و گۆت بلا سباهی وەرە ڤێرێ‌ و رۆژا دی چووم و كەفتینە رێكێ‌ ژ رەشانكێ‌ هەتا گەهشتینە كورا وی دەمی ئەو كومەلگەها كوران ئاڤا دكر و رێكار ل سەر و زالگەهەك ل چاریانا كورا بو و كرێكار و خەلك گەلەك وێرێ‌ بوون و مە هزر كر ئەگەر ب هاڤێژینە زالگەهەكێ‌ ئەڤ خەلكە هەمی دێ‌ چیتە دەڤەرێن خوە و بەحسێ‌ ئەڤێ‌ چالاكیا پێشمەرگەی كەن و دێ‌ گەلەك دەنگ ژێ‌ هێت و ئەم هاتینە هنداڤ و كێمتر ژ 100 مەتران نێزیكی زالگەهێ‌ بووین و من گۆتە (خالد) ئەڤە زالگەهە و ئەو خال ب كونكریتی دروست كربوو و وی دەمی (بازوك) ڤێ‌ بوون من گۆتێ‌ ئەگەر هەڤالەكێ‌ تە نەیێ‌ زیرەك بیت تو ب هاڤێژە و من گۆتێ‌ دا ماندیبوونا مە بەلاش نەچیت ئەوی گۆت، بلا خودانێ‌ (بازوكێ‌) گۆت نادەمە تە و گۆت ئەڤە دو هەیڤە ب مللێ‌ من ڤە بوومە نیڤە مرۆڤ و مە گۆتێ‌ مادەم یێ‌ ژ خوە رازی هەما دانێ‌، ستێركا خوە گرت و هاڤێتێ‌ و دیوارێ‌ زالگەهێ‌ سمت و هەر هەمی رەڤین و چەكێ‌ خوە هاڤێت و (خالد) گۆت دا هێرش بكەینێ‌ و بەری بچینە ڤێ‌ زالگەهێ‌ درێكێ‌ دا هەڤالەكێ‌ ل گەل وی پێ‌ وی كەفتە سەتلەكێ‌ و چوو خار دەنگەك ژێ‌ هات من گۆتێ‌ هەما ئەم دێ‌ چین و بریندار بكەڤیت ئەم دێ‌ چ كەین ، یا گرنگ مە چالاكیا خوە كر و باشترە ئەم بچین گۆت كەیفا تەیە و من گۆت یا گرنگە ب سلامەتی بچین و ئەم چووینە بانیێ‌ بەری بانیێ‌ ئێك ل گەل من هنارت وگۆت هوون هەرنە بانیێ‌ ئەم دێ‌ چینە ئەو رویبارێ‌ ئەو ژێ‌ هاتین، من گۆت (خالد) حەز دكەم ئەڤان گەنجا ژ ڤێرە بەی، گۆت بوو من گۆتێ‌ ئەف گەنجە نەیێن كاری نە، من گۆت تشتەك چێ‌ بیت دێ‌ بیتە شەرمزاری گۆت پا پێشمەرگەنە و گەنجن و پشتی چەند رۆژا ئەو چوونە بانیێ‌ و ئێكی دگۆتنێ‌ (عەزو زێباری) استخباراتا عەسكری بوو و مەفرەزە بوو ل دەڤەرێ‌ دگەریا دناڤبەرا (خورپینیێ‌ و گابێركێ‌) جیهازێ‌ وی ژ كار كەفت و پەیوەندی ل گەل هێزێن خوە نەما و كەفتە رێكێ‌ و هاتنە (سوریا) و گەهشتنە (بانیێ‌) پێشمەرگە زێرەڤانی كر و هەر دگۆكا گۆتە ئێك و دو هوون كینە؟؟ هەر دو كوردن و تەقە دروست بوو وپێشمەرگە كەفتە و پێشمەرگە ژ گوندی دەركەتن و هەر (خالد) بێژیت هەمی هاتن یێ‌ بێژن بەلێ‌ و هەتا دووماهیێ‌ گۆتن كی زێرەڤان بوو؟ و لێگەریان و دیارنەبوو و عەسكەر هەمی چوو ناڤ گوندی و جەنازێ‌ ئەوی پێشمەرگەی ما ل وێرێ‌ و دووڤ دا خوە ڤەكێشان و دەمێ‌ ڤێ‌ دووماهیێ‌ چوویمە ڤە من گۆتێ‌(خالد) ئەڤان گەنجا نەهێلا ئەڤان دەڤەرا بلا بچنە ئەڤراز، 26/5/1981 من پەیوەندی ب ناڤ رێزێن پێشمەرگەی كر و (خالد) بەرپرسێ‌ رێكخراوێ‌ بوو و ئەندامێ‌ لژنێ‌ بوو و چوومە دەف (محەمەد تاهر) گۆت هەرە (گابێركێ‌) هەتا مەفرەزەك بهێت  و دو رۆژا مامە ل مالا خودێ‌ ژێ‌ رازی (عەبدولرەحمان گابێركی) و پێشمەرگە هاتە (بانیێ‌) و نیڤرۆ دو پێشمەرگە هاتنە دیڤ من راو هێشتا من ڤراڤین نە خوار بوو و گۆتن تە خێرە هاتیە دەڤەرێ‌ من گۆتی هاتیمە دەڤەری مامەلێ‌ دكەم ئەگەر حەیوانەك هەبیت بكرم و ب فرۆشم و (اسماعیل) گۆت هاتینە دووڤ تەرا من گۆتێ‌ بەرپرسێ‌ هەوە كیە؟گۆتن فلان كەسە یێ‌ دنافبەرا (سوریا و گابێركێ‌)  ئەم چووین و كەیفا خوە ب من ئینا و بخێرهاتنا من كر و ئێڤاری هاتینە (ستوكوركێ‌) ئەم چووینە مالەكێ‌ یا نیسا بوو و خودانێ‌ مالێ‌ گۆت تە خێرە ل گەل ئەڤان من گۆتێ‌ نەقەتیا و ئەژی گەهشتمە ناڤ رێزێن شۆرەشێ‌ و ئەم چووینە دناڤبەرا (ستوكوركێ‌ و خرابیا) ئێڤارەكا درەنگ بوو وی دەمی (حامد) بەرپرسێ‌ مەبوو و گۆتە من باشە ما تو ل دەڤەرێ‌ نەیێ‌ شارەزایی؟ من گۆتێ‌ بەلێ‌ هەمی دەڤەرێ‌ یێ‌ شارەزا مە گۆت پا هلو دا ئارپیچەكێ‌ ب هاڤێژینە جهەكی چالاكیەكێ‌ بكەین دەنگ ڤەدەت.