ئەڤرۆ نیوز:

ئێک ژ ترومبێلێن یاریزانێ پرتوگالی یێ یانا یوڤانتوس یا ئیتالی کریستیانو رونالدو ھاتیە بەر فروتنێ و نوکە چاڤەرێ بکەرەکی دھێتە کرن.

یاریزانێ بەرێ یێ یانێن مانچستەر یونایتد و ریال مەدرید ئەوێ نوکە بو یوڤانتوس یاریێ دکەت ماوەکە دەست ژ ترومبێلا خوە بەردایە و کەسەکێ دی ب کار دئینا و ڤی کەسی ئەڤ ترومبێلە یا ژ جورێ ئودی مودێل ٢٠٠٠ ل ئێک ژ مالپەرێَن تایبەت یێن فروتنا ترومبێلان دانایە بەرفروتنێ و تێبینیەک ل سەر ھاتیە نڤێسین کو ئەڤ ترومبێلە یا کریستیانو رونالدوی بوو.

سەرەرای وێ چەندێ کو ١٨ سال ل سەر ژیێ ڤێ ترومبێلێ یێن دەربازبوین و بھایێ وێ دبازاری دا شەش ھەتا ١٠ ھزار یورویانە، لێ ل ڤی مالپەرێ ٢٠ ھزار یورو بھایێ فروتنا وێ ھاتینە دەستنیشانکرن.

یاریزانێ پرتوگالی ئەڤ ترومبێلە ل ٢٠٠٣ کری بوو پشتی ھەڤبەستا یانا مانچستەر یونایتد ئیمزاکری کو بەری دەمی ھاتبوو بکارئینان و ل وی دەمی ڤی یاریزانی نەدخواست ترومبێلەکا گران بھا بکریت داکو پێ نەھێتە گوتن سنێلەیە و زێدەتر حەز دکر گرنگیێ بدەتە پێشخستنا ئاستێ خوە.

ئەڤرۆ نیوز:
پشتی ئیدارا یانا پاریس سانجێرمان نەشیای ھەڤبەستا یاریزانێ خوە یێ فرەنسی رابیو درێژ بکەن و یاریزانێ ناڤبری بریار دای ل دووماھیا ڤی وەرزی کاروانێ خوە یێ وەرزشی ل گەل یانا پاریس ب دووماھیی بینت و بەر ب یانەکا دی ڤە چیت کو بریارە ل دووماھیا ڤی وەرزی ھەڤبەستا وی ل گەل وێ یانێ ب دووماھیی بھێت.
یاریزانێ ناڤبری نوکە بوویە ئارمانجا چەندین یانێن مەزن ل ئورۆپا ئەوژی یانێن مان ستی و مان یوناید و توتنھام یێن ئینگلزی ھەردیسان ریال مەدرید و بەرشەلۆنا یێن ئیسپانی ل گەل یانا یوڤانتوس و ل ماوێ چەند رۆژێن بوری ب فەرمی یانا توتنھام ھەڤبەست پێشکێشی یاریزانێ ناڤبری کر ھەردیسان بزاڤکرن ل ڤە گوھاستنێن زڤستانێ ھەڤبەستێ ل گەل ئیمزا بکەن لێ یاریزانێ ناڤبری ھەڤبەستا یانا توتنھام رەتکر و ئەو دخوازیت یاری ل یانەکا دی بکەت کو ھەڤرکیێ ل سەر ناسناڤێن چامپیونیز لیگ بکەت.

ئەڤرۆ نیوز:
پشتی دورخستنا راھێنەرێ پورتوگالی و یانا مانچێستەر یوناید جوزێ مورینھوی ب چەند خولەکا یاریزانێ فرەنسی و یانا مان یوناید پول پوگبا وێنەکێ خوە یێ تایبەت ل ئەکەونتێ خوە یێ تایبەت تویتەر دانابوو کو ژبەر دانانا وی وێنەی چەندین ئاخفتن دژی وی یاریزانی ھاتینە گوتن ژبەرکو کو ب بەلاڤەکرنا وی وێنەی وەکو سڤکاتی ب راھێنەرێ خوە یێ بەری نوکە مورینھوی کر ژبەرکو پەیوەندی دناڤبەرا ھەردوکان دا ھەتا رادەیەکێ مەزن بەر ب لاوازبوونێ ڤە چوبون.
ستێرا بەرێ یا یانا مانچێستەر یوناید کومێنتەک ل سەر تویتەرێ خوە یێ تایبەت ل سەر وی وێنەی پوکپای دا کو تێدا دیارکر تو ژی ژ ھەژی چونێ وەکو وی .