ئه‌ڤرۆ نیوز:

ل دووڤ وی ژڤانێ‌ پارتی و ئێكه‌تی و ئالیێن دی ل سه‌ر رێككه‌فتین، بڕیاره‌ ئه‌ڤرۆ په‌رله‌مانێ‌ كوردستانێ‌ بۆ ته‌مامكرنا كۆمبوونا په‌رله‌مانی و هه‌لبژارتنا ده‌سته‌یا سه‌رۆكاتیا په‌رله‌مانی كۆم ببیت.

هه‌رچه‌نده‌ ئێكه‌تی نیشتیمانی كوردستان راگه‌هاندبوو، كو دێ‌ بزاڤا پاشخستنا كۆمبوونا په‌رله‌مانی ده‌ن، لێ‌ رێڤینگ هرۆری سه‌رۆكێ‌ ده‌مكی یێ‌ په‌رله‌مانێ‌ كوردستانێ‌ بۆ ئه‌ڤرۆ نیوز راگه‌هاندبوو كو چو ئالیان ب فه‌رمی داخوازا پاشخستنا كۆمبوونێ‌ نه‌كریه‌ و گۆت:( كۆمبوون ب چو ره‌نگا ناهێته‌ پاشخستن).

ئەڤرۆ نیوز:

ل گۆر چەندین دەزگەهێن راگەهاندنێ پشتی هێرشێن بەردەوام یێن ئیسرائیلێ ل رەخ شامێ و فرۆکەخانا نێڤدەولەتی یا شامێ ل سەر بنگەهێن سەربازی یێن ئیرانێ کو هەتا نها د ئەنجام دا ب دەهان سەرباز و ئەفسەرێن ئیرانێ هاتینە کوشتن و گەلەک چەکێن گران یێن ئیرانێ ژی هاتینە ژناڤبرن، د دووماهیێ دا ئیرانێ بریار دایە چەندین بنگەهێن خوە ل شامێ چۆل بکەت.

بەری نها ژی چەندین جاران بەرپرسێن سەربازی یێن ئیرانێ دیار کربوون کو ئەو ل هەمبەر هێرشێن ئیرانێ یێن ل سووریێ ل سەر هێزێن خوە بێدەنگ نامینن، لێ سەرۆک وەزیرێن ئیسرائیلێ ژی دیار کر کو هەتا نها مە پتر ژ هزار جاران هێرشی هێزێن ئیرانێ کریە و ئیرانێ ئەو شیان نینن بەرسڤا مە بدەت.

ئەڤرۆ نیوز:

یانا ریال مەدرید ب گەلەک و ب ھێز نێزیکی ئیمزاکرنا ھەڤبەستا یاریزانی دانیمارکی و ستێرا یانا توتنھام ھوتسپێر یا ئنگلیزی بویە بو ڤەگوھاستنێن نوکە یان یێن ھاڤینا بھێت.

ناڤێ یاریزان کریستیان ئاریکسین ل ڤان روژێن دووماھیێ ب ڤەگوھاستنێ بو ناڤا رێزێن ریال مەدرید یا ئسپانی ھاتیە گرێدان داکو ببیتە پێگوھورێ ستێرا کرواتی لوکا مودریچی.

روژناما ئاس یا ئسپانی ئاماژەکریە کو دانییل لیڤی سەروکێ یانا توتنھام گەلەک یێ ب زەحمەتە ھەتا رازی بیت دەلیڤا دانوستاندنێ ل سەر فروتنا ئێک ژ ستێرێن خوە بکەت، لێ دھێتە پێشبینیکرن ڤێ جارێ بو یانا ریال مەدرید یێ رازبیت کریستیان ئاریکسینی بفروشیت.

زێدەتر ئەو چەندە ھاتیە ئاماژەکرن کو بەریا نوکە ژی یانا ریال مەدرید ژبو ڤەگوھاستنا مودریچ و گارسبێلی دانوستاندن دگەل ڤی کەسی کربوو و ب زەحمەت شیان رازیبونا وی ب دەستڤە بینن، لێ ڤێ جارێ دێ ب ساناھی رازی بیت ژبەرکو ماوێ ھەڤبەستا یاریزانێ دانیمارکی کێم مایە و رەتکریە ھەڤبەستا خوە نوو بکەت.

ئه‌ڤرۆ نيوز، نيوار محه‌مه‌د سه‌ليم:

ژێده‌ره‌كێ هايدار ژ پارێزگه‌ها دهۆكێ راگه‌هاند كو سوبه‌هى ده‌واما فه‌رمى يه‌ و بهێنڤه‌دان نينه‌، ئه‌ڤه‌ و دو رێڤه‌به‌رێن پارێزگه‌ها دهۆكێ ژى ئه‌ڤ چه‌نده‌ پشت راست كر.

