د. جەنان نورى حەسەن، تایبه‌تمه‌ندا نه‌خۆشیێن ژنان و زارۆكبوونێ دیاركر پلازما هێدانكا یانژى پلازما مالبچووکی. prp ل سه‌رانسه‌رى جیهانێ پشتى پێشكه‌فتنا ته‌كنه‌لوژیایێ دزانستى دا ئه‌ف پلازمایه‌ بو گه‌له‌ك كارا دهێته‌بكارئینان، دهێته‌بكارئینان بۆ گه‌شه‌كرنا پیستى و بۆ چوكان ده‌مێ ئیشان و ئازارتێدا هه‌بن، وگوت: ئه‌م بو نه‌خۆشیێن ژنان بكاردئینین بو هێدانكا دهێته‌ ب کارئینان و بو جهێ مالبچووكی ژی دهێته‌بكارئینان و مالبچووك ببیته‌ ژدایكبوون هه‌ر ل وێرێ ژی دهێته‌بكارئینان، ب تایبه‌ت پشتى مه‌ دیتى مفایه‌كێ باش یێ كرى، و ژ 2016 وه‌ره‌ ل سه‌رانسه‌ر جیهانێ دهێته‌بكارئینان، و چه‌ندین ڤه‌كولین ئاماژێ ب مفایێن وێ دده‌ن، وگۆتژى: ئه‌م بكاردئینین بو وان ژنێن نه‌زۆكى لده‌ف هه‌یى ئه‌وێن هێكێن وان د لاواز دا پێ باش بن و گه‌شێ بکەن و دا كارێ خۆ باش بكه‌ن و بو وان دهێته‌ ز كارئینان ئه‌و ژنێن ل دژیه‌كێ كێمدا هێكێن وان به‌ره‌ف راوه‌ستیانێ داهێكێن وان كاربكه‌ن، چونكو هندى هێك كاركه‌ت بو ساخله‌میا ژنێ گه‌له‌ك باشتره‌.
د. جەنان نورى حەسەن زێده‌تر گۆت: ئه‌و ژنێن گەهستینە ژیەکێ مەزن بۆ وانژی ددانن و هێك گه‌ش دبیت و گه‌له‌ك مفایى ژێ وه‌ردگرن، هه‌روه‌سا ب. وان مالبچووکێن ئه‌م دبینن یێ لاوازه‌ و بچووك نه‌شێت خۆ تێدا بزڤرینین، گۆت: باشیا ڤێ پرۆسسێ ئه‌وه‌ چ زیانێن خۆ نینن، چونكو ئه‌ڤه‌ خوینا نه‌خۆشى بخویه‌ ژێ دهێته‌كیلشان و مره‌كه‌ز دكه‌ن و ماده‌یێن باش یێن بو گه‌شبوون و نویكرنا هه‌مى خانێن هێدانكا و مالبچووكى یێن مفایى ژێ دبینن.
دیارکر ژی، هه‌ر چه‌نده‌ ل دهۆكێ مه‌ گه‌له‌ك حاله‌ت هه‌نه‌ مفایێ ژ prp یێ دیتى هه‌رچه‌نده‌ ئه‌گه‌ر نه‌زۆكیا وان چ زارۆك نه‌بن مفایێ بو هێدانكا هه‌یى دا د ساخله‌م بن، ل جیهانێ چه‌ندین حاله‌تێن سه‌یر هاتینه‌ توماركرن وه‌ك ل ئه‌مریكا ژنه‌كێ ژیێ وێ 51 سالبوون و مفا ژ پلازمایێ كرى و بو جارا ئێكێ دبیته‌ دوگیان، ده‌مێ پلازما دهێته‌دانان پشتى بورینا هه‌یڤه‌كێ باشیێن وێ دیاردبن و ئه‌ف باشیه‌ دمینن تا شه‌ش هه‌یڤان و ئه‌م دشێین هه‌ر شه‌ش هه‌یڤان جاره‌كێ بو بدانین، و دێ زێده‌تر هێك گه‌شبن و مالبچووك كارێ خو ب دورستى كه‌ت.

