ل رۆژێن بهێن پارتی دێ ل سەر بجهئینانا دەستپێشخەرییا سەرۆك بارزانی كار كەت
د. ئاراس حەسۆ میرخان، ئەندامێ كۆمیتەیا ناڤین یا پارتی راگەهاند: «بێگومان پارتی پێگیرە ب هەر رێنمایی و فەرمانەكێ كو ژ ئالیێ سەرۆك بارزانی ڤە بهێتە دان، پشتی ب دووماهی هاتنا بێهنڤەدانا جەژنێ، هەرچ پێدڤی بیت پارتی دێ كەت ژ بۆ بجهئینانا دەستپێشخەرییا سەرۆك بارزانی. ب هەلكەفتا جەژنێ، سەرۆك بارزانی پەیامەك پێشكێشی هەمی ئالییان كربوو بۆ دووماهیئینانا ململانێیان و گەهشتن ب رێككەفتنێ ژ بۆ دەربازبوونێ ژ ڤی قۆناغی. پشتی جەژنێ ئەم دێ دەست ب دانوستاندنان ل گەل ئالیێن سیاسی كەین بۆ وێ چەندێ دووماهیێ ب ڤێ قەیرانا سیاسی بینین یا كو دەمەكێ درێژە هەرێما كوردستانێ گرتییە ڤە، هەتا ئەم دگەهینە چارەسەرێ».
د. ئاراس د هەمان دەم دا گۆت: «ئەم دێ بزاڤێن خۆ دەستپێكەین، هەم ژ ئالیێ پارتی ڤە و هەم ژی ژ ئالیێ وان ئالیێن ناڤەندگری دكر. ل گەل دەستپێكرنا بزاڤێن خۆ، ئەم چاڤەڕێی بەرسڤێن ئالیێن دی نە. پارتی زەمینەسازیێ دكەت و دێ رێكێ بۆ ئاشتییا نیشتمانی خۆش كەت، رۆژێن بهێت دێ پێشهاتێن نوو هەبن».
د. ئاراس حەسۆ میرخان زەلال كر ژی: «پارتی د نها و د بۆری دا ژی گەلەك داگیران ل سەر مافێن خۆ كرینە ژ پێخەمەت بەرژەوەندییا گشتی و گەهشتن ب رێككەفتنێ. هەر دەم پارتی پتر ژ مافێ خۆ دایە ئالیێن دی ب مەرەما چارەسەركرنا ئاریشەیان، وەك پارتی ئەم دێ بەردەوام بین ژ بۆ وێ چەندێ ئەم دگەهینە چارەسەرێ».