ژێده‌ره‌كى ژ كوچكا پارێزگه‌ها دهۆكێ كو نه‌ڤيا ناڤێ خوه‌ ئاشكه‌را كه‌ت بۆ ئه‌ڤرۆ نيوز ئاشكه‌را كر كو سوبه‌هى ده‌واما فه‌رمى يه‌ ل سه‌رانسه‌رى پارێزگه‌ها دهۆكێ و رێڤه‌به‌ريێن ميرى ژى ل سه‌ر ڤێ چه‌ندێ هاتينه‌ هايداركرن.

ژ لايه‌كێ دى ڤه‌، ئه‌ڤرۆ نيوز په‌يوه‌ندى ب دو رێڤه‌به‌رێن ميرى يێن پارێزگه‌ها دهۆكێ كر كو ئه‌و هاتينه‌ ئاگه‌هداركرن كو سوبه‌هى ده‌واما فه‌رمى يه‌ و پێدڤيه‌ هه‌موو فه‌رمانبه‌ر پێگريێ ب بڕيارێ بكه‌ن.

هه‌ر چه‌نده‌ ب گۆره‌ى په‌رله‌مانێ كوردستانێ 6ى كانوونا ئێكێ ب ره‌نگه‌كى فه‌رمى وه‌كو بهێنڤه‌دان هاتينه‌ نياسين، به‌لێ بۆ ماوێ چه‌ند سالايه‌، ژماره‌كا زۆر ژ رێكخراوێن جڤاكێ سڤيل داخواز دكه‌ن كو ئه‌ڤ بهێنڤه‌دانه‌ بهێته‌ ره‌تكرن ب به‌هانه‌يا وێ چه‌ندێ كو جه‌ژنا له‌شكرێ عيراقێ يه‌ و وى له‌شكرى ب ده‌هان هزار كوڕێن كورد كوشتينه‌.

ئه‌ڤرۆ نيوز: رۆژهات لوقمان

ئەڤرۆ نیوز، رەمەزان ھەرنی:

پرۆفیسورەکێ ھاریکار د زانستێن سیاسی دا ئاشکرا کر کو ئیران ل ڤان نزیکان دێ دکتور بەرھەم سالحی سەرۆک کومارێ عیراقێ وەکو کارتەکێ ب کارئینیت داکو سەردانا دیمەشقێ بکەت بۆ وێ چەندێ ب رێیا وی بشێت ڤان دو مەرەمان ب دەست ڤە بینیت.

د. سالح مەلا عومەر، پروفیسورێ ھاریکار ل زانستێن سیاسی بۆ ئەڤرۆ نیوز دیار کر کو ئیرانێ دڤێت ژ بەر وێ ڤالاھیا کو ژ بەر پاشکەفتکرنا ھێزێن ئەمریکا ل رۆژ ھەلاتا فورات دروست بیت ، دکتور بەرھەم سالح د ناڤبەرا بەشار ئەسەد و پەیەدێ دا ل سەر روژھەلاتا فورات ببیتە دادڤان بۆ وێ چەندێ پەیەدە وان دەڤەران رادەستی بەشار ئەسەد و ئیرانێ بکەتە ڤە و گۆت: ” ب رێیا سەرەدانا سەرۆک کومارێ عیراقێ بۆ دیمەشقێ ل سەر ئاستێ دەڤەرێ و جیھانێ پروژەکێ زێدەتر ب بەشار ئەسەدی بدەت”.

ئەڤرۆ نیوز:
سانا بۆ شاهجوانا کوردستانێ

ئەڤرۆ نیوز:

جێگرێ سەروکێ کومسیونا سەربەخو یا ھەلبژارتنان ل عیراقێ دیارکر بریاربوو ل حەفتیا بھێت ھەلبژارتنێن ئەنجومەنێ پارێزگەھان بھێنە کرن، لێ کومسیونێ ئەو شیان نینن ڤێ چەندێ ئەنجام بدەن لەورا ب نڤیسارەکا فەرمی داخوازا پاشخستنا وان کریە.

زێدەتر رزگار حاجی دیارکر سەروکێ کومسیونا بلندا ھەلبژارتنان ل عیراقێ ل دووڤ ژڤانێ بۆ ھەلبژارتنێن پارێزگەھان ھاتیە دەستنیشان کرن کو بریار بوو ل ٢٢ ڤێ ھەیڤێ بۆ جڤاتێن پارێزگەھان ھاتبانە کرن لێ ژبەرکو ئەم ژ کاری ھاتینە راوستاندن و بودجەیا وان ھێشتا نەھاتیە پەسەند کرن نەشێن ڤان ھەلبژاتنان ئەنجام بدەین لەورا وان ب فەرمی داخوازا پاشخستنا ڤان ھەلبژارتنان ژ ئەنجوومەنێ وەزیران کریە و بھێنە پاشخستن بۆ دووماھیا سالا ٢٠١٩، بریارە د ڤێ حەفتیی َدا پەرلەمان بریارا پاشخستنا ڤان ھەلبژارتنان بدەت.