NO IORG
نووترين نووچه
هه‌لبژارتى3

ئه‌ڤرۆ نيوز، له‌زگين جۆقى:

رێڤەبەریا کاروبارێن خوپاراستنا ساخلەمیێ پشکا چاڤدێری و سلامەتیا خوراکی ل رێڤەبەریا گشتی یا ساخلەمیا دھۆکێ بۆ ھەیڤا رەمەزانێ چەندین رێنما و بریار دەرئێخستن بۆ چێکرن و فرۆتنا شیریناھیا و شەربەت و بەرھەمیێن سپاتیی و کوشتی…. ھتد.

عسمەت سەلمان، بەرپرسێ پشکا چاڤدێری و سلامەتیا خوراکی ل رێڤەبەریا کاروبارێن خوپاراستنا ساخلەمیا دھۆکێ دیارکر کو شەربەت دڤێت ھەموو تەزیاتی ئامیرێ پالاوتنێ یێ ئاڤێ ب قەبارێن مەزن بدانن بۆ جھێن خوە ژبۆ پالاوتنا ئاڤێ کو تێرا شووشتنا ئامانا و ئامادەکرنا ھەموو جۆرێن شەربەتا و دوشاڤا بکەت و دڤیت ئامیرێن وان بەردەوام د کاری دا بن دا کو ئاڤ ب شیوەیەکێ دروست بھێتە تافیلکرن و بەردەوام ژی فلتەرێن وان بھێنە گوھۆرین و د ناڤ تەزینکەرا دا شەربەت بھێتە ھەلگرتن و دانان و نابیت ب چو رەنگەکی ل سەر ستێرکا و ژ دەرڤەی دوکانێ بھێتە دانان و پێدڤیە شەربەت ب تنێ بۆ ئێک رۆژ بھێتە دروستکرن و ئامادەکرن و نابیت بمینت بۆ رۆژا د دووڤ دا و نابیت شەربەت بھێتە فرۆتن ل سەر عەرەبانا ل سەر جھێن پیادێ و ئەو فێقیێ بۆ شەربەتێ ژی دھێتە بکارئینان پێدڤیە باش بھێتە شووشتن و زوھاکرن و شەربەتا رەش یا مێووژا ژی رێ بۆ ھاتە دان بۆ ئامادەکرن و فرۆتنێ ل جھێن دەستووردایی و ھەکە ل دوکان و مارکێتان ژی شەربەت بھێتە فرۆتن دروستە لێ پێدڤیە ئەو جھـ یێ دەستوور دایی بیت.

ئاشکەرا ژی کر کو شرینی و ھەڤیر ژی نابیت ب چو جۆرە شیرینیەکی بھێتە ئامادەکرن ل جھێن نە دەستووردایی ب تنێ بھێتە ئامادەکرن ل وان جھێن تایبەت ب ئامادەکرنا شیریناھیا و ھەڤیران کو دەستووریێن ساخلەمین ھەبن و لێبلێ کارگەھێ ل سەر ھەموو شیریناھیان بھێـتە دانان د گەل ماوێ ب سەرڤەچوونێ و رۆژا چێکرنێ و نابیت ب چو رەنگەکی شیریناھیێن بەقلاوە، کونافە و زەلابی ….ھتد بھێتە فرۆتن ل سەر عەرەبانا ل سەر جھێن پیادێ یان جھێن ڤەکری و نابیت شیرناھی بھێتە دانان ژ دەرڤەی جھێن لێ دھێنە فرۆتن دڤێت د نخافتی بن و شرینیێن کارگەھێن پارێزگەھێن دیتر ل دووڤ رێنمایێن ساخلەمیا گشتی بن و میژوویا دروستکرنێ ل سەر بیت.

ناڤھاتی ئەو ژی دیارکر کو گوشت و بەرھەمێن گوشتی ب چو رەنگەکی نابیت گوشت ژ دەرڤەی چامخانا بھێتە دانان و رۆژانە پشتی دەمژمێر 12:00 نیڤرۆ دڤیت گوشت بھێتە دانان د ناڤ تەزیکەران دا و نابیت ئاژەل ژ دەرڤەی سەربرخانان بھێنە سەرژێکرن و پێدڤیە ھەموو گوشتێ ئاژەلێ یێ دھێتە فرۆتن مۆرا ڤێتەرنەریێ ل سەر بیت و دیار بیت ئەو ئاژەل یێ ساخلەمە.

