ئهڤرۆ نيوز:
ب بريارا مهكتهبا سياسى يا ئێكهتيێ، ئالا تالهبانى ژ پۆستێ سهرۆكا فراكسيونا كهسك ل پهرلهمانێ عيراقێ هاته دوورخستن پشتى كو گوتى بنهمالا تالهبانيان سهر ب شيعهيان ڤهنه !!
دهقێ نڤيسارا لادانا ئالا تالهبانى
نووترين نووچه
- ئەڤرۆ جڤاتا وەزیرێن هەرێما كوردستانێ دێ دو پرسێن گرنگ گەنگەشە كەت
- ترس هەیە پشتی ڤەكێشانا ئەمریكا داعش پتر خوە ڕێكبێخیت
- چو پێنگاڤەكا كریاری بۆ ڕادەستكرنا چەكێ گرۆپان نەهاتییە هاڤێتن
- شۆڕشا ئیلۆنێ بناغەیێ ڕێككەفتنا 11ێ ئادارێ و قەوارەیێ هەرێما كوردستانێ بوو
- سەرۆك بارزانی و سەرۆكێ جڤاتا نوونەرێن ئیراقێ دوپاتی ل پێگیریبوونێ ب دەستووری و ئارامیێ كر
- نێچیرڤان بارزانی: شۆڕشا ئیلۆنێ دەنگێ ڕەوا یێ كوردستانێ گەهاندە جیهانێ
- دەستكەفتێن مە ب ئێكگرتن و هەڤهەلوەستیێ دێ هێنە پاراستن
- سەرۆكاتییا هەرێما كوردستانێ هێرشا درۆنی ل سەر بۆریێن نەفتێ ل سعودیێ پرۆتەستۆ كر
- پارتی دوپاتیێ ل سەر هەڤهەلوەستییا ئالییێن سیاسی دكەت
- ڕەوش ل رۆژئاڤـایێ کـوردستانێ یا ئالـۆزە و خـوەنیشادان بەرفرەهتر دبن
سهرهكى غير مصنف
سندوقەک بۆ زارۆیێن نەخۆشیا پەنجەشیرێ دێ ھێتەدانان
ئەڤرو نیوز : هلورى
ب مەرەما ھەڤکاریکرنا زاروکێن توشبو ب نەخۆشیا پەنجەشێرێ پارێزگارێ دھوکێ ل گەل چەند سازیەکێن ژێکجودا کومبوو و بریارھاتەدان کو سندوقەک بو کومکرنا ھاریکاریێن دارایی بھێتەدانان.
ئەڤرو ١١/٦/٢٠١٧ بەرێز فەرھاد ئەمین ئەتروشی پارێزگەرێ دھوکێ دگەل ھژمارەکا دەولەمەند و سەرمایەدار و بەلێندەرێن پارێزگەھا دھوکێ کوم بو دکومبونێ دا کو نوێنەرێ رێڤەبەریا گشتی یا ساخلەمیا پارێزگەھا دھوکێ و رێڤەبەرێ سەنتەرێ پەنجەشێرا زاروکان ل نەخوشخانا ھیڤی و رێڤەبەرێ ئەوقافا دھوکێ و سەروکێ ژورا بازرگانی و بەرپرسێ لقێ دھوک یێ بەلێندەران بەرھەگ ببون .