ئەنفلوەنزا وەرزێ هاڤینێ دا ژی پەیدادبیت و گەلەک دژۆارترە ژ یا زڤستانێ، ئەڤ نەخۆشیە ژ کەسەکێ بۆ ئێکێ دی دهێنە ڤەگوهاستن،ئەڤە ژی هوکارە کو ئەگەرێ تۆشبوون ب ڤێ نەخۆشیێ زێدە بیت، لەوا پێدڤیە ل ڤی وەرزی دا مە های ژ خوە هەبیت و هندەک رێنمایان گرنگیێ بدەینێ ژ وان رێنمایان ژی:
ئێک: ل مال بمینە بۆ هندێ ڤایروس و بەکتریا زێدەتر نەگەهنە تە،هەروەسا وەکو پێدڤی بێهنڤەدانا خۆ بکە.
دو: ل دووڤ پێدڤیێ بنڤە،چونکی سیستەمێ نڤستنێ هاریکارە بۆ بهێزبوونا سیستەمێ بەرگریا لەشی.
سێ: روژانە ب پێیا بۆ ماوێ 20 خولەکان پیاسا بکە.
چار: ل دووڤ رێنمایێن نوشداری دەرمانێن خۆ بخۆ،ئەو دەرمانێن نوشدار ددەتە تە دڤێت لدەمێ خۆدا بخۆی هەکە کاریگەریێ ناکەن.
پێنج: خوارنا شەربەتا لیمونێ یا سروشتی هاریکارە بۆ زوی چێبوونا ئەنفلوەنزایێ،چونکی یا دەولەمەندە ب ڤیتامین C هاریکارە بۆ بهێزبوونا سیستەمێ بەرگریا لەشی.
شەش: رێژەکا زور ل شلەمەنیان ڤەخوو ب تایبەتی ئاڤ و شوربێ.

گێلاس فێقیەکێ گەلەک ب تامە، دهێتە خوارن ل وەرزێ هاڤینێ دا.گەلەک مفایێن هەین بو مروڤی چونکە ژمارەیەکا زور ل کانزایا و فیتامینا تێدایە.
گێلاس یا زەنگینە ب ڤیتامین C,A,B. و ئاسن، کالسیوم،ماگنسیوم، پوتاسیوم.
مفایێن گێلاسێ پێکدهێن ژ :
* باشترکرنا دیتنا مروڤی.
* ب هیزکرنا بەرگریا لەشێ مروڤی.
* باشترکرنا چالاکیێن رۆژانە.
* بو کێمکرنا تووشبوون وکارتێکرنا قەلەویێ.
ب هیز کرنا بیردانکێ.
* کێمکرنا تووشبوون ب نەخوشیێن دلی.

_ زارۆک زووتر ژ مەزنان تووشی هشکبوونێ دبن (جفاف).
_ دڤێتن زارۆکێ ساڤا پتر شیڕێ دایکێ یان یێ قودیکا ڤەخۆتن ژبەری گەرماتیێ.
_ دڤێتن زارۆک گەلەک شلەمەنیان ڤەخۆتن و باشترین ڤەخارن ئاڤە.
_ جلکێن زارۆکی دڤێتن د سڤک بن و د هوسابن ژ تیشکا روژێ زارۆکی ب پارێزن.
_ نابیتن زارۆکی د ناڤ ترومبێلێدا بهێلی ل دەمێ گەرمێ، زور جارا ترومبێلا راوەستیای ل بەر روژێ 20 نمرا گەرمترە ژ دەرڤەی ترومبێلێ!
_ باشترین نمرە بو سپلێتێ بو زارۆکی 24 تا 26 نمرەیە و نابیتن زارۆکی بەرامبەر هەوایێ سپلێتێ و پانکێ بدانی.
_ هەولبدە ل ناڤ مال بمینی و دەرکەفتنێن خوە ل دەمێن هوین بکە، بو زانین گەرمترین دەم ل روژێ دەمژمێر 11 تا 5 ئێڤارییە.
_ پاقژی زور یا گرنگە ، پاقژیا لەش و مال و خارنێ زور یا گرنگە.
_ باشترە خوارنا مال بدەنە زاروکی، چونکە خارنا دەرڤە دبیتن یا پیس بیتن و تسمومێ بۆ زاوکی چێکەتن.
_ داخازێ ژ حکومەتا هەرێمێ دکەین هەول بدەن کەهرەب و ئاڤێ بو هاولاتیا دابین کەن، دویفچونا پاقژیا خارنگەهـ و تەزیاتیا بکەن و گرنگی ب هەبوونا کەسکاتیێ د ناف باژێریدا بدەن.
داخازا ساخی و سلامەتیێ بو هەمیا د خازین.