بەرپرسێ پشکا چاڤدێری و سلامەتیا خوراکی گۆت: “خوارن و خوارنگەھـ ژی نابیت جگارە تێدا بھێنە کێشان ل خوارنگەھێن دەستووردایی د ھەیڤا رەمەزانێ دا ئەو خوارنگەھـ و کافتریا و چایخانەیێن د ھەیڤا رەمەزانێ دا شیریناھیا دفرۆشن پێدڤیە شیریناھیێن وان دقالکێن تایبەت دا بن ولێبلێ کارگەھێ ل سەر بیت و بەفرا کارگەھێ ژی بۆ ڤەخۆارنێ نەیا گونجایە پێدڤیە ب تنێ بۆ تەزاندنێ بھێتە بکارئینان”.

زێدەتر گۆت: “شەربەتا مێووژا ژی ب تنێ پێدڤیە جھێن دەستووردایی بەرھەڤ بکەن و جھەک بۆ ھەلگرتنا مێووژێن ھشک یێ گونجایی ھەبیت و مێووژ ب ئاڤا پاقژ بھێنە شووشتن و بێنە تافلیکرن و بۆ پارزینینێ ژی پێدڤیە ئاڤا داگرتی یان ئاڤا فلتەرکری بھێتە بکارئینان ئەو کیسک و بوتلێن شەربەتێ دکەنە تێدا پێدڤیە ب تنێ بۆ ئێک جار بھێتە بکارئینان و نابیت شەربەت بۆ دو رۆژان بیت و ئەو جھێن شەربەتێ ژی ب کۆم دفرۆشن پێدڤیە پسولا فرۆتنێ د گەل بیت دا ژێدەرێ وێ یێ ئاشکرا بیت و ڤەگوھاستنا شەربەتێ ژی پێدڤیە ب شیوەیەکێ ساخلەم بیت و بەردەوام نموونە دھێنە وەرگرتن بۆ پشکنینا ل دووڤ یاسا ساخلەمیێ بریار دێ ل سەر ھێتە دان”.

ئەڤرۆ نیوز ، عەلی حاجی :

زێدەتری ٧ روژایە لێگەریان ل سەر لاشێ وێ کچا زاخۆیی بەردەوامە ئەوا ژ ئەگەرێ روودانەکا نەدیار ل رێککەفتی ٢٩/٤/٢٠١٩ خوە دپرا خانی دا ل باژێرێ زاخۆ ھاڤێتیە دناڤ ئاڤا خابیری دا و ھەتا نوکە تەرمێ وێ نەھاتیە دیتن.

راگەھاندنا بەرەڤانیا باژێری ل پارێزگەھا دھوکێ بۆ ئەڤرۆ نیوز ئاشکرا کر ھەموو تیمێن مە یێن نقومڤانی ل زاخۆ و گەل داژی تیمێن نقومەڤانی ل پێشابیرێ و و قەزا سێمێلێ زێدەتر ٧ روژایە بەردەوامن ل سەر لێگەریانا وێ کچا زاخۆیی ئەوا ژبەری ٧ روژان خوە ھاڤێتیە دناڤ خابیرێ زاخۆ دا و سەر ھەمی تیمێن ھاتینە رەوانە کرن بو سەر خابیری بەرپرسێ پشکا بەرەڤانیا باژێرێ زاخۆ ئەو بخوە سەرپەرشتیا ڤێ ھەوێ دکەت بەلێ جھێ مخابنیێ یە ھەتا نوکە لاشێ وێ نەھاتیە دیتن.

ئەڤرۆ نیوز:

ئە ڤرو..تاکە روژنامە ودەزگایێ کوردی یە دێ ب فەرمی پشکداریێ د کاسا جیھانی یا ئافرەتان france ٢٠١٩ uh ئە وا دێ ھە شتی ھە یڤا بھێت ب پشکداریا ٢٤ وە لاتان ھێتە کرن.

پشکداریا روژنامێ دێ برێکا ھە ڤکار و پەیامنێرێ رۆژناما ئەڤرۆ ل ئوروپا ئازاد گولەیی بیت پشتی کو فیفایێ ب فەرمی رازەمەندیا خوە دەربری داکو رۆژناما ئەڤرو پشکداریێ د ڤێ قارە مانیا جیھانی دا بکە ت.