بەراھیێ بەرپرسێ سەنتەرێ پەنجەشێرا زاروکان کورتیەک دا سەر چاوانیا دامەزراندنا ڤی سەنتەری و ئەو پێنگاڤێن ھاتینە ھاڤێتن بو دانانا ڤی سەنتەری ل دھوکێ و دیار کر کو ل سالا ٢٠٠٧ ێ ھاتیە دامەزراندن و تا ٢٠١٣ ێ حکومەتا ھەرێمێ ھەمی پێدڤیێن ڤی سەنتەری دابین دکرن لێ پشتی قەیرانا دارایی و نەبونا بودجێ کێماسی کەفتنە دسەنتەری و دەرومانێن سەنتەری دا , و دیار کر نەخوشترین سال بو سەنتەری سالا ٢٠١٦ و ٢٠١٧ ێ نە لەوما داخاز کر کو پێدڤیە ھاریکاری و پشتەڤانی ل ڤی سەنتەری بھێتە کرن داکو خەلکەکێ ھەژار و دەست کورت بھێتە چارەسەر کرن ژبەر کو ھەر نەخوشە پێدڤی ب زێدەتر ژ ٧٠٠٠٠ حەفتی ھزار دولارایە بو چارەکرنێ و دابینکرنا دەرمانێن پێدڤی ,
ژلایێ خوڤە پارێزگەرێ دھوکێدەست خوشی ل رێڤەبەریا گشتی یا ساخلەمیا دھوکێ کر بو وی کارێ ژ ھەژی بو خزمەتکرنا ڤان نەساخا دکەن و سوپاسیا بەرھەڤبویا کر کو ل دیف کازیا وان ھاتین بو پشتەڤانی کرنا نەخوشێن ڤێ ئیشا گران و دیار کر کو ل ھەمی دونیایێ ئەف سندوقێن تایبەت دھێنە دانان بو کومکرنا ھاریکاریا بو ڤان رەنگە نەخوشیان و داکوکی ل سەر رێکخستنا ئالیەتەکا باش کر بو کومکرنا پارەکێ باش بو ڤان نەخوشا و پشتەڤانیا کارگێریا پارێزگەھێ بو ڤێ سندوقی دوپاتکر و بەری ھەمیا ب کوژمەکا باش پشتەڤان بیت ,
ھەروەسا داخازی ژ زانایێن ئاینی کر کو وەکو ئەرکەکێ ئاینی خەلکەکێ ھاندەن بو پشتەڤانی کرنا ڤی کارێ پیروز ,
ژلایێ خوڤە رێڤەبەرێ ئەوقافا دھوکێ ئاماژە کرە وێ چەندێ کو پشتەڤانی کرنا ڤێ سندوقێ ئەرکەکێ ئاینی یە و خودێ دقورئانا پیروزدا ئاماژە کرە ھندێ کو ببیتە ئەگەر بو ساخ بونا کەسەکی ھەروەکی تە ھەمی مروڤ ساخکرین و گوت ئەف کارە ژ گەلەک کارێن دی فەرترە کو مروڤێن زەنگین خو لێ بکەنە خودان تایبەت مالێ خودێ بو ڤان کارا بھێتە مەزاختن . دیڤدا بەرھەڤبویا بوچونێن خو ل دور چاوانیا دانانا سندوقا ل جھین تایبەت بو کومکرنا ھاریکاریێ بو نەخوشێن زاروک یێن توشی ئیشا پەنجەشیرێ بوین دیار کرن ,
ھەژی گوتنێ یە کو ل سالا ٢٠٠٧ سەنتەرێ پەنجەشێرا زاروکا ل نەخوشخانا ھیڤی ھاتیە دانان و تا نوکە ٨٦ کەسا ژبەر ڤێ ئیشێ گیانێ خو ژدەست دایە و ١١٠ نەخوش ھاتینە چارە کرن و نوکە ١١٠ نەخوشێن دی لبن چارەسەریێ نە و پێدڤی ب چارەسەریا بەردەوام و چاڤدێریا نوژدارا و دەرمانێن تایبەتن .
وێنێی وی ببینە – مەزنترین خشوک ل كوردستانێ ھاتە دیتن
ئەڤرو نیوز، نەوزاد ھلوری:
وەلاتیەکێ قەزا ئاکرێ ئێک ژ مەزنترین جورێن گیانەوەرێن خشوک ل سنورێ قەزا ئاکرێ ب دەست گرت و ددەتن دیارکرن کو ئەڤ جورێ خشوکا ل دەڤەرێن دن زور بچوکن.
دڤی واریدا ” ھوشمەند ئاکرەی” ئەو کەسە کو ئەو خشوکە گرتی بۆ ئەڤرو نیوز گۆت: (ئەز و ھەڤالەک بوین ل رۆژھەلاتا قەزا ئاکرێ بوین ل سنوورێ گوندەکێ دەڤەرا سورچیان یا سەر ب قەزا ئاکرێ ڤە مە جورە خشوکەک بناڤێ “بزن مژە” دیت و پاشان ب برینداری گرت ، ب رەنگەکێ ئەڤ جورە خشوکە زوری َمەزن بوو ، کو ھەمان جورە خشوک ل دەڤەرێن دن زور بچوکن)
زێدەتر گۆت: (ھەموو سالان ل دەەستپێکا وەرزێ ھاڤینێ جورە خشوک ل دەڤەرا ئاکرێ دەردکەڤن و ھندەک جاران مەترسیێ لسەر ژیانا وەلاتی و ئاژەلان درۆست دکەن )
ل گورەی ئاخفتنێن ھوشمەندی ئەڤ خشوکە زێدتری میترەکێ یی َدرێژ بو و سەنگا وی ژی ژ پێنج کیلویان پتر بوو ، و پێشتر ژی ھندەکێن ژ ڤی مەزنتر ل ھەمان جھی ھاتینە دیتن ، بەلێ ھەمان جورە خشوک ل دەڤەرێن دن ژ ١٥سم نابوریت و سەنگا وان ژی ناگەھیتە چارێک کیلوگرام)
دھێتە زانین ھندەک دەڤەرێن دن ئەڤی جورە خشوکی ب حەمەگوری یان کم کمە یان ژی ب جورەكێ بەق ماریشکا ددەن نیاسین
سهرۆكێ ههرێمێ ژڤانێ ريفراندۆمێ راگههاند
ئهڤرۆ نيوز:
كۆمبوونا مهسعود بارزانى، سهرۆكێ ههرێما كوردستانێ ل گهل حزب و لايهنێن ههرێما كوردستانێ ب دووماهى هات و بڕيار دا 25ى ئيلۆنا 2017ێ ريفراندۆم بهێته ئهنجام دان.
ههر ديسا د كۆمبوونێ دا بڕيار دا ههلبژارتن ژى د دهمێ خوه دا ل رۆژا 6ى چريا دويێ 2017 ههلبژارتنێن پهرلهمانێ كوردستانێ و سهرۆكاتيا ههرێما كوردستانێ بهێنه ئهنجام دان.
بڕيار هاته دان چهندين كۆميتێن ريفراندۆمێ بهێنه دروستكرن ب سهرۆكاتيا بارزانى بۆ سهرهدانا وهلاتێن دهڤهرێ و عهرهبى و دانوستاندنێ ل گهل بهغدا.
ترارێ زهلاتێ ژ نانى!
ئهڤرۆ نيوز:
ترارێ زهلاتێ ژ نانى ئێك ژ وان خوارنايه يێن جوانيهكا گهلهك زێدهتر د دهته خوارنێن ته و بۆ ئهڤرۆ رۆژا ئهينى مه هزر ل هندێ كريه سفرا ته يا جودا بيت ژ رۆژێن دى. ل گهل مه به دا بزانى دێ چاوان ترارێ نانى بۆ زهلاتێ بهرههڤ كهى.
دێ نانێ تهنك ل بازارى كرى يان ژى تو دشێى دوركێن نانێ تهنك ژى چێكهى و پاشان ژى بكهيه د ترارهكى دا كو تهحهمولا فرنێ بكهت و ل دووڤ حهزا خوه نهخشێ وێ دانى يان ژى تو دشێى بكهيه د سێنيێن كێك كاپ دا بهلێ دێ د بچووك بن، ئانكو دشيان دايه ل دووڤ حهزا خوه قهبارهى ههلبژێرى.
ب وێنه: ماسى خوارنهكا سڤك و ب ساناهى بۆ رهمهزانێ
ئهڤرۆ نيوز:
پتريا جاران ههموو خێزان د ههيڤا رهمهزانێ دا گهلهك جورێن خوارنێ بهرههڤ دكهن و ب ڤێ چهندێ ژى ههكه ههر تشتهكى كێم ژى ل سهر فتارێ بخۆن زيانێ دگههيننه خوه، بهلێ ل ڤێره بۆ رۆژانێن ههيڤا رهمهزانێ ڤێ خوارنا سڤك و ب ساناهى بهرچاڤ دكهين كو دشيان دايه بۆ خوه مفايى ژێ وهربگرن يان ژى بۆ ههر رۆژهكا دى بيت.
رێيا چێكرنێ:
دێ ل دهسپێكێ تێكهلهكێ بهرههڤ كهيى پێكهاتى بيت ژ ڤان كهرستان؛ تێكهلێ ماسيێ، دۆشاڤا تهماتێ، فلفلا سۆر، فلفلا رهش، خوێ، لهيموندز، ماست، زهيت، پۆترا پيڤازێ و پۆترا سيرێ.
دێ وان ههموو كهرهستان پێكڤه تێكهل كهيى و تێكڤه دهيى، ههتا باش دهێنه تێك شێلان.
پاشان دێ ماسيا خوه ههكه يا بهرههڤ بيت بهرههڤ كهيى و ههكه نه ژى دێ ڤهكهيه ڤه و پاقژ كهيى و شووى ههتا بهرههڤ دبيت و دێ كهيه د سێنيا فرنێ دا و دێ ڤێ تێكهلێ باش كهيه سهر و پاشان دو سێ دهمژمێران هێلى.
پشتى ته ئهڤ تێكهله تێدا دێ كهيه دێ ل دووڤ حهزا خوه هندهك تشتان وهكو پيڤاز و لهيمون و باجانان كهيه سهر و كهيه د فرنێ دا.
د فرنێ ژى دا پێدڤى ب زێدهتر ژ دهمژمێرهكێ يه ههتا ب دروستى بهرههڤ ببيت، بهلێ شێوازێ قهلاندنێ ژى ل سهر حهزا مرۆڤى دمينيت، ئهڤه ژبلى جورێ فرنێ يا ههيى زوو تشتى بهرههڤ دكهت و يا ههى ژى نه بۆ نمۆنه يا غازێ يان يا كههرهبێ.
نوكه بهرههڤ بوو ههوه عافيهت بيت.
بهرههڤكرن: پهيجێ خوارنێت دايكا ئاشنايێ
رومانسی ترین ھەڤژینی
ئەڤرو نیوز :
ل ئێک ژ نەخۆشخانەیێن بەریتانیا زەلامەکێ پشتی چەندین سالێن ئەڤینێ ل داویێ لسەر لێڤا مرنێ ھەڤژینی پێکئینا.
رۆژناما دەیلی مەیلی یا بەریتانی راگەند کو ل ئێک ژ نەخۆشخانەیێن بەریتانیا بناڤێ “سبرینگ ھێل بروچیلی “رێورسمەکێ ھەڤژینیێ بو ئێک ژ نەخۆشێن وان ھاتە درۆستکرن کو لسەر لێڤا مرنێ بو ، و ئەڤە د دەمەکێ دا ھاتەکرن کو زەلامەک بناڤێ ” رای کیشاو ” بو دەما چەندین سالان حەژ کچەکێ دکر بناڤێ ” تراسی بروکس ” بەلێ ژبەر تێکچونا رەوشا ساخلەمیا وی نەشیا ھەڤژینێ پێکبینیت.
لگورەی زانیاریێن دەیلی مەیلی ژیێ رای کیشاو ٦٣ سالە و ژیێ تراسی بروکس ژی ٤٥ سالە و ھیڤی و ئومێدێن وان ئەوبوون کو روژەکێ پێکڤە ل گزریتا تینیریفی ھەڤژینیێ پێکبینن ، بەلێ ژبەرکو رای کیشاو یێ نەخوش بوو ھەموو ھیڤێن وان تێکچوون.
د راپورتا رۆژناما ناڤبری دا زێدەتر ھاتیە: (رای کیرشاو لسەر لێڤا گوری یە و ڤیایە بەری بمریت رۆژێن خوەیێن دوماھیێ ل گەل تراسی بروکس ببورینیت ژبەرڤێ رابوو ب ئەنجامدانا رێورسمەکێ رومانسی ھەر ل نەخوشخانا ناڤبری ب بەرھەڤبوونا کومەکا کەسان ھەردووان ھەڤژینی پێکئینا )
ب وێنه: ههتا ههڤژينهكێ بۆ خوه دئينيت پێدڤيه جهلده دهت
ئهڤرۆ نيوز، نيوار محهمهد سهليم:
ههردهم ئهسيوبيا كانيهكا دابونهريت و رهوشێن سهير بوويه ل جيهانێ، هندهك بنهمال رهنگێن سهير و جودا يێن دژوار ژ ئهشكهنجهدانێ دژى ژنان ب كار دئينن ژ بوو بۆچوونێن خوه يێن سهير، ئێك ژ وان ژى يا بنهمالێن “هندوكێن سۆر”ه يا ئهسيوبيا كو ژنان جهلد دكهن.
ژمارهكا وێنان هاتنه ديتن كو ژ لايێ وێنهگر “جێرمى هانتهر” ڤه هاتينه گرتن كو يێن ئاههنگهكا بنهمالا “ئۆكۆلى بۆلا”نه، خهلكێ وێ بنهمالێ پشت بهستنێ ل سهر جهلدهدانا كچێن گهنج ددهن، ئهو وهسان هزر دكهن كو ئهڤه نيشانا رێزگرتنێ يه بهرامبهر ئهو قوربانيدانا زهلامێن بنهمالێ ددهت، ب گۆرهى ژێدهرهكى ژ دهيلى مهيل يا بريتانى.
ئهندامێن ڤێ بنهمالێ وهسان دبينن كو گهلهك لێدانا لاشێ ژنێ تهكستێ ل سهر ڤيانا وێ بۆ ئهڤينێ دكهت، خوه ههكه كهفته د كاودانهكێ گهلهك دژوار ژى دا دێ شێت خوه راگريت، ل بهرامبهر ڤێ چهندێ ژى چو داخوازيهكا زهلامێ خوه بن پێ ناكهت پشتى هاتيه جهلده دان.
د ڤێ ئاههنگا هۆڤانه دا، ئهوا ل دۆلا رووبارێ ئۆمۆ دا هاتيه ئهنجام دان، ژن ب حهزا وان دهێنه جهلده دان و بێ كو ئهو بهێنه نهچاركرن بۆ دهربڕين ژ ئهڤينا خوه بۆ گهنجى، زهلام ژى د دو رهوشێن گهلهك جودا و گرنگ دا دبۆريت د ڤێ ئاههنگێ دا ئهو ژى سهنتكرن و خوه ههلاڤێتنه ل سهر گاى. ههكه شيا ڤان ههردو قووناغان دهرباز بكهت رامانا وێ چهندێ دگههينيت كو نوكه يێ گههشتيه قووناغا گههشتنێ و بالقبوونێ و يێ ئامادهيه بۆ پێكئينانا خێزانێ.
كچ ژ لايێ ئهندامێن خێزانا خوه ڤه دهێنه جهلده دان يان ژى نێزيكێن خوه و د بهر را ژنێن دى يێن بنهمالێ سترانان د بهر را دبێژن، پشتى جهلده دانێ وێنه ل سهر لاشێ وان دهێنه چێكرن دا كو شوونووارێن لێدانێ ل سهر ديار نهكهن. ژن شانازيێ ب وێ لێدانێ دكهن، نيشانا وێرهكى و زيرهكيا وايه ل مهيدانێ.
ئهڤ بنهمالێن عهشيرهتان دكهڤنه لايێ باشوورێ پايتهختێ ئهسيۆبيا “ئهديس ئابابا” ئهڤێن دكهڤنه سهر دهريا “تۆركانا” مێژوونڤيسێ ناڤدارێ ئيتالى “كارلۆ كونتى روسينى” ديار دكهت كو ئهڤ پارچا ئهسيۆبيا “مۆزهخانهكا مللهتايه” ب كێمى ههشت بنهمالێن سهرهكى لێ دژين و نێزيكى 200 هزار كهسانه.
ل ڤێ پارچا جيهانێ خهلكێ بنهمالان گهلهك يێ دووره ژ كارتێكرنا دهرهكى و تهكنۆلۆژيايێ ئهڤا جيهان ڤهگرتى و ئهو پێشكهفتنێن د جڤاكان دا دهێنه پێش، ئهڤه بنهمالێن ساده يێن دهسپێكى نه پشت بهستنێ ل سهر كهرستێن سرۆشتى دكهن، يا ژ ههموويا سهرهكيتر لههيا رووبارێ ئۆمۆ يه، كو دشيانێن وان دايه سالێ سێ جاران چاندنێ بكهن و پشت بهستنێ ل سهر وێ چهندێ بكهن.
خهونێن ئيسرايا كهڕ بوونه راستى و بۆ نوشدار
ئهڤرۆ نيوز، رەڤین سالح لاوەند:
بەردەوا م ھەستەک بۆ ھەموو کەسێن دەوروبەر دروست دبوو ژ رۆژا دایکبوونا ئیسرایێ، کو ئەڤ زارۆيە وهكو ھەموو زارۆيێن دی نابيت، بەلێ ب ھەموو شیانێن خوە وێ ئەڤ گوتگۆتکە رەتکرن و بھاریکاریا خێزانا خوه، وان ههڤركى د ناخێ وێ دا چاند، ھەتا گەھشتی یە ئارمانجا خوە، ب ڤان پەیڤان ئیسرا بابلی دەست ب ئاخفتنا خوە بۆ ” ئێم بی سی” کر.
ئاشکرا ژى کر کو چاوان بوویە نوشدارا ددانان يا ئێكێ يا كهڕ ل مسرێ، وێ ههڤركيا کەتواری کر و فێری وانێن رۆژانە بوو، ھەروەسان رابوویە ب چاندنا قەوقەعا گوھی دا کو بشێت گوهـ ل دەوروبەرێن خوە ببیت .
گۆتژى: “خێزانا من وێرەکی یەکا زێدە ھەبوو ژ رۆژا ھاتینە ئاگەھدارکرن کوئەز یا کەڕم ژیێ من چار ھەیڤ بوون، ئەڤێ چەندێ ژیانا دایکو بابێن من خستە د ناڤبەرا روونشتنێن نوشداری کو رۆژانە چوونە دەف نوشداری دا کو فێری خاندنا لێڤا و وەرگرتنا دەنگان بن”.
ئيسرايێ بهردهوامى دا سهرهاتيا خوه: “دایکو بابێن من بەر ب پەیمانگەهـ و دەزگەھێن دەنگی یێن حکومی و یێن تایبەت و دیسان ئەو كۆمهلێن د ڤی واری دا کاردکەن دچوون، ئەز شیام د گەل ئێک ژ قوتابخانێن تایبەت خوه ب گونجینم ھەتا کو ئەز ژی وەکو ھەموو قوتابیێن دی بگەھمە مافێ خوە یێ خواندنێ”.
“ژیانا من یا بەردەوام بوو د ناڤبەرا خواندنێ و راھێنانان دا و من راوەستیان نەبوو و گەلەک ھەڤال ژی من نەبوون، من نشتەرگەریا چاندنا قەوقەعا گوھی ل باژێرێ ئەسکەندەریە کر، ئامیرەکێ ئەلکترونی کرە د ناڤ گوھێ من يێ ھاریکار بوو بشێم گوهـ ل دەنگا ن ببم، ئەڤێ نشتەرگەریێ گەلەک ھاریکاریا من کر” ڤێ نوشدارا كهڕ گۆت .
رێيا ههڤركيا ئیسرایێ یا بەردەوام بوو ھەتا کو گەھشتیە کولیژا نوشداری یا نشتەرگەریێن دەڤوددانان، ئیسرایێ سێ سالان ھاڤین و زڤستانان د خواند، رۆژانە حەفت دەمژمێران د خواند، شیا باخڤیت، سەرکەفتن ئینا ب رێژا 94.4%، دبیتە ئێکەم کەسا خودان پێدڤيێن تایبەت ب دەنگی شیا ڤێ رێژا بلند ل سەر ئاستێ زانستی ب دەست خوه ڤە بێخیت، ل سالا 2008 فورما خوە پێشکێشی کولیژا نوشداری یا نشتەرگەریا دەڤو ددانا کر ل کولیژەکا تایبەت، پشتی تاقیکرنێ دھێتە وەرگرتن و سەرکەفتنەکا مەزن دەست خوه ڤە دئینت د ماوێ وان پێنج سالێن خواندنێ دا، پاشان بەر ب خواندنا بلند ڤە دچیت، دا کو ماستهرێ ب دەست خوه ڤە بینت.
کارێن وێ ل خواندنا بلند رانهوەستیان، بەلکو حەز دکر زمانێ خوە پێشبَیخیت و بەر ب خواندنا زمانێ ئینگلیزی چوو دا کو بشێت ب وی زمانی ژی باخڤیت، ھەروەسان زڤری کاری و ئیسرایێ کلینیکەکا تایبەت بۆ خوه ڤەکر، دیت کارێن وێ گەلەک باش برێڤە دچن ژیا وێ ھزر تێدا کری، نوکە ئەو دشێت د گەل کەسێن دەوروبەرێ خوە ب شێوەیەکێ نورمال باخڤیت، پشتی چەند سالێن رونشتنێن نوشداری و خواندنێ، شیا بیتە كهسا ئێكێ يا كهڕ ل مسرێ پێنگاڤهكا ژ ڤى رهنگى ب هاڤێژيت.
عهرهب و ئیسلام د دیتنهكا ژیوارى دا
ل پهیدابوونا موسلمانهتى عهرهب مهزنكرن، بهلێ ئهڤ موسلمانیا ئیرۆ دكهن، عهرهب رهزیلكرن،
بێگومان هاتن و پهیدابوونا موسلمانهتیێ بۆ جیهانێ پێدڤیهكا خودایى بوویه، لێ د ههمان دهم دا دلۆڤانى و دادپهروهرى یا مرۆڤاتێ بوویه، راستیا وێ ئهڤا ههنێ دزڤریت بۆ هنارتنا پێغهمبهرێ خودێ (محمد) سلاڤ ل سهربن كو ژناڤا عهرهبان رێگر بوویه پێغهمبهرى تهڤایا موسلمانێ دونیاى بۆ هندێ كو بهراهیێ عهرهبان ژ وێ نهزانین و هۆڤاتیا تێدا رزگار بكهت و بهێنه گوهۆرین، چونكو وى سهردهمى عهرهب د وان چارگۆشهیێن تاریاتى دا دژیان و ئهو تێگههشتنێن مرۆڤایهتى ل دهڤ بهرزهببوون دیاربوون د ههمى وارێ ژیانێ دا یێ پاشكهتى بوون، چونكو ئهو بهایێ مرۆڤاتى ل دهڤ نهبوو، لهورا (محمد) سلاڤێن خودێ ل سهربن بۆ هنارت دا كو ژ وێ نهزانین و خرابیێ قورتال بن و د گهل ڤێ ژى قورئانا پیرۆز ب زمانێ عهرهبى بوو رێگر، ههروهسا پهیام و فهرمۆدێن خودێ رۆژانه بۆ دهاتن گۆتن دا كو بهرێ وان بكهڤیته رێیا دروست كو ژ وێ سهرداچوونا ههى بزڤرن كو باوهرى یێ ب خودێ و پێغهمبهرێ وى بینن بۆ وێ چهندێ داكو بهر ب رێیا خودێ و موسلمانهتیێ ڤه بێن بۆ وێ ئێكێ ئهڤ مللهته ژ وێ نهساخیا كهتین تێدا خلاس ببن و ههروهسا پێغهمبهرێ خودێ بهردهوام ئاراسته و ئامۆژگارى دانه وى خهلكێ بۆ هندێ رێیا درست بگرن و مرۆڤاتى بهرقرار كهت ئهڤه ژى بۆ دادپهروهرى و پێكڤهژیانهكا بێ جوداهى ههبیت ل ناڤبهرا ههمى ئۆل و نهتهوه و و ههر ئاینهكێ دا كو ببن ئالاههلگر و دووڤچووى (محمد) و ئهڤ رێیا پیرۆز ب درستى پهیرهو بكهن، چونكو هاتنا ئاینێ موسلمانیێ ژ بۆ لێبۆرین ژ برایهتى و وهكههڤیێ بوویه بۆ وێ ئێكێ خهلكهك بهرهف موسلمانهتیێ ڤه بهێن و راستیا ڤێ ئهڤ مللهته دكار و كریارێن خوه دا ژ وان دیتنێن خودایێ مهزن دهركهتبوون، لهورا پێغهمبهرێ خودێ (محمد) سلاڤ ل سهربن ب وان دیتن و دلۆڤانیا خۆشیا عهرهبان ل بن چادرا موسلمانهتیێ كۆم ڤهكهت، بهلێ بهروڤاژى گهلهك ژ عهرهبان بوونه ئاستهنگ كو ئاینێ ئیسلامێ ل سهر دهستێ پێغهمبهرێ خودێ سهر نهكهڤیت و ل سهر ڤێ چهندێ گهلهك رێگرى و دژایهتیا وى هاتهكرن، لێ ڤێ خهونا وان سهرنهگرت، چونكو ئیراده و رازیبوونا خودێ ل سهر ههبوویه، كو دڤیا ڤى ئاینى و ئیسلامهتیا پیرۆز ب سهربێخین و ئهكید ڤى پهیاما موسلمانهتى دهنگڤه دا و راستیا وێ بهێزكهت و دیاربوو ل بانگهوازیا موسلمانهتیا زۆربهیا وهلاتێن جیهانى ژ بهر دادوهرى و مرۆڤاتیى وى باوهریێ پێ ئینا و گههشتن ناڤ رێزین موسلمانهتیێ و ههلبهت ل سهر ڤێ چهندێ خهلكێ پێشهوازیهكا گهرم لێ كر و ناهێته ڤهشارتن رۆل و پێگهیێ وێ بهرفرهبوو، چونكو د ماوهیهكێ كێم دا موسلمانهتیێ جهێ خوه گرت و ئهكید موسلمانهتى رۆژ بۆ رۆژێ گهشهكر، ژ بهر كو ل سهر بیروباوهرێن پاقژ و خودایى بوویه ئهڤه ژى بۆ وێ رێبازا پیرۆزا (محمد) سلاڤێن خودێ ل سهربن دچوون ل بهر هندێ بوویه جهێ خۆشحالیا ههر مرۆڤهكێ ئهكید ڤێ راستیێ دیار كر لهوا موسلمانهتیێ ههمى سنۆر برین و ل سهر ڤێ موسلمانهتیێ زۆربهیا خهلكێ هشیاربوون ژ بهر كو پهیاما وى چاكسازى و مرۆڤاتى بوو كو خهلكهك ل دۆر ئالاى موسلمانهتیێ خرڤه ببن و ژ بهر هندى چ هێزهك نهشیا رێگریێ لێ بكهت، بهلێ ئهوا بوویه، جهێ پسیار و ئاماژهێ ئهڤهیه گهلهك جاران كێشه و ئاستهنگ ژ لایێ عهرهبان ڤه ل بهرامبهرى قاسدێ خودێ دهات نیشادان داكو موسلمانهتى سهر نهكهڤیت، لهوا گۆتنا ئیمامى (عمر) رازیبوونا خودێ ل سهر بیت دئێته بیرا مرۆڤى، دهمێ گۆتى بهرى موسلمانهتى بگههیت ئهم عهرهب گهلهك رهزیلبوون، لێ پشتى پهیاما موسلمانهتى و هاتنا (محمد) سلاڤێن خودێ ل سهربن، ئهم عهرهب عهزیزكرن و ئهكید ههكه ئهم ل سهر وێ دیتنا خراب بچین، دێ رۆژهكا دى ل مه عهرهبان زڤریت ئهم عهرهب جارهكا دى دێ رهزیل ببن و بێگومان ئهڤا ئیرۆ دیار دكهت، ئهڤه ئهو رۆژه ب سهر عهرهبان دا دئێن، چونكو دئێته خۆیا كرن ل زۆربهیا وهلاتێن عهرهبان و دهڤهرێ شهر و ململانێ ل سهر دهسههلات و كێشه و ڤهكێشا خوهسهپاندنێ بهردهوامه ب تایبهتى ئهڤا هه ل بن وى كراسێ موسلمانهتیا بۆیاغكرى ڤه، دئێتهكرن و ههمى ژى دژایهتى و مهرهمێن سیاسى ل پشت ههنه و ئهكید ل سهر ڤێ دیتنێ سهردوئێك ناڤ و كراسێن موسلمانهتى و ل خوه كرینه و ل سهر ڤێ چهندێ شهر و خوینرشتن ژى بهردهوام .. ههر ئالیهك لایێ بهرامبهرى خوه ب كافر و نهموسلمان دته زانین، ژ بهر وێ مسلمانهتیا پهروهردهكرى سهدو ئێك ئالا ئیرۆ ل دهڤهرێ داینه بلندكرن. لهوا كێشه و ئالۆزى ل وهلاتێ عهرهبان رۆژ بۆ رۆژێ زێدهبووینه و ل سهر ڤێ چهندێ را ژى ئهو خوه ب تنێ دبینن و دڤێت ئهو بن خودان دهسههلات و ژبلى خوه چ لایهكێ دى قهبوول ناكهن ژ بهر ڤێ ئیرۆ موسلمانهتى و تیر وان ل سهرانسهرى جیهانى ڤهگرتیه و ل گهل ڤێ ژى ناڤێ موسلمانهتیێ ژى لهكهدار و نهشرین كریه لهورا عهرهب ئیرۆ ب شێوهكێ گشتى ل سهر ئاستێ دنیاى ب مهترسى هاتینه دیتن و زانین و خهلكێ جیهانێ نهشێت ئێدى ڤهكرى تێكههلیێ د گهل دا بكهن، لهورا خهلكهك خوه دوورى وان دكرن، چونكو ئهو دبێژن موسلمانهتى یا مهیه و ئهم دێ پارێزین و موسلمانهتیا وان ژى بوویه سهربرین و كوشتنا خهلكهكێ بێتاوانه. لهورا ل سهر ئاستێ جیهانێ خهلك ژى درهڤیت چونكو خۆیا دكهت ئهوێن خوه كرین خودانێ موسلمانهتیێ، ئیرۆ بووینه پالدهرێ تیرور و توندوتیژیێ و گرۆڤا ڤێ چهندێ دهمێ ئیرۆ مرۆڤ تهماشاى زۆربهیا وهلاتێن عهرهب دكهت دیاره ههمى شهر و وێرانكارى پێڤه دیاره ل بهر هندێ عهرهب ئهڤرۆ د چاڤێن جیهانێ و مرۆڤایهتى دا كێم دئێنه ههژمارتن، ژ بهر وان كێشه و ههڤركیا بهردهوام و دیاره دیكلێ ڤێ دوژمناهێ وهلاتێن عهرهبى بهرنهدایه، چونكو شهر و نهڤیانا وان دهته خواندن و د گهل ڤێ ژى دا كێشه ل گهل ههمى لایهكێ ههنه گههشتیه وى رادهى ئێدى ئهو باوهرى ل دهف عهرهبان نهمایه بشێن تێكههلى و پهیوهندیێن خوه ل گهل جیهانا ئهڤرۆ خۆش بكهن ژ بهر كو بوونه جهێ مهترسیێ لهورا وهلاتێن ئهوروپا ئیرۆ مژوولى دهرخستنا موسلمان و گهلێ عهرهبا یه و ئهڤا هه دهرئهنجامێ وێ خۆبهرستى و نهقبوولكرنا بهرامبهرى وانایه لهوا كێشهێن وان زۆربوونه و بهردهوامدبن و گومان د ڤێ چهندێ دا نینه، ئێدى نهشێن كێشه و پرسگرێكێن خوه چارهسهر بكهن، چونكو ناكۆكى و نه باوهرى ل ناڤ وان دا پهیدابوویه و نهشێن ئێكرێزى و ئاشتى و ئارامێ بهرقرار بكهن و راستیا ڤێ دهڤهر ئیرۆ ب شێوهكێ بهرچاڤ شێلى دئێته دیتن، چونكو نیازێن وان ئهڤهنه دڤێت ههمى دهمهكێ ل سهر كهلهخێ خهلكهكێ بژین و ئهو دهسههلاتدارین ناهێته قهبوولكرن، چ كهس و لایهكێ دى ههبیت و حوكمرانیێ لێ بكهن، ههر وهسا چ لایهك پسیارا ماف و ئازادیا خوه بكهن لهورا خودانێ ڤێ عهقلیهتێ ههرێ پاشكهفتینه و ئهكید ژ بهر ڤێ ئێكێ چ جاران بسهرناكهڤن.
نيشاندان
WP Facebook Auto Publish Powered By : XYZScripts.com