NO IORG
نووترين نووچه
Facebook

17

 
ئه‌ڤرۆ نیوز:

 

وه‌زیرێ وه‌رزش و لاوێن عیراقێ عه‌دنان ده‌رجال بۆ ده‌زگه‌هێن راگه‌هاندنێ دیار كر: بریاره‌ ل حه‌فتیا بهێت راهێنانێن كوم یێن یانێن عیراقێ ده‌ستپێبكه‌ن وه‌كو خوە به‌رهه‌ڤكرن بۆ وه‌رزێ نوو یێ خۆلا عیراقێ.
ناڤبرى دیار كر ژى: لێ راهێنان ب مه‌رجه‌كى دێ هێنه‌ ده‌ستپێكرن ئه‌وژى ل دیڤ ئه‌و مه‌رجێن ئێكه‌تیا ته‌پا پێ یا نیڤده‌ولى ده‌ست نیشانكرین كو ب باشترین شێوه‌ یێن خوه‌ پارێزن و به‌رى ده‌ستپێكرنا راهێنانان بشكنین نوژدارى بوو هه‌موو یاریزانان بهێنه‌ كرن.
هه‌ژى گوتنێ یه‌ ئێكه‌تیا عیراقێ یا ته‌پا پێ یا به‌روه‌خت به‌رى نوكه‌ دیاركر بوو هه‌ڤركیێن وه‌رزێ نوو یێ خۆلا عیراقێ بریاره‌ ل 20 مه‌ها بهێت ده‌ستپێبكه‌ن.

31

 

ئه‌ڤرۆ نیوز:
هه‌لبژارتیێ عیراقێ یێ ته‌پا پشتى بورینا زێده‌تر ژ 5 هه‌یڤان دێ جاره‌كا دى ڤه‌گه‌ریته‌ راهێنانێن خوه‌ پشتى ل ماوێ بورى ژبه‌ر ڤایروسێ كورونایێ نه‌شیاى چ خرڤه‌بوونا بكه‌ت ، بریاره‌ ل چه‌ند رۆژێن بهێت كه‌مپه‌كا راهێنانى ل هه‌رێما كوردستانێ ئه‌نجام بده‌ت بوو ماوێ 10 هه‌تا 12 رۆژان وه‌كو خوه‌ به‌رهه‌ڤكرن بۆ ڤاڤارتنێن موندیالا جیهانى یا 2022 ل قه‌ته‌ر و ڤاڤارتنێن قاره‌مانیا ئاسیا 2023 ل چینێ.
به‌رپرسێ راگه‌هاندنێ ل ئێكه‌تیا ته‌پا پێ یا عیراقى هیشام محه‌مه‌د دیاركر بریاره‌ كه‌مپا راهێنانى یا هه‌لبژارتیێ عیراقێ ل 20 ڤێ مه‌هێ ل باژێرێ هه‌ولێرێ ده‌ستپێبكه‌ت پشتى حكومه‌تا هه‌رێما كوردستانێ رازه‌مه‌ندیا خوه‌ دیاركرى بوو ڤێ كه‌مپا راهێنانى و هه‌موو به‌رپرسیا چاره‌سه‌رى و چاڤدێریا نوژدارى ب ستویێ خوڤه‌ گرتى .
ل دووماهیێ ناڤبرى دیاركر ژى د ڤێ كه‌مپا راهێنانى دا بتنێ دێ یاریزانێن نافخوى پشكداربن و یێن پیشه‌كار نه‌شێن ژبه‌ركو نوكه‌ ل گه‌ل یانێن خوه‌ نه‌ .

99

 

ئەڤرۆ نیوز:
ئەڤرۆ پارێزگارێ دهۆکێ عەلی تەتەر، ل گەل خودانێن موەلیدان ل دۆر بهایێ ئەمپێرێن کارەبێ کۆمبوویە و بریار هاتە دان كو بهایێ هەر ئەمپێرەکێ کارەبا مووەلیدان بۆ هەیڤا حەفت 8 هزاز دینار بن.
هەر چەنده بهایێ هەر ئەمپێرەکێ کارەبا مووەلیدان 9 هزار و 250 دینار هاتبوونە دەستنیشانکرن، به‌لێ ژ ئەنجامێ ڤی بهای خەلکێ خوە نەرازی کر، پشتی کۆمبوونا پارێزگارێ دهۆکێ ل گەل خودانێن مووەلیدان بڕیار هاتەدان، كو حوکمەتا هەرێما کوردستانێ کۆژمێ (1000) دیناران بۆ هەر ئەمپێرەکی ژ پێش خەلکێ ڤە بدەت، هەروەسا لژنا موەلیدان ژی بریا ردا (250) دیناران بۆ هەر ئەمپێرەکێ کارەبێ کێم بکەن، لەوما بهایێ هەر ئەمپێرەکی بوونە 8 هزار دینار.

76

 

ئەڤرۆ نیوز:
ئێک ژ ئاریشێن گەدێ بەرسوژە، کو دبیتە ئەگەرێ زێدەبوونا ترشیاتیێ دناڤ مەعیدەى دا، مەعیدە د ئێشیت و دوەرمیت، ئاریشێن دەروونى و خوارنا زێدە دبنە ئەگەرێ توشبوون ب بەرسوژیێ.
مالپەرێ جزیرە نڤیسیە ، تێرێزا چاخیل ساید شارەزا د بیاڤێ خوارنێ دا دەربارەی بەرسوژێ گوتیە، ب سەدەمێ باش نەحەلاندنا خوارنێ روو ددەت و کەسێ نەخوش هەست ب سوتنا سورێنچک و گەریێ دکەت و تاما دەڤێ وى نەخوش دبیت.
ئەگەرێن دروستبوونا بەرسۆژێ:
ـ خوارنێن زەنگین ب دوهنی
ـ خوارن ل درەنگیا رۆژێ یان پاشئێخستنا دانێن خوارنێ
ـ خوارنا ترشیاتان وەکى ئاڤا لیمۆکێ
ـ ئاریشێن دەروونى دبیتە سەدەمێ زێدەبوونا ترشیاتێن مەعیدەی
ـ هەبوونا گرێ د سورێنچکێ دا یان تەنگبوون.
ـ وەرمینا مەعیدێ
ـ برینا مەعیدێ
هەروەسا گۆتیە ژى، کێمتر دەرمانێن نەخوشیا بەرسوژێ بکار بینن، چونکى دبیتە سەدەمێ وەرمینا پەردەیا دلی و برینا مەعیدەى د دژوارترین رەوش ژى دا دبیتە سەدەمێ توشبوونێ ب پەنجەشێرا مەعیدێ.
بۆ دووربوون ژ بەرسوژێ و نوشدارا ئەلمانى کۆمەکا چارەسەریان دیار کرینە.
. بزاڤێ بکە دانێن خوارنێ کێم بن، یان ببنە پێنج دانێن خوارنێ
. کێمکرنا وان خوارنێن زەنگینن ب دوهنی
. خوارن نەهێتە پاشئێخست
. گرنگیدان ب بارێ دەروونى و بهێندان و باش نڤستن
. ئەنجامدانا وەرزشا یۆگا

77

 
ئەڤرۆ نیوز، زنار تۆڤی:
بۆ نەهێلان یان کێمکرنا ئاریشا ژبیرکرنێ ئەڤان رێیان بکار بینە، دێ مفایەکێ باش ژێ بینی، د ڤی واری دا
شەوکەت حەجی سەعید چارەسەرێ فیزیکی بۆ ئەڤرۆ نیوز دیار کر: پێدڤی یە رێکخستنا نڤستنا خوە بکەن، دیسان قەبارێ نڤستنا سرۆشتی بۆ ھەر مرۆڤەکی بالغ و چالاک ٦ – ٨ دەمژمێرن د دەمێ ٢٤ دەمژمێران دا، پێدڤیە نڤستن ب شەڤێ بیت نە ب رۆژ بیت، هەروەسا پێدڤیە ب رۆژێ چالاکیێن لڤاندنێ بکەی، ئانکو ھاتنوچوونێ یان غاردانێ ب پیان ھەتا باش ب وەستی و خوھ تە بدەت، یان ھەناسە ب لەز بکەڤیت و رۆژانە ڤێ چەندێ ئەنجام بدە.
ناڤهاتی گۆت ژی: مۆبایلێ کێمتر ب کار بینە، بتایبەت بەرێخودانا وێنە و کلیپێن تۆرێن جڤاکی و سناپان، باشترە هندەک دەمی دەست نیشان بکەی، لێ نە یێ دوم درێژ بیت، هەروەسا رۆژانە ب دەست خستنا سەقایێن ئارام و ئاخفتنێت خۆش و ب کەنی، بۆ پەیداکرنا ھەستێ شادی و بەختەوەریێ ھزر و تەخمینا خوشیێ بکەی دناخێ خوە دا، ھەر تشتەکێ تۆ نەشێی گوھۆرینێ بێخیێ، ھزرێ پێ نەکە و دووبارە نەکە و پیتە پێ نەکە، بۆ دەمێن درێژ و بۆ خوە نەکە ئالۆزی، ب ڤی رەنگی دێ ئارامی ل دەف تە پەیدا بیت.

59

 
ئەڤرۆ نیوز:
وەزارەتا ساخلەمیا هەرێما کوردستانێ ئامارێن 24 دەمژمێرێن بوری یێن ڤایرۆسێ کۆرۆنایێ بەلاڤکرینە و راگەهاند: 507 تووشبوویێن نوو ب ڤایرۆسێ کۆرۆنایێ هاتینە دەستنیشانکرن و 14 تووشبوویان وەغەرکریە و 132 تووشبوویی ژی باشبووینە، ل پارێزگەها دهۆکێ 92 کەسێن دی تووشی کۆرۆنایێ بووینە.

23

 

ئەڤرۆ نیوز:

وەزارەتا ساخلەمی و ژینگەها عیراقێ راگەهاند: د 24 دەمژمێرێن بوری دا سێ هزار و 47 حالەتێن نوو یێن تووشبوونێ ل عیراقێ ل هاتینە تۆمار كرن، نوکە هژمارا گشتی یا کۆرۆنایێ ل سەرانسەری عیراقێ گەهشتە 140هزار و 603 كەسان.

هەروەسا گۆتیە: د 24 دەمژمێرێن بوری دا 67 كەسان ب ئەگەرێ ڤایرۆسێ كۆرۆنایێ وەغەرکریە و هژمارا مریان ل عیراقێ ب ڤایرۆسێ‌ كۆرۆنایێ گەهشتە پێنج هزار و 161 كەسان.
دیسان دو هزار و 339 كەسێن دیتر چارەسەر بووینە و نەخۆشخانە بجهـ هێلاینە و سەرجەمێ گشتی یێ باشبوویان ژی گەهشتە 101هزار و 25 كەسان.

140

ئەڤرۆ نیوز، عەلی حاجی :

ب ئامادەبونا پارێزگەرێ دهوکێ دکتور عەلی تەتەر، رێڤەبەرێ ساخلەمیا زاخۆ هاتە گهورین و ل جهێ دکتور قەرەنی سەعید دکتور شاکر عەبدولرەحمان وەکو رێڤەبەرێ نوو هاتە دەستنیشان کرن.

زێدەتر ئەمیر عەلی بەرپرسێ راگەهاندنا ساخلەمیا زاخۆ بۆ ئەڤرۆ نیوز گۆت: (د بەردەوامیا گهورینا پوستێن حکومی دا ب ئامادەبوونا دکتور عەلی تەتەر پارێزگارێ دهوکێ گهورین د پوستێ رێڤەبەریا ساخلەمیا زاخۆ دا هاتە کرن و ل جهێ دکتور قەرەنی سەعید دکتور شاکر عەبدولرەحمان وەکو رێڤەبەرێ نوو هاتە دانان و ئەڤ پوستە دێ ب وەکالەت هێتە ب رێڤەبرن هەتا کو ل بریارا گهورینێ ل وەزارەتێ بهێتە پەسەندن کرن و ئەڤە د دەمەکێ دایە دکتور قەرەنی سەعید بۆ دەما هەشت سالان وەکو رێڤەبەرێ ساخلەمیا زاخۆ دەست ب کار ببوو بەلێ گهورین د پوستێ وی دا هاتە کرن).

45

ئەڤرۆ نیوز:

خودێ ژێ رازی (سەلیم فەرحان) کو وێنەگرێ تیشکێ بوو سەر ب رێڤەبەریا گشتی یا ساخلەمیا پارێزگەها دهۆکێ، دبیتە ئێکەم کارمەندێ ساخلەمیێ کو ژ ئەگەرێ کۆرۆنایێ گیانێ خوە ژ دەست ددەت.

209

ئەڤرۆ نیوز:

ژپێخەمەت پاراستنا گیانێ ماموستا وقوتابیێن خوشتڤی نەخاسمە پشتی بەلاڤبونا بلەز یا ڤایروسێ کورونا ل پارێزگەها دهوکێ ل ماوێ بوری و پشتی راوێژکاری دگەل رێڤەبەریا گشتی یا ساخلەمیا پارێزگەها دهوکێ و کارگێریا پارێزگەها دهوکێ هاتیە کرن و لدویف ئەو دەستەلاتێن وەزاەرتا پەروەردێ دانیە رێڤەبەریێن گشتی یێن پەروەردان ، لەورا رێڤەبەریا گشتی یا پەروەردا پارێزگەها دهوکێ ئاگەهداریا هەمی قوتابیێن خوشتڤی دکەت کو ئەزموونیێن دوماهیا وەرزێ ئێکێ خولا دووێ پولێن ( ٤ ـ ۱۱) کو بریار بو ل روژا ئێک شەمبی رێکەفتی 09/8/2020 بهێنە ئەنجام دان هاتنە پاش ئێخستن بو ماوێ حەفتیەکێ وبریار هاتە دان کو ل روژا ئێک شەمبی 16/08/2020 ئەزموونێن دوماهیا وەرزێ ئێکێ خولادووێ بو پولێن ( ٤ ـ ۱۱ ) بهێنە ئەنجام دان ، هەروەسا رێڤەبەریا گشتی یا پەروەردێ داخازێ ژهەمی ماموستا و قوتابیێن خوشتڤی دکەت کو هەمی پێرابونێن خوپاراستنێ وماسک و دەست كێشان لدمێ ئەنجام دانا ئەزموونان بگرنە بەر وداخازا سەرکەفتنێ و ساخ وسەلامەتیێ بو هەوە هەمیان دخازین

رێڤەبەریا گشتی یا پەروەردا پارێزگەها دهوکێ

نيشاندان1...1,0001371381391,1302,1303,130...4,617زێده‌تر لاپه‌ر 138 ژ 4,617
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
69 queries in 0.493 seconds.
WP Facebook Auto Publish Powered By : XYZScripts.com