59178148_461170667959193_4414409627832156160_n 59519054_426711814571906_2626839218420187136_n

ئەڤرۆ نيوز:

بریارە ئەڤرۆ ئێکشەمبی 5/5/2019 شاندەکێ بلند یێ پارتی دیموکراتی کوردستان ب ‏سەرۆکاتیا نێچیرڤان بارزانی جێگرێ سەرۆکێ پارتی سەرەدانا پارێزگەھا سلێمانیێ بکەت ‏ول گەل ھەر ئێک ژ ئێکەتی نیشتمانی کوردستان وبزاڤا گۆران کۆم ببیت‎.‎

سەرەدانا شاندێ پارتی ب مەرەما پێکئیانا کابینا نوو یا حوکمەتا ھەرێما کوردستانێ یە، ‏پێشبینی دھێتە کرن رێککەفتن ل گەل ئێکەتی وگۆران ل دۆر پشکداریا وان د کابینا نوو یا ‏حوکمەتێ دا و پۆستێن وان تێدا بھێتە ئیمزاکرن‎.‎

ل رۆژا 30 ئەیلولا 2018 ھەلبژارتنێن پەرلەمانێ کوردستانێ ھاتنە ئەنجامدان وتێدا ‏پارتی دیموکراتی کوردستان پتریا کورسیان بدەستڤەئینان وئەرکێ پێکئینانا حوکمەتێ ‏کەفتە ستوویێ پارتی، بەرپرسێن پارتی پشتی ھەلبژارتنان راگەھاند کو ناخوازن ب ‏زوورینە حوکمەتێ پێکبینیت، لەوما بریارا دانوستاندنێ ل گەل ئێکەتی وگۆران دەرکر‎.‎

پارتی خودان 45 کورسی یە وئێکەتی 21 کورسی وگۆران 12 کورسی، بەلێ پشتی بۆرینا ‏چەندین ھەیڤان ژ ھەلبژارتنان ھەتا نوکە کابینا نەھێ یا حوکمەتێ نەھاتیە پێکئینان ‏ژبەر داخوازیێن ئێکەتیێ ورێکنەکەفتنا وێ ل گەل گۆران، ھەرچەندە بەری ئێکەتیێ، ‏پارتی رێککەفتن ل گەل گۆران ئیمزاکر وھژمارەکا پۆستان پێ دا، بەلێ بۆ وێ چەندێ ‏کوردستان ژ گەف ومەترسیان یا پاراستی بیت، پارتی پێکئینانا حوکمەتێ ژبەر ئێکەتیێ ‏پاشخست ول دووڤ پھەرلەمانتارەکێ پارتی، بریارە ئەڤرۆ ھەموو ئەو رێککەفتنە بۆ ‏پێکئینانا حوکمەتێ بھێنە ئیمزاکرن‎.‎

ئێکەتی نیشتمانی کوردستان دبینیت کو شیایە دەستکەفتێن خوە د دانوستاندنێن پێکئینانا ‏حوکمەتێ ب دەستڤەبینیت ئەوژی پشتی داخوازا زێدەکرنا پۆستێ جێگرێ دوویێ یێ ‏سەرۆکێ ھەرێما کوردستانێ کری کو نوکە د پرۆژێ پێشنیازا کاراکرنا دەزگەھێ سەرۆکاتیا ‏ھەرێما کوردستانێ کو پەرلەمان دانوستاندنێ ل سەر دکەت، ھاتیە جێگیرکرن‎.‎

شوان کەریم، ئەندامێ پەرلەمانێ کوردستانێ ژ فراکسیۆنا پارتی دیموکراتی کوردستان ‏راگەھاند” بریارە پارتی و ئێکەتی بۆ دووماھی جار رێککەفتنا پێکئینانا حوکمەتا ھەرێما ‏کوردستانێ ئیمزا بکەن، چونکە نوکە دووماھی ب ھەموو کێشان ھاتیە ورێکەفتن ل سەر ‏پێکئینانا حوکمەتێ تمام بوویە‎”. ‎

شوانی گۆت ژی” رێککەفتنا د ناڤبەرا پارتی وئێکەتیێ بەر زێدەکرنا پۆستێ جێگرێ دوویێ ‏یێ سەرۆکێ ھەرێما کوردستانێ ھاتبوو پاشخستن، پارتی دەم دابوو لایەنان ونوکە دەمێ ‏پێکئینانا حوکمەتێ یە‎”.‎

ژ لایێ خوەڤە ئارێز عەبدوللا ئەندامێ سەرکردایەتیا ئێکەتیێ دووپات کر کو رێککەفتنا د ‏ناڤبەرا پارتی وئێکەتیێ دا ھێتە ئیمزاکرن وگۆت” چو کێشە ل بەردەم پێکئینانا حوکمەتا ‏نوو یا ھەرێما کوردستانێ دا نینن‎”.‎

ھەروەسا دوھی شەمبیێ 4/5/2019 جڤاتا نیشتمانی یا بزاڤا گۆران کۆمبوو ول دووڤ ‏پێزانینان بریارا دووماھیێ ل سەر رازیبوون ب رێککەفتنا ل سەر پێکئینانا حوکمەتێ دایە ‏و بزاڤا گۆران دخوازیت ب زووترین دەم رێککەفتن د ناڤبەرا پارتی وئێکەتیێ بۆ پێکئینانا ‏حوکمەتێ بھێتە دیارکرن‎.‎
پارتی پۆستێن کابینا نوو یا حوکمەتێ ل گەل ئێکەتیێ وگۆران بەلاڤکرینە کو پۆستێن ‏گۆران دێ ب جێگرێ سەرۆکێ ھەرێما کوردستانێ وھاریکارێ سەرۆکێ حوکمەتا ھەرێمێ بۆ ‏چاکسازیێ دەستپێکەن وپۆستێن ئێکەتیێ دێ ژ جێگرێ سەرۆکێ حوکمەتا ھەرێمێ ‏وجێگرێ دوویێ یێ سەرۆکێ ھەرێمێ دەست پێکەن‎. ‎

پشتی ئیمزاکرنا رێککەفتنا د ناڤبەرا لایەنێن سیاسی دا، دێ پەرلەمانێ کوردستانێ کۆمبیت ‏وپرۆژێ کاراکرنا سەرۆکاتیا ھەرێما کوردستانێ پەسەند کەت وپشتی وێ ب دەمێ 10 ‏رۆژان بەربژارێ پۆستێ سەرۆکێ ھەرێما کوردستانێ دێ سویندا قانوونی خوینیت وپاشی ‏دێ بەربژارێ سەرۆکاتیا حوکمەتا ھەرێمێ راسپێریت‎.‎

دھێتە زانین کو مەسرور بارزانی شیرەتکارێ جڤاتا ئاسایشا ھەرێما کوردستانێ یێ بەربژارە ‏بۆ وەرگرتنا پۆستێ سەرۆک وەزیرێن داھاتی یێ ھەرێما کوردستانێ ونێچیرڤان بارزانی ‏بەربژارە بۆ وەرگرتنا پۆستێ سەرۆکێ ھەرێما کوردستانێ‎.‎

ئه‌ڤرۆ نيوز:

ئه‌ڤرۆ جاره‌كا دى جڤاتا نوونه‌ران دێ كۆم بيت و ئێك ژ ته‌وه‌رێن سه‌ره‌كى يێن كۆمبوونێ ژى ژكارخستنا جڤاتا پارێزگه‌ها نه‌ينه‌وايه‌.

بڕياره‌ ده‌مژمێر 13:00 ئه‌ڤرۆ جاره‌كا دى جڤاتا نوونه‌رێن عيراقێ كۆم ببيت و گرنگترين برگا كۆمبوونێ ژى دانوستاندنه‌ ده‌رباره‌ى ژكارخستنا جڤاتێن پارێزگه‌هان ب تايبه‌ت جڤاتا پارێزگه‌ها نه‌ينه‌وا.

هه‌ڤده‌م پشكه‌ك ژ شيعان دڤێت برگه‌كێ ده‌رباره‌ى ده‌ستێوه‌ردان و بن پێكرنێن ئه‌مريكا ل عيراقێ بێخنه‌ به‌رنامێ كارێ كۆمبوونێ.

پرسا ژكارخستنا جڤاتا پارێزگه‌ها نه‌ينه‌وا ل جاددا وێ پارێزگه‌هێ بوويه‌ بابه‌تێ رۆژێ و لايه‌ن ب سه‌ر دولايان دا پارڤه‌كرينه‌.

فراكسيۆنا پارتى ديموكراتى كوردستان ل جڤاتا نوونه‌ران ل گه‌ل دو فراكسيۆنێن دى يێن ناڤا جڤاتێ ڤێ پرسێ ره‌ت دكه‌ن و ب بزاڤه‌ك ل دژى ده‌سته‌لاتا شه‌رعى ل نه‌ينه‌وا ل قه‌له‌م دده‌ن.

ئه‌ڤرۆ نيوز:

بڕيارا ئه‌مريكا بۆ سزادانا زێده‌تر يا ئيرانێ نه‌هاته‌ درێژكرن و ئه‌و هه‌شت وه‌لاتێن هه‌تا نها بۆ كرينا په‌ترۆلا ئيرانێ هاتينه‌ لێبۆرين ژى ژ ئه‌ڤرۆ رۆژا پێنجشه‌مبى و پێڤه‌ ناهێنه‌ لێبۆرين و بڕيار دێ ژ وان ژى گريت.

رۆژا 22ى نيسانا 2019ێ وه‌لاتێن ئێكگرتى يێن ئه‌مريكا داخواز ژ وان وه‌لاتان كر يێن په‌ترۆلا ئيرانێ دكرن كو ده‌ست ژ هاورده‌كرن و كرينا په‌ترۆلا ئيرانێ هه‌لگرن و ژ 2ى گۆلانا 2019ێ و پێڤه‌ هه‌ر وه‌لاته‌كێ پێگريێ ب وێ بڕيارێ نه‌كه‌ت دێ هێته‌ سزادان. ئه‌و پێنگاڤا واشنتۆن ژى د وێ چارچۆڤێ دتۆندتركرنا سزايێن سه‌ر ئيرانێ يه‌ كو ب چه‌ند قووناغايه‌، پشتى ڤه‌كێشانا خوه‌ ژ رێكه‌فتنا ئه‌تۆمى.

ژ ئه‌ڤرۆ و پێڤه‌ ئه‌و ده‌ستووريا دايه‌ هه‌شت وه‌لاتێن جيهانێ كو پتريا وان ل كيشوه‌رێ ئاسيا نه‌ و د ماوێ شه‌ش هه‌يڤان دا ب دووماهى هات و نابيت زێده‌تر مامه‌لێ بۆ كرينا په‌ترۆلێ ل گه‌ل ئيرانێ بكه‌ن.

ب گۆره‌ى پێزانين و راپۆرتێن رۆژنامه‌ڤانى، جۆن بۆلتۆن، شيره‌تكارێ ئاسايشا نه‌ته‌وه‌ى و رێك بێرى وه‌زيرێ وزا ئه‌مريكا رۆله‌كێ سه‌ره‌كى د رازيكرنا دۆنالد تره‌مپ سه‌رۆكێ ئه‌مريكا دا هه‌تى كو نها ده‌مێ وێ چه‌ندێ يه‌ ب ئێكجارى هنارتنا په‌ترۆلا ئيرانێ بۆ ژ دره‌ڤه‌ بهێته‌ راگرتن.

ئه‌ڤرۆ نيوز:

سپێده‌هيا ئه‌ڤرۆ وه‌زيرێ ژ ده‌رڤه‌ يێ توركيا ل گه‌ل شيره‌تكارێ جڤاتا ئاسايشا هه‌رێما كوردستانێ كۆمبوون و پشتى وێ كۆمبوونێ ژى ل گه‌ل سه‌رۆك وه‌زيرێن هه‌رێما كوردستانێ كۆمبوو.

به‌رى ده‌مه‌كێ كێم كۆمبوونا مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ و مه‌ولود چاوش ئوغلۆ، وه‌زيرێ ژ ده‌رڤه‌ يێ توركيا ل هه‌ولێر ده‌سپێكر.

پشتى ڤێ كۆمبوونێ، وه‌زيرێ ژ ده‌رڤه‌ يێ توركيا ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ كۆمبوو و په‌يوه‌نديێن ناڤبه‌را هه‌ولێر و ئه‌نقه‌ره‌ و كاودانێن عيراق و ده‌ڤه‌رێ گه‌نگه‌شه‌ دكه‌ن.

بڕياره‌ هه‌ر ئه‌ڤرۆ مه‌ولود چاوش ئوغلۆ ل گه‌ل قوباد ته‌له‌بانى جێگرێ سه‌رۆك وه‌زيرێن هه‌رێما كوردستانێ ژى كۆمبوو و سپێده‌هيا ئه‌ڤرۆ ژى وه‌زيرێ ژ ده‌رڤه‌ يێ توركيا سه‌ره‌دانا باره‌گايێ به‌ره‌ى توركمانى ل هه‌ولێر كر.

ئه‌ڤرۆ نيوز:

وه‌زيرێ ژ ده‌رڤه‌ يێ توركيا ئه‌ڤرۆ ل هه‌ولێر ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ و مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ و قوباد ته‌له‌بانى جێگرێ سه‌رۆك وه‌زيرێن هه‌رێما كوردستانێ كۆم بيت و د كۆمبوونێ دا په‌يوه‌نديێن ناڤبه‌را ئه‌نقه‌ره‌ و هه‌ولێر و كاودانێن ده‌ڤه‌رێ گه‌نگه‌شه‌ كه‌ن.

شڤێدى مه‌ولود چاوش ئۆغلۆ، وه‌زيرێ ژ ده‌رڤه‌ يێ توركيا گه‌هشته‌ هه‌ولێر و ژلايێ نێچيرڤان بارزانى، سه‌رۆك وه‌زيرێن هه‌رێما كوردستانێ هاته‌ پێشوازيكرن و ئه‌ڤرۆ ژى بڕياره‌ به‌رنامێ وى ده‌ست پێ بكه‌ت.

بڕياره‌ به‌رى نيڤرۆيا ئه‌ڤرۆ مه‌ولود چاوش ئوغلۆ، ل گه‌ل مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ و به‌ربژێرێ پارتى بۆ سه‌رۆك وه‌زيرێن هه‌رێما كوردستانێ و نێچيرڤان بارزانى سه‌رۆك وه‌زيرێن هه‌رێما كوردستانێ كۆم بيت به‌رى وان دو كۆمبوونان ژى كۆمبوونه‌ك ل گه‌ل به‌ره‌ى توركمانى يا عيراقى يا هه‌ى.

هه‌روه‌سا بڕياره‌ كۆمبوونه‌كێ ل جڤاتا وه‌زيرێن هه‌رێما كوردستانێ ژى ل گه‌ل قوباد ته‌له‌بانى جێگرێ سه‌رۆك وه‌زيرێن هه‌رێما كوردستانێ ئه‌نجام بده‌ت.

هه‌ر ب گۆره‌ى به‌رنامێ وى، بڕياره‌ سپێده‌هيا ئه‌ڤرۆ به‌رى كۆمبوونێن خوه‌ ل گه‌ل به‌رپرسێن بلندێن هه‌رێمێ سه‌ره‌دانا ناڤ بازارێ هه‌ولێر ژى بكه‌ت.

ئه‌ڤرۆ نيوز:‏
ل ھەرێما کوردستانێ ھژمارەکا ئافرەتێن بیانی ب مەرەما کارکرنێ ل وەلاتێن جودا ھاتینە ‏ھەرێما کوردستانێ پەیڤدارێ دەستەیا مافێن مرۆڤی ژی دیار کر کو بازرگانی ب ئەڤان ‏ئافرەتێن بیانی دھێتەکرن و ھندەک ژوان بۆ دەڤەرێن دی یێن عیراقێ و بەغدا ھاتینە ‏ڤەگوھاستن.‏

محەمەد گومەشینی، پەیڤدارێ دەستەیا مافێن مرۆڤی بۆ رۆژناما ئەڤرۆ ئاشکرا کر کو ‏کرێکارێن بیانی یێن ئافرەت ل رۆژھەڵاتێ ئاسیا دھێنە وەلاتێن کەنداڤی و دووڤ دا دھێنە ‏ڤەگوھاستن بۆ ھەرێما کوردستانێ، بێگومان مەرەم ژ ھاتنا وان ئافرەتێن بیانی یێن بۆ ‏کرێکاریێ دھێنە کوردستانێ کارێ خزمەتگوزاریێ دکەن، ب تایبەتی ژی کارێ وان ‏خزمەتکارێن نافمالیێ دبێژنێ، رۆژێن بۆری ھندەک ژوان کرێکارێن ئافرەتێن بیانی سکالا ‏خوە گەھاندیە دەستەیا مافێن مرۆڤی و تێدا دیارکریە ژلایێ ھندەک کەسان ڤە بارزگانی ‏بشێوەیێ باند ب ئەوان ئافرەتان دھێتەکرن.‏

ناڤھاتی خویا کر کو ھژمارەک ژوان ئافرەتێن کرێکار ھاتینە ڤەگوھاستن بۆ پارێزگەھێن دی ‏یێن عیراقێ و بەغدا کڕین و فرۆتن پێ دھێتەکرن ھەمبەر وەرگرتنا کوژمەکێ پارەی بێی کو ‏ماف و چارەنڤیسێ وان یێ دیاربیت و گۆت: “مە سکالایێن وان کرێکارێن ئافرەت وەرگرتینە و ‏دگەل سازیێن ئەمنی و پەیوەندیدار ل سەر خەتین بۆ رێگیرکرنێ ل دیاردا کڕین و فرۆتنا ‏ئافرەتێن بیانی یێن وەکی کرێکار ھاتینە ھەرێما کوردستانێ”.‏

ئه‌ڤرۆ نيوز، عه‌زيز هه‌ورامى:

پشتى شادى نه‌وزاد په‌رله‌مانتارا نه‌وه‌ى نوێ راگه‌هاندى كو ژ لايێ كه‌سه‌كێ نێزيكى شاسوار عه‌بدولواحد گه‌فێن به‌لاڤكرنا ڤيديۆيێن سكسى ژێ هاتيه‌ كرن، شه‌ڤا بۆرى ب بڕيارا دادوه‌رى سكرتێرێ شاسوار عه‌بدولواحد هاته‌ ده‌سته‌سه‌ركرن.

پشتى سكالايا ئه‌ندام په‌رله‌مانا نه‌وه‌ى نوێ دادوه‌رى بڕيارا ده‌سته‌سه‌ركرنێ بۆ چه‌ند كه‌سێن نێزيك شاسوار عه‌بدولواحد ده‌ركر، كو ئێك ژ وان سكرتێرێ ناڤبرى يه‌.

ب گۆره‌ى ئه‌و پێزانينێن ئه‌ڤرۆ نيوز ژ ژێده‌ره‌كێ ئه‌منى وه‌رگرتين، شه‌ڤا بۆرى ب بڕيارا دادوه‌رى ژ لايێ هێزێن ئاسايشێ ڤه‌ ئه‌و كه‌س هاتيه‌ ده‌سته‌سه‌ركرن و ده‌ست ب سه‌ر كۆمپيۆته‌ر و مۆبايل و وان كه‌لوپه‌لێن كو گۆمان ل سه‌ر دهێته‌ كرن هاتينه‌ بكارئينان بۆ گه‌فێن ل په‌رله‌مانتارا نه‌وه‌ى نوێ كرين و تۆماركرنا وێنه‌ و ڤيديۆ و ده‌نگى ل ده‌م و جهێن نه‌گۆنجاى.

پشتى كێشێن ناڤخۆ يێن نه‌وه‌ى نوێ گرۆپه‌كێ وێ، گرۆپه‌كێ وێ ڤه‌لڤينێ رابووينه‌ ب به‌لاڤكرنا گه‌فان كو ڤيديۆيێن سكسى يێن سه‌ركرده‌ و ئه‌ندام په‌رله‌مانتارێن وان د ده‌ستێ وان دانه‌ و دێ به‌لاڤ كه‌ن.

هه‌ر ب گۆره‌ى هه‌مان ژێده‌ر كو داخواز كريه‌ ناڤێ وى نه‌هێته‌ به‌لاڤكرن، نها ئه‌و كه‌ره‌سته‌ و سكرتێرێ شاسوار عه‌بدولواحد د ناڤ ده‌ستێ ئاسايشێ دانه‌.

website security
WP Facebook Auto Publish Powered By : XYZScripts